新香園 (堅記)

营业中

休息中

其實 "新香園" 一向都晌我個 Bookmark 之中, 奈何深水埗區實在有太多好食店既緣故, 一直未有機會一嚐傳說中既蛋牛治同紅豆冰.....是晚因為要採購聖誕派對用品既關係, 要來個 "快閃掃街團", 今次捨福榮街而取鴨寮街一帶, 先來個 "合益泰" 熱熱身, 再來今次既焦點食店 "新香園".... 因為幾間食店好似合益泰咁呢個鐘數就會打烊, 所以順理成章, 冇呢種時間限制既 "新香園" 就成為左呢次既最後一站。晚上八點幾, 入到店鋪, 人流唔算太多, 唔似其他同區名店咁出現人龍既狀況, 吉檯都有幾張, 唔駛搭檯, 坐得舒舒服服, 先加一個印象分~ 當時大部份顧客都晌度食緊其中一款名物 "豬手麵", 奈何要 "掃街" 既關係, 絕對無福消受, 於是叫左以下既名物: 蛋牛治烘底 - 事前得到高人 "深水火神" 指點, 千叮萬囑我要同店員講明 "要滑蛋", 雖然唔知會起到乜野作用, 但對於我呢個首次到訪既新顧客來講, 呢樣名物既味道絕對係驚喜~!! 份量 - 上檯既時候, 我 "嘩" 左一聲, 因為份量真係比想像中大, 加上賣相真係好吸引~ 牛肉 - 既唔係平常既鹹牛肉, 又唔係鮮

早前同老婆嚟呢度食蛋牛治，西多士，豬手麵，紅豆冰，奶茶....等馳名食品，大部份都今我很滿意。當中又以蛋牛治及西多士最為出色。今朝一心諗住嚟試下早餐，咁無理由又係食嗰幾樣o架，於是今次叫咗沙爹牛餐肉麵及奶茶。奶茶水準依舊...掂。但個麵就...首先，啲沙爹牛肉係最失望的。牛肉太稔，無咬口又無肉味，沙爹牛又無沙爹味。其實呢啲牛肉就只係啱做蛋牛治，因為食落感覺會好滑。至於個塊餐肉，大大塊好似好正，不過，由於時間關係(我估)，如果塊餐肉煎耐啲，效果一定會更好。到講個麵啦，麵質差，咬落唔稔唔硬，個麵好似出xx丁大碗麵o既麵質咁，所以唔得。總括嚟講，間舖的確有部份食物好掂，但整體質素就有保留。

平日很少到深水埗, 星期三約上午十時途經新香園, 奇怪外表不起眼的店舖, 坐滿食客, 於是入內一試, 看餐牌發現竟然不設套餐,見周圍最多人叫蛋牛治,於是點了蛋牛治和熱奶茶, 蛋炒得很滑; 牛肉不是用罐頭免治牛肉, 採用新鮮滑牛, 很嫩滑; 至於奶茶很香很滑. 難怪新香園在openrice有很多網友給好評.

十月十八日, 要到我極少去的深水埗買行山竹, 當然叫埋比我熟識深水埗的老豆同行, 我跟老公還未食晏, 買了行山竹後, 老豆便帶我倆開餐, 以前已食過合益泰的滑滑腸粉, 今次想試新舖, 於是到了這裏. 大約兩點多, 也要稍等了一會才有位.老豆對這裏的豬手讚口不絕, 我跟老公則叫了一個豬手麵, 一個蛋牛治, 再加一杯菠蘿冰和一杯紅豆冰. 豬手麵的梘水味頗重, 麵只是一般, 但不得不讚, 這裏的豬手的確很淋, 易於入口, 可是我略嫌不太夠味, 比我媽媽親手砲製的南乳豬手略差少許, 倘若能令豬手更入味, 那就天下無敵. 至於蛋牛治, 用鮮牛肉還真不錯, 但我覺得甜了少許, 也是一個不錯的選擇.吃罷好像不太夠, 再叫了西多士, 真估不到, 這件西多士反而令我有深刻印象, 一放它入口, 那濃濃的蛋香, 是我所喜愛的味道, 其他的地方很少吃到這種味道. 相信下次再光顧, 我必會再叫.菠蘿冰和紅豆冰也不錯, 今天總算吃罷了這間舖頭的皇牌菜式, 滿足滿足.

