新高麗苑韓國餐廳 (已搬遷) 新店位置

一班friend聚餐，最好選擇都係食放題，無論日式或韓式，都可以食到唔同的食物！上星期我哋就揀左韓燒，因為想食乜野自己話事自己落手我哋黎到灣仔的“新高麗苑” ，估唔到呢度的食物種類相當豐富，豬、牛、雞、海鮮、蔬菜、熟食、水果、甜點等一應俱全！先睇下燒烤類方面，有好多選擇，牛、豬，海鮮、蔬菜……每款都已經調好味牛仔骨、豬扒燒完都唔覺得韌，相當juicy，調味亦適當，就咁食味道都相當唔錯，我個人就鍾意用生菜包著食黎減低油膩感 海鮮類雖然腌過，但食得出好新鮮，口感爽脆及鮮甜 小菜款式亦多蘿蘿，菠菜芽菜可口，泡菜青瓜開胃，白雲鳳爪爽口，魚乾仔煙韌！有各種飲品，但要另計，不過價錢相宜熟吃種類亦有好多選擇，味道亦相當有水準。我最愛首選豬腳薑，好入味但又唔會太腍，醋的香味亦夠濃郁 仲有壽司、甜品、糖水和生果等，每樣只係試少少就已經飽到捧住個肚！到買單時先發現仲有好多樣都未試匀，但真係好飽，唯有下次再黎過啦

今日去了駱克道新高麗苑韓國餐廳，樓上舖2樓，部𨋢好慢。old school 的格局，四個人去叫套餐share 食。豬，牛，雞，墨魚跟飯跟湯跟八小碟前菜。先講前菜，全部普通料(牙菜.豆卜，菜心，著仔......)係冇泡菜，真吹漲。到主菜，冇一樣似食韓食，全部茶餐廳料，極之普通(帶甜)。湯係比較好的(冇咁味精)，另有啫喱做甜品。每人61蚊理單，不過不失。ps:落單上菜係速度之王(快、快、快)

呢到既午餐每人有兩個前菜，所以通常會叫多幾個人share，就會有多幾個前菜，之於正餐係炒雞肉或豬肉或牛肉配飯，肉類比較一般，因為無論咩肉都係同一個甜味，但前菜真係好多款好入味今日有3個人，前菜有泡菜，好入味，酸酸辣辣好開胃，有薯仔，薯仔係必食推介，啲薯仔好諗，啲汁入晒味，青瓜，又一開胃之選，醋同青瓜味道好灰，豆腐卜，佢整到辣辣地甜甜地，好惹味，仲有粉絲，有雲耳喺𥚃面，口感更豐富個餐仲跟一個湯同細細個成日食既啫喱，好抵食

點解黎呢度韓燒? 因為有人想食肉！呢間韓燒最正反而個BUFFET！淨係泡菜就夠殺食！十幾碟款款夠酸夠味！ 韓國人做醃野真係好厲害！其實肉都好好味！見到嘅都血淋淋而5係暗色！燒得好5好食就睇自己嘅看家本領！D扒同柳好煙韌好實！啖啖肉5會太肥！個燒烤味好重！ 加埋甜豉油真係好香呀！呢間旺到爆~!想下次再黎都5易

韓式任食好正！200 任食真係抵到爛，牛肋骨質素好好，韓式前菜都好多選擇，西瓜任食又甜，糖丸啫喱都好好食，人參湯，楊支金露一般，三文魚刺身ok不過補給唔夠密，服務就一般啦叫咗啤酒甩單但總括而言，實在係大部分都好食同勁抵

平常一至五午飯都吃得比較普通，簡單容易又一餐。但難得今天少有地早了完成早上的會議，因此決定提早慶祝週末的來臨。選擇新高麗苑的原因並非其地方就腳，或者是燒牛肉好吃，相反是她們供應的配菜夠精彩！正餐出現之前，先來令人期待的五小碟，當中以薯仔和豆腐最叫人喜愛。是日之選是一款紅燒牛腩肉，牛腩軟腍入味到不得了，不過更加吸引的竟然是配菜的蘿蔔。蘿蔔入口鮮甜多汁，而且質感滑溜，完全沒有渣，味道實在滋味。離開時大約只是一時左右，餐廳不但已經高朋滿座，就連門口也擠滿了大量不耐煩的捧場客。如果有興趣一試這裡的紅燒牛腩蘿蔔的話，相信要從公司提早點出發。

