新齋橋 (已結業)

放工路經觀塘駿業街見到新開咗呢間新齋橋日式燒肉，即管上去試吓。店內裝修非常光猛，木系風格感覺好舒適，座位亦非常充足，仲有幾間Private Room可以容納8人，最適合三五知己聚會一人套餐都有多款選擇，優惠價由$78起，有豬、牛、雞任君選擇，今次我揀咗極上牛小排($98)會一會佢🤭套餐包括主菜、白飯、沙律同麵豉湯，唔夠嘅話仲可以追加其他嘢，調味料亦都好齊全，以一人套餐嚟講真係非常抵食🫶🏻牛小排油脂分布均勻，略略燒一燒就已經熟晒，口感偏淋，點少少燒汁用嚟送飯一流，不經不覺就食晒成個餐😋店入邊都貼有不同優惠嘅poster，仲有放題同埋Omakase，下次要再去試吓先🥳🥳

約咗朋友去觀塘開倉購物， 之後朋友神神秘秘帶 我嚟到新齋橋， 係佢近嚟發現的好地方。 裝修 光猛明亮而且地方非常寬敞， 木系裝修充滿日式風味。餐廳夜晚已烤肉為主， 好多靚靚嘅定食套餐。 牛胸腹肉、極上牛小排、 五花豚肉、豬頸肉、 牛板腱肉、 牛舌心、 雞腿肉……最後揀咗“極上牛小排＋ 五花豚肉 ＋ 雞腿肉＋ 牛舌心”套餐， 呢個性價比真係高， 幾款肉類都齊曬。 另外一個叫做“牛板腱肉”套餐。 每個套餐都包含麵豉湯、 野菜沙律、白飯。烤肉爐好容易使用， 喺座位有個掣可以選擇火力， 肉類好快就可以燒熟。檯面有三款 醬汁， 最鍾意蒜蓉醬汁特別好食。 再加少少鹽同埋胡椒粉 簡簡單單已經好好。

今日跟朋友搵食，佢帶我去觀塘電訊數碼大樓。原來樓上有間燒肉店。餐廳門口有個大鼓，餐廳內還掛滿了燈籠🏮，充滿日本風～和朋友各自嗌左一個定食：❤️極上牛小排定食和❤️牛板腱肉定食。定食有白飯、味噌湯和野菜沙律，好豐富。牛肉切得好薄身，好快熟。薄得黎有口感😋。火喉控制得好就唔易燒燶。定食份量一個人食剛剛好👍🏻。味噌湯夠晒熱辣辣，熱到辣嘴！野菜沙律🥗清新爽脆。桌上有三款燒汁和胡椒。牛小排和牛板腱肉點埋醬汁和胡椒食更滋味😋。

有日係公司附近食晏發現有間燒肉餐廳，今晚就放工捉左男朋友過黎食晚飯😋餐廳入面裝修得好靚好別緻，好有日式感覺而且坐位比一般既平價燒肉店闊落啲。抽風系統做得好好，食完都唔會有浸油煙味燒肉味👍🏻👍🏻我地叫左牛腹胸肉套餐同牛小排套餐🤩兩款牛肉都唔錯👍🏻都見到有啲油花，燒完加啲鹽帶一帶起牛味😋呢度仲有三款燒肉汁、鹽同拉麵胡椒粉，最特別既係出面比較少見既香草碎🤩加埋落啲鹽度點燒肉，又香牛味又有香草味😌😌呢度勝在性價比高，平平地$100有找，有時想過下燒肉癮又唔想食咁貴，呢度岩晒！👍🏻😋🤩 推薦指數：8 / 10📍 餐廳資料：新齋橋 (觀塘)觀塘駿業街58號電訊數碼大樓1樓☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodiegram #foodielife #foodiehk #香港美食 #觀塘美食 #燒肉 #焼肉 #新齋橋 #牛腹胸肉 #ハラミ #牛小排 #平價燒肉 #抵食燒肉

最近咁岩係觀塘返工同事帶我去食呢間位於觀塘嘅日式燒肉人均100 有肉有飯有沙律有湯牛肉嘅品質都幾好味唔鍾意食牛肉嘅朋友仲可以選擇食佢哋嘅雞肉雞肉我覺得幾嫩滑可能因為係雞髀肉嘅緣故當然最正嘅都係牛肉今次同朋友一人嗌咗一個餐我叫咗極上牛小排$138朋友叫雞腿肉$118我自己鍾意煮到七成熟呢個肉質特別嫩佢哋啲飯我都幾鍾意加埋啲醬汁撈飯我可以食晒全部整體我覺得幾滿意而且位置坐得都幾舒服喺附近返工嘅朋友都值得試吓👍🏻

