早稻石磨腸粉

今日真汉子为大家介绍位于土瓜湾炮仗街嘅「早稻石磨肠粉」，特别鸣谢我的 vegan 朋友介绍我嚟食，真系冇介绍错。😊星期日早上，好多人都仲训紧觉，佢哋已经接单接到手软，虽然人人都话香港饮食业巿道差，但似乎「是金子总会发光」系冇错。🌟无论堂食定外卖都系先响门口落单，我就先比钱，但都见有啲顾客系食咗先埋单。素食肠粉款式有非常之多，真汉子就为大家试咗三款。3️⃣大家呢排成日诟病香港餐厅用预制菜嘛，呢度就即叫即做，不过咁啱我就遇著繁忙时间，所以等咗 30 分钟，我谂平时冇咁忙，应该 20 - 25 分钟都 ok。⏳💪🏻 健康上素肠 $25即系最基本嘅素肠粉啦，馅料有杏鲍菇，红萝卜，粟米粒，脆肉瓜。其实呢个系个 base 嚟嘅，即系好似三原色咁，三款素肠都系咁演变出嚟。🎨肠粉真系好正，皮薄又滑，口感少少烟韧，但又唔会食擦胶或橡筋咁。豉油作为肠粉好重要嘅配件，当然都好好味啦。更惊喜系佢哋嘅蒜香辣酱，其实系辣椒油，小辣而多香，各位素友就算唔食辣都要加少少试吓（不吃五辛者除外）。🌶️🍄 姬松茸上素肠 $28即系加咗姬松茸嘅素肠粉，的确系浓味咗，加多 $3 都抵嘅。☺️🌼 虫草花上素肠 $28由于虫草花味道冇咩特别，但几爽口，所以呢个肠粉口感较丰富，但除外都系同健康上素肠分别不大。😅帮衬肠粉可加 $8 要一樽石磨豆浆，豆味不觉得特别浓，似一般街买到豆浆嘅味道，但 $8 咁大樽都系必叫嘅。😉堂食有座位可供约十人坐，但多数人都系外卖多。现场见到有个小朋友，以为佢系食客个仔，原来响度帮手嘅，佢又醒目，有礼貌，又唔会好老积，真系好生性，唔好话佢父母，连作为食客嘅真汉子都倍感安慰。👦🏻💚…查看更多

买少见少嘅人手制石磨肠粉，食咗三款一个系斋肠，好滑，一个系猪肉肠粉啱淡口味人安格斯牛粒肠粉，劲滑惹味的，原来啲菜肉包及腊肠卷同野饮都系自制嘅，所以食得好安心👍🏻👍🏻👍🏻辣椒酱又系自家制，钟意食辣嘅人都可以买返樽，收得好平系良心老细用咗阳江肠粉专用米同埋旧米制作而成，所以特别好味！老细之前都在知名酒楼度做㕑，所以非常有经验第二次帮衬啦特登揸车嚟食，建议下昼时间去就冇咁繁忙个场有少量座位由于即叫即做，所以都要等吓…查看更多

他们的粉浆用石磨推造，匠心诚意难能可贵！我喜欢他们的素材饺子、香葱猪肉肠、豆浆、肠仔包、饮食业通常要很早在筹备前期工作。估计他们每天都极繁忙？可以想像到他们的忙碌会令他们偶尔忘记了情绪的自然流露，因为多客人邦趁，食客有时要耐心等候。特别是现在，有许多餐馆为省成本，喜欢用预制包装的食物，而他们注重用健康的食材，亲自用心制作。正是我们追求的东西⋯⋯感谢他们的努力为大家带来好味😋的食品🙇‍♀️🙇‍♀️👍👍👍…查看更多

落咗单跟住20分钟之后，落去攞肠粉，等咗好耐都冇得攞，问佢点解要咁耐，跟住老板娘就口黑面黑，攞完肠粉仲要讲：有得出单俾你已经好好㗎啦！试问啲嘢𠮶几好食有咩用？难道小店就唔需要有好的服务态度？…查看更多

之前食过连锁店嘅石磨肠粉印象唔系咁好，所以之后都系食布拉肠粉。直到见到呢间最近开嘅石磨肠粉专门店先敢大胆再试下，上次嚟好多人冇食到，今日专登避开人潮再嚟，拣咗最基本嘅斋肠（$18），觉得好好味，完全冇𠮶啲浆糊口感，就咁加豉油，简简单单就已经好好味，原来咁先系石磨肠粉！跟肠粉加咗支薏米水（+＄8）都几好饮～同埋老板好贴心，佢有个电话可以嚟之前落定单（佢话至少预15分钟），因为佢即叫即整都要啲时间，叫定就唔洗等咁耐。仲有原来呢间舖头之前已经系附近，只不过系搬咗新舖位，多咗堂食。后悔冇早啲留意到佢！性价比极高！平靓正推介！会再帮衬！…查看更多