方太小鍋米線

营业中

休息中

叫了三個糯米湯米線外賣 包裝得很差， 3個白色膠袋分開包，問佢有冇大袋，沒有，打結位很差， 導致成柸鴨屎檸檬茶瀉駛， 糯米湯沒糯米味，要自己再額外加黃酒落去食先有酒味，老婆話自己煮個隻酒湯味都好食過佢， 其中兩個主菜選魚片 也是很少很薄， 另一個主菜選豬排， 拎到番去先發現無比到，黑糖真珠炭燒奶茶沒黑糖炭燒味 見咁多好評才幫襯， 真係唔明點解咁多好評 味道普通， 餸1d都唔出色， 不會再比機會了 元朗好食過佢既米線真係大把 。

喺元朗嘅呢間米線舖，一入到去已經聞到好香嘅藥膳酒湯底香味😆！舖頭嘅裝修係現代風，環境舒服新淨，仲聞到濃濃嘅招牌糯米酒湯底添👍🏻。.🍜方太家傳糯米酒米線($55)湯底味道嘅濃郁得嚟又清新！因為本身裏面有濃郁嘅肉湯香味，不過亦都有滿滿嘅酒香味，令到成碗湯嘅感覺更加清新滋味😋。墨魚丸(+$8)口感彈牙，墨魚味又濃。惹味炸雞扒(加$13)夠晒厚肉，而且新鮮炸起💥，好脆口。加埋飲品鴨屎香檸檬茶(加$15)就啱晒呢碗咁濃郁嘅米線😝。.🌶️麻辣酸金湯米線($55)鍾意食酸辣嘅朋友就唔可以錯過呢款！可能係酸菜定係麻辣嘅味道都啱啱好，超級惹味，配埋米線真係食到停唔到😍。金菇(加$8)口感爽脆，啱晒配埋金湯。炸鮮蝦雲吞(加$10)真係超級脆口🥳，配埋味道咁濃郁嘅米線真係好邪惡。玫瑰柚子蜜梳打(加$15)賣相好靚、又好飲，有種調酒嘅精緻感🤩。

元朗最近又添了一間極具特色的小鍋米線店，一踏入店內，就能感受到它與一般米線鋪截然不同之處。首先映入眼簾的是店舖以簡約的藍白色調為主的裝潢，清新又舒適，採用開放式廚房設計，讓食客能直觀看到米線製作的全過程，吃得安心。座位呈一排排列，設計巧妙，私隱度頗高，即便在店內用餐，也能有相對獨立的小空間。這家店最讓人讚嘆的，莫過於其獨特的湯底。老闆在湯底的研製上可謂煞費苦心，味道與一般米線店相比，那是天差地別。每一口湯都蘊含著獨特的風味，能品嚐出食材的精挑細選與烹調時的滿滿心意。就拿招牌的麻辣酸金湯來說，這款湯底一上桌，濃郁的香味便撲鼻而來。裡面的配料更是豐富多彩，有爽脆的芽菜，吸滿湯汁的鮮腐竹，鹹香的煙鴨胸，嫩滑的麻辣巴沙魚片，以及那獨具風味的秘製酸菜。各種食材在金黃色的湯底中相互交融，光是看著就讓人垂涎欲滴。筆者在品嚐這款米線時，還額外加了韭菜鮮肉餃和糖心蛋。那韭菜鮮肉餃皮薄餡大，咬上一口，韭菜的鮮香與肉餡的豐腴完美結合，再搭配上溏心蛋那流心的蛋黃，滲入米線湯底之中，每一口都是味蕾的極致享受。除了美味的米線，店內還有多款特色飲品供食客選擇。對於愛美怕肥的朋友來說，鴨舌香檸檬茶無疑是最佳選擇。這款

新開嘅米線店主打酸辣湯底，試咗兩款招牌菜式，味道有驚喜——————🐽 川味豬腩肉極濃鮮茄酸菜湯米線湯底用新鮮番茄熬製，酸甜味自然，加上少許川椒油提香，濃郁得來不會太膩。豬腩肉肥瘦適中，燜煮得軟嫩入味，酸菜醃得爽脆帶微辣，同鮮腐竹嘅豆香幾夾，整體層次豐富🐽 麻辣巴沙魚片酸金湯米線湯底偏濃稠，酸辣比例平衡，辣度溫和帶麻辣氣。巴沙魚片厚切無骨，口感滑溜，驚喜在於煙鴨胸唔會過鹹，淡淡煙燻味同酸湯意外地合拍。配料中芽菜保持爽脆，腐竹吸湯後仍帶豆香，細節位處理得唔錯🐽 鴨屎香檸檬茶茶底花香突出，檸檬清香唔會搶味，甜度適中，配濃味米線幾解膩🐽 宇治抹茶鮮奶麻糬抹茶粉甘香微苦，麻糬軟糯有嚼勁，中間鮮奶餡滑溜唔甜膩，凍食口感似軟身雪糕，作為飯後飲品幾舒服