今次輪到靚女公主班人幫我慶生，我最愛食韓國菜 架嘞，一於自己上OpenRice做功課，嘻嘻 ……竟然俾我發現新大陸 ~新高麗苑。價錢方面當然合乎經濟啦，死黨請食飯，幫手慳荷包麻 ！成人每位$168，小童$108，須再加一。無限人數，俾多100蚊就可以包間房，但最少8個人先包得，包房可以燒3個鐘架，嘩...簡直超抵價 ！呢間韓食店裝修得好企理，房間設計用上和式榻榻米, 簡單舒適。成班人又可以開心傾計，舉杯暢飲，自成一派，夫復何求？！最重要係食物既器皿擺設乾淨俐落，食得放心吖麻！食物方面，最愛係前菜 ，超多款式，仲碟碟 斗添！數得出有辣泡菜，夠哂辣。銀魚仔，甜甜地好好。白雲鳳瓜，酸辣無骨，好少見既一款前菜！白蘿白，酸甜惹味最暢銷，靚女友人攞來擺低一陣，就俾我地班為食嘩鬼ko哂！青瓜，分少辣及大辣，兩款都青脆爽甜。黑木耳炒粗身粉絲，黑木耳及粉絲勁入味爽口！兩款芽菜，分大荳芽菜及芽菜，兩款都好爽口。青菜、白菜，夠新鮮。炆薯仔，炆得夠腍入味非常！酸蕎頭，夠酸爽脆。炆豆腐卜，好好食……等壽司方面 ，有三文魚、蝦、甜蛋……等都唔錯。仲有炒飯、豬腳薑(豬腳入味夠腍，蛋亦入味，薑夠辣)

今日成班朋友話想去食韓燒,但又唔想太貴,咁咪揀可以任燒,咁班朋友就話有介紹,就跟佢地去。其實裝修絕對唔差,聽講仲有房坐,不過我地就無咁好彩有房喇。價錢都十分公道,絕對岩哂一班餓鬼去食,加埋野食種類都幾多,起碼唔會食到悶先。韓國冷盤有好多款，我覺得個泡菜都幾有水準,而且睇落都好開胃,粉絲都係推介之一,而且仲有刺身同壽司,諗住佢任食,質素都唔會話太高,但個三文魚刺身真係喜出望外,佢好新鮮,而且唔會話任食所以太薄。主要燒既野大約都係一堆肉類,好就好在賣相都十分整齊,唔會睇落令你唔想食,整體黎講都唔錯,最後就係價錢同食物質素係絕對令你滿意,不過睇食評就話服務好差,我自己就覺得唔錯喇,因為成班人都唔洗話咩服務既,最緊要自己食得開心。

今日同朋友去完灣仔買電腦野之後,就當然要食飯喇,係灣仔搵野食，好似好有難度,佢話好耐無食韓國菜，所以就去搵韓國野食。行左一陣就見到,當然咁餓既我地要即刻入黎。叫左個午市套餐，叫左一個豬肉及雞肉。SHARE黎食都好嘛一開始就黎左個湯，熱熱地幾好味,不過就咸左少少,韓國菜既前菜當然一定要食下，因為有林林種種既前菜,依到都有好多,泡菜、菜、魚仔乾同豆腐。泡菜醃得好入味呀但又會唔太過辣唔算太酸 正，豆腐就就酸得黎不過非常醒胃，魚仔乾一向都係最愛鹹鹹地好惹味，菜都唔錯不過太多油。豬同雞肉出場。兩個都有哂燒汁係面，好想快D食呀,好好味,唔會太咸,算係新鮮起碼唔會有陣雪味,唔錯,價錢都合理。 

今次係我第一次寫食評，原因係因呢間野真係令我好氣憤 果日同兩個朋友上去食呢間野，因為一早訂左位，所以不用等位，一開始覺得佢既衛生環境都不錯，食物味道一般  但係種類選擇不多，味道就一般，之後我地燒左約一個鐘就已經要求我地結帳，過左一排之後，佢地就開始收我地既食物同碗碟，仲熄埋個火，但其實仲未夠鐘，算啦，我地咪出去拎甜品食，跟住我朋友拎左碟西瓜番黎，食緊果陣，佢就話夠鐘要我地走，我地就諗住食埋碟西瓜就走，5想晒左D食物，點知佢竟然一手搶走台上面碟西瓜，倒左佢 仲叫我朋友拎住塊西瓜走，我朋友好無奈咁拎住塊西瓜出去，邊行邊食埋佢。走左之後，我睇番隻錶，其實都未夠鐘.... 百幾蚊可能5算多，但係D咁既服務態度，真係令我好無言 如果大家5介意咁既服務態度，都可以去既但係我就5會再去多次

想同朋友食韓燒任食本來想食北角一間韓燒任食, 平又多人話好食不過朋友想食完去影鴨, 就諗住去天后分店點知book錯左哩間(店名只有一字之差)不過佢地識人食過, 話都唔差, 就算一行5人, 一去到問我地坐唔坐房坐就加$100, 就可以唔限時, 唔坐房就限1.5hr(幾多個人都係加$100)見share返係每人俾多$20, 就坐房 (但之後再打去book已冇左哩個優惠)房係tatami形式, 不過地下有洞, 可放腳食物質素方面, 以任食質素黎講算唔錯, 好過mk d質素款式都算多款, 除左大路o既肉類, 前菜, 仲有金菇肥牛, 炸饅頭南瓜楊枝金露, 湯丸, 雪耳紅祖糖水, o者哩