呢間餐廳位於駿業街附近，我地行過見到有燒肉食仲要係一人一個爐可以自己燒就搭電梯上左去食，呢度環境好大，主打一人一個爐燒肉，但入門口既時候就唔見職員招呼，但出餐速度係快既。食物方面：我地叫左一份牛小排燒肉套餐，油脂分泌平均油花都幾多都幾多有九片都算抵食，肉汁juicy。另一個餐叫左牛板腱，牛板腱肉質比較重肉味瘦d同濃郁肉味d呢度既燒肉全部不加調味客人可以跟據自己鐘意既熟度去燒同埋配左胡椒，鹽同不同醬汁俾客調味

落觀塘揾朋友食嘢，想食燒肉又唔想太heavy，就去咗食一人燒肉餐廳，餐廳嘅場地好大，佔地全層勁闊落！好多打卡位，有巨型招財貓🐱，太鼓等🥁～真係個好地方，可以盡情享受美食🤣每份定食除咗珍珠米，會包胡麻醬沙律同麵鼓湯，麵鼓湯口感濃郁香滑，沙律用上新鮮蔬菜同埋胡麻醬汁！食完之後仲有種飽足感，真係好滿足。🥗🍲🥓極上牛小排定食｜優惠價$98切得薄薄嘅，入口即溶～油脂好均勻😍燒得啱啱好，帶少少焦香💕每啖都好多肉汁💦好味！🥓牛板腱肉定食肉質鮮嫩多汁，較重牛味🤤肉質韌而有嚼勁，搭配上醬汁，味道更加突出😳💕餐廳提供唔同嘅調味粉同醬汁可以自行配搭燒肉😌唔同嘅調味粉同醬汁，帶出不同嘅風味同層次，令燒肉更加豐富多變！🥰食物質素性價比高，環境舒適，絕對係一個值得推薦嘅餐廳！😝

今日Lunch同同事想食燒肉, 經過見到呢間個名禁似日本, "新齋橋", 就決定試下🥩極上牛小排 $98比想像中既紋路靚, 原本以為任食放題既質數, 但一上台都算靚仔, 食到牛味, 唔會太淡🥩牛舌芯 $98厚薄適中, 咬起來非常有口感, 但始終因為價錢關係, 牛味唔算太重總括而言, 雖然整體質素唔算超高級, 但如果平日返工同同事食lunch, 想環境闊落啲，座位又夠多，又想食好少少的話, 係一個唔錯嘅選擇套餐全部配野菜沙律, 味噌湯, 白飯

😉一人友善燒肉套餐😉-有時候weekend 作為一個I人都好需要啲me time 所以都會揾吓有咩一人友善餐廳😎 今次就㨂咗啲間有得一人燒肉嘅餐廳 做個孤獨的美食家😉-🐮極上牛小排唔算好肥 所以都容易燒 唔會彈油到周圍都係 只有比少少心機focus啲 就可以燒到好靚嘅網紋grill mark😌-🐷五花腩肉油花都剛剛好 唔會太過肥 幾啱燒烤 唔洗咩技巧都輕鬆燒到😎 配翻鹽同胡椒 都夠調味😝-🍗雞腿肉都幾夠水準呀 肉質好彈牙 配合埋枱面上醬汁好好味😌-👅千舌芯本身以為佢薄切會好易黐住個網 估唔到又唔會wor🤪 食落都幾爽口彈牙 配鹽同埋其他醬汁都好夾-📍新齋橋 (觀塘)觀塘駿業街58號電訊數碼大樓1樓

新齋橋地址：觀塘駿業街58號電訊數碼大樓1樓估唔到又幾好食wo 🤤牛板腱肉定食🥩 $138呢碟牛板腱肉真係無得挑剔😜！肉質鮮嫩多汁，每一口都好滋味！配埋啲米飯同埋令人垂涎嘅配菜，真係飽肚又滿足！🤤👌極上牛小排定食🥩 $138呢份極上牛小排定食真係一級棒！牛小排肉質鮮嫩😝，入口即化，每一口都帶嚟濃郁嘅牛肉香氣😋！再加上啲配菜同啲醬汁😎，真係令人嘆為觀止！-—————

2024年5月9日 星期四今日放工之後就同老婆出到去觀塘食飯，打算嘗試呢一間燒肉餐廳，因為網上見到評價唔錯，好多人都話午市去嘅時候要大排長龍，所以一於嚟試吓我哋嚟到嘅時候時間尚早，未到晚市嘅高峰時段，所以餐廳入面唔算好多人，而且見到餐廳裏面位置好寬敞，有好多座位，除咗二人分享一個燒爐之外，仲有位置係可以一人用一個爐燒肉嘅，啱晒一個人嚟食燒肉嘅人由門口開始已經見到餐牌，除咗燒肉之外仲有唔同嘅套餐可以選擇，全部都係免加一，所以價錢唔算太貴，而且淨係肉類都有唔少款式添，最後我哋一人叫一個set share嚟食等待食物期間仲見到原來有$1換購雞肉優惠，不過由於我哋擔心食唔晒，所以最後冇要到，唔知道份量有幾多等咗大約10分鐘左右，食物就開始陸續送上，我要嘅係極尚牛小排套餐，見到牛肉嘅脂肪分布好平均，有晒紋路，唔使燒太耐已經可以食得，食落去充滿油脂，同白飯一齊食更加夾，因為咁樣食會冇咁油膩，另外套餐仲有沙律同麵豉湯，所以一定飽老婆就要左牛板腱肉套餐，感覺上比起我嘅極尚牛小排更加靚，而且燒完之後食牛肉味更加濃烈，更有咬口，搞到好想同佢交換個餐另外餐廳仲有提供唔同醬汁可以點燒肉一齊食，分別有原味燒汁、