經過見到幾好生意，加上之前睇到關注組推介薄荷朱古力，於是今日同朋友嚟試吓午餐。🔸惹味炸醬干撈紅薯粉（小辣） $50份量十足💯 我已經算大食，但都食唔晒😂 調味唔錯，紅薯粉又夠彈牙爽口。🔸惹味炸雞扒 +$13大大碟新鮮炸起，入口香脆嫩滑。🔸黑毛豬肉條 +$10口感彈牙，肉質鮮美，份量都唔少。🔸皮蛋芫茜藤椒湯手工麵（小辣、走芫茜) $50朋友本身好鍾意食藤椒味嘅嘢，佢大讚湯底夠香辣惹味🔥🔸台灣腸 +$8啖啖肉好肥美，邪惡😈🔸豬大腸 +$10處理得乾淨，口感煙韌有嚼勁。🔸韮菜餃 +$10脹卜卜幾足料，肉餡豐富。🔸薄荷朱古力碎碎 +$15見到關注組推介，所以試吓，果然薄朱味非常濃郁，呢個有驚喜，值得加錢飲👍🏻呢間小店都幾有誠意，有下次😋

叫左個番茄湯底好濃郁，手工麵有啲似烏冬質地幾好咬口，鐘意食粗麵可以試吓配料有酸菜，芽菜，腐竹，揀左鮮牛肉加左個餸炸鮮蝦雲吞有3粒配泰式甜辣醬勁好味超脆！入面有粒蝦仔炸雞扒都好唔錯！略嫌杯乳治抹茶米麻薯有啲稀，米麻薯可以再杰少少就好，不過米線舖黎講有啲咁特色既野飲都好唔錯！位置有啲偏遠，yoho行過去都行左好耐但食得出有小店既味道，睇住職員逐碗係你面前整都幾特別，係有溫度嘅小店！下次會想試下糯米酒/雞湯底！

今日同老公專登出去拎完一堆新年糕點返屋企放低之後就喺屋企附近食埋晚飯，發掘到呢間好多特色湯底嘅米線店😮❤️方太家傳糯米酒淮山面配糖心蛋&油菜湯底帶有濃郁嘅藥材同酒香，幾好飲😋本身呢個湯底已經有雞絲，蟲草花同其他配料，好豐富！淮山麵爽口👍 糖心蛋好滑～❤️鮮牛肉極濃鮮茄酸菜湯手工麵（小辣）配長洲大魚蛋，台灣腸，油菜湯底質地偏稠真心‘極濃’，真材實料👏🏻 但又唔會太酸👍 辣度適中～手工面似係扁身嘅烏冬，老公覺得OK，但係我對麵質比較有要求，我鍾意再煙靭啲😂牛肉幾嫩，魚蛋超級彈牙，台灣腸就正常⭐️炭燒烏龍奶茶米麻糬一間米線店有咁多台式飲品都幾特別😲 當然要試吓！茶底幾香，米麻糬好似小丸子，偏淋無乜味，唔太啱我個人口味😅

屯馬沿線🚈找美食 ⇒朗屏🚏B2出口 通過元朗廣場天橋 全程🚶‍♀️約6-7分鐘@fongtai_ricenoodle元朗區教育路一直是覓食既好地方😚這間米線小店二次到訪🥢🍜以日本拉麵店形式經營 大約20個座位🪑#方太家傳糯米酒 💰55 ➕️少辣(米線 /紅薯粉 /✔️淮山麵 /手工麵)配菜有鮮腐竹 芽菜 蟲草花 金菇 雞絲+💰10 韭菜鮮肉餃+💰13 炸豬扒👑湯底好飲 清甜有酒香味😚鮮牛肉嫩滑👍🥟新鮮好食 豬扒即炸香口惹味 ➕️ 幼身爽口淮山麵😋#潮汕麻辣沙嗲手工麵 💰55( ✔️鮮牛肉 /雞絲)配菜有鮮腐竹 芽菜 金菇+💰10 黑毛豬豬肉條 +💰10 長洲巨型魚蛋湯底微辣 鹹味適中惹味😌豬肉條彈身有肉味👍同埋我揀咗好耐冇食過嘅大魚蛋 ➕️ 粗身有咬口手工麵😋🥤🧋💰15#鴨屎香檸檬茶 👆清香好飲 食完重口味🍜最佳飲品😋#黑糖炭燒烏龍珍珠奶茶 👆茶底幾高質 珍珠Q彈有質感😋

