新記雞粥 (鴻禧大廈)

营业中

休息中

同朋友要響旺角做嘢，之前嗰晚傾開話不如去附近嘅新記雞粥試吓，見佢地點都算方便所以就去食咗個brunch，可能因為時間尚早，所以都冇乜人，門口好容易搵，地方都乾淨企理。首先都係嗌咗個招牌生滾貴妃雞粥，跟住阿姐同我哋講可以叫餐仲抵啲，所以就跟咗個炸兩同埋一杯奶茶。個雞粥真係軟綿綿同埋好入味，雞都有唔少同埋都好味，個餐真係幾抵食。我哋一路嗌一路睇住個餐牌越來越多嘢想食，所以就叫咗隻紅燒元朗脆皮乳鴿，跟住見到炸大腸又好開心，所以又叫埋。隻乳鴿有驚喜，出到嚟仲好熱同埋皮好脆，咬落去都好香，以後可以去旺角食，真係方便，炸大腸佢切得比較細件，份量係好足夠嘅，亦都炸得幾脆，係啲甜酸醬可以多啲，我哋之後都叫佢俾多啲甜酸醬我哋，整體嚟講都係好味嘅。最衰係我哋口痕問吓佢仲有啲乜嘢好介紹，結果講吓講吓我哋有嗌咗個蜆介鯪魚球，同埋海蜇手撕雞。蜆介鯪魚球大大粒，分量十足，又係如果蜆介可以多啲就更加好嘞。海蜇手撕雞佢都冇介紹錯，分量足夠同埋個味道真係啱啱好，整體嚟講呢兩個餸都好滿意。整體來講所有食物都有水準，亦都夠份量，其實真係抵食，係我哋今次真係食多咗少少咁解～

我最近去咗旺角嘅新記雞粥，真係好好味啊！呢間茶記式嘅粥店特色係一定要食個雞粥，超入味又超香滑既雞件，真係好正啊！我就嚟講下我嘅餐點啦。我試咗佢哋嘅XO醬叉燒炒蛋飯，真係好好味啊！啲叉燒炒蛋口感好豐富，特別係加埋XO醬升華不少，而且啲飯都好入味，真係好正啊！不過，最吸引我的當然係佢哋嘅雞粥啦！我試咗佢哋嘅貴妃雞粥（加豬紅），真係好香滑入味啊！而且啲雞肉真係好勁啊！令我一試難忘！😍啲小食方面，我仲試咗佢哋嘅炸兩，真係夠脆夠香！啲皮炸得好鬆脆，而且啲餡亦都好好味，真係好正啊！總括來講，呢間新記雞粥真係好好味啊！雞粥香滑入味，XO醬叉燒炒蛋飯口感豐富，炸兩夠脆夠香，真係好抵食！如果你鍾意茶記式嘅粥店，咁呢間真係唔可以錯過㗎！

#20230616 📝📍 新記雞粥 @sunkeerestaurant 旺角花園街1號鴻禧大廈地下5號舖 🍽️佐敦｜筲箕灣｜元朗均有分店➖➖➖➖➖➖➖➖➖➖➖➖➖➖➖➖➖➖#貴妃雞粥 $59💭 原來呢間都真係老字號，1991年就開業，一路做到依家，啲雞粥係用貴妃雞加上上等既泰國絲苗米去滾煲粥出尼🍲所以食落好軟綿綿，入面都有5-6舊雞件，啲雞調好晒味，唔肥之餘仲好嫩滑彈牙🐔配埋粥食有陣雞香味，做得招牌菜果然有原因.#香脆油條 $12💭 食粥又點可以唔食油炸鬼，呢度啲油炸鬼食落同其他硬係覺得有啲分別，🐷諗左好耐發現佢隻脆同出面其他果隻脆有啲唔同，佢無油淋淋到好易溶果種質感，反面有啲似牛脷酥果隻，幾特別👅.#酥炸魷魚鬚 $61💭 呢個絕對係懷舊小食！好多餐廳都已經無做，所以食既係青春😂佢個魷魚鬚炸到唔會乾晒身，入面仲保留啲水份，好有以前係街邊買一袋袋用紙皮袋裝住既味道😎.#紅燒元朗脆皮乳鴿 $76💭出面好多炸乳鴿都一早炸定，所以上枱有機會啲皮已經淋晒，不過呢度真係做到皮脆肉嫩🤩一上枱金黃色已經令🐷口水都流晒🤤咬落熱辣辣仲好juicy.#椒絲腐乳炒時菜 $51💭 比🐷想像中大碟，通菜爽脆，腐乳味

