新肥泉海鮮大排檔

营业中

休息中

街巿大樓通常有好野食，今日去左佐敦街士二樓既熟食中心，呢間海鮮大排檔真係唔錯，平日夜晚都坐滿人，全部食物都好有鑊氣，大排檔賣少見少，可以感受下真正香港情懷。🥰🥰沙薑雞（半隻）：雞肉煮得岩岩好，非常嫩滑，而且沙薑味好濃郁，好食！！椒鹽鴨舌：鴨舌非常嫩，外皮酥脆，配上椒鹽的味道，非常開胃，一啖一條，送酒佳品。薑葱生蠔煲：煲熱辣辣上菜，生蠔非常鮮甜，而且煮得十分入味，配上大量既薑葱，令個汁更加鮮味，真係回味無窮。

香港大排檔越黎越少，好食既大排檔更多難搵，今日去左佐敦街巿呢間大排檔，相當唔錯。我地平日既6:30去到，已經坐左好多人，有D 著得靚靚既女仔都係度食，證明食物質素一定好!!食完後果然無失望！基本上唸到既菜式都有，我地叫左幾樣，全部都好食有水準。西蘭花炒象拔蛙片象拔蛙好爽口彈牙，真心好食，炒得好有鑊氣，西蘭花火候岩岩好，好入味。薑葱新鮮魚雲煲上菜熱辣辣，魚雲外皮有少少脆，好香魚味，最重要係唔會得D骨，都好多肉，仲有大量薑葱，吸哂汁既精華，100分!乳鴨BB乳鴨好嫩口，外皮夠脆，裏面JUICY，無得輸。簡單一句，大排檔一樣搵到好野食!!

要食真正有鑊氣既小菜，大排檔一定係首選，可惜大排檔真係越黎越少見，今日去左佐敦街呢間海鮮大排檔，有好多款海鮮選擇，食物質素無得輸，全部海鮮都好新鮮！點左幾款海鮮，每款都好好食，連非常腌尖既姨甥女都話好食！肉蟹粉絲煲真係出色，湯汁濃郁，肉蟹多肉，好新鮮，而且蟹肉鮮甜，粉絲煮得恰到好處，好入味。芝士焗龍蝦伊麵份量十足，上菜時啲芝士多到淹沒左啲食物，😝😝龍蝦份量一啲都唔少，而且肉質爽甜彈牙，伊麵煮得剛剛好，口感Q彈。滿足既一餐

新肥泉海鮮大排檔 (佐敦)📍佐敦寶靈街17號官涌市政大廈2樓熟食中心約咗朋友嚟咗佐敦大排檔吹吹水揀咗呢間人氣好高嘅大排檔有好多海鮮嘅選擇一嚟到當然要點返枝大啤啤下佢🍻大排檔而家都好先進 可以用QR code落單點左幾款送酒小菜🐖豬潤啫啫雞煲$128雞煲整得好入味 雞件嘅數量都好多豬潤用玫瑰露酒可以辟除腥味用沙窩上能夠保持熱度🔥🍤招牌海明蝦球$138同咕嚕肉差唔多做法不過中間換上左蝦球 蝦球爽脆彈牙豉椒招牌炒大蜆$138值得推介嘅餸菜之一呢個價錢有咁多蜆肉 性價比好高而且唔會煮得太鹹太辣 幾啱送飯🐦可愛BB鴿$58最後點左隻乳鴿同朋友分享炸得好香脆 用嚟送酒一流

有海鮮小菜任食但90分鐘要包煮製時間1人只能點2款，仲有一定2款食完先可以再點，要2、3人去先可以爭取時間食各款食物大部分小菜不錯，但蝦球真的好腥不要點主要煩在等煮的時間和蝦球腥，牛仔骨和鹽酥鮑魚很正西蘭花抄得不錯不要因為沒有冷氣就好熱，距地有十幾部大型吹風機

餐廳：新肥泉海鮮大排檔 (佐敦)地址：佐敦寶靈街17號官涌市政大廈2樓熟食中心最近有朋友帶咗我去佐敦嘅熟食中心食大排檔，地方寬敞，環境好有地道香港懷舊特色，而且小炒小菜