日山 (海運大廈)

营业中

休息中

📍日山這家預約困難店，我預早一星期訂位就搞掂亦可能復活節期間唔可以用商場coupon 關係復活節當日中午1:30pm 輕鬆入座當然，walk in 仍然是不可能，要食就打電話預約。入口門兩邊竹林，打卡靚位，點都影翻張午市價錢有五種$368、$408、$468、$538、$598 我直接點$598 有兩個部位A5 和牛。前菜. 梅酒啫喱和牛肉醬芋泥茶碗蒸啫喱酸酸甜甜，食完好開胃。刺身主菜一份肩胛位、一份冷雪侍應好細心，先比客人影好相，再安排係前面即煮，雪花分布唔錯。第一份浸係生雞蛋醬入面，配上白米。第二份底底放有蒟蒻麵，配上壽喜燒汁，風味各有不同甜品柚子雪葩Taste : 7.5/10 Service : 7.5/10 Environment : 7.5/10Revisit : 7.5/10

🍽記得係朋友請我食嘅生日飯～嗌咗佢哋嘅lunch set，我就試咗北海道海膽雜錦魚生飯！😋好足料好新鮮，一個人有小小食唔曬！印象中我好鍾意佢嘅蒸蛋haha！最開心係食嘅時候見到海景，天氣好嘅話會好開心～💰兩個人around $700，包括嘢飲

生日飯！多謝太太安排😘先來一條長長的竹林走廊，一個唔錯的打卡位，第一次到店真係有點期待室內是甚麼裝修和格局，疫情只能幫襯吃中午，有位未滿座，餐廳一邊有窗口及另一邊是和室，今次安排了坐入邊，無得睇靚景囉。Lunch是有套餐，價位由$268-$498，我們order了燒A5和牛扒伴日式芥末酸汁$438及壽喜燒A5和牛嚴選部位及野菜盛$498，相機吃先，好味不用多講，只是投訴這個價錢份量太少吃唔夠喉呀，壽喜燒2片牛比你睇完職員就會攞走煮好再比你，都話第一次幫襯，所以我無留意要準備影相就收走咗，不過見到d靚花紋，好想快d有得吃！大家可以初體驗一下，疫情易訂位，想試就要快d去訂位啦！

如果你係喜歡食壽喜燒, 相信你一定聽過日山這家店.   日山源自日本東京, 目前在香港有兩家分店，分別係尖沙咀和沙田. 作為一家多年奪米芝蓮既餐廳, 其賣點係所提供的牛肉為日本A5黑毛和牛!  本人一直都想試試日山的美食, 無奈尖沙咀分店一直人氣高企, 之前試過打電話去訂位, 但當時尖沙咀店的該月和下個月午市時段都full booking.  有幸上月中再次打電話去訂位, 被告知月底和4月均有午市空位, 當然即刻預留座位.  不過要來日山用膳, 當然要指定海景位置.  來到店內, 幸好店員安排了一個有張8人桌既小房間, 房間有落地大玻璃, 露台有棵松樹，可享維港景, 又有幾分日式味道.  房間空間十分闊落. 一張8人座既長桌, 只有我們兩人用膳, 十分舒暢.今次我和朋友都點左一個壽喜燒a5和牛及野菜盛既lunch set。 lunch set會包埋前菜（細蕃茄啫喱、肉醬芋泥團、茶碗蒸）、主菜（一片西冷、一片肩部位既和牛）、以及甜品（柚子雪葩）。日山既壽喜燒特別之處是師博吾會係你枱邊燒牛，而是由侍應和你溝通你想要嘅生熟度，然後侍應會同師傅溝通，燒好再將牛肉拎去俾你，上菜嘅時候牛肉已經浸喺

因為疫情關係，座位淨係可以坐兩個人，咁啱好好彩，佢竟然返咗一張大枱俾我哋仲要係向海，所以坐得好闊落，坐得好舒服，而且服務員態度亦都好好，好貼心，所以值得一讚！！下次會再幫襯！

