方太小鍋米線

营业中

休息中

放工唔知食乜好，經過教育路呢道見到呢家方太小鍋米線🍜入面接近坐無虛席😛 就入去試下啦😆😆呢度有幾款湯底揀，我就揀咗膠質豬骨雞湯 $50，可以配米線、紅薯粉、准山麵或者手工麵。呢個湯底內有雞絲、芽菜、金菇、鮮腐竹和炸醬，食客仲可以爾加購配料，我就加咗油菜$8和惹味炸豬扒$13😆😆炸豬扒係另外上，好好味😋飲品方面，呢度👈有唔少特色飲品，跟餐價都係$15一杯，我點既炭燒烏龍奶茶珍珠有好多珍珠，性價比好高！呢間米線舖唔錯呀😍 難怪坐無虛席💪💪方太小鍋米線 (元朗)元朗教育路87-99號鴻發大樓地下A號舖

放lunch時去了一間隱世平民美食小店，主要係食小窩米線的，我最鍾意啦，冬天食反一碗暖粒粒。小店地方唔大，設計到好似拉麵店咁，有種親切嘅感覺😋有幾款米線最平$50一碗、我就揀咗極濃鮮茄酸菜湯，配川味豬腩肉，再加長洲巨型魚蛋 ，麻辣巴沙魚片，好鐘意個湯底，酸酸甜甜蕃茄味好濃郁，米線煙韌好彈性唔係好易斷嗰隻👍🏻豬腩肉半肥瘦，口感好彈牙，好juicy😋 但冇乜辣味～ 巴沙魚片嘅麻辣就好入味，魚肉軟嫩入口即化～另外再加咗杯炭燒烏龍奶茶米麻薯，奶香茶濃裏面仲有好大一塊麻薯，同奶茶真係絕配😍

元朗美食篇今晚去咗方太小鍋米線，舖頭格局好似日本拉麵店，開放式格局，坐bar枱望住師傅淥面。方太家傳糯米酒湯底紅薯粉$55，湯底由豬骨同雞熬製，加入糯米酒，味道帶有微微酒香，糯米酒滋補養生，暖身驅寒，飲完真係暖笠笠。配料豐富有芽菜，鮮腐竹，金菇，蟲草花，雞絲。紅薯粉夠彈牙。配搭惹味炸豬扒$13，外脆內嫩。炸鮮蝦雲吞$10，3大隻好足料，配雞醬食一流。炭燒烏龍奶茶加米麻糬，跟餐+ $15，茶味香濃，奶茶滑順，米麻糬軟糯增添口感。唔知係咪天氣凍，特別多人鍾意食熱辣辣嘅米線，晚市6pm開門，好快坐滿，仲好多人叫外賣。

呢排聽元朗朋友講新開咗一間特色嘅米線舖，湯底好多坊間見唔到嘅，方太家傳糯米酒米線，膠質豬骨雞湯，今日又嚟試吓佢 小店位於輕鐵站豐年路後面，鋪面細細乾淨企理，今次我就試咗佢潮汕麻辣沙嗲湯底，湯底預設可以選擇兩款配料有鮮牛肉或者雞絲，另外配料都幾多有芽菜、鮮腐竹同金菇呢款麻辣湯底少少辣，沙嗲花生味香濃，啱晒重口味仁慈之選，牛肉熟到啱啱好，我豬大腸滷得非常入味，外層軟淋咬落去仲好彈牙，抵讚！佢哋呢度仲有多款特色飲品，作為薄荷朱古力愛好者嘅我當然唔可以錯過，免頭鋪咗好多Oreo脆脆增加口感，下次再帶朋友試埋佢哋嘅招牌糯米酒米線～啱晒冬天嚟試吓方太小鍋米線元朗教育路鴻發樓87號

喺元朗關注組發現呢間方太小鍋米線，好多好評！ 平日夜晚經過都經常大排長龍😌 今晚一個人食飯，就過去試下啦☺️☺️餐廳座位唔多，大家要有心理準備要排隊🥴不過食好野排一陣無所謂😆😆有好多款湯底揀！我就揀咗皮蛋芫荽滕椒湯 $50，麵條方面揀咗手工麵，幾彈牙幾好👍🏻我加咗少少配料，好似糖心蛋 $8、鮮牛肉$13和惹味炸雞扒$13，仲有飲品加配價，我就揀咗罐裝可樂$6😆湯底好香濃芫茜味，有少少皮蛋，比坊間其他餐廳🍴更好味！😛我覺得炸雞扒係必食！炸得金黃又脆口！呢間餐廳真係唔錯，難怪咁多好評！😍😍方太小鍋米線 (元朗)元朗教育路87-99號鴻發大樓地下A號舖

