影片
呢度舖面唔大，卖的是各式粉面饭加台式饮品，种类都不算少，帮衬的主要原因是价钱唔贵，一试无妨，亦见佢大大只字写住汤底不含味精，好似几有诚意咁，所以就试试。叫左卤水牛腱担担面同珍珠奶茶，担担面几大碗，不是传统的细细碗，有虾米碎及葱的味道，几香几特别，都几好食，完全唔辣，要辣就唯有自己加辣酱；有五块牛腱，厚厚的都几大块，几有咬口亦入味，有水准；面是很幼而扁身的蛋面，颇难分开，好在不是渌得过腍，味道都OK；杯珍珠奶茶是一般水准，几大杯。埋单20蚊，好平，都可说是几抵食。但食完再开工时发觉有少少口渴，唔知系唔系虾米的关系，应该唔系味精卦？
继续阅读