日木三分 (已結業)

幫了媽媽網上訂餐。媽媽評語：好味，但年糕和雲吞雞都非常多味精。食完要不停飲水。 回鍋肉年糕炒得好好。但完全冇肉，是落錯單了。希望可以少些味精，健康些。和落單多注意。

嗌咗個蒜泥白肉粉皮。食咗第一啖肉，Wa... 真係即叫即做，食到啱啱係水到白灼ge 水味，塊野又簿又水lah lah 咁，塊塊似淨食脂肪咁，肉真係冇乜.... 而d 粉皮真係食到一肚氣，又少又薄又碎😥 真係唔收貨...另外，跟餐我嗌咗個凍檸茶，杯野甜到我以為食緊糖漿，勸大家嗌少甜好啲。（咁啱聽到隔離枱都話緊杯野甜到嘔）奉勸各位去呢間唔好嗌蒜泥白肉粉皮...

平時中午食lunch 會幫襯堂食同外賣，食物味道係唔錯，價錢又唔算貴，只係有時食物要等得耐D先上到菜。但係今晚打電話去叫外賣自取，一位口音唔正既女店員一拎起電話就叫我等一分鐘，當我落完單之後，店員叫我自己重覆一次落左D咩嘢食，但係依D唔係你做架咩？咁我照講啦，點知我都未講，佢接住上句就話“你快D啦，我好多野做架”。其實如果你咁多野做，不如唔好聽電話啦。咁既服務態度真係好差，就算你食物幾好都冇用，唔會再幫襯!

今日嚟食下午茶，性價比高，抵食之選👍🏻我嗌嘅係口水雞菜飯，雞肉嫩滑，菜飯份量仲要好多，下午茶真係食唔晒。男朋友嗌咗擔擔麵，係我喜歡嘅口味，湯底花生醬味濃郁，幼身麵條完全吸附晒湯嘅味道，正。另外加五蚊可以轉凍龍眼水，清潤好飲

來日木三分食幾次了，今日忍不住寫出我的感想，一個字：正，店的一些菜色算中式菜，菜種類算吾少，至今食過幾道都非常可口，惹味，色香味具全，感覺廚師的手藝非常好，而且有心思，食物也新鮮，如果讓我推薦我覺得幾個都好，我有些吾記得菜名，記得幾次去都食松子魚，非常香脆酸甜，口水雞的雞肉潤滑，四季豆炒肉碎很入味，仲有話梅骨這個名很是新鮮，這道菜是排骨加話梅一起炒的，相信你係第二到睇吾到的菜式，喜歡濃味的朋友這道菜就適合了。

感覺像是家庭式的小餐廳。面積有點小，但食物質素很不錯。晚上去吃，基本上都坐滿了，但不至於要等位。叫了個兩人套餐，外加一個魚鍋。上菜速度挺快。一個兩人套餐，包兩個小菜，兩個菜式，一個炒粉麵。先來了個雞絲粉皮，燒茄子為前菜。之後亦有話梅骨，獅子頭。每樣菜式都很不錯。最驚喜的是魚鍋。$148 為紅燒魚。皮脆，帶點辣。骨沒有很多。很大一鍋。很令人驚喜的小店。很適合喜歡吃上海菜的人來傾計食飯。每人大約$80。唯一的小建議是名字為「日木三分」有點耐人尋味。令人摸不著頭腦，不知道是吃什麼的。但吃過一次，會想再來。