近排疫情咁緊張，大家見我無乜點po嘢，都知我好小心，依家都未望到車尾燈幾時可以出去食飯，唯有望返以前嘅相。呢間日山之前睇過YouTuber介紹，想去好耐，但係一路都無時間打返個食評，一於趁而家介紹返😌。一去到我同朋友叫咗👇🏻👇🏻🥘🥩壽喜燒A5和牛嚴選部位及野菜盛可以話係佢哋嘅signature 依家逐項介紹。🥢前菜-梅酒蕃茄啫喱、和牛汁煮小芋頭丸、茶碗蒸梅酒蕃茄啫喱甜甜酸酸，前菜之中真係靠晒佢去開胃味道比想像中更好🤤而和牛汁煮小芋頭丸同茶碗蒸真係好普通，喺呢個價位之中我期望會更高🥲。鹿兒島A5 和牛有兩個部位:🥩肩胛位5成熟5️⃣牛味勁重，配埋佢嘅蛋汁正到一個點，原本我仲諗住A5會唔會太肥膩,估唔到配佢呢個壽喜燒汁會咁出色。🥩西冷7成熟7️⃣對比起肩胛位個人認為七成熟有點過火，而西冷呢個位就算A5和牛仍然不夠油脂，完全感覺唔到食緊A5級既和牛。。總括來講，環境服務其實都好好👍🏻但係呢個價錢我希望會有更好嘅食物質素，成份餐真真正正滿意嘅只有肩胛位嘅A5和牛😍除非對呢間野特別有愛，如果唔係我不會推薦大家去呢一間嘢😂

日山每日都full booking，終於今日嘅3:00俾我地book到位，仲有得坐喺窗邊望住海，一嚐佢嘅和牛壽喜燒啦！🐰壽喜燒A5和牛嚴選部位及野菜盛🐰套餐包括: 前菜，主菜(包括日本米飯，漬物及麵豉湯)同甜點。🔸前菜三款:👉🏻梅酒車厘茄啫喱🍅粒車厘茄去左皮，淡淡嘅梅酒甜味，非常清新👉🏻和牛芋頭小丸子和牛醬有濃郁牛味，芋頭軟滑👉🏻日式蒸蛋有一層薄薄嘅湯羹喺面，蛋都幾滑，不過我覺得啲蔥同啲蛋嘅味有啲唔夾🔸和牛壽喜燒🥩一個set只有兩塊和牛🥲一塊肩胛肉，一塊西冷部份。店員會先將和牛俾你影相，之後就會拎去烹調。👉🏻第一片肩胛肉和牛，配上生雞蛋同壽喜燒汁，上層有京蔥，下層有豆腐。呢款肉未帶到太大驚喜俾我，蛋不是太香。不過豆腐幾香豆味。👉🏻第二片西冷和牛，配上壽喜燒汁，上層係甜豆同冬菇，下層有洋蔥同芋絲。呢塊牛好好味，入口即溶，好想牛味，同前一塊完全唔同。仲有冬菇非常入味👍🏻👉🏻日本米飯軟硬適中，好香飯味，入口係甜甜地架🍚🔸柚子雪葩個人覺得可以唔洗咁甜另外，店員招呼殷勤，非常周到，每道菜式都會向你詳細介紹。亦將每張枱抹得乾乾淨淨，徹底消毒，令我食得好安心。評分：7.5/10👍🏻價錢：$498/s

✨前菜 頭盤 蒸蛋梅酒啫喱啫喱帶淡淡梅酒清香 車厘茄酸甜 幾清新開胃芋頭配和牛肉醬芋球有好淡嘅芋香 口感綿密和牛肉醬 味道香濃 兩樣野加埋都幾夾茶碗蒸面層有層玻璃芡 元貝粒鮮味 蛋夠嫩滑 正常水平✨壽喜燒A5和牛嚴選部位及野菜盛首先注意呢度嘅壽喜燒唔係席前料理店員會先奉上肉品 比你過目影相然後會拎去旁邊主理和牛選用左鹿兒島A5和牛當日供應嘅兩個部位係肩胛肉同肉眼大大片 睇落油花亦唔錯 但當日兩個肉嘅部位 都唔係好啱我心水肩胛肉 廚師建議五成熟相對偏瘦嘅部位 肉質比較結實縱使係A5級數 但仍然帶有咬口 唔算好滑有油脂香 但就唔會有入口即溶嘅感覺肉味相對較濃 調味適中配上蛋汁 京蔥 豆腐沾蛋汁食令口感更滑溜 亦因為沾左蛋汁減輕左壽喜燒汁嘅濃豆腐 有淡淡豆香 嫩滑肉眼 建議煮至七成熟油脂豐富 帶甘香 肉質腍滑 口感軟嫩但調味略嫌有啲過濃 配四季豆 冬菇 蒟蒻麵 洋蔥四季豆爽脆 冬菇入味 洋蔥香甜蒟蒻麵爽彈 因為沾左壽喜燒汁 味道都偏濃✨日本米飯飯粒分明 軟硬適中 帶黏✨麵豉湯麵豉湯 味道濃 但未算鹹 冇乜配料點綴普通✨甜點柚子雪葩 柚子味突出 幾清新混左啲柚子皮同柚子果肉冰感唔係好重 質感細