<新記雞粥> 🔥港式茶樓點心x港式茶餐廳🔥新記雞粥 (鴻禧大廈) (旺角)旺角花園街1號鴻禧大廈地下5號舖味道: ⭐️⭐️⭐️⭐️⭐️價錢: 💰💰💰抵食指數: ⭐️⭐️⭐️⭐️⭐️本人極之鍾意港式茶餐廳同茶樓嘅美食，因為充分展現香港係擁有特色美食，所以我係經常去試唔同嘅港式餐廳😋而今次新記雞粥就真係滿足左我兩個願望😋1️⃣XO醬叉燒炒蛋飯 $61香口嘅XO醬 厚切嘅叉燒 嫩滑嘅炒蛋 配上豉油撈飯🤤🤤真係超級正 每一啖都係好香口 同埋叉燒份量又多 每一啖都食到叉燒肥肉🤤2️⃣火腿炒米炒 $36港式點心炒米炒係我最愛點心之一❤️新記將個米粉炒到非常香口😚但同時又唔會沾得太多油 而變到太油膩 再加埋香口嘅火腿 唔同口感嘅芽菜 令到成個炒米炒超立體嘅美味😲🤤3️⃣叉燒腸粉 $29相信腸粉係港人最愛嘅點心 我都唔例外❤️新記將腸粉塞滿哂叉燒🍖所以大家每啖都可以食到叉燒嘅油脂感同埋嫩滑嘅腸粉皮 真係人生一大滿足🤤🤤💯4️⃣金牌貴妃雞-例牌 $75又肥又滑又嫩口嘅貴妃雞🤤配埋薑蓉一齊食 個種口感真係幸福🤤一啖雞一啖叉燒炒蛋飯 將兩種幸福放入口❤️係我最中意嘅配搭😊5️⃣金錢煙鴨胸 $55鴨胸作為最嫩滑嘅胸肉🦆佢係一道簡單而精美嘅

依家想搵間粥店都有啲難，今次試左依間仲要係質素好高嘅！除左粥之外選擇好多元化，有小食、麵類、小菜等等，總有樣岩食見到個推介都忍唔住要試下貴妃雞粥($59)，依到嘅雞滑得黎帶少少藥材香，好特別。而個粥用左泰國絲苗米煲出嚟，口感好綿滑，味道甜甜地都好香雞味另外試左豉油王炒麵（$34），好大碟，個麵底好幼身，仲有少少脆口，味道唔會太鹹，送粥都幾夾仲叫左海蜇生腸($58)，海蜇好夠味，酸酸辣辣咁幾開胃，生腸就好有咬口！整體黎講依間都真係又平又好食！

