旺旺烤活魚 (已結業)

   前天到花園酒家早茶，見隔離有間主打四川烤魚的"旺旺烤活魚"很吸引！今天約朋友一起試試……內部光亮，卡位設計，座位舒適。裝潢新派有別於一般烤魚店，這家用了工業風格，以結他，膠唱片等作裝飾充滿動感！還有多部電視提供直擴世界世杯賽事，一班朋友邊吃邊看波真的一樂也！當眼處見到這個二人套餐很吸引！除了烤魚還有鷄煲，海鮮，串燒……等等。選了烤魚優惠套餐 $368有幾款湯底選的~我們選了酸菜湯底，烤魚盆好大盆好多配料，豆卜，青瓜，蓮藕片，豆芽菜，中芹……等。套餐還有一份肥牛/豚肉二選一，紅薯粉/烏冬二選一和一份田園拼盒等。內容非常豐富！鉗魚很大條厚肉，煎得外皮金橙橙顏色的， 見到即時充滿 食慾！田園蔬菜拼盆紅薯粉肥牛色澤紅潤，有油花肥美甘香！各款配料吸收了湯底的精華非常滋味！鉗魚肥美尤其腩位，啖啖肉鮮味十足！吃到一半巳感到非常飽足。邊吃邊睇波食客情緒高漲 每入一球都高聲喝采！全埸氣氛熱烈！平日少看波的我也被這氣氛感染！吃得挺開心的！惹味又抵食！下次再來試鷄煲，串燒！

今晚好想食烤魚，之前響呢座大廈飲茶見到隔離新開左間烤魚店，所以就上去試下！未入門囗已經聞到陣陣嘅花椒香味，入到去不得了，原來有得睇世界盃，咁就可以同朋友一邊睇一邊食，超級有氣氛～💥鮮青花椒麻辣魽魚套餐💥魽魚超級大條，份量夠三個人食。肉質嫰滑唔多骨，加入薯粉索哂佢地所講嘅秘方花椒麻辣汁，食落帶少少麻痺既感覺，非常惹味😋💥鬼馬雙拼💥蝦膠同墨魚膠釀入香脆油炸鬼，蝦膠同墨魚膠彈牙鮮味，成碟新鮮熱辣咁樣上檯，所以油炸鬼脆卜卜，唔會索哂啲油，送酒一流～💥紅糖糍粑💥我最中意食煙煙韌韌既野，呢到既糍燒烤到外脆內軟，味道帶陣陣米香，配上紅糖真係無得彈！😋總括黎講有波睇有魚食，啱哂一班波友去～

放工啦，去食烤魚啦行過見到呢個宣傳口號，吸引左我同朋友入去，一於Happy Friday night呢度原本係酒樓，一板之隔，分左任食邊爐區和呢邊既烤魚區。地方不是太大，但有卡位坐。而且通氣好，不會煙霧彌漫。雖然唔係任食。可散叫或二人餐，一樣食到飽。二人餐都好抵食，優惠價$368。包烤魚鍋或雞煲，肥牛或黑豚肉一份，田園併盤和薯粉或烏冬一份。㨂左食招牌酸菜烤鉗魚。朋友唔食得辣，所以只要左BB辣。條魚好大，有斤幾重，長過隻筷子。二個人食一定足夠。原條鉗魚上，開邊，放便享用。只有大骨無細骨，可以大口吃。肉質較結實不鬆散。食得暢快。鍋入面仲有很多配菜，豆卜、大豆芽和娃娃菜。吸滿晒酸菜湯，BB辣都一樣咁好食。兩個人食完條魚都有七成飽了。食到咁上下，職員會主動加湯和幫你換碟。自動波，要讚。睇到份肥牛就想吃。色澤鮮紅，油脂分佈均衡，是新鮮靚貨。油脂在舌尖慢慢滑入喉嚨，滿口都充滿肥牛既鮮味。很滿足。田園併盤，有生菜，粟米，蓮藕片，蘿蔔和薯仔。粟米很甜，菜也很鮮嫩。另外再單點左藤椒脆魚皮和必食燒烤徂合。意外驚喜，串燒竟然跟埋個火爐上。可以保持肉既温度，吃起來更美味。份量也很多，有雞軟⻣，牛肉，雞心，海蝦