今日去海港城日山食午飯😋，全個月只訂到今日有位食，請假黎食都低，非常美味，我地食咗，海鱸魚🐟西京燒、壽喜燒A5和牛同清酒煮鮑魚，前菜非常靚同好味，賣相一流，西京燒鱸魚好好味，和牛雪花正，味道都very good 👍🏻，最後仲用咗5張優惠券，全部食咗6佰幾，非常低食😘，最後最後要多謝各位服務員，他們態度非常好又貼心，萬分感謝🙏

日山已經係日本🇯🇵連續多年獲得米芝蓮一星🌟，冇得去旅行🧳唯有去食日本菜一解思鄉之愁。靠窗嘅位置可以一覽180度維港景色，天色好個時一定會好靚前菜梅酒車厘茄啫喱🍅有少少梅味，味道清新，酸酸甜甜，好refreshing，幾開胃牛肉醬芋頭仔🍠牛肉醬味道濃郁，芋頭仔已經係我差好成球狀，質地綿密細滑茶碗蒸🥚同普通嘅茶碗蒸唔同在於佢有個羹，有少少海鮮同蔬菜味，令到茶碗蒸嘅味道更加突出刺身三品成盛🐠 （+208）有一隻牡丹蝦，兩片吞拿魚赤身，同大概五片海膽，全部都好新鮮清酒煮鮑魚🍶已經好貼心咁切開左三片，方便食用，而鮑魚肉質鮮嫩彈牙，個汁醬甜甜地，底下嘅白蘿蔔能夠索哂d汁，好入味燒A5和牛伴日式芥末酸汁🐮 （$438）已經切好八至十件左右，食起上黎好方便，外層燒到焦香，有焦糖化效果，好香脆👍🏻，牛肉味濃郁，有適當嘅油脂，有雞蛋同埋芥末汁可以點，建議個雞蛋用黎撈飯會好食啲🍚日山和牛壽喜燒丼伴溫泉蛋🐮 （$308）牛肉炆到好淋，可以輕易咬開，用壽喜燒汁黎煮，味道會比較甜，牛肉同飯量都好多，溫泉蛋係重點之一，蛋黃味度濃郁🥚，同牛肉同白飯完美結合柚子雪葩柚子味好清新，可以為之前嘅主菜解膩👍🏻

我見一月尾lunch menu 揀壽喜燒係$498, 尋日去食，變咗$598, 其他人用harbour city coupon, 又用foodstory coupon, 我乜都無用，俾人加20%, 佢哋無咗晚市，就加＄比肯願意出街食lunch 的人受，覺得好搵笨，得嗰兩塊牛，又多肥肉，我諗我短時間唔會再去。有其他壽喜燒餐廳抵食好多，日山仲要逆市加價，有冇良心吖？份量仲要同$498 時一樣，又懶巴閉，早成一個月book, 唉，唔值得再去！