手工麵太硬！從未食過一碗咁硬嘅麵！完全冇麵嘅感覺！亦沒有麵嘅質感！應該係未煮熟！未曾食之前已見到隔離位淨咗半碗麵，初時以為佢點解咁浪費！原來係有原因的，因為根本好難哽埋佢！配料少得可憐！完全唔值50蚊！只此一次！

睇左好多食評話唔好食，又見好多疑似foodie食評，最初都有D保留，不過因為有糯米酒湯，有少少難抗拒，所以捉左（難服侍嘅)老公一齊食。選擇唔多，相信都係想以特色湯底取勝點左個兩碗米線：糯米酒中辣+腩肉+ 炸雲吞- 失策了，平時default叫中辣，完全唔記得個湯係酒味，而且D辣係普通麻辣油，無特別…好彩撈勻之前有飲過啖湯。有酒味，唔濃，但配米線我覺得剛好。米線係帶煙韌同淰身。碗米線入面有芽菜芫茜蟲草花雞肉，但D碼相對少，小失望。腩肉炆得好淰，有驚喜。炸雲吞係另上，剛炸起，脆，而且餡內有原粒蝦（仔），鮮味嘅！多謝哥哥仔送多兩舊豬扒我哋食，都係剛炸起，juicy唔柴皮，味道都唔錯～男人食豬骨雞湯+黑毛豬肉條 - 湯好味，但屬於味濃，未必個個鍾意。豬肉條其實類似豬肉丸，彈牙爽口。呢碗有炸醬，有人食到湯都無得剩… 不過都係碼少，同埋麵量都唔夠大男人食，正常男士都應該要加底。整體都係好味嘅（至少我哋兩個覺得係）為左再飲個湯可以再encore但如果麵量同啲碼可以多返少少就更好啦～ 環境乾淨，不過如果檯底有勾或者籃可以放手袋就好喇我嗰碗食曬但錯誤地被辣油破壞嘅糯米酒湯下次一定一定唔加辣價錢略貴，偏向

真的好奇他們一家的故事 - 六位小朋友媽媽, 背後的一碗米線 - 位於元朗教育路的方太米線雖然新開不久，但已經人氣十足。每晚回家經過都看到有人在等位，今天放假便決定去試試看。中午12點左右到達，剛好有位不用等。餐廳裝潢以藍白色的簡約設計為主，讓人感覺舒服。廚房是開放式的，設有單邊坐位，空間算闊落。方太米線提供六款湯底供選擇，還有惹味炸醬干撈。方太家傳糯米酒，湯底附有(芽菜、鮮腐竹金菇、蟲草花和雞絲)，加配了滷汁豬大腸。湯底濃郁帶點酒香，雞絲滑嫩、滷汁豬大腸入味，整體味道豐富。膠質豬骨雞湯，湯底附有(芽菜、鮮腐竹、炸醬、金菇和雞絲)，另外加配爽口牛丸和惹味炸豬扒。豬骨和雞融為一體，整碗湯底充滿膠質而且濃郁。豬扒炸得金黃鬆脆，味道恰到好處。玫瑰柚子蜜梳打，柚子蜜充滿淡淡玫瑰清香。鴨屎香檸檬茶也值得一試，茶味香濃，搭配檸檬口感非常清爽。真的好奇他們一家的故事 - 六位小朋友媽媽, 背後的一碗米線 - 

元朗方太小鍋米線開張不久已經非常有人氣，晚上八點門外還要排隊入座，吃過就知回頭率很高。朋友喜歡吃微辣的食物，增添食慾，我們都選有麻辣味的湯底試試。潮汕麻辣沙爹手工麵$55，加溏心蛋，墨魚丸，每款$8。這個湯底比較特別有麻辣又有沙爹味道喝一口湯，口腔真的充滿沙嗲花生香，帶麻辣味又令人很開胃。手工麵質感煙韌，喜歡這裏有手工麵和淮山麵讓人選擇，比較特別，不是只有米線或薯粉。溏心蛋中間流心的，蛋白又滑，吃得很香！墨魚丸非常有彈性夠結實，吃到墨魚粒粒，朋友吃得很滿意！麻酸辣金湯55，加糖心蛋$8，韭菜鮮肉餃$10。就是喜歡麻、酸、辣都有齊，米線拌在湯裏吃，微微酸辣，吃得很過癮！本身的配菜已經有秘製酸菜、芽菜、巴沙魚片、鮮腐皮，就算不加餸都很足夠。不過貪吃，要吃這裏受歡迎的溏心蛋，韭菜鮮肉餃都非常出色，咬下韭菜香，豬肉爆汁，非常好吃。凍朱古力米麻薯鮮奶，跟餐加$15。原來麻薯這麼一大塊，拌在飲品裡會融化，混合在飲料。喝起來口感厚身，又有濃濃的朱古力香，味道很不錯！可以當甜品。鴨屎香檸檬茶跟餐加$15，也是這裏的招牌飲料，茶底香濃，配檸檬茶又有清新感覺，喝完滿口生香，吃完辣的，喝一口鴨屎香檸檬茶立刻

