新高麗苑韓國餐廳 (已搬遷) 新店位置

我去過尖沙咀分店3次!!第1次同同學慶祝生日..第2次同屋企人慶祝生日..今次係朋友同我慶祝生日!! 每次都食得好滿意.. 大家1致認為雞軟骨同雞腎最好味呢!!熱辣辣ge 炸饅頭都好好味丫!糖水都唔錯呀..但係款式小左d囉! 每次都係得1款我3次都試過唔同的!!最好味係第1次食ge 薑汁湯圓!! 薑汁味道剛剛好..芝麻湯圓好正.. 咬1淡之後d 芝麻係另1面溜出黎!! 諗起都想食呀!! 唔知幾時可以再食到呢???服務都幾好..主動收野.. 燒到咁上下又有人幫我地換過個pan .. 每次叫佢幫我地影相都好樂意!! ^^唯1不足係要叫先幫我地加水! 而且有個女侍應竟然叫人拎杯水擺佢面前俾佢加..佢伸長小小都唔肯.. 而家個樣仲好不滿咁!3次埋單都有8折,,因為有coupon!!走個陣d staff 又俾返張coupon叫我地下次再黎..值得1讚要大家破費了..多謝晒!!

係sun night 去既, around 8 o'clock 都有幾多人等，可能灣仔區無乜韓國燒烤啦, 等左約15分鐘就有位，不算耐，環境算ok, 裝飾好過又乾淨過cwb漢陽苑，食物都不錯，唯一甜品選擇不多，不過我會再去，起碼卡位坐得舒服^^

在馬可孛羅酒店對面某商業大廈一樓，餐廳不太大，但坐得舒服，韓式燒烤自助餐好正，最好味是牛肉和蝦，很少地方有蝦燒呢！所以我吃了很多。還有三文魚刺身和壽司，水準都幾好。不過熱盤較少，只有數款，如果多些就好了！價錢很待，原價是$108，我有飲食男女的八折券，所以一百有找。我在短期內會再去，希望水準不變。PS有一個缺點，只限食1.5hr，連坐多一你分鐘都唔得，這需要改善。

同事們與我吃午飯慶祝生日，心血來潮想食韓國餐，綜觀灣仔區無咩韓國餐廳，呢間係唯一之選呢! 由於午飯時間較匆忙，大家都只係點午餐，豬扒唔錯，好好味，雖然其他同事都未來過，不過，大家都覺得食物唔錯，頗滿意我呢個介紹，以後食lunch又多一個選擇呀!

座位:上到去,好似張張桌都是car 位,o岩晒情侶/朋友相聚, 因為有半私人半open 既空間。食物:整體都唔錯,而我同bf 特別喜愛"蝦", 因為去埋腸嫁。而糖水足料又大體,完全唔求其。

迎月之日的下午，要為晚上的家人聚餐打點，同太座在灣仔街市買海鮮。食飯時間，佢話想食韓烤，咁在灣仔區都無咩選擇，還記得之前與一眾OR友在附近活動時，時有聞到這裡傳出陣陣烤肉香味，就一起來試試。呢度係一間舊式韓烤店，都不記得開左幾耐，不過就不是短時間。店內以卡位為主，分四人及六人，如果不縑環境昏昏暗暗的，其實幾好坐。當然舊式裝修，是瀰漫著一陣油煙味。午市可以選擇燒烤餐，有肉有湯有飯有前菜有甜品，只收38蚊，都幾抵食，就叫了個牛肋骨及雞肉的燒烤餐。食韓烤又最好飲啤酒，佢竟然沒有任何韓啤的選擇，但金威或燕京就有，細威仲只係8蚊一支，就又叫了兩支。前菜四碟，分別是酸青瓜、豆角、豆腐及甜薯仔，老實講，非常之港式，論味道，甜薯仔還算不錯；湯是白蘿蔔牛肉湯，都煲得幾夠火侯，起碼喝完在碗底有不少的胡椒粒在內；烤肉兩碟，看來份量不少，不過一看便知是港式，因為同燒烤包的肉幾類似。肉醃得都算不差，當然平平地，不能與正宗韓式相比，這點是已有心理準備；飯當然不是韓國米，還用一個快餐店的膠碗去盛；甜品是一杯啫喱，貫徹港式風味。侍應也是全本地人，無咩招呼，一切以效率為主，非常的快手快腳，尤以收碟而言。埋單102蚊，幾