相信大家都應該提早喺今日慶㊗️情人節❤️，食返個「情人節日光午餐🥣」🥰。呢間長期都訂唔到位嘅人氣海景日本🇯🇵料理，東京米之蓮絕對唔係浪得虛名，壽喜燒係呢度嘅主打，今日好好彩被安排到有維港海景嘅位置用餐，而且烹調壽喜燒嘅櫃檯亦喺附近，可以近距離見到烹煮過程，新年🧧加上情人節❤️當然要早一個月訂枱，做足準備☺️（午市價錢平過晚市好多，如有現金券更加抵食😎）———————————————————————————.🥢全餐包含咗蒸蛋、漬物、前菜包括有梅果凍、芋頭丸子🍡，另外刺身包括赤身、赤海蝦🦐同帆立貝💬全部都係好精緻亦係精心處理，刺身新鮮，只嫌蒸蛋唔夠滑😎.🥩壽喜燒A5和牛嚴選部位2片及野菜盛🍲💬職員👨🏻‍💼端上兩片和牛作簡單介紹，肩胛肉同西冷部分，口感同味道都有所不同，韌度同油份兩者都有少少🤏分別，蘸好日本🇯🇵雞蛋🥚同壽喜燒汁，加上野菜同白飯，連埋麵豉湯，絕對係超級豐富嘅體驗，有別於平時嘅壽喜燒牛肉鍋嘅感覺😎.🥩薄燒A5和牛海膽飯🍱💬呢個餐係以丼飯盛載，鋪滿輕輕燒過嘅和牛，起初以為會係熱辣辣，點知係室溫嘅感覺，天氣凍唔係咁適合。和牛混入咗海膽提升咗口感，配上醋飯，亦會係相當滿足😎

今次到訪尖沙咀日山餐廳日山係日本著名餐廳最主要係食Sukiyaki餐廳嘅裝修好日式一入去就人會經過一片竹林彷彿去咗另一個世外桃源座位亦非常舒適寬敞前菜有蒸蛋梅子果凍同菠菜個人覺得梅姐嗰度非常清新酸酸甜甜超開胃今次試咗一個海膽和牛飯和牛屬於入口即溶海膽亦都好鮮甜飯粒粒分明非常飽滿煙韌度剛剛好但我就略嫌整體味道比較淡醬汁唔夠多配搭飯黎食會比較寡然後再試咗個Sukiyaki店員首先拎左塊和牛俾我地睇油脂分佈非常平均之後就交由店員煮理Sukiyaki嘅味道剛剛好唔會太甜或者太咸配搭埋蛋漿一齊食又香又滑值得推介

我們在週日的午餐時間過來，這段時間只供應限定午市套餐和飲品，我們選擇了「壽喜燒A5和牛嚴選部位✌🏻片及野菜盛」。店員會先送上一系列的前菜，有「梅子啫喱」、 「牛薄片卷蔥」和 「蒸蛋」，啫喱清涼爽口，有打開味蕾之效，梅子有點像冰冰的車厘茄味道呢😋🧊待用完前菜，就到刺身出場了！有「帶子」、「牡丹蝦🦐」和「吞拿魚」，刺身很新鮮，蘸上醬油和wasabi放入口，滿滿的幸福感🥰接著，店員會盛上等會兒用來燒煮的生和牛片給我們過目，並介紹煮法、與其搭配的食材。這次選用的是「鹿兒島A5和牛」，肩胛肉會搭配豆腐、京蔥和蛋（可選生雞蛋或炒蛋），西冷則配野菜🧅🍄和蒟蒻麵。同時，還會附上漬物、越光米飯和味噌湯。不得不說，肩胛肉真的超軟！！ 比豆腐和炒蛋還要軟🤤 西冷稍厚些，油脂相對較多，配合漬物和米飯🍚一起享用剛好。最後的甜品是「柚子雪糕」，在吃完滿足的壽喜燒過後，它很有refresh的感覺哦😚日山的午餐是限時1.5小時，但說真的，食物量沒有很少，1.5小時實在不夠（還要拍照📸️的話就只能趕著吃⋯⋯），店員會用各種方法提醒你時間到囉⏰ 也明白限時的需要，但始終高級餐廳，2小時會不會好些呢💭

薄燒A5和牛海膽飯 - 日山我暫時只係食過兩次，上次係食壽喜燒，今次就試吓呢個和牛海膽飯。（P.S.呢個飯係要節日或者假期先有）盒飯一嚟到好香，唔好以為係和牛既香氣，其實黑松露味，佢應該係加左黑松露油。打開個飯盒，好靚好精美😍底層係白飯，白飯上面鋪咗蛋絲，然後再鋪上燒左既A5和牛片，再加左兩款魚子醬同埋海膽。和牛入口即溶，好肥美，正👍🏻呢個飯我覺得好多層次，有和牛嘅油香，又有魚子醬同海膽增加鮮味，仲有黑松露嘅香氣，飯裏面都有調味料，應該係柚子醬油，因為有少少酸酸地，所以有咁多油份嘅嘢都唔覺得膩。我覺得呢個飯好食過壽喜燒，真心推介！