店面唔大，二十個位左右。如果你同一班同事一齊去(😭)，可能要等一陣。我孤身一人好快就有撘抬位。一坐低就上左前菜先：冬瓜湯（例湯），一小碟毛豆。講明例湯，其實都冇乜其望，只要唔係勁多味精都可以接受。呢碗湯又的確冇辜負例湯個名，冇冬瓜嘅清甜，同茶記既味精湯比較只係冇咁咸，冇乜特別。例湯呀嘛同人生一樣，都係整定嘅，唔太差啦。小食：毛豆，係少㗎啦。不過仲有陣小小嘅青腥味咁囉。叫咗個午市套餐，獅子頭配飯。上海菜嘛，實冇死啦。賣相都可以啦，食個晏姐，冇乜要求。小棠菜，大家都唔陌生啦，滾兩滾就得，簡單。不過都算佢有心機，落返啲麻油先送嚟。主角：獅子頭有啲燶，唔影響。夾落都算實淨，冇一夾即散。味道有啲淡，一入口就散晒，好似食咗一啖肉醬咁。肉味欠奉，肉質粗糙，口感麻麻。餐飲：熱奶茶。普普通通，不說也擺。總結：五十幾蚊，呢個質素，可以接受，未致於難食，中中庭庭。

一坐低每人就有一兜毛豆食，份量都唔少，帶少少咸，越食越開胃。我哋呢餐叫咗酸菜魚，水煮魚，咕嚕斑腩，麻婆豆腐獅子頭，口水雞。由於口水雞嘅辣度10分滿分佢只有一分，同期望有啲出入，朋友仔話麻婆豆腐獅子頭啲豆腐都辣過佢。不過都可以推介比啲唔食得辣嘅朋友仔想試吓口水雞既感覺。😂而家嘅酸菜魚同水煮魚就做得好好食啦。魚肉嫩滑味鮮冇腥味，唔算好辣（利申：食得辣）但係都夠過癮。咕嚕斑腩都一樣推介，外脆肉滑，炸粉唔厚。三個魚嘅菜式都做得好好！麻婆豆腐獅子頭我就冇試到，但係唔係好食得辣嘅朋友仔就話覺得好辣，不過好好食。

地理位置方便，是我地一家飯堂之一上海菜老少咸宜我地都好中意食。最中意一行四人叫佢個二人餐，再加1-2個菜套餐有頭盤、主菜、飯、、湯、菜、甜品所以叫多1-2個菜加送，一定夠食當然佢都有4人餐，但我地唔想食咁多飯頭盤要左烤fu同醉雞🐥冷盤烤fu即面根，有湯汁同爽口，甜甜地。醉雞好入味，花雕味入哂嫩雞兩款都好開胃湯係雲吞雞，鍋上熱辣辣奶白色湯好滋味。主菜推介話梅骨酸酸甜甜，話梅送飯食好好味。最後黎個甜品，有豆沙鍋餅、炸雪糕、奶凍揀。食得多上海豆沙鍋餅，上下新野，食奶凍奶凍好滑配埋士多啤梨果醬，一d都唔hea做。日木三分，誠意推介！- 可以轉menu 套餐的主菜，如果唔岩食，記住講比老闆聽好好人- 薏米水有冷熱仲可request加熱- 入面有vip房，一大班朋友好吵岩哂

今天專程由灣仔來北角試新野，真令人失望！只顧外賣生意，堂食客只有等待。由落單，足足等了35mins 才有擔擔麵。相信店鋪擔擔面缺貨，擔擔麵分量小到適合減肥人士。炒粗面偏甜。下次不會再來這間小店。

最近發現隔離team 嘅新食堂，就係呢間上海野。聽佢個名仲以為係日本野😂。 呢間餐廳唔大，可以容納到20-30人左右，所以如果lunch Time想嚟食就要早啲黎nah。佢每個人都會比一啲辣蓮藕嘅小食，啲辣味好入味🌶，又夠凍，鍾意食辣嘅我覺得好正😍。呢到選擇好多，上海面，小菜，飯同炒麵咩都有。搞到我花多眼亂😍，選擇困難症又出現🙈。最後我叫咗個水煮牛肉飯，牛肉好好味一啲都唔老，個水煮湯又唔算太有嘅，辣度就適中。可能因為之前個冷盤小食（蓮藕）好入味，所以我覺得個水煮牛肉可以再辣啲。見到佢其他嘢食都幾好食，呢間鋪頭可以再戰😎！等我試埋其他嘢食😜。