個到d侍應最不好就係個男子,服務又差成日最叻講人走,野都未食完就話埋單,真係唔似做生意,d侍應都有一兩個ok (gei) !

熟食不多, 有壽司, 泡菜, 沙律等甜品只有幾款, 包括涼粉, 西米露等飲品只有水及茶免費無供應, 如要汔水或啤酒, 要另外收費其實以這個價錢, 我也會寧願到其他韓色自助燒烤店, 因為服務雖較好, 但這裏食物的款式比較少, 因此難怪星期六晚市, 也不滿座

上星期日，我母親大人生日，來這裡食Dinner buffet，即自助韓燒，好耐以前都來過。選擇算多，環境幾好，服務ok。但係前菜如泡菜、蘿蔔、芽菜，真係退步，幾失望。

各位, CHEAP 唔係指價錢平, 係指服務質素(可能係個別waiter):Case 1: 今日同個friend 去食lunch, 因不太肚餓, 又好耐無幫襯, 便點了一個雜錦飯($38) share, 落單的是一個(貌似)獅子頭的waiter, 還重複問了我們是否只要一個餐. 後來才知原來有特別意思的: 在面前的雜錦飯, 份量只是平時見到的一半(當我第1次叫雜錦飯呀!!), 是specailly small size , 我諗係"焗" 我地再叫其他食物;Case 2: 到叫埋單後, 另外一個waiter 就攞住張單, 話多謝$84. 嘩嘩嘩!! 原來埋單係用"食buffet" 既計法--- 用人頭計架,兩個人入黎實要一人食一個餐架咩??????可能間餐廳呢排生意唔好啦...............

拉了師弟陪我到這兒吃午餐。點了一份客飯和一份雜錦飯（各$38），連加一，共$84。先來「韓式清湯」，內有蛋絲、蘿蔔、豬肉粒，家常味道，勝在唔鹹和夠熱。再來「前菜」四碟，有蒜泥青瓜、蒜拌菠菜、綠豆芽菜、薯仔。味道一般，無辣白菜和辣蘿蔔，總覺得若有所失！不消兩分鐘，「韓式豬扒客飯」便上桌，兩塊的帶骨豬扒，每塊一開四，共八件，味道寡寡，唔香口，製法既不是煎烤，亦不是燴煮，有點怪胎的感覺。白飯細細碗。呢份客飯唔值三十八塊錢。十分鐘後，「韓式雜錦飯」便上桌，食材跟石鍋飯差不多，唯盛皿乃普通大磁碗。飯偏濕。配料出奇地油膩，有菠菜、冬菇、芽菜、豬肉碎…等。荷包蛋有蛋汁，可用以拌飯。最後來葡萄果凍，淋上花奶，許久沒食過這兒時小吃！雜錦飯油膩，豬扒味道三不像，泡菜一般，麻麻地…。

