日船章魚小丸子 (已搬遷) 新店位置

朋友突然想食章魚小丸子，於是把我拉到日船來。($22/6粒) 這店的小丸子即叫即整，端出來還是超級熱呼呼的！！！（無番咁上下耐熱能力真係要攤一攤凍先好放入囗啊！）即使日船搬到較寧靜的內街，人龍卻依然！面對住長長的人龍，店員還是能輕鬆完成即叫即整既挑戰，LIKE！ 登登登登！熱辣辣小丸子出場啦！小丸子圓咕LOOK的，真係忍唔住講番句日文：Kawaii呢～ 師傅落醬超級大方，毫不留手，一野唧左勁多「蛋黃沙津醬」，對於十分好醬既我黎講，LIKE！大家仲可以隨自己喜好，要求咩醬要落，咩醬唔落！今次我就無落到「日本芥抺醬」，因為同朋友share食，朋友仔唔鐘意食wasabi。 咬下脆脆的外層，咸咸地又甜甜地既燒汁同小丸子好match，再加上蛋黃醬，好豐富既味道！但有樣要挑剔一下既係：雖是蛋黃沙律醬，但卻不太能嘗得出蛋黃的味道。 而小丸子裡面，是傳統的配搭：章魚&生菜。章魚彈牙，生菜軟熟，醬汁十分入味，小丸子亦一d都唔「粉」！正！之次幫襯過西灣河個間日船，有柴魚片同紫菜可揀。但油麻地呢間就只有柴魚片，無紫菜，這對我黎講，可說是美中不足吧！另外，亦覺得價錢有點貴，但對於今

未知何時正名做「日船」呢？從前都是叫它日之船，現在也是但也不相干了此店其實不算正宗日本章魚燒正宗的大阪章魚燒是較軟較流質，而且醬汁偏鹹不過，最對我口味的卻是此店坊間不同的章魚燒均食過不少但最後會回到此店食才覺得最好味道雖然章魚的份量不多，而且沒有很香的章魚味但是！重點都是麵漿皮和那些醬汁和木魚碎皮薄，烤完出來脆身的，加上熱騰騰立即咬一口實在非常滿足而燒汁偏甜，加上沙律醬卻沒有很膩還很搭配人大了覺得加了Wasabi後，整體更香，錦上添花當然還有木魚碎，就算吃畢六粒後，木魚吸收醬汁後亦十分美味

在旺角通常可以看見不少遊人手捧紙船篤篤篤，今次小O終於按捺不住，寧願自己付款也要買一隻來吃過究竟。$22 一盒的章魚小丸子，共有六粒。 在預先烤好的情況下，小丸子在大光燈下保持熱溫，直至有客人購買才把小丸執進船艙，繼續鋪上木魚片，淋上醬油，加進煉奶、哇沙比。沒有對小丸子有甚麼期望，吃下去是有點點脆，內餡是一粒無看頭的章魚肉、還有些雜菜碎，怎也不會夠蘸醬的奇妙，又辣又甜，兩隻味又不夠混和！醉蛋$7醣心的醉蛋，卻為食店增取回回頭值，酒的味道是慢慢地滲出，看見已想吃！

以往係香港有好多間O既日之船而家愈黎愈少見, 而家比較方便去到O既就得返旺角呢間。由細就有幫襯開O既我就近排特登去食一食, 回味一下。價錢上, 呢幾年物價係咁升, 而家升到$20一盒(6粒), 都尚可接受。但係味道上我覺得比一般香港普通食肆黎得好食得多。粒粒燒好O既八爪魚, 會加上燒汁﹑ 沙津醬同柴魚片, 可以自己決定加唔加芥末醬, 覺得唔夠都可以叫職員幫你加少少。甜甜地O既燒汁幫八爪魚丸加左唔少分, 八爪魚丸入面仲包有少少菜, 脆口o既菜令到八爪魚丸加多一層口感, 唔會只係食到粉同八爪魚。可以睇到, 八爪魚丸入面O既八爪魚都好大粒, 食落去好有口感好彈牙, 比一般街邊O既店鋪抵食得多。但係唔好O既地方就係近馬路同門口對出有垃圾筒, 同食肆唔係好夾, 拎完就好走啦。