近期的新聞不外乎個市跌了多少, 哪間公司面臨財困等等... 面對這種經濟狀況, 心裡難免憂慮, 所以我也開始減少開支, 要多發掘廉價美食, ssp絕對是表表者吧未吃過這間老香港feel茶記, 今晚抱著試新店的心態, 死跟食評地要叫下列各款::~~~蛋牛治烘底~~~不錯的, 牛肉像是沙嗲牛肉那款, 不過少了沙嗲味罷了, 蛋是附在牛肉身上而不是厚厚的炒蛋, 蛋味不太香, 不過這是老牌三文治的味道吧... 別想像到是"一口動心", 但也是不錯的出品$11一客, 也是會再光顧的原因之一~~~~豬手麵~~~一個麵底, 帶少許梘水味, 當然不能與同區的劉森記相比呢... 豬手則頗淋, 最喜歡吃有根的部分~ 但竟然見到有部分豬手未去毛!! 幸好我anyway也不吃皮的.. 否則真的有點嘔心呢~~~紅豆冰~~~最愛的飲品之一, 紅豆差不多有3分2杯之多! 而紅豆冰的味道也很typical, 甜甜的但卻跟小時候喝到的很相似, 有種說不出的好味~~~~凍奶茶~~~忘了要少甜, 結果開頭半杯甜得甚麼味也喝不出... 但後來冰溶了把甜味溝淡後, 竟然喝到有淡淡的茶味! 好味道呢~ 所以下次要少甜的話或許可以b

尋日我哋一行六人喺班長帶領下嚟到呢間好舊式ge茶餐廳，原來honey以前成日都喺度買粥，佢話啲粥都好好味wor講番正題先，我哋嗌咗西多士x1，蛋牛治烘底x2，奶醬多x1，豬手面x1，同膶牛面 / 米各x1；西多士 - 好好好好味呀~~~~~佢係無餡ge，但係果兩塊面包炸得好乾爽軟熟，食落口一啲都唔油，正呀! 個蛋牛治又係不得了，原來佢果啲係鮮牛肉嚟ge，加埋塊外脆內軟ge面包，好好味呀；至於其他面食...well，我係唔食豬手同膶ge，所以我唔知，不過佢哋話都好好味wor；至於佢啲飲品，我杯奶茶就一般啦，稍甜；但honey話杯紅豆杯好好味wor，總之下次嚟ssp想食tea的話呢度係不二之選btw，honey話呢度啲辣油好好味，有機會我都要試埋!!同埋個老闆娘好nice同細心，佢主動叫人幫我哋將啲蛋牛治分開八分，方便我哋分庒呀，nice

2008.09.21 (日) 故居半日遊，第一站先來祭五藏廟。店舖尚算乾淨企理，坐下先來馳名豬手麵﹑鮮牛治 (應是蛋牛治，水吧男速度驚人，快馬加鞭也截不了) 幸好主話鮮牛治好正，鮮牛嫩滑，沒令十一大元扁了值 南乳豬手麵 ($13)上放了一雙珠圓肉潤的豬手，肥美得令我卻步，勇於嚐一口，炆得好淋但不太入味僅丁點兒南乳香，厚厚既皮而肉不多，幸好持觀望態度只先來一碗﹔隨即轉個方向來一客雲吞麵 ($15) 吧 。四粒雲吞一般大小，蝦肉爽但欠鮮味，相比現時街坊店 Pretty Good 確實失色得多。馳名奶茶咖啡(凍飲) 奶茶一般﹑咖啡味香但過甜，過甜令咖啡帶苦。

再訪深水埗，絕對不會錯過呢區既美食。由於不是太肚餓，心只想吃碗麵，第一個目標是維記的豬潤麵。行到去，見到大排長龍，條龍誇張得令我目瞪口呆。呆了一陣子，決定行過兩步轉戰劉森記的蝦子麵。誰知同類的情況再次在劉森記發生。正想放棄之際，突然醒起新香園，又行兩分鐘過去睇睇。皇天不負有心人，終於有位！來新香園的指定動作，豬手麵，凍茶。豬手麵端上，還附上一隻骨碟，微細的心思卻令人印象深刻。說回食物，麵底仍然是彈牙，南乳味不算太香，但兩件豬手都是起膠的，豬皮更令我欣賞。奶茶滑是滑，不過奶味和茶味均略嫌不足。看見對面的靚姐在吃這裡的另一招牌菜蛋牛治，熱騰騰的，巨大的，真有衝動想叫一份。可是實在太飽，吃不落，都係下次先！

去到好多人呀,剛剛有人客走,我地至有位坐餐牌上有些食品係比較多黑色字,亦有較少紅色字我地猜估紅色字既食品應該係"推介之選" 所以就點紅色字既"蛋牛治"+"豬手麵"+凍奶茶x2=$44- 蛋牛治都算幾大份,蛋味好香唔老,麵包軟綿綿,仲有好多牛肉添~~~豬手麵飲啖湯先.......好得喎,再食啖麵,嘩.........麵好爽口喎,豬手充滿住膠質,而且好炆到好林好鬆軟,又有淡淡南乳味,正正~~~凍奶茶都係舊式茶餐廳既味,兩個字-濃滑,好好飲~~~ 我最支持舊式茶餐廳~~~

