日日香鵝肉飯店 (淘大商場2期) (已結業)

招牌鵝肉拼盤套餐鵝肉幾入味 滷水幾香 唔會太肥膩🤤鵝肉下面有豆卜做底 吸曬啲滷水汁 份量適中 價錢唔會太貴😚呢日嘅燉湯係蟲草花龍眼燉竹絲雞 湯底好清 好足料 飲落好舒服😌套餐仲有送兩款小食 有六款唔同種類小食嘅選擇 我就揀咗滷水腩肉同滷水豬大腸🥰腩肉肥瘦適中 厚度啱啱好 不過味道偏鹹 豬大腸有咬口 overall都幾好👍🏻另外仲有包埋一碟時菜 可以另加飲品🤏🏻呢度啲姐姐都幾好 好客氣💛價錢亦唔會太貴 份量合理 餐廳環境幾舒服 值得一試👍🏻

星期六同阿媽去咗九龍灣行傢俬舖，由於搭巴士去，所以喺淘大落車。我哋喺遊逛之前先食啲嘢，見「日日香鵝肉飯店」喺呢度有分店，之前又無食過，就一於食吓，加上我諗阿媽一定啱食😘。餐廳大致上分為兩部份，近門口係廚房同專做外賣嘅區域，而座位就集中喺直行轉左嘅位置。整體裝修算幾四正，而且光猛乾淨，枱與枱之間唔逼夾，客人坐得舒服👍。我哋成三點先食晏，餐廳已經做緊下午茶餐🕒，價錢比起午市抵，因為佢直頭係將午市嘅價錢打88折。同時，佢亦提供幾個優惠茶餐，好吸引。特級滷水鵝皇飯(原價$128)，其實我認為鵝皇飯賣成過百蚊，有少少貴👉🏻👈🏻，不過見到實物後就完全無後悔！呢碟鵝拼盤包括鵝片、鵝肝、鵝腎、鵝腸同埋鵝蛋，超豐富😍，一個人自私食嘅話一定食唔晒。鵝片係鵝胸位置，所以啖啖肉，而鵝腎就略嫌韌咗啲。鵝肝經滷水後，質感唔似西式煎煮咁咇晒油，反而粉粉哋，幾得意，又唔腥，估唔到拼盤都俾成三片咁多。鵝腸有好多條，每條都無縮水，口感又夠爽脆。🥚鵝蛋雖然只得1/4隻，但都睇得出佢有幾巨型，蛋白部份滷得超有彈性。滷水整體唔會醃得太鹹，好食。我哋將飯轉為湯瀨粉🍜，由於湯底夠熱又唔油，所以第一感覺已經相當唔錯。瀨粉份量多，口感

之前有食過這間日日香鵝肉飯店的黃埔店，很回味他們的鵝肉飯，原來公司附近都新開了一間。店舖雖然細一點，但環境一樣光鮮企理。門口掛滿獅頭鵝及不同的滷水食品。每枱都擺放著白醋及滷汁，鵝肉配白醋是必要的。餐牌主打滷水併盤及套餐等。點了他們的精選套餐之一，金牌滷水鵝片飯($80)，鵝片切得每片厚薄適中，連過肥的皮脂及筋膜都切得乾淨，令人食到啖啖肉，口感更好，鵝味充實，肥瘦適中，肉質帶點彈性。而滷水味道比較清香，不油膩。另外有滷水蛋，豆卜及甜酸菜作伴菜，如果有件滷豆腐就更好了。滷水雙併飯($80)，份量大碗，一樣有滷水蛋，豆卜及甜酸菜作伴菜。有12款滷水任你併，點了腩肉併鵝肉，腩肉層次分明，食起來不會滿口油膩感，鵝肉比鵝片較多皮及骨，皮香肉嫩，一樣鵝味濃，滷水夠入味。每款套餐有餐飲，另可以$38 加配足料的原盅燉湯及$24配滷汁時菜。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎經過見到佢既滷味好靚好整齊咁掛係道，所以入去試下。餐廳主打潮州野，本身𝘦𝘹𝘱𝘦𝘤𝘵餐廳冇咩裝修，但原來入面裝修都幾新潮，牆上有好大隻既𝘲 版𝘓𝘌𝘋 鵝同𝘥 𝘴𝘭𝘰𝘨𝘢𝘯，比人一種好明亮舒適既感覺，卡位夠大坐得舒服。🌟金牌滷水鵝片飯 （$75）鵝片整齊咁排係碗上，鵝同飯既份量都比想象中多，仲有半隻滷水蛋同菜。鵝既調味唔算重，唔係潮洲果種極重滷水味既整法，但我覺得反而食到本身既鵝味🤣侍應提醒如果重口味既可以自己加滷汁，仲特登拎左隻豉油碟仔比我地，又提我地枱下既櫃桶有紙巾🧻態度好好👍🏻白飯都幾大碗，比較乾身少少，加左汁就𝘫𝘶𝘴𝘵 𝘨𝘰𝘰𝘥😌🌟特選滷味飯 （$64）呢個滷味飯好豐富，真係樣樣都有，而且又係擺得好靚😍有豬大腸、豬腩肉、紅腸、滷雞蛋同豆卜，食晒碗飯都唔會覺得悶，豬大腸洗得好乾淨，不過略嫌肥左少少🤏豬腩肉既肥瘦比例剛剛好😄味道唔錯🥰📍日日香鵝肉飯店九龍灣牛頭角道77號淘大商場二期地下G254號舖

