新金源餐廳 (已結業)

在餐牌上看見這一個自己認為很有趣的配搭：鮮奶麥片及奶油豬仔包。眾所周知，麥片的其中一個賣點是降膽固醇，是健康食品的代表。而奶油豬仔包則以較為濃味的煉奶為主，還加了牛油就更加讓不少人望而生畏。然而為了美食，都一定要試試的。先來的奶油豬算是不負所望，包很脆，煉奶又香又甜，只是牛油味較淡，但整體是美味的。之後來的麥片就顯得淡味了很多，但相信完全是因為之後的實在是太香口的原故吧。而吃到最後也滲出淡淡的甜味的，不錯。…查看更多

瑞士汁牛河竟然變了干炒牛河,瑞士汁牛河非常油膩,食落口好濟，都未到干炒牛河味道,味道唔夠濃。價錢又貴,不值得。凍濘檬茶唔夠濘檬味，時間等幾耐，食物與價錢不成正比，2點前收正價，加野飲要10幾蚊…查看更多

呢間野其實就只係一間正正經經既茶記，但真係做得有誠意既，尐午餐又會比其他出面大件夾抵食。洋蔥汁黑椒汁豉油汁呢尐基本功固然無問題，個咖哩汁直頭係正！夠味得黎又有少少辣，送飯食堅正。另外今日食左個金鑽級既餐腿腸蛋飯，無錯聽落係頹野，但有幾可真係會一次過出哂呢4兄弟喺一碟飯入便？除此之外之前試過有晚落左去食夜晚，見到另一個金鑽陣容：咕嚕雙球飯！淨係蝦球都4舊，加埋雞球有10舊以上，成碟飯食哂都未食得哂尐餸，仲要連凍飲都唔使60蚊，同女友黎食既話真係叫一個餐加碗白飯就夠做。作為一間茶記唔需要，最緊要係平！簡單！快！質素穩定！呢間野作為飯堂真係當之無愧...希望keep到水準，長做長有啦另外，初一十五先有可能亂入既羅漢齋飯又係水準之作，同樣既汁整男人既浪漫都係高質既...…查看更多

第一日去總部上堂，又約美女食早餐，到時我哋坐卡位，地方普通茶餐廳，兩位都比卡位好闊落！食物以港式為主！我揀意式早餐，食物好快到！蕃茄濃湯通粉（$24）：湯唔太熱，蕃茄味好濃，味道好甜，好假嘅甜，而味道好重味精，食完成朝都好口渴，配煎蛋、火腿、肉丸，蛋太生，蛋黃旁嘅蛋白仲係透明，我撈落湯熟啲先敢食，火腿正常，以為意式肉丸係特別啲嘅西式肉丸，點知只係普通豬肉丸，好在味道都唔差，有肉汁唔硬！通粉係光身通粉，夠彈牙，可惜總結都係比個湯破壞晒！熱檸茶：茶底夠濃唔澀！正常茶餐廳水準！服務就有改善，我哋兩個人食物一樣，落單時同女店員講餐飲：要我要檸茶，朋友要茶走，點知上菜時上咗兩杯茶走，咪同個女店員講番，點知佢黑面拎走一杯，好耐都未上啱，咪同另一個男店員講，佢又好nice咁即刻跟，之後先來到杯檸茶！…查看更多

叫咗兩個$50晚餐，有中湯送，係紅蘿蔔菜乾湯，冇油，好甜，好濃，唔覺味精。兩個白飯，兩個凍飲加兩蚊。主菜係1)大澳蝦醬炒翠玉瓜鮮魷及2)粟米斑塊。1)好香蝦醬味，有薑有韮黃，份量好夠食。2)粟米汁有旦白，魚塊多，脆不算厚。另加豉椒炒蟶子，係中size(一隻手指咁長), 有十隻以上才$62，很乾淨冇沙。很滿意，會encore.…查看更多

搭過海巴士，常常在北角轉車。最近的一間茶餐廳，就是新金源餐廳。順理成章，太肚餓忍不到時，就會到此先吃個早餐再上路。在這間餐廳吃早餐，有一些特點，總結如下：(1) 夠大間，易搵位基本上是不用找位，吉位很多。(2) 價格便宜$20 起的超值早餐，平過連鎖店，在茶餐廳亦近乎絕跡。何況這店位處大街，租金不會便宜。最近光顧，沒有試他的超值早餐。不過幾款「特選優惠早餐」亦只是 $23。有火腿奄列、牛油方包、麵食及餐飲，好抵食。今次我選了沙嗲牛公仔麵，以及熱奶茶。　　熱奶茶茶味較濃，香滑度一般，但都可以接受。　　牛油方包跟大多數茶餐廳一樣，牛油是象徵式加一點點。幾乎吃不到牛油味，麵包也不暖。味道麻麻，只能填飽個肚。　　火腿奄列，考慮到價錢問題，不能期望有很多餡料。味道中規中矩，吃到蛋汁，已經收貨。　　沙嗲牛公仔麵中的牛肉，份量合理，口感不韌；而沙嗲不會過咸，麵是我喜歡的帶點硬的口感。整份早餐最令人滿意就是碗麵了。　　早餐食物質素尚可，最大的賣點還是舒適闊落易搵位，以及便宜的價格。有時候，能夠安靜舒服地享受早餐，對我來說更加重要。…查看更多

下午茶時段，唔使等位，叫咗「馬來炒貴刁」即係星州炒米轉炒河粉，味道合格，亦夠多配料，即炒鑊氣夠，份量都幾大，至少我食唔晒，加熱檸茶，一個地道茶餐廳下午茶，十個滿足！都係$36！地方好坐，侍應都算勤快！…查看更多

去北角探老人家，剛進門就有驚喜，替我叫了下午茶，是我最喜歡的牛蛋治加熱奶茶。講真根本沒有期待，因為北角這邊沒聽說有特別出名的茶餐廳，倒是老人家的心意讓我感恩，因為之前電話里和她提過最近很少去茶記，想吃牛蛋治了。吃到口中的牛蛋治，出乎意料之外的好味。麵包沒有叫烘底，但新鮮鬆軟。蛋煎得火候剛好，雖然蛋沒有打勻，還有蛋白沒有熟，但整體蛋既香又滑；牛肉也很不錯，鹹淡適中，新鮮有牛肉味，同時份量也不少。In short，足料好味！不敢說這是吃過最美味的牛蛋治，新香園最經典，但這個應該是吃過第二好吃的蛋牛治了，好吃過很多出名的茶記，例如中環的樂香園等。奶茶比較普通，奶太多，茶味比較薄。…查看更多