老公接放工, 而灣仔的晚市實在太可愛, 又多選擇, 又唔多人, 極少出現銅鑼灣區的大蛇餅.諗起想食韓燒, 老公可以狂食肉, 我就可以狂食前菜, 於是走到此店, 因為平時放工, 已經成日聞到香味. 而且得2個人, 無謂叫到一檯食物又食唔哂.樓下人影唔多個, 店內竟然滿座. 等執檯時到自助檯走了一圈, 選擇多, 質素亦ok. 二人安頓於一個大卡位, 我問有冇時限, waiter答:"正常就係食1.5小時, 不過如果冇人等緊位, 可以隨便食耐d." 相信可以解答下面果位食家的疑團.我有食o既韓燒食物包括: 雞軟骨, 牛肋骨, 牛柳(好味過肥牛, 唔錯), 羊扒(連骨, 幾好), 叉燒肉(好正, 燒起來好香), 豬頸肉, 鮮蝦(已去殼, 似雪蝦, ok, 起碼唔會霉), 椒鹽牛舌, 火雞腎...其他熟食包括: 鰻魚壽司(有個師傅仔不停整, 質素拍得住元氣), 蟹子沙律, 多款糖水, 豬腳薑, 羅宋湯, 白飯...最開心有大量唐生菜供應, 比我可以每片肉都用生菜包住來食, 冇咁油膩, 又快d飽, 應該冇食肉飽咁肥!

呢間野上次上食~~四五個人,有房仔坐,有埋電視機~超正,好有日本o個d有少少陳舊屋企feel,食物唔錯!o個次去食自助燒烤,我最鍾意d煙肉同酸辣白菜仔,前菜有好多款式,總算不錯!很多肉類&雜食.還有壽師,魚生等等~~好在壽師,魚生都唔計算要搶咁,幾次出去都有好多,供應量係足夠的~~仲有佢d啫喱仔...真係...上面加d花奶,細細杯...令我諗返小時候既零食,仲要任食...野食方便就無咩野~每位$108,算係咁la,不過無野飲lo~~o個次坐左三個幾四個鐘,好抵食...起碼唔趕,慢慢嘆!之但係...o個次第二日之後我就想再去,話說有次打去訂位,奇怪既事情就發生la,佢同我講$108,每人食個半鐘...@_@我同佢講,我昨天先來過,埋單無錯,,,都係每人$108,但係...我地起碼最少坐左4個鐘,,,但係佢係都話無可能,個個都係咁...但係事實歸事實...我地真係每人卑左$108...食足四個幾鐘...但佢係都話唔會,個個人都係個半鐘...@_@真係O哂咀...唔知講咩好~我話我昨天來過係咁,佢又話不嬲都唔係咁...-.-~~幾天後,我同返FD講呢件事...佢竟然同我講......O個個F

個個BBQ自助餐都幾低，有好多肉類選擇，前菜都好食，魚生都有，都算唔錯！

前言：四個人來到這兒吃午餐。在接待處等候安排入坐的短短三分鐘，被十多盤紫羅蘭深深吸引，眾人忙於用手機給這些花兒拍照。食物和評語：四個人都頗肚餓。於是，點了頗有份量的「$238 午市四人燒烤餐」，埋單$262。此餐份量不少，我們四個大男人吃，份量足夠。估計，六位OL 都夠分享此餐。此餐包以下食品。 1. 韓式清湯：一碗清湯裡有白蘿蔔、牛腩、煎雞蛋塊。味道一般。 2. 泡菜：五款小食。有大白菜泡菜、小魚乾、甜酸蒜蓉小黃瓜、蒜蓉小白菜、醬炆馬玲薯。其中，後三者稱不上韓式泡菜！連大荳芽泡菜、蘿蔔泡菜都沒有，有點兒那個！ 3. 韓式燒烤：整體上，食味和質地都不算差。至少，較坊間那些任食韓式燒烤好一些。四款烤肉都份量不少，每人每款肉類至少可分到三至四大塊。牛肉更是每人約六塊！ a. 雞肉：相當滑和「淋」，味道一般。 b. 牛肉：偏辣，味道一般。 c. 墨魚仔：約一打醃製過的墨魚仔，每隻體積不細，較坊間的大一半，質地算新鮮，燒烤過後亦不會靱。 d. 豬肉：實為帶骨豬扒，店家以三塊帶骨豬扒，每塊一開四醃製而成，微辣，肉質算嫩滑。燒烤後亦不會成