這天到罷書展後，和老婆在灣仔尋找食店，見許久沒有試韓國菜，便光顧新高麗苑。這家餐廳在灣仔已十年了，一直有提供午市及晚市套餐或自助餐。這天我們點了午市套餐，分別是豬扒及雞肉。先來了湯，不明白韓國的湯一味死鹹，喝得更口喝：我喜愛吃韓國菜與其前菜不無關係，林林種種的前菜，花多眼亂。今次有四款，包括泡菜、菜、魚仔乾、豆腐。泡菜醃制得很入味但又會過辣，豆腐帶酸辣非常醒胃，魚仔乾鹹鹹的好惹味，菜則油份太多。生豬扒、雞肉出場。兩者已醃有燒汁，而我們燒時特別不多次反轉，肉汁可鎖住，因此燒出來肉汁和燒汁均能留住，完全不'鞋'口。套餐還附送甜品 - jelly。

主菜、湯、兩款前菜，加甜品啫哩，收費僅$45-$48，難怪吸引了大批灣仔打工一族去排隊幫襯﹗前菜有7-8款，若waiter隨機送上的前菜不合口味，可要求轉換指定前菜，細心服務，確抵讚﹗去到有一杯茶提供，若要添飲，就要長舉手了，因超繁忙﹗環境勁嘈吵，未食完就有人清枱及要求結帳。我和同事叫左兩餐餐share嚟食。蛋包魚飯@酸青瓜@椰菜粉絲@牛骨湯@橙味啫哩小妹嗜蛋如命，每次必定叫蛋包魚飯，蛋包魚煎得外層香脆可口，龍脷柳滑富蛋香，好味。白飯米粒偏濕偏黏，口感麻麻。酸青瓜開胃醒神，椰菜粉絲料多夠味。小妹沒有喝牛骨湯，只見湯中有數條蛋絲，嗅到強烈的胡椒味。豬扒湯麵@炆薯仔@芽菜@橙味啫哩第一次叫湯麵，超級失望！湯中有韮菜、蛋花、紅蘿蔔、兩片日式魚蛋，以及四件味道ok的豬扒。湯味極淡，可用「無味」來形容。麵底店家就用左韓國白色幼身麵條，煮到好似麵糊一樣，叫人難以下嚥﹗究竟是麵條本身問題，還是廚師烹調失準所致，就不得而知了。前菜炆薯仔香腍甜，芽菜爽口。橙味啫哩夠Q，混合淡奶來吃，沒有難吃的道理﹗

因為我地多人可以包間房今日食午餐，佢有好多套餐簡＄４０幾５０蚊就有前菜，白飯跟一種肉類做主菜有胡椒牛脷絲湯同埋甜品啫喱我食果個係特別Ｄ既什錦飯，就冇跟一種肉類做主菜反面係有蛋，冬菇，肉躁，芽菜係入面，係勁大碗勁多料！咁豐富既飯係好好食啦，蛋係半生熟，正肉躁夠多汁，芽菜又新鮮爽甜係唔好在唔係好夠熱個湯係超辣，好重手既白胡椒味其實如果食得辣都幾好飲的我食親韓國野都勁鐘意佢地唔同款既小食又多又惹味有特色可能因為我地多人，佢比左好多碟同份量都好多樣樣都新鮮唔馬虎最好食既有薯仔，好入味好淋個椰菜粉絲，酸青瓜同小魚仔都好刺激到味覺好滿足咁平既價格可以食到咁多野有肉有菜又有甜品唔錯！！

今次係我第二篇食評，請各位多多指教。今日，我肚餓指數係100%，屬於＂餓狼級＂最好就係食韓國燒烤，所以，我就同男朋友一齊去咗新高麗，其實，我好鐘意新高麗點解？環境：舒適，優雅，地方寬躺，最鐘意係佢d卡位，好大，好似一般荼餐廳的四人座位*1.5。(6人卡位）6人卡位，兩個人坐係咪好正呢，佢哋仲有party房添，有多d 私人空間。食品：種類煩多。中，日，韓，美食大集匯。 韓國冷盤有超過10 多款，泡菜，白雲鳳爪，粉絲，菜都有3至4款，魚仔，等等。我特別推介係白雲鳳爪同埋粉絲，冷盤中，這是我的至愛。 日本壽司有大概四款，三文魚，鰻魚，墨魚，八爪魚。 仲有，蟹子沙律，最正係有三文魚刺身，質素很高，食落口，味道似三文魚腩，新鮮，肥味。三文魚刺身同埋子薑必吃。 中國嘢有薑醋，正嗎？ 主菜：大量唔同肉類-豬,牛，肉，雞，魚，海鮮，瓜菜，我唔續樣講喇，最正係，牛舌同埋蝦，新鮮，大大仵，牛舌係我＂飛佛＂，煙煙un un ,很有咬口，好正。 湯：有人蔘雞湯，好正，落足料。 甜品：涼粉，西瓜，jel