不用多說～～～新香園在深水埗響負成名～～今天～就等我驗明真身一去到～好．．．．．．．一個紅豆冰＋豬手麵～先來好紅豆先～先來呷一口～真係比好多餐廳得多～紅豆的香～椰汁的甜～後來～豬手麵來了～我的肚子已經急不及待要我快一點解決見前事物～要雙筷子就插入豬手的中央～我就徐徐地放進口中～嘩．．．．．好味．．．．．．想不到豬手整得這麼軟身～風捲殘雲～一掃而空～如此美好～但現實中是人無完人，金無赤足～豬手麵中還有鹼水味～只是一點點兒加上無餐叫～要比多一點兒銀兩多謝24元

現在要搵一間似樣的港式茶擋不易, 這間做得不錯!衛生ok (茶餐廳要求唔可太高), 水吧好得(快靚正), 招呼亞姐一般(但有老闆監督冇問題).推介:1. 茶餐廳一定要杯茶ok啦. 本人喜歡: 茶走扣底(少啲錬奶,冇咁甜), 檸檬茶當然都ok o嫁;2. 紅豆冰好飲, 紅豆夠淋出晒味, 夏天下午茶最正.3. 西多正, 加上紅豆冰, 下午茶必選; (好過大+6 好多)4. 當然旦牛治有份啦, 因用鮮牛(唔係鑵頭牛肉), 唔想太飽-鮮牛治都ok. 'hum'底唔加錢;5. 廋肉通粉,好少人提, 但其實好正,湯底用'yip'咗啲廋肉, 好香冇味精, 早餐必選!不過無早,午,下午茶餐....如早餐叫杯茶+ 廋肉通粉要 $23, 都唔平! 為咗好味多幾蚊都要俾

平常在這老區都是多活躍於對面岸~畢竟這邊感覺較''麻甩''~獨個兒走在路中..總有點怕怕的..對岸的咖央吃得多....論蛋牛治..還是喜愛新香園的出品離長龍腸粉不遠的一間小茶記...一個人。胃納不了這麼多東西~入門後就在櫃位背出台詞''一份鮮牛蛋治烘底走牛油唔該''每家的鮮牛蛋治出品都有著不同的製法~這兒是混在一起的~碎牛奄列乎~?!是小鑊的圓餅餅Size~金黃脆邊熱辣辣。沒有不好吃的道理~牛少不免梳一梳..但也滲點沙嗲香。很是味兒~吃到最後一口時...也是在出煙的.....應該唔係佢keep得耐~~~係我食得太快~~~

睇完食評之後一直都好想試呢度既蛋牛治，所以去到唔駛睇menu就要左"蛋牛治烘底，d蛋唔好咁老"。媽咪唔想食包，所以要左雲吞麵。等左五分鐘就有得食啦！不過冇想像中咁大件喎。可能日頭個師傅孤寒d！但係份蛋牛治出哂煙，睇見都覺得好吸引！d蛋果然煎得恰到好處，中間部分有蛋汁，再加埋d牛油，塊麵包真係好好味！d牛肉又惹味，very good！至於個雲吞麵，媽咪話d麵都幾彈牙，不過湯底普通。非常滿足的一餐，下次經過要再食！

是夜跟一眾食友享受完"六月黃"的極鮮味道，其味道的獨特至今仍留下深刻的印象。帶著有點浮浮的腳步，跟女友從大角咀緩緩步行回家﹔但在快要到達之際，女友突然說起想吃點有肉味的食物。時過十一時，在家附近可選擇的夜店實在不多，所以也就回到了這個留下不少點滴的"飯堂"。想了一想，就來個三個不同味道的食物。著女侍應要了一份餐蛋治、一份奶油多及一碗沙爹牛腸仔通粉。餐肉蛋治依舊麵包軟熟，餐肉香口、蛋煎得滑溜。雖是普通，但也交足功夫。奶油多則是脆口、香甜，完全把早前已接近麻木的味覺喚醒過來。而沙爹牛腸通粉，則無奈地遇上淡味版(詳情請看本人之前的食評)，如果是濃味版的話，這將會為今天劃上完美的句號。吃過了宵夜，人也清醒多了，剛好的酒後感覺讓自己放鬆多了，人也自然地說多了話。

同媽o米出去食腸粉，之後佢話有地方食及第粥好正~所以就由佢帶我去~去到叫o左奶茶，雲吞麵同及第粥~嘩~~~及第粥真係好得~仲要$17亞碗~真係抵到無野好講~~~粥棉~料多~仲要生滾~真係一流~~~奶茶滑滑，雲吞麵都好味~不過最出色o既一定係及第粥~我o地見人o地叫蛋牛治好大份~媽o米係o甘話要食=.=不過我o地都已經好飽…只好下次la~