以前經過好多人等位/等外賣，今次經過入去試下。鵝既款式好全面真係個個食得既部位都有。我比較多心樣樣想試特級滷水鵝皇飯就啱哂我啦成碗鵝拼盤咁，鵝片、鵝腎、鵝肝、鵝腸、鵝蛋，仲有豬肉條樣樣有幾件，好豐富！2人share食可以試多d 薄切鵝片，味香肉嫩鵝腎爽口鵝肝粉粉的，幾甘香鵝腸肥美粗身口感爽彈鵝蛋大大件質感有彈性鵝肉飯鵝肉鵝片比較，我中意鵝肉多點，鵝肉脂肪層多點，肉質香滑，而且骨位附近較juicy甜酸菜幾好，唔過酸，菜心苗幼嫩另外點埋最愛既豬腸，清理得夠乾淨、汁香入味。餐飲加$8點三檸可樂三檸係檸檬🍋、鹽檸檬、青檸，味道有層次，入口清爽。

淘大開咗「日日香鵝肉飯店」，好多時都見到好多人排隊，今日終於有時間去試吓～ 餐廳唔係好大，好光猛清潔～🍽金牌滷水鵝片河粉 $75鵝片份量算多👍🏻 都幾厚肉，味道好好😋 好嫩滑🤤 其他配料都好味，酸菜、滷水蛋、扎肉，都好味👍🏻 河粉都好滑，味道好👍🏻滷水雙拼瀨粉 $75叫咗鵝件同豬手，鵝件皮肉平均，夠入味又嫩滑👍🏻 豬手好多肉，都好淋，同樣味道好👍🏻 瀨粉夠爽滑～ 😋整體來講，唔錯，外賣88折，更抵食～✅

因為好近屋企，成日見人排隊買滷水鵝卒之忍唔住去咗試😋呢間雖然係貴啲，但係用到最頂級嘅獅頭鵝，所以真係物有所值🥳服務態度非常好，坐得都幾舒服，而且各區都有好多分店的，比較容易食到😎.🦢2人超值套餐A $228有2人套餐即刻抵食好多🥳套餐包括兩款滷水小食(小編揀咗豬手同埋鵝腎)、一碟例牌滷水鵝、一碟生菜同兩碗白飯，最最最估唔到嘅係竟然仲有兩碗足料靚燉湯🤤講真淨係兩碗燉湯一般都賣$4x一碗🤣滷水鵝同鵝腎真係非常有驚喜，好香濃滷水味，加上酸醋，滷水香更加突出🥰鵝腎又大塊又爽口，非常推薦，鵝肉就更加唔使講，建議叫滷水鵝片而唔係鵝肉，肉質會更加嫩🤩.💰人均消費: ~$120.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

話說平時宵夜中最意同肥仔食下陳儀興滷味🦆最近見淘大開咗間新滷味，本身都1516，但又怕放工時段去陳儀興會勁塞車，所以將貨就價🥲點知出事…😒🦆#金牌滷水鵝肉（例）$138隻鵝🦢勁肥，1d 滷味都入唔到鵝肉，而且勁肥，唔知以為食緊肥雞🦆#包子豆腐 $36𝚅𝚒𝚎𝚗𝚗勁中意食滷豆腐所以叫咗2份，點知真係好豆腐味，鹽花🧂都唔俾多少少，色水又唔夠，完全淡而無味🦆#鵝腎 $38呢個腎絕啦…絕到係淋架！唔係平時食爽爽脆脆，一樣都係冇滷水味+冇味！😡🦆#鵝大腸 $38呢個算係最好食，但一樣唔夠味！呢間係咁耐以嚟 #伏食 到要即刻出post!個滷水真係勁新唔夠老，就算外賣自取8折後$200都覺得勁唔符合經濟原則！ 唉😮‍💨 1d都唔yum!

