舊時光石磨腸粉 (已結業)

提早撳外賣自取都要等成20分鐘！真係考驗耐性同腳力。 整得慢係一個原因，另外一個原因係因為佢會優先比堂食…入我房到去話未攞得，但係堂食嗰啲遲過我成10分鐘入去都有得食😫兩個先唔講味道，願意企喺度等20分鐘嘅話先好買～

啱啱轉咗過嚟呢邊返工，唔知呢邊有咩好食，同事推薦我食呢一間石磨腸粉，我好鍾意食牛腩，所以就試咗牛腩撈腸粉，中辣，個麻辣汁好香好好味，辣椒同個腩汁撈埋一齊好濃而不膩，牛腩好易入口，不柴，有筋同腩比例好好，我不喜歡食太瘦嘅牛腩，岩我口味，好開心，發現第一間食飯點，周邊好多茶餐廳星期六都要排隊，呢間仲可以打電話嚟order先，喺尖沙咀來講價錢超實惠味道可以，又大大喺尖沙咀來講價錢實惠味道可以，又大大份，比之前灣仔抵食好多，我要試勻晒佢嘅粉

石磨腸粉聽人講得多啦,今日第一次试下朋友仔仔推薦麻辣手撕雞撈粉,好好味道,好好驚喜,个辣椒好香好 惹食,加埋芫荽蔥,成個粉同埋個手撕雞嘅層次提升咗,問老闆先知道個辣椒自己整㗎難怪咁香咁惹味啦,見到有個新產品乾炒牛河,打包一个乾炒牛河返屋企畀媽媽食,正,,好似以前係广州食的沙河粉臨走時仲見到石磨喺度磨紧啲粉漿,好耐冇嚟尖沙咀啦,以前尖沙咀都好少呢啲手工做的食物,曾經好繁榮嘅尖沙咀現在已經越來越少小食店,人流都冇以前咁多

話說OpenRice落咗單，但係去到漏咗單 唔緊要等一陣啦 之前食過一次，秘製牛腩撈腸粉覺得幾好食今日食多一次返公司食食吓，食到一條頭髮算啦跟住再食食吓有啲嘢淋淋地咬唔到嘅，係一粒發泡膠 🫨🫨🫨

尖沙咀厚福街出名多嘢食，轉手率都相當高。呢間舊時光腸粉店算係歷史悠久嘅一間小店 。價錢相當經濟貼地，22蚊起就有交易。加餸每樣都係三至五蚊。今次我就叫咗個雞蛋腸粉，再加芫茜同粟米。芫茜要多茜！老闆好好人真係畀咗好多！我外賣大概半個鐘車程返到屋企先慢慢歎。連埋佢個秘製豉油同辣油，一夾開，啲腸粉真係好重手呀啲茜！ 腸粉返到屋企仲暖暖哋，但係一啲都唔硬！滑捋捋，好好食！下次會試埋其他腸粉！！💡💡💡💡💡

🥣🥢🥄滑滑麻辣撈石磨粉☑️ 麻辣雞絲撈石磨粉 （招牌）-$40撈石磨粉入面冇卷野，而係大大片好薄未捲嘅腸粉，真係好滑好薄，而且有米香，撈得好均勻，每一啖都食到麻辣汁嘅味道，麻辣汁都幾惹味。雞絲都吾絲，係雞肉片甘，都好入味，份量都唔少。食完都幾飽。唯獨唔知點解冇芫荽，我冇叫走芫荽🥹🔸舊時光石磨腸粉🔸地址： 尖沙咀厚福街7A號地下C號舖#lunch #午餐 #麻辣#腸粉 #石磨腸粉 #早餐 #下午茶#小食 #breakfast #afternoontea #港式 #小食店 #尖沙咀美食 #厚福街 #尖東美食