黎開呢頭上堂，揾晏食，由鰂魚涌行到黎北角，吾想食大集團想揾有心思小店，天氣又太熱真係唸吾到自己想食咩。行過路過，見呢間午市餐牌d餸都吸引就入左去嘞。難得午餐一人分量有水煮魚，就點左水煮魚，我真係第一次見到有餐廳午餐有呢個食，價錢仲要吾貴，上到枱見分量仲要好多食到最後餸都仲要夠有特添。首先講下個味道先，其實我吾係食得好辣好怕黎到係好鬼辣就麻煩，但心癮又想食辣，一入口，有香有辣有少麻，呢個辣道我啱啱好，可以食到晒全部，差d連汁都想飲埋，但我有用汁撈飯的d魚又滑又好食，呢個價錢食到咁用心既食品真係比個good佢

很好食！絶對推介！同家人食飯，細佬建議食這間，最初見門外沒有什麼特別，但即管試下。爸、媽、細佬、細佬女友，共五個人要左一個四人餐，及再額外加左兩個餸(松子魚、紅燒大元蹄)！來的每一個餸都算大份，味道足，價錢合理。本人最喜歡就係松子魚，炸到外脆內軟、酸甜味岩岩好，超級好味。食物入過口後，就不能自拔了，相信叫多一條自己都可以食得晒！菜芯--好嫩好新鮮話梅骨--炸得香脆味濃，很野味。酸辣湯--每一口都酸酸辣辣讓人欲罷不能，絕對料多味美又實在。醉蝦--蝦十分鮮甜，微微的酒味，連小朋友都適合進食紅燒大元蹄--肥而不膩紅燒獅子頭--本身對這餸沒有特別喜好，所以不加評論另外，豆沙鍋餅也見得到廚師的用心製作，送了雪糕球外，也加了爆炸糖、朱古力作點拌碟點綴，配合聖誕樹造形，令食客也感受聖誔帶來的喜悅，值得讚！每一款菜式都做得唔錯！連平時嘴叼的爸媽也讚不絶口！有下次！

北角係好多好野食，但呢間絕對可以列入北角美色之一！同同事去食午餐 lunch time同圍都勁多人，係呢間無咩人排隊，幾驚係伏。入到去，普通餐廳咁樣，環境無咩特別。叫左水煮魚，蔥爆羊肉 口水雞同話梅骨，真係每樣都好食到嚇死人！水煮魚，魚勁嫩滑，無水藏味，又麻又辣，連四川同事都話好味！口水雞，凍食 啲醬勁香勁好味，一碟真係唔夠喉！話梅骨，我懷疑係鎮店之寶，啲骨細細舊 酸酸地，排骨炸過黎，又脆又好味！希望唔好咁多人去啦 lunch有排排。

今次去食呢間上海菜，覺得佢地好有heart ，成餐飯食得好舒服😋老闆娘好忙啊，但又好nice，好多熟客幫襯。如果開係我屋企樓下，就會成為我嘅canteen 首先開胃菜係葱油海蜇頭同平時食開嘅老醋海蜇頭唔同，幾有新意，份量好足，口感十分好。口水雞老闆娘推介，真係好好味，辣度啱啱好，醬汁濃得來又唔會搶到雞嘅鮮味。真係有話梅嘅話梅骨酸甜嘢一直係小女至愛，是鐘意呢味，好入味，肉質又嫩，而且份量好大，好滿足酸溜大白菜好嫩好甜嘅大白菜，微微酸醋味好開胃白飯係我咁大個女第一次食到有咁大碗白飯嘅餐廳，而且軟硬適中，兩個人食一碗都夠，我聽到隔離枱大叔攞到佢碗飯時都驚嘆😄最後仲有靚仔廚師送嘅甜品！好開心啊😊下次一定會專登過海幫襯