店員好似好忙咁無服務態度都算等左二十分鐘一句sorry都無.耐..米線淋無口感豬頸肉又變肥高腩bad 又貴又耐又無服務搵笨坐位又迫又唔舒服無下次元朗最差既米線當之無愧

明明係我叫炸雲吞先，催促咗兩次都冇送來，一直話炸緊，點知遲過我嚟嘅食客有一碟喺枱面，之後我再問佢佢先同我講話賣晒，一句對唔住都冇！又話個豬骨雞湯底有膠質完全冇，可以不吃，根本不值

最近每次去元朗，都會去方太小鍋米線，由佢招牌都未有，到而家多咗一個姐姐幫手，今次仲要排隊等位，就證明咗佢有幾好食我點咗潮汕麻辣沙嗲牛肉手工麵，加隻糖心蛋，配朱古力奶麻糬麻辣好到位，麻同辣互相配合，唔會搶對方位置，再加埋沙嗲嘅香味，係一個好平衡嘅湯底，配合埋手工麵，認真爽皮！因為有沙嗲，所以我選鮮牛肉，好有沙嗲牛肉麵feel，糖心蛋同埋手工餃，配料好完整好完美！最後講一講個飲品，個麻糬經飲管吸入口，香甜兼夾軟綿綿，好似食甜品咁，好鬼正！

嗌左兩杯有米麻糬嘅飲品 有同店員反映食唔到麻糬 店員話啲米麻糬係啱啱整起 所以係流質 本身嗌米麻糬係expect有野嚼下😔覺得好似未整好就出左餐比我哋咁 而反映完都冇諗住幫我哋換左佢 其實未整好唔介意等耐少少 或者轉其他嘢飲 店員明知問題所在都照出餐 客人只可以硬食 希望餐廳做好啲出品 同埋碗干撈米線 食到最後發現冇加到炸醬同炸蒜…💔💔呢兩樣嘢本身應該係呢碗米線嘅靈魂？同其他人影嘅賣相完全唔同 味道就係幻想到嘅麻醬撈米線 睇左YouTuber介紹而嚟 食完覺得好失望

今日食既呢間係位於元朗既方太米線, 新開既關係所以人客都幾多, 6點幾去到已經差不多滿呢度既米線都幾多選擇, 單單係湯底都已經有7種, 仲要有不同既麵底可以揀價錢唔算貴, 而且餸既選擇都多我叫左既係豬大腸糖心蛋糯米酒米線大辣, 雖然係大辣但係辣度唔算勁, 似係平時食開既小辣蛋既色水都顯示佢唔係普通既蛋黎, 應該係日本蛋, 幾有蛋香豬大腸好彈Q, 不得不讚既係個湯底真係好特別, 有少少藥材味道, 種香味令人想一飲再飲小食叫左必點既炸雞排, 勁香脆!! 點埋個醬就減左D油膩感, 甜甜酸酸的飲品都好有特色, 就係呢個D24榴槤米麻糬鮮奶!! 好香榴槤味而且好彈Q既口感!! 值得一試

方太小鍋米線位於元朗教育路鴻發大樓地下主打米線以及紅薯粉同埋特飲方太家傳糯米酒糯米酒釀濃醇馥郁同時溫和甘甜配搭芽菜、鮮腐竹、金菇、蟲草花以及雞絲滋補輕盈配料建議搭配鮮牛肉柔軟嫩滑以及炸鮮蝦雲吞薄脆鬆化極濃鮮茄酸菜湯極濃鮮茄混合秘製酸菜酸甜醒胃同時可以選擇酸菜麻辣牛肉或者川味豬腩肉配搭芽菜以及鮮腐竹推薦額外加配滷汁炸大腸肥嫩柔韌以及惹味炸雞扒金黃酥脆宇治抹茶紅豆米麻糬鮮奶米麻糬軟糯同時紅豆蜜甜可以平衡宇治抹茶鮮奶苦澀薄荷朱古力碎碎朱古力濃郁同時薄荷清爽配搭奧利奧餅乾碎口感豐富