上次去開花園酒家發現格離有間旺旺烤活魚，烤魚我好喜歡食㗎，熱騰騰煲住嚟食，正👍而且重做緊超優惠價添，環境乾淨，座位非常闊落舒適，侍應生非常有禮貌。特惠烤魚/雞煲套餐原價$498有優惠價😁😁烤魚/雞煲(二選一)優惠價套餐$368~湯底都好多款，我哋選烤鉗魚鍋(配招牌酸菜湯)套餐跟二人肥牛或極品黑豚肉/稻庭烏冬/田園拼盤非常豐富啊！鉗魚先煎香原條開邊，好大條呢～入口啖啖肉而且非常小魚骨，魚煎香肉實鮮魚味，配招牌酸菜做湯底一流，配料好豐富有豆卜/酸菜/大豆芽菜/娃娃菜/重有鋪曬面嘅芫茜，酸菜芫茜勁多好吸引。 👏👏👍👍用gas爐是長方形架，四隻角都可以有火滾住熱騰騰。肥牛好嫩滑牛味濃唔使錄得太耐好juicy有驚喜。田園蔬菜好豐富，蘿蔔蓮藕片粟米薯仔好香甜。錫紙烤花甲$48~花甲肥美有驚喜，少許辣而且食到一半嘅時候，原來有紅薯粉㗎，配埋醬料食超正。我哋錄完啲烏冬都放埋落花甲錫紙兜撈埋啲醬汁食。😁😁紅茶花伝蜜桃茶$13~清清少許甜，幾好。特價細樽裝藍妹啤酒$9.8~因為優惠價，老公飲左3枝😄呢餐非常之滿足又有驚喜😍😍下次要試下雞煲先😙😙

行經彌敦道花園酒家門外，見燈光耀眼的霓虹招牌，原來裝修後轉為油麻地美食城，老友話想吃烤魚，我們上二樓餐廳門口招牌也是霓虹燈，非常奪目。我們點左二人套餐$368，招牌酸菜烤魚（BB辣）有肥牛/極品黑豚肉、紅薯粉/稻庭烏冬和田園拼盤。烤魚是用鉗魚，烤魚皮沾七味粉很美味，肉質鮮嫩，配料十分豐富有酸菜、芫荽、豆芽、白蘿蔔、金菇、娃娃菜、豆腐卜等⋯肥牛：牛肉味香又濃，油花均勻，真美味👍👍田園拼盤：有白蘿蔔、粟米、生菜、薯仔，都很新鮮。紅薯粉：索左湯汁，非常美味可口蒜蓉烤大元貝$88（三隻）：很新鮮又鮮甜真不錯👍👍

今日嚟到油麻地搵食，老公話同事介紹，新開食店，《旺旺烤活魚》，天氣涼涼地好啱食。歡聚二人烤魚套餐好抵食，主菜有一個烤魚或雞煲，仲有一些配菜及肥牛，招牌烤鉗魚鍋~湯底可以揀花椒麻辣，招牌酸菜，酸辣泡椒，秘製香辣，今日我哋揀咗港式蕃茄湯底(可以走辣)，小朋友都啱食，蕃茄有抗氧化美顏功效及茄紅素，非常有益，配料豐富：蕃茄、芫茜、金菇、蕃茄、大蔥、炸蒜、豆卜及芽菜等等，魚肉嫩滑，啖啖肉，套餐仲包括二人肥牛~厚切夠肥美，脂肪含量啱啱好，牛肉味夠濃，稻庭烏冬及田園拼盤~冰烏冬滑捋捋又煙韌，田園蔬菜有白蘿蔔、薯仔、旺菜、鮮冬菇、生菜、粟米及蓮藕，樣樣新鮮樣樣好食，再加個魚皮餃，大大隻，非常可口。樽裝紅茶花伝檸檬茶及蜜桃茶。