曾經有許多分店的日船，算是回憶吧？現在沒剩下多少家了。沙律醬比較甜，假假的那種，但章魚燒內餡濕潤而外層香脆，很可惜內裏章魚實在太韌了，實在很耐嚼。感覺比以前退步了很多，想來這是結業的因由吧？

我真係好少寫小食，是日同友人行街，經過呢間日船章魚小丸子。憶起以前妹妹說一定要食佢既醉蛋，即刻點兩隻黎食！$7蚊一隻。蛋黃非常流心，好靓。蛋很入味，入口微香酒味，蛋黃很creamy，非常棒！已成為阿豬喜愛食物之一，我想以後行過都會再買黎食！

星期六去油麻地做野，趕頭趕命，到收工時已經是下晝4點幾，好肚餓但又要趕住去下場，近近地梗係去掃下街啦。去掃街，我就必定會去食章魚小丸子。記得章魚小丸子剛興起時係初中，放學後必定會去食番盒。時至今日，除了街邊既小食檔外，齋做小丸子的就只有日船了。而家做小丸子已經唔會係係你面前倒醬、落菜、落八爪魚，然後用特制既針番八爪魚丸，等多陣就可以食了。今次只係等左5分鐘，一盒熱辣辣的八爪魚小丸子就出現係你面前了。上面有「郁郁」木魚片、燒汁以及沙律醬，皮脆，咬落去不會太粉，菜多，八爪魚鬚大小剛好，吃完一6粒，就剛好行到油麻地地鐵站，又係時候預備下個job既野喇。

自從日船的鋪面由西洋菜街那頭搬到這裡，吃的機會少了，店外也沒了以往排長龍的人潮今天忽然心血來潮，Lunch Time用了來回半小時跑去買來吃XD店面較小，不設座位但有一張長檯，要是趕時間也可站在店內"立食"除了招牌小丸子，店內還售賣台式飲料和炸雞塊等香口小食，不吃小丸子也有其他選擇。一如以往的包裝，像一只船一般的盒子，蓋上有透氣孔的設計，不怕水蒸氣把丸子弄濕製作時店員會問要不要Wasabi，我當然要多醬啦！店員哥哥都很大方呀 除了Wasabi醬外還加有蛋黃沙律醬，小丸子不可少的配搭 好運的話能買到新鮮出爐的小丸子，外皮脆，裡面軟軟的椰菜跟八爪魚，配上Wasabi的微辣很惹味丸子粉漿不多，咬開不會滿口糊糊的，值得一讚！不過$20 6粒的價錢不算便宜，偶爾口痕時才吃一次！ 

我覺得如果你鐘意去旺角掃街，日船章魚小丸子一定係你其中一個必要去嘅地方！尤其到lunch time 又或者放工放學時間，你一定會見到人龍，而我每星期都會幫襯佢一至兩次，貪佢好食、價錢平、又唔會太飽！今次我叫了佢最出名嘅"蛋黃醬章魚小丸子$23"+"麻醬冷麵$14"，首先襯熱食左小丸子先，六粒煎到有小小燶邊的小丸子，上面塗了一層醬油，再加了超多蛋黃醬上面又再鋪滿木魚碎，最後仲加多少少日本芥辣，真係見到都想食！食落口首先你食到佢外層煎到有少少脆，但裡面係軟身嘅狀態還有粒好有彈性嘅章魚粒，之後就食到蛋黃醬和醬油夾埋嘅美味同木魚嘅質感，最後就到芥辣攻鼻嘅感覺，一粒丸可以同時帶比你共五六種的味道同層次感，真係令我每次都好快K.O六粒！可能你會話我唔識食，但我真係覺得佢比起日本大阪真正的發源地更好食！到個冷麵，雖然係好簡單但又係令人食唔停口嘅嘢，佢用料係煎蛋絲加菁瓜絲、芝麻醬同紫菜絲等等，你把所有嘢撈埋一齊，你可以食到蛋黃絲嘅香，菁瓜絲嘅清新同芝麻醬嘅美味，真係香港以外你唔會搵到嘅味道，因為依啲係港式日本嘢！

