早稻石磨腸粉

今日真漢子為大家介紹位於土瓜灣炮仗街嘅「早稻石磨腸粉」，特別鳴謝我的 vegan 朋友介紹我嚟食，真係冇介紹錯。😊星期日早上，好多人都仲訓緊覺，佢哋已經接單接到手軟，雖然人人都話香港飲食業巿道差，但似乎「是金子總會發光」係冇錯。🌟無論堂食定外賣都係先响門口落單，我就先比錢，但都見有啲顧客係食咗先埋單。素食腸粉款式有非常之多，真漢子就為大家試咗三款。3️⃣大家呢排成日詬病香港餐廳用預製菜嘛，呢度就即叫即做，不過咁啱我就遇著繁忙時間，所以等咗 30 分鐘，我諗平時冇咁忙，應該 20 - 25 分鐘都 ok。⏳💪🏻 健康上素腸 $25即係最基本嘅素腸粉啦，餡料有杏鮑菇，紅蘿蔔，粟米粒，脆肉瓜。其實呢個係個 base 嚟嘅，即係好似三原色咁，三款素腸都係咁演變出嚟。🎨腸粉真係好正，皮薄又滑，口感少少煙韌，但又唔會食擦膠或橡筋咁。豉油作為腸粉好重要嘅配件，當然都好好味啦。更驚喜係佢哋嘅蒜香辣醬，其實係辣椒油，小辣而多香，各位素友就算唔食辣都要加少少試吓（不吃五辛者除外）。🌶️🍄 姬松茸上素腸 $28即係加咗姬松茸嘅素腸粉，的確係濃味咗，加多 $3 都抵嘅。☺️🌼 蟲草花上素腸 $28由於蟲草花味道冇咩特別，但幾爽口，所以呢個腸粉口感較豐富，但除外都係同健康上素腸分別不大。😅幫襯腸粉可加 $8 要一樽石磨豆漿，豆味不覺得特別濃，似一般街買到豆漿嘅味道，但 $8 咁大樽都係必叫嘅。😉堂食有座位可供約十人坐，但多數人都係外賣多。現場見到有個小朋友，以為佢係食客個仔，原來响度幫手嘅，佢又醒目，有禮貌，又唔會好老積，真係好生性，唔好話佢父母，連作為食客嘅真漢子都倍感安慰。👦🏻💚…查看更多

買少見少嘅人手制石磨腸粉，食咗三款一個係齋腸，好滑，一個係豬肉腸粉啱淡口味人安格斯牛粒腸粉，勁滑惹味的，原來啲菜肉包及臘腸卷同野飲都係自製嘅，所以食得好安心👍🏻👍🏻👍🏻辣椒醬又係自家製，鍾意食辣嘅人都可以買返樽，收得好平係良心老細用咗陽江腸粉專用米同埋舊米製作而成，所以特別好味！老細之前都在知名酒樓度做㕑，所以非常有經驗第二次幫襯啦特登揸車嚟食，建議下晝時間去就冇咁繁忙個場有少量座位由於即叫即做，所以都要等吓…查看更多

他們的粉漿用石磨推造，匠心誠意難能可貴！我喜歡他們的素材餃子、香蔥豬肉腸、豆漿、腸仔包、飲食業通常要很早在籌備前期工作。估計他們每天都極繁忙？可以想像到他們的忙碌會令他們偶爾忘記了情緒的自然流露，因為多客人邦趁，食客有時要耐心等候。特別是現在，有許多餐館為省成本，喜歡用預制包裝的食物，而他們注重用健康的食材，親自用心制作。正是我們追求的東西⋯⋯感謝他們的努力為大家帶來好味😋的食品🙇‍♀️🙇‍♀️👍👍👍…查看更多

落咗單跟住20分鐘之後，落去攞腸粉，等咗好耐都冇得攞，問佢點解要咁耐，跟住老闆娘就口黑面黑，攞完腸粉仲要講：有得出單俾你已經好好㗎啦！試問啲嘢嗰幾好食有咩用？難道小店就唔需要有好的服務態度？…查看更多

之前食過連鎖店嘅石磨腸粉印象唔係咁好，所以之後都係食布拉腸粉。直到見到呢間最近開嘅石磨腸粉專門店先敢大膽再試下，上次嚟好多人冇食到，今日專登避開人潮再嚟，揀咗最基本嘅齋腸（$18），覺得好好味，完全冇嗰啲漿糊口感，就咁加豉油，簡簡單單就已經好好味，原來咁先係石磨腸粉！跟腸粉加咗支薏米水（+＄8）都幾好飲～同埋老闆好貼心，佢有個電話可以嚟之前落定單（佢話至少預15分鐘），因為佢即叫即整都要啲時間，叫定就唔洗等咁耐。仲有原來呢間舖頭之前已經係附近，只不過係搬咗新舖位，多咗堂食。後悔冇早啲留意到佢！性價比極高！平靚正推介！會再幫襯！…查看更多

辣辣嘅石磨腸粉，入面可以揀各種配料。 揀咗蔥花、豬肉、再加蛋。 即叫即製，要比少少耐心等下。 腸粉都算滑，重點係佢嘅辣醬，辣味唔算強但係好香。其他配料，例如豬膶，安格斯牛等等都好好，不過一次食唔曬咁多啦。而家多咗雲吞呢個選擇，雲吞都幾多粒，有趣嘅係湯底加左芝麻，味道就不過不失咁啦，可以一試，不過始終石磨腸粉先係主打。隨餐咗加左枝嚟檸檬米水，消暑解渴。小店人手不多，而石磨腸粉即叫即製，真係要有少少耐心等下，不過都值得嘅。 …查看更多

發現搬咗新舖，而家店內有座位，環境也乾淨，老闆做腸粉也不用很辛苦，環境非常舒適地製作好味的腸粉😊👍🏻講返呢間腸粉店，真係✨💗土瓜灣街坊最愛嘅食店之一，腸粉非常好味👍🏻👍🏻🙈腸粉非常煙靭彈牙，粉漿調得非常好，而且價錢也不貴，叉燒腸是我的最愛，因為真是好足料，叉燒又好味，份量十足一整盒也可以當午餐吃，哈哈😍，真是良心食店😍👍🏻看了這頁新的OpenRice沒有電話，🫣唯有行落街買外賣回家吃。之前一直都是看Openrice內的電話號碼打電話先下單，但呢個頁面冇左個電話🥹🤔細問之下，老闆娘說在不知道為什麼OpenRice加不到電話📲我影了這張✨卡片✨放在這裏，大家可以🌟打這個電話落order啦！👏🏻👏🏻在手機打電話到店舖先下單，之後直接到店舖拎外賣就可以啦，節省時間🤭🤗👏🏻👏🏻支持良心，街坊食店！✨👍🏻👍🏻…查看更多

味道好好，搬左新鋪，衛生情況好左，同之前一樣，可以全程見到老闆整腸粉。之前見佢地舊鋪停業仲好遺憾，好彩只係係搬左去隔離。腸粉嫩滑，落料好足，價錢實惠。每次都會加多支薏米水，幾好飲…查看更多