呢間米線小店開業唔係好耐 但已經得到元朗街坊嘅歡心☺️有多款自家熬製湯底 每款湯本身都有啲肉 例如魚片、雞絲、牛肉 份量仲要唔少味道比較家庭式 最好嘅係唔會好鹹好油膩🫕就算麻辣都唔會有嗰陣人工化學味落完單會喺你面前煮埋 模式有啲似車仔麵檔 幾有趣😁配餸叫左川味豬腩肉 非常大塊 好入味 脂肪同肉各半 唔會好鞋另外叫咗黑毛豬肉條 肉質結實 有肉嘅鮮味 有啲似豬肉丸幾彈牙另外仲有長洲大魚蛋 炸雲吞 炸雞扒豬扒米線口感剛好 夠滑身飲品叫咗杯宇治抹茶鮮奶米麻糬 奶味比較重 麻糬軟糯黏口

呢間位於元朗多湯底選擇又好味嘅小窩米線！今日同朋友嚟試下元朗方太小鍋米線，以自家製湯底做賣點.湯底選擇同配菜多 而且面底仲有米線、薯粉、淮山麵同比較特別嘅手工麵可以選擇.湯底全部都好吸引🤩，同朋友一齊試食蕃茄酸辣湯底同埋芫荽湯底🫢另外加咗台灣腸、炸豬扒同埋韭菜餃子、鮮牛肉同埋比較特別既麻辣魚塊，簡直係為自己製造一個極豐盛嘅小窩米線😂😂極濃鮮茄酸菜湯🫶🏻湯底又濃又香 真系好濃蕃茄味 加上佢地既酸菜好好食 同蕃茄湯系幾夾！另外一提個麻辣魚塊 啲魚好滑幾好食！另外一碗叫咗皮蛋芫荽滕椒湯底！一上枱就聞到芫荽味，不過湯底唔係嗰種超濃嘅芫荽 而係清甜但又有淡淡芫荽香嘅味道 皮蛋亦都比得好足 呢個湯底嘅配搭就好似媽媽煮嘅味道🥹 湯底叫得特別個面底都叫得特別少少 ，見佢有手功面可以叫估唔到都有驚喜！手工面彈牙口感好足 個人認為好似烏冬烏冬同刀削麵嘅口感之間，而且份量亦都唔少，當然湯底都差唔多比大家飲哂，亦唔會有好重味精嘅感覺，食完呢餐亦都唔會好口渴.

【元朗區】【方太小鍋米線】同經理哥喺元朗做嘢，經理始終都係經理，令我唔敢怠慢。教育路近豐年路嗰邊不嬲多嘢食，我哋就試一間最近好受歡迎嘅米線舖。平日嘅下午兩點左右估唔到都仲好多人食，甚至要等位，好誇張。我哋行個圈，見啱啱有位，就入咗去試佢哋嘅小鍋米線喇。揀咗湯底先，經理哥試 $55 嘅「方太家傳糯米酒」米線，本身就有芽菜、鮮腐竹、金菇、蟲草花、雞絲，仲有得加餸，各 $8 嘅油菜同秘製炸醬都令佢好滿意，然後 $13 嘅惹味炸豬扒係另上，保留爽脆感。嘢飲佢就加 $15 試「薄荷朱古力碎碎」，佢都話正。我就試 $50 嘅「膠質豬骨雞湯」手工麵，呢個就包含芽菜、鮮腐竹、炸醬、金菇、雞絲，本身都正。再試埋各 $10 嘅黑毛豬肉條同韭菜鮮肉餃，令到件事更加豐富，食材又好味。我加 $15 飲「Oreo 碎碎朱古力珍珠」，又幾好飲。埋單 $174，係優質嘅。。。（地址：元朗教育路87-99號鴻發大樓地下A號舖）@fongtai_ricenoodle#1amfoodie #foodie #hkfoodie #thatfoodiething #hkfood #food #instafood #yummy #