我一直都唔係好習慣一個人喺餐廳入面食嘢，硬係覺得自己好可憐咁。行過呢間嘢買個小丸子當 lunch。落芥末醬我都係第一次，平時食開原味的。新口味都 ok，熱辣辣的好好味。珍珠奶茶就普通啦，如果再凍啲就正。一個小丸子加一杯珍珠奶茶廿幾蚊好抵食!

夜晚未食飯，行經日船章魚小丸子 可能因為好肚餓既關係啦，呢度既章魚小丸子真係幾香，係新鮮即製既。而裏面有大大粒章魚係入面，上面用左沙律、燒汁同木魚作為調味。熱辣辣既丸子真係唔錯，但係醬料既調味就令佢無甘好味，略嫌酸。

是日天氣嚴寒，路經這兒買了一盒章魚丸(9.5/10)吃，它與平時在超市的不同，蛋黃醬特別香，配上照燒汁，簡直是人間極品 而且它燒的脆度剛剛好，內軟外脆，配上其他店沒有的wasabi醬，更是倍添惹味！！另外亦有售串燒豬頸肉(8/10) 味道十足，只是偏油。溏沁蛋(9.5/10)亦是另一人間極品!! 我簡直想它把分店開到屋企樓下，每天定必幫襯一番!!

第一次食係男友介紹，佢知我鐘意食醉雞又鐘意食糖心蛋，呢個醉蛋我一定鐘意。$6/隻，價錢唔算貴，個黃仲要流心，賣相就咁睇已經唔錯。一啖咬落去，簡直"醉"到不得了，就係平時食醉雞花雕酒味道，但係仲要再入味d！食過第一次之後愛不釋手，差d想即場encore多一隻，之後差唔多每次經過都會食一隻，好彩唔係成日出黎，如果唔係實膽固醇過高。不過呢，男友話應該唔難整，仲"聲稱"搵日整俾我食，嗯，聽住先。 

我在旺角工作一年多, 由於工作常常需要夜班, 下班的時候總會想找點吃的。如果沒有同事們一起去吃宵夜, 這家日船是我必吃的外賣宵夜之選~小丸子是必吃的, 好神奇, 有時候來到看到老闆整了好多好多小丸子在盤上,起初心想不是新鮮做的一定不太好吃, 可是卻令我跌眼鏡~! 老闆用油泡一泡熱了小丸子, 竟然能保持小丸子的口感, 外層不會因為翻熱而硬了。另外給醬汁的亞姐每次都不吝嗇的給超多醬汁~ 好好吃~!糖心蛋太正啦！ 微甜+未熟透的蛋黃~超愛吃！想不到燒豬頸肉串會這樣好吃, 不過一串只有3塊, 有點貴呢！(而且這個等得比較久)總括來說我光顧這家日船已經不下數十次, 每一次都不會令我失望！

我在外國生活已久, 剛剛回來, 記憶中在念高中的時候, 日船章魚小丸子是好受歡迎的。這次回來發現, 日船已經沒多家分店了, 有的小吃店會有小丸子買, 但味道卻真的一般,燒得太乾的, 太燶的, 不夠脆的, 味道不好的, 都有。在旺角閒逛的這天, 我終於找回小時候的日船口味了。這家店面好細小, 日船已不再只賣小丸子, 還有飲品, 有其他小吃, 麵食。點了一個套餐, 6顆小丸子拼一杯飲品, 盛惠$21。小丸子外脆內軟, 每顆內裡都會包裹一顆章魚粒, 還有椰菜之類, 好味^^珍珠奶茶好味, 不太甜, 剛好。以前一盒小丸子只要$8-10, 現在已升價到$16了, 不過值得。