假日同朋友係郊區影完相, 搭返巴士出旺角覓食。帶著疲態一落車見到新光商業大廈樓下張貼了一張poster, 樓上有間新開烤魚店, 正好可以同朋友邊食邊傾。門外以霓虹燈招牌好搶眼, 餐廳內環境開揚, 不覺焗促。Menu上包括了多款口味同種類嘅烤魚、雞煲、火鍋配料同埋串燒, 無額外醬料費。而最抵食當然係呢個【烤魚優惠套餐】HK$368包括有招牌烤鉗魚 (自選口味)、二人肥牛/豚肉、田園拼盤、紅薯粉/烏冬。揀咗招牌酸菜口味嘅鉗魚, 鉗魚表面被煎香過, 原條開邊, 再配上了大量配料, 有莞茜、酸菜、白蘿蔔片、豆卜。以gas爐熱辣辣滾住食。湯底酸辣平均, 非常開胃;  鉗魚魚質偏實肉兼有鮮魚味。連埋索咗湯汁嘅配料一齊食, 惹味開胃, 食到流哂鼻水….肥牛: 切得有少少厚度, 肉質嫩, 牛味重; 以呢個套餐價有呢個份量同質素確實有驚喜。田園拼盤包括嘅種類多, 均為易吸湯汁之選,  有蘿蔔、蓮藕、薯仔、油麥菜、娃娃菜同埋粟米。紅薯粉: 偏為幼身, 煙韌又唔會太有嚼勁, 掛上湯汁, 正!另外單點了【烤厚切牛舌2串】HK$36牛舌偏林有肉汁, 表面加上了七味粉提升味道。【紅糖滋粑】HK$48滋粑暖暖的,

平時行過都覺見這裡已經改變成美食城，今晚同幾個朋友都想試吓這裡嘅烤活魚，所以就上了2樓，一出升降機大大個搶眼招牌，一定唔會行錯！地方都十分闊落座位舒適，望望有個烤魚雞煲優惠套餐，當然計落去比較抵食原來除了烤魚外還有雞煲，大家都好食得，有秘製惹味雞煲外還有烤魚，還可以這加配料放在招牌烤鉗魚抵食！先來就係個十分惹味雞煲，件件雞肉都十分入味，肉質嫩滑軟熟帶點點辣味，配返支啤酒真係一流組合！我們還加了最愛嘅烤台灣香腸，兩款口味，燒得皮脆惹味；脆炸小酥肉，入口啖啖肉炸得十分香脆，佐酒一流！之後再上埋分招牌烤鉗魚，一大條魚開半放在盤內，本身鉗魚肉多刺少，肉質鮮嫩可口，加上上面放滿了酸菜，入口十分入味！本身配都十分多，加上已包了個田園拼盤有爽口蓮藕片、土豆片、鮮甜粟米、爽口生菜，邊食邊浸到湯底中，入口十分入味！除此之外還加了嫩鴨血，吸收了個醒胃湯底十分有口感，還有最愛嘅足料鮮蝦雲吞，入口鮮蝦彈牙爽口，正！跟餐红薯粉十分煙靭彈牙，但唔夠分😜最後稻庭烏冬，吸收了湯底精華後真係十分好味！大家都滿意今次嘅選擇！