非常好既味道，雖然等左好耐🥸之後就知蠢左，原來可以電話叫定之後再落去拎🤣🤣下一次再叫小編就冇傻傻的去鋪頭等了😇留意番佢係冇堂食位架😆 大家想試都要買外賣！🐣 麻辣雞絲石磨粉 $42其實小編完全係被石磨粉吸引既🤪比腸粉薄少少！幾滑😍完全估唔到勁大份🥶 最後小編分左兩餐食！小編最欣賞係夠麻辣😳 雞絲亦唔係平時啲粉麵食晒既雞絲，係食左一塊塊肉既🤗係食完可以再encore的❤️🔎評分：值得一試💯🥚 雞蛋肉碎腸 $25個腸粉麵係超滑，傳統點心既味道❤️雞蛋係薄薄一層，應該都幾難整下😳肉碎都唔少😍 食完會滿足既味道😊🔎評分：值得一試💯🥬 蠔油生菜 $12呢個價錢，滿晒成個外賣盒既份量，真係超抵😗😗 略嫌啲蠔油太多，會過分地咸🥶 大家叫可以少蠔油！🔎評分：可以一試👍🏼

🍴ʚ 舊時光石磨腸粉 ɞ久仰舊時光石磨腸粉大名好耐😆 呢幾年好似好hit呢款皺皮腸粉，佢唔會有明顯嘅條狀，入面餡料亦都包羅萬象🤩第一次食，試左佢個麻辣雞絲撈石磨粉同埋雞蛋肉碎腸😋ஐ —-ஐ —-ஐ —-ஐ —-ஐ —-ஐ —-ஐ —-ஐ✿ 麻辣雞絲撈石磨粉 $45撈石磨粉就係腸粉入面無餡料，全部都是腸粉，表面再搭上麻辣雞絲。麻辣口味同腸粉嘅搭配比我好大嘅驚喜😋腸粉本身有一股濃濃嘅米香，加上麻辣醬汁，十分惹味，腸粉皮薄順滑，口感滿分，唯一不足就係雞絲太嚡！不過麻辣醬汁真係好正😆所以值得一試👍🏻✿ 雞蛋肉碎腸 $23雞蛋肉碎係最經典嘅搭配，所以都唔會中伏🤣 我個人鍾意腸粉加蛋，香味會增添不少。普通口味嘅腸粉重點落係個豉油度，個人覺得個豉油都ok喎，唔會太鹹，鮮味都足！所以整體唔錯！👍🏻📍 舊時光石磨腸粉 (尖沙咀)尖沙咀厚福街7A號地下C號舖🌟推薦指數(滿分五粒🌟)：🌟🌟🌟🌟

今次介紹吓啲地嘢之前見到有人post呢個撈腸粉即刻好想食，我最鍾意「撈」類😆仲要見到咁多芫荽同蔥，啱晒我叫咗呢兩個1）麻辣手撕雞撈腸粉2）秘製牛腩撈腸粉 （加小辣）佢呢個石磨撈腸粉即係佢唔會包住啲餡，啲餡擺喺上面俾你撈埋嚟食，其實有啲似撈河粉，不過個粉個質地係石磨腸粉，好滑好好食！加埋啲辣汁真係一流。手撕雞個雞本身唔係特別好食，不過加埋啲辣汁就好正。我覺得秘製牛腩嘅牛腩整得好食啲，加埋辣有另一番風味。其實兩個都好食，我都分唔到高下。😆佢都有普通包住啲餡嘅腸粉嘅，不過我就冇叫。撈腸粉係大份啲，成兜飯咁。所以要 $4x 普通腸粉就 $2x 不過佢係冇座位嘅，企喺度食。嗰日睇完戲快啲食所以OK。