元朗小店唔止多 質素仲要好高😍 今日就比呢間湯底好特別嘅米線店吸引住入左去試 一試果然冇令人失望😚 價錢超抵食 CP值勁高👍🏻同朋友揀咗膠原豬骨雞湯同埋惹味炸醬干撈😝 雞湯揀咗試米線 干撈就試紅薯粉😋 仲可以自由配搭勁多小食 我哋一共揀咗5個餸 分別有惹味炸豬扒 惹味炸雞扒 川味豬腩肉 黑毛豬肉條 同炸鮮蝦雲吞🤩 全部小食即叫即炸熱辣辣架好好食 調味好惹味🤤 川味豬腩肉好有驚喜 好淋好入味😋 雞湯唔會好鹹好好飲 整體質素好高🫶🏻Lunch仲可以以優惠價加配特飲 我哋揀咗芝士奶蓋炭燒鳥龍奶茶同炭燒烏龍黑糖珍珠奶🤩 估唔到米線點都有咁吸引嘅台式飲品 小店果然充滿驚喜🌟

食過唔少米線店，呢間算比較細間，大概得10個左右嘅位置，但佈置算係好有格調，留意到舖頭居然用Marxxxxx牌子嘅音響播歌👍🏻價錢黎講我覺得係合理嘅，佢個碗唔細，本身嘅料都足。今次試咗1. 潮汕麻辣沙嗲(小辣) + 惹味炸雞扒2. 惹味炸醬干撈(少辣) + 惹味炸豬扒 + 台灣腸飲品1. 鴨屎香檸檬茶2. 宇治抹茶鮮奶珍珠辣度黎講我覺得係算偏辣，而雞扒/豬扒可能因為即炸，所以都要啲時間，但整體上幾香口，不過因為佢本身嘅米線料真係幾足，我覺得可以唔洗額外加餸😂又或者兩個人淨係嗌多一份小食就夠。飲品都好飲，特別係鴨屎香檸檬茶，檸檬夠曬清香，但略嫌嘢飲唔夠大杯，跟餐價都要15蚊杯，稍貴。

元朗區開咗間新嘅米線店，一於幫襯吓好唔好食地方不大，簡潔整齊，乾乾淨淨，服務方面廚師同店舖店員都有禮貌麵餐單湯底選擇有七款，麵可選米線、紅薯粉、淮山麵、手工麵；辣度可選小/中/大辣；飲品選擇比一般小鍋米線舖有特色，例如有宇治抹茶鮮奶米麻薯，Oreo碎碎朱古力珍珠，唔知係咪因為附近多學校呢？😀好大碗喎！有睇頭💫方太家傳糯米酒配料本身已經有芽菜、鮮腐竹、金菇、蟲草花、雞絲，餸就加咗黑毛豬肉條同滷汁豬大腸。一嚟到已經聞到好香糯米酒香味，個湯可以飲晒！之後都唔覺得口渴。豬大腸處理到位冇腥味，口感滑嫩麵底揀咗配手工麵，口感有少少似刀削麵，中間厚實有嚼勁，食膩咗米線嘅朋友，試下手工麵都唔錯！💫惹味炸醬干撈配料有芽菜、鮮腐竹、雞絲、炸醬、芫荽、炸蒜、秘製花椒芝蔴醬，餸就加咗豬腩肉揀咗配米線，夠彈牙唔會太硬，唔會一夾就斷；麻醬絕對夠撈咁大碗麵，米線勁掛醬，每一啖都係濃郁嘅👍🏻塊豬腩肉好腍好入味！掂👍🏻兩杯特飲：鴨屎香檸檬茶、黑糖炭燒烏龍奶茶珍珠，唔錯呀

📍 方太小鍋米線｛元朗｝ 來一碗米線🤲🏻聽到隔離枱講，話今日有個仼务，就係過黎朝聖一下，蕃茄濃湯同芫荽湯嘅湯底。店舖應該好岀名同好受歡迎👏🏻店內位置比較少，做到有啲日本feel 🇯🇵感覺好舒服😌✨ 極濃鮮茄酸菜湯濃郁蕃茄湯麵湯底，加左啲茄蓉，原味蕃茄湯底已經好出色，再配上芽菜、鮮腐竹、秘製酸菜、芫荽等配菜，令成碗湯更加好食😋麵底可以免費選擇米線或者紅薯粉等等，我就選擇了紅薯粉，口感不錯，不會太淋。麵條更加融合蕃茄湯同秘製炸醬、長洲巨型魚蛋、惹味炸豬扒：豬排醃得夠入味而且煎得香口🐷✨ 惹味炸醬干撈呢款撈麵配料勁多～芽菜、鮮腐竹 、雞絲、炸醬、芫荽、炸蒜、秘製花椒芝麻醬，呢碗揀左米線🍜配料都已經好豐富，撈埋米線食，炸醬既鹹香味好重👍估唔到米線🍜店會有珍珠飲品🥤真係好驚喜😙味道不過不失，珍珠份量都好多🤭而且仲好煙韌✊✨ 宇治抹茶鮮奶珍珠✨ 黑糖炭燒鳥龍奶茶珍珠