經過油麻地廟街，見到以前嘅花園酒家，而家變咗做油麻地美食城，爸爸話佢平時都有嚟飲茶，見到有間新潮烤魚店話想我哋帶佢去試吓，然後訂咗位 旺旺烤活魚，同佢食條靚烤魚咁囉！未入門口已經見到唔少經理同埋姐姐好有禮貌咁歡迎食客，服務態度一流。招牌主打四川烤魚、惹味串燒、海鮮、啤酒一流。店內以霓虹燈裝飾，裝修幾型格，輕鬆用餐環境，卡位闊落，適合三五知己聚餐啊！歡聚二人烤魚 / 雞煲套餐 $368新張優惠價錢，CP值好高！首先食咗個招牌烤鉗魚鍋，仲有幾款湯底可以揀，我哋間揀咗招牌酸菜，媽媽對啲酸菜讚不絕口。招牌烤鉗魚大大條好新鮮，份量十足，食落厚身，肉質嫩滑，一條大骨，就算怕魚骨嘅我都覺得容易食，一夾就啖啖肉，配埋個酸菜真係好正！烤鉗魚鍋裏邊仲有唔少配料，豆卜、芽菜、青瓜，索晒魚汁精華，酸辣開胃勁正呀！二人肥牛二人世界享用的安格斯肥牛，雪花分明，肉質好嫩滑， 肥瘦適中，入口即溶，肉味非常濃郁，好味！紅薯粉食烤魚配搭紅薯粉特別有特色，煙韌彈牙。田園拼盤多款蔬菜🥬薯仔🥔蘿蔔，浸落招牌酸菜魚湯更加美味。細樽裝 藍妹啤酒 特價 ＄9.8放工食烤魚又好想飲啤酒，藍妹樽裝啤酒特價超抵飲，冰凍夠爽！烤羊肋肉 ＄2

油麻地新光商業大廈開新的美食，旺旺烤活魚在餐廳的2樓，裝修用上奪目的霓虹燈裝飾，設有4人雅座更是適合情侶或朋友相聚。餐牌選擇很多，由烤魚、雞煲、火鍋配料及串燒亦再。烤魚優惠套餐 ＄368招牌烤鉗魚魚肉十分嫩滑沒有骨，秘制香辣湯底辣味慢慢滲透出香味，嗆辣感溫和，湯頭易入口。二人肥牛色澤粉嫩，紋理分明，肥瘦適中，意想不到頗有質素。田園拼盤種類十分豐富，有蘿蔔、蓮藕、薯仔、油麥菜、娃娃菜。紅薯粉煙韌有嚼勁，吸滿湯汁。可口可樂紅茶花伝蜜桃茶是樽裝的可樂更有風味。夏枯草必須要點涼茶解辣。烤安格斯牛肉串調味出色，微辣香濃，微微焦香，肉嫩多汁，愈吃愈過癮。烤厚切牛舌牛舌彈牙，微微的焦香味。鬼馬雙拼必食的一個小食，蝦滑和墨魚滑釀入油條，炸至金黃酥脆，蝦滑彈牙有嚼勁，配上酸辣醬更開胃。員工服務貼心，不時會加湯，換碟亦很快手。

之前見花園大裝修，諗住食個任食火鍋同朋友慶祝生日，點知上到黎見到烤魚又轉呔坐低左，哈哈叫左個酸菜烤鉗魚，超大條二人肥牛，好有牛味桂花蚌，好新鮮，不過個人意見要淥耐少少佢個烤豬頸肉，超正，有驚喜唔硬燒得剛剛好，仲要有少少脆慶祝生日我地就高興得濟，眼濶肚窄地叫左勁多串燒，但都開心，因為有埋個爐影相超靚，咩都假，最緊要有儀式感宜家舖頭仲做緊新開張優惠，惠顧滿100就送100現金券，圍返都抵食BTW 尋晚一路食一路睇曼城vs曼聯，真係吊出聲⚽️

今日係佐敦放工約咗個朋出嚟吹下水。見到兒時回憶既花園酒家大裝修。開左檔烤魚，好耐無返大陸食探魚，於是上去參觀下。嘩成個裝修都唔錯喎。夠晒chill。由於個朋友都食咗野，我哋最後無叫烤魚，純粹點左啲燒烤食。先點左四樣嘢，友人係金舌頭，對啲野食有讚有彈。魚皮夠爽脆，藤椒同青花椒帶來既辣味幾特別。串燒組合，幾岩我哋兩個，佢仲特別有儀式感，個盤放個蠟燭暖住啲嘢食。串燒真係幾易凍。有誠意。烤蠔，烤帶子，無得彈，用左小文哥既秘制蒜茸醬咁，食完之後胃口大開。跟住又點個錫紙系列花甲，但呢個花甲就唔得啦，純粹係炒花甲放入錫紙兜。再點左燒全條魷魚。以前去和民食必點既。我都估唔到佢既口感做到同和民一樣，好味