有時食茶餐廳都係為咗填飽個肚，不過入到新記，我覺得從此改變左我對「茶餐廳」嘅睇法，原來茶餐廳都可以好有水準。呢間位於花園街嘅茶餐廳，環境衛生OK，同朋友幾個一齊坐，用電子點餐嗌咗好多嘢食，咁啱正值下午茶時段，原來佢嘅下午茶餐都好抵食。先來幾個粥品，艇仔粥同碎牛粥，全部用砂鍋，再加埋青蔥同埋花生，粥底煮得好綿，艇仔粥好足料幾乎每一啖都食到玻璃魷魚，食完一碗成身熱辣辣。之後試吓粉麵又幾唔錯，一直都好鍾意食片頭河，呢度啲片頭好彈牙呀，同埋分量十足好大碗，想加啲調味料可以選擇落紅醋同辣椒油，正！朋友最鍾意食豬手，南乳豬手麵真係好啱佢，間間茶餐廳都做豬手麵，唔通個個都識做豬手麵咩！這間店就真係很會做豬手，勁腍勁入味，色水又靚，係正宗橙啡色，仲要豬皮唔會有毛🤣🤣，每一啖都係滿滿嘅骨膠原！正到入心入肺丫。下午茶餐仲可以跟嘢飲，最令我驚喜係檸蜜唔使加錢🤣🤣隨意叫咗幾款小食，有雞翼，炸得金黃色，每一隻大小均勻，而叉燒腸，餡料十足粉漿搓得非常薄，確實是真材實料！

廣華醫院附近有唔少「香港滋味😋」，新記雞粥就係其中一間。茶餐、粥粉麵、小炒樣樣齊。難怪放工時間才七點，便早已坐無虛席。馳名元朗嘅粥店，當然要叫返碗豬膶粥試吓啦。雖然都係生滾粥，但味道跟其他粥鋪有很大分別。豬膶爽口、追加的皮蛋混在綿密細滑的粥底之中，入味可口。見附近幾枱街坊食客，都叫左酥炸魷魚鬚同脆皮燒乳鴿，當然我哋都要試吓啦。呢兩個招牌菜都非常惹味。乳鴿香脆肉嫩、魷魚鬚大大條有咬口。海蜇手撕雞都一樣大碟抵食。飲品就試左個餐廳推介嘅泰色青檸冰，天氣熱，飲返杯酸酸甜甜嘅飲品就最開胃。一晚試咗咁多款餐廳推介，埋單都唔洗三百蚊！真係好味抵食嘅晚餐之選！

好耐之前就聽過元朗有間好出名嘅雞粥店，同事約咗我去試，但太遠冇時間，好幾年後，呢間元朗雞粥跨區開咗好多間，就連其他地方都有得食啦！我就試咗招牌雞粥，加咗黃鱔，個texture好滑好正🤩 雞肉好嫩，黃鱔好彈牙，粥底熬到入晒味，好綿滑。腸粉同炸兩都好正，皮薄餡正，蝦米外皮令人垂涎欲滴，好罕有嘅好味👍🏻佢有唔同款式嘅生滾粥同港式粉麵，仲有多款鑊氣小炒。唔洗$20就可以配成套餐，算係幾抵食！另外我地先試咗香脆炸大腸，好邪惡㗎😈 炸大腸處理得好好，外層焦香酥脆，內裡油脂甘腴，一咬之下有甘脆酥化口感，好好味。其他菜式都好好食，XO醬豬扒炒公仔麵配飲品只係$53，公仔麵炒得乾身入味，加上微辣嘅XO醬好惹味🤤豬扒份量多，炒得香好有鑊氣。XO醬叉燒炒蛋只係$68，份量好足夠，好啖😋最衰我眼闊肚窄，見到好多小菜都想試👍🏻真係食唔落啦！下次拉大隊再食多D先🤤

之前去過元朗新記食過覺得幾好味，行經過旺角原來都有間就再去食～ ⭐️貴妃雞粥今次叫左個貴妃雞粥，個粥非常之綿滑，雞味好香濃，個肉質都嫰，非常好味⭐️酥炸魷魚鬚呢個上次食過返尋味，有別於其他餐廳通常比較乾。呢個炸得岩岩好，肉汁都鎖係裡面，忍唔住嗒嗒食😜⭐️紅燒元朗脆皮乳鴿呢個乳鴿係招牌，見枱枱都有咁😂佢都燒得幾唔錯，表皮燒得好香脆！⭐️椒絲腐乳炒通菜腐乳炒通菜食得多，不過椒絲既配搭就比較少。呢個就特別仲加多左好多薑絲，所以薑味好重下。不過結果驚薑既朋友仔可以考慮第二味啦～ 我地仲叫左兩杯豆漿，好岩配以呢d