因為疫情關係多咗外賣，有時收咗工晏咗少少都會揀買外賣返屋企食呢間滷水鵝專門店2003年喺中國澄海創立，2020年嚟到香港開分店滷水鵝可以揀例牌，¼隻，半隻或者全隻，除咗鵝肉仲可以揀內臟😆個人覺得鵝腸係值得推介嘅！因為店家會清走晒大部分嘅肥膏☺️鵝腸有淡淡滷水香味之餘亦都好爽口😉😉😉鵝肉選用獅頭鵝，鵝肉有油香得嚟唔會太油，鵝肉入味之餘唔會霉或者太韌👍🏻墊底嘅會係豆卜⭐️豆卜索晒滷水汁超好食🥳🥳已經同屋企人傾定下次嗌外賣都會再叫😍

小編次次行過都聞到好大陣滷水香味🥰今次喺下午茶時段嚟試吓佢係咪真係咁好食！下午茶同外賣仲有額外八八折🥸好抵食！小編叫咗個滷水鵝片米粉（折後66蚊），除咗滷水鵝片之外仲有鹹酸菜、滷水蛋、豆卜同炸墨丸！滷水鵝片好淋、充滿滷水香味，唔會過鹹，比較有驚喜嘅係鹹酸菜同炸墨丸✨鹹酸菜好甜，炸墨丸入邊好多墨魚粒，口感幾好！🥰個個米粉就完全冇味，應該係就咁用水淥🤣朋友叫咗個滷水鵝肉飯（折後57蚊）都係有鹹酸菜、豆卜同炸墨丸，相比起鵝片飯，鵝肉飯嘅肉質更加嫩滑，而且都係冇骨，啖啖肉，相比起鵝片飯，比較推薦叫鵝肉飯！🤤肉質好食啲折完之後埋單都係125蚊，兩個人除翻開都係63蚊到，鵝肉飯來講性價比都幾高，同比得幾多肉！可以一試😋人均消費：～100/head

買了四分一隻鵝外賣，份量極少，盛為差不多$200，而經按照指示沒有加熱鵝肉，但鵝肉極 ‘un’ 。需然送了一隻鹵蛋，但也覺得不值這價錢。總結一試無妨，但唔會有反轉頭的意慾。

話說 本人係OpenRice 見到 呢間店某啲item 做緊特價 於是買左單人份滷水雞蛋 $18單人份滷水鵝蛋$19滷水豆卜 $30埋單$67 點知番到屋企 打開盒一睇 價值$18嘅單人份滷水雞蛋 原來得一隻？！你得一隻就好心你寫明一隻啦 又寫單人份去誤導消費者 真係離曬大譜！試問搵曬全港 有邊間滷水店一隻雞蛋竟然賣到$18一隻？！我早知即場打開個盒睇睇 如果見到我比左$18 得一隻雞蛋 我真係唔會要+即場退錢 ！真係永遠唔會再有下一次 離譜到極點！

成日見到排長龍，都冇機會嘗試，星期日夜晚竟然有位😊，當然要試試啦！一試就愛上了這個滷水鵝片飯😋識叫一定是「鵝片飯」，而不是鵝肉飯1.鵝片一啲都唔硬，好入味，滷水汁超香，口感亦非常好👍🏻2. 配菜亦做得很出色，值得一讚是那個酸菜和魚片，酸菜少辣，酸酸鹹鹹的味道，送飯一流😏另外魚片也是很入味，一開始不知道是什麼，以為是豆腐片，點知原來係魚片，配埋滷水汁，整個味道十分配合！3. 白飯加埋滷水汁，成件事好夾！👏🏻總結：一定會返嚟再幫襯！臨埋單，都忍唔住要讚下師傅，真係好好味！☺️

點了六拼外賣，拎返屋企先知漏了鵝肉和鵝肝就是為了鵝肝先點六拼的啦，結果是這樣，早知點三拼了⋯⋯提醒大家取餐後最好check下有沒有漏，不然返到先發覺就好不舒服了，又不想再行返去吵

行返屋企見到新開，又幾多人望係真係幾多人望，但冇乜人買😂因為都真係好貴吓雖然佢比平時街邊燒味檔干淨，又d掌啊翼啊都大隻。d 翼係有我前手臂咁長。算有d肉食。而且豬耳都好入味。不過，一隻翼就50大元食多幾隻都夠食餐大餐buffet 了😅所以都行左3次，我先入手買3隻返去同媽媽食。仲叫佢免斬，我一隻佢兩隻😂加個豬耳... 個酸汁，佢調較得都好味，不會過酸或過辣。佢仲提醒客人，不要亂翻熱。只需翻熱個汁，淋上去便可。下次真係要再有bonus先捨得再買來食😅