𝗿𝗶𝗰𝗲 𝗿𝗼𝗹𝗹𝘀, 𝗮𝗸𝗮 𝗰𝗵𝗲𝘂𝗻𝗴 𝗳𝘂𝗻, 𝗶𝘀 𝗼𝗻𝗲 𝗼𝗳 𝘁𝗵𝗲 𝗺𝗼𝘀𝘁 𝗽𝗼𝗽𝘂𝗹𝗮𝗿 𝗱𝗶𝗺 𝘀𝘂𝗺. 𝗰𝗵𝗲𝗰𝗸 𝗼𝘂𝘁 @𝗶𝘃𝘆.𝘁𝗮𝗻𝗴.𝟵𝟰𝟲𝟭 𝗳𝗼𝗿 𝘁𝗵𝗲𝗶𝗿 𝘀𝗶𝗴𝗻𝗮𝘁𝘂𝗿𝗲 𝘀𝘁𝗶𝗿𝗿𝗲𝗱 𝗿𝗶𝗰𝗲 𝗿𝗼𝗹𝗹𝘀! 𝗱𝗲𝗳𝗶𝗻𝗶𝘁𝗲𝗹𝘆 𝗻𝗼𝘁 𝘆𝗼𝘂𝗿 𝗯𝗮𝘀𝗶𝗰 𝗮𝘃𝗲𝗿𝗮𝗴𝗲 𝗰𝗵𝗲𝘂𝗻𝗴 𝗳𝘂𝗻😜.石磨腸粉食得多，但撈石磨粉就比較少見，好彩一早已經揀好食咩，如果唔係嚟到望到個menu實左諗右諗～ 撈粉嘅牛腩炆得軟稔入味帶啲肥膏，有少少油香又多咗種煙韌口感，入口鬆化，石磨粉撈埋腩汁食好正！麻辣雞絲辣味十足，叫咗最小辣但我都係食唔到😂 不過聞落好香好惹味，雞絲份量都好多，不過下次應該會試唔辣嘅胡麻手撕雞，腸粉相比下比較失色，味道淡啲同粉皮厚啲，直接嚟食撈石磨粉就啱哂！

叫左胡麻手撕雞石磨粉外賣 點知返到去食左一啖發現有曱甴💆🏻‍♂️ 雖然老闆好好話下次補返一盒比我 態度都好好 不過真係唔敢再試💆🏻‍♂️ OpenRice外賣自取仲要冇得refund 真係食到一肚氣

本身我自己都好鍾意食腸粉，呢一間腸粉店全部嘅腸粉都係即叫即整，而且呢度嘅米漿好厚身，唔會好容易爛！叫咗一個雞蛋腸粉，呢度嘅雞蛋腸粉真係非常之滑呀！而且仲有滿滿嘅豉油汁，雖然非常簡單，但係絕對係好美味的！另外仲叫咗一份麻辣雞翼尖小食，雞翼尖嘅份量好多，麻辣嘅醬汁亦都係好惹味

石磨腸粉都唔係第一次食，厚福街這間都食咗幾次，價錢中肯合理，單款20幾蚊，加一樣餸$5起尖沙咀來講價錢相當公道豆漿甜度合我心水，因為外邊有好多相對比較甜，豆味唔濃！現在飲食都需要講求健康，所以都鍾意甜度較低嘅豆味好香！腸粉水準還可以，略嫌豉油麻麻地，因為食腸粉豉油好重要，如果豉油可以調校得再好味啲！就更加正！今次食咗一個手撕雞加雞蛋腸粉味道幾特別，之前食過豬潤略為熟得滯較硬，但係豬膶的確好少地方做得好。

石磨腸粉店愈開愈多，攪到我成日心思思想試😋舖面細細嘅即製腸粉店，就算跟住地址搵都好易miss咗望住個menu五分鐘...選擇困難症發作🤪最後揀咗【招牌雞蛋肉碎腸】同埋【手撕雞腸粉】呢度嘅腸粉質感帶少少煙韌((⁉️)) 同我印象中嘅腸粉有D唔同...用筷子夾落去似夾緊腐皮😅【招牌雞蛋肉碎腸】比較清淡，因為有蛋漿嘅關係令腸粉入口更滑，加埋辣椒油無得頂👍🏼【手撕雞腸粉】非常足料❗不過略嫌雞肉唔夠滑，影響咗整體嘅口感見到有人嗌石磨粉都好似好吸引🤤下次再路過又試下先

好好食，夠滑，真石磨，腸粉份量足。但係雞絲腸粉同牛腩腸粉上嘅雞絲同牛腩得幾絲，少好得可怕。但係點其他餸，如豬肉碎同滑牛就好多。豉油如果加多少少調味會再好食啲。。。