最近發現元朗老字號嘅新記原來喺旺角都有分店！主打生滾煲仔粥、腸粉麵飯同多款精美小菜～ 餐廳環境乾淨，地方唔算好大但有卡位坐，整體價錢合理而且店員服務態度有禮，經過可以試試🙈一場嚟到當然唔少得嗌返碗貴妃雞粥，原鍋上熱辣辣，粥底口感綿密，濃稠度適中，感覺無味精，雞味突出，雞件嫩滑，果然係招牌菜👍🏻 另外搭配皮薄餡靚嘅叉燒腸，食完成個人暖曬！鮮蝦雲吞麵反而有驚喜，雲吞大小得宜，有個可愛嘅金魚尾巴，內裡饀料十足，原隻大蝦，蝦肉爽口，嗦嗦聲咁，而且好鮮甜！麵條彈牙，整體份量唔多但味道取勝～ 個人喜歡呢度嘅公司三文治，色彩繽紛，賣相一流，餡料滿滿，芝士、火腿、蛋、午餐肉、蕃茄、蔬菜、沙律醬、牛油等樣樣有齊！麵包微微烘過，食落脆脆地，整體層次分明，口感豐富🥪小炒有椒絲腐乳炒通菜同菜心，新鮮，爽口，鮮甜，美味，私心推介涼瓜炒蛋，苦瓜爽脆唔硬，蛋香味夠，炒蛋亦亦唔會過老，配飯一流💖

✿╮❤╭✿✿雜感女生   好味日記✿˚*•✰。新記雞粥．綿綿之誘惑。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤食個靚粥，而家可以唔洗入元朗去旺角，一樣有得食新記雞粥開到去旺角了啦！  此店招牌是 貴妃雞粥一定要點來試用了上乘的鮮雞即時滾起生滾粥夠綿滑雞肉香嫩鮮甜 艇仔粥香脆花生，彈牙魚條爽口的肉絲，非常香滑好味最喜歡加入一些胡椒粉這就是吃艇仔粥的最好食法  豉油皇炒麵不得了！呢碟炒麵乾身鬆身仲彈牙入味幼身的麵條口感非常好加上蔥花的點綴味道很讚！  酥炸魷魚鬚即點即製，所以熱辣辣，脆卜卜感到每條都充滿彈性又有本身的爽脆好好食  香脆炸兩外滑內脆，加點甜醬是食粥必備的佳品叉燒腸包得香滑叉燒條好食入味加一些辣油又更惹味 豆漿+五花茶是去熱氣的好朋友 蛋白杏仁茶口感幼滑，杏味滿滿是很滋潤的甜品   此店人山人海外賣同堂食都人多足見味道水準一流要食一定要趁早 

放工唔想食太多，想食粥但男人又想食小食，諗諗下見有麵有小食有粥就坐低咗。海鮮粥：香噴噴，個粥底都幾綿密。入面有魚片、帶子、蟹，仲有一絲絲既薑絲，清清地會有海鮮本身既鮮甜味～酥炸魷魚鬚：想講一上碟男人就好開心，因為份量十心好大。個炸粉唔會話好厚身，仲會食到彈牙既魷魚本體。出面脆身入面爽口，我都偷食咗一條。口水雞：口水雞係今餐mvp，個雞皮好爽脆，肉都唔霉，講緊雞胸既位都好好食🤤。上面好多香蔥+油蔥，幾有特色。蝦米炸兩：個炸兩俾到好溫柔既感覺，個米漿夠薄，鋪係油炸鬼既上面，一齊唔會介口，送粥幾好。

聽講元朗國有間雞粥好出名，有同事約大胃去嗰度食，但真係太遠抽唔到時間去幾年後，呢間元朗雞粥跨區開咗好多間，家下旺角都有得食唔知嗌乜，點都要嗌碗招牌雞粥見配埋黃鱔咁有趣，就試吓，雞肉煲得好嫩，黄鱔好彈牙粥底熬到入晒味，好綿滑呢度嘅腸粉都不遑多讓，炸兩好爽身，唔會腍啤啤，皮薄餡正，蝦米外皮引人入勝，坊間罕見，食落又唔錯喎港式食物好多呢度都有，其中沙嗲牛公仔麵，亦相當足料麵底算多，牛肉都有好多片，片片嫩口鯪魚球嘅份量好喜出望外，粒粒仲大過乒乓波，咬開冇空氣掗位實淨厚肉，點埋蜆介醬鹹鹹地極具魚鮮原本以為XO醬一定會好辣好鹹，炒落腸粉度又ok喎，吊到蝦米嘅鮮香，格外惹味，仲有大量洋蔥同燈籠椒提味飲品方面都幾特別，用七喜沖龍眼冰出嚟，冇想像中嗰種死甜連梅柑桔都可以配七喜，味道都幾夾

🍲🍲🍲下午茶唔想食太多，經過見佢門口幾多選擇，不如試下依間，聽落好似係元朗地區小店開既分店生滾貴妃雞粥+蝦米腸+咖啡/茶($62)一碗粥雞件大約5-6件，味道唔錯，唔會太咸或咪精重，但偏向多油，如果可以加多少少粥，溝開少少會比較好，蝦米腸正正常常，但好快凍揚州炒飯+咖啡/茶($49)👍🏻👍🏻👍🏻炒飯要求走菜走青，淨底蝦粒、火腿、叉燒、蛋，即叫即炒，飯每粒都炒得好乾身，好香口，調味唔咸，加埋叉燒粒既咸味岩岩好，炒飯反而仲有驚喜過粥

沙田雞粥就成日聽，原來喺旺角想食雞粥都有間元朗新記雞粥🥣 店面乾淨企理，位置都幾多夠寬敞。٩(๑˃̶͈̀ ᗨ ˂̶͈́)۶ 💗 招牌貴妃雞粥💰59٩(๑˃̶͈̀ ᗨ ˂̶͈́)۶ 💗 豬潤粥💰37食生滾粥一定要夠熱辣辣😋以砂煲呈上，保溫度十足。👍而且份量十足，相信2-3人食都夠🤭貴妃雞粥係招牌必叫，粥底好綿滑，雞味好濃，調味剛剛好！貴妃雞件好滑，食得出精心調過味。店家話貴妃雞係用新鮮嫩滑母雞加好多唔同香料煮成，而粥底嘅米就用了泰國米煲成。豬潤粥係個人喜好😛 不過估唔到都有驚喜！粥好鮮甜，食完無口渴感。豬膶夠爽滑唔鞋，份量都比外面餐廳多。٩(๑˃̶͈̀ ᗨ ˂̶͈́)۶ 💗 鼓油皇炒麵💰34麵條並唔係爽口彈牙嗰種，但因為用左好多蔥同洋蔥炒，整碟炒麵都好香口同多重口感。粥配炒麵調味剛剛好！٩(๑˃̶͈̀ ᗨ ˂̶͈́)۶ 💗 叉燒腸粉 💰29普遍餐廳都用碎叉燒，但呢度係粒粒大叉燒做餡😋 食落特別滋味٩(๑˃̶͈̀ ᗨ ˂̶͈́)۶ 💗 酥炸魷魚鬚💰61好惹味！適合喜愛濃味嘅朋友～外層酥脆香口，入面嘅魷魚🦑完全唔韌٩(๑˃̶͈̀ ᗨ ˂̶͈́)۶ 💗 養顏杏仁蛋白茶💰29想食甜品作結，又唔洗周圍搵！啖啖蛋白嘅杏仁茶，甜度適中。