喺觀塘想食燒肉但又唔想食放題咁Heavy，就嚟咗呢一間喺駿業街嘅燒肉店，入面位置都幾多，而且環境寬敞，冷氣十足，食住燒肉都唔會覺得熱🐮極尚牛小排、牛板腱肉 $98 牛小排油脂比例平均，食落會有些少油香，配埋白飯一齊食非常出色，至於牛板鍵肉，就會比較瘦，但食落一啲都唔韌，而且牛肉味好濃郁，唔使點醬汁食都覺得好好食，隨餐會有沙律、白飯同埋麵豉湯，呢個價錢齊晒咁多嘢，真係好抵🐓嫩滑雞腿肉 而家餐廳仲要做緊優惠，只要惠顧任何套餐，加$1就可以要一份嫩滑雞腿肉，抵到爆📍 觀塘駿業街58號電訊數碼大樓1樓 - 新齋橋

窩夫與蝦子餅在觀塘找地方吃晚飯，突然想食日式燒肉，便光顧「新齋橋」。之前經過駿業街已經留意到「新齋橋」的存在。燒肉套餐78元起，價錢親民。感謝祭期間，凡惠顧燒肉套餐可加一元換購一份100克的「嫩滑雞腿肉」。餐廳地方比預期大，光猛企理。當晚未夠六時便入座，成為第一組晚市燒肉的客人。二人分享一個燒烤爐。肉本身沒有醃過，可按個人口味用桌上的調味品調味，有鹽、胡椒和三款燒汁選擇。套餐包括白飯、味噌湯和野菜沙律，水準不錯。右邊那碟就是加一元換購的「嫩滑雞腿肉」，雞腿肉十分厚肉，要慢慢燒至熟透，肉質嫩滑。五花豚肉不會太油膩，肉味頗濃。牛小排沒有燒得太熟，軟嫩多汁。

📍新齋橋 觀塘駿業街58號電訊數碼大樓1樓～～～～～～～～～～～～～～～～～～～之前經過已經覺得舖頭名好吸引好似返到去日本😍餐廳空間咁大 佈滿日式嘅裝修～一人燒肉 岩晒過下口癮嘅我🥩極尚牛小排 $98牛味香濃 肉質鮮嫩肥瘦均勻 薄薄地 ～✨五花豚肉$78份量岩岩好 豚肉新鮮可以配加蒜味燒汁/辣味仲有沙律同味噌湯餐廳有足夠位置 坐得好闊落新開張仲有優惠而且通風系統完善 完全唔多油煙～～～～～～～～～～～～～～～～～～～～

位於觀塘駿業街的新齋橋-居酒屋，食一人烤肉好抵食。最近新增了Omakase(廚師發辦)，坐係bar枱望住日本壽司製作壽司🍣，環境好chill~入座後可先享用有三款的前菜和沙律，跟著廚師就會開始即做各款新鮮壽司，逐款放在吧枱上每位顧客的專用碟上，顧客就可夾到自己的碟享用了，我們當日就享用是非常豐富既食物，🍱包括：北海道帆立貝—帶強烈的甜味及濃郁的鮮味赤目張—超鮮甜超濃郁，彈滑深海池魚—脂肪結實、口感柔軟順滑鮮甜加拿大牡丹蝦—蝦肉肥碩香甜、彈牙笠子魚—肉質甜嫩、油分高火灸金目鯛—脂肪豐厚味道濃郁愛女魚—肉質扎實爽口中拖羅—鮮味又帶魚油香加拿大海膽—挺身飽滿，入口即溶松葉蟹膏配甘蝦—甘甜鮮美三文魚籽醬油漬—魚籽鹹香🍴吞拿魚蓉加葱花手卷—幼滑無筋，蔥增口感中間會送上鳗魚蒸蛋（鰻魚塗上醬汁燒後再放在蒸蛋內，連蝦、魚蛋片及白果）、雜錦天婦羅：🍤有炸蝦、秋葵及花型芋頭片美國牛小排烏冬（薄切牛小排超嫩滑）最後是甜品（抹茶紅豆雪糕），師傅在客人面前才到入抹茶，甜甜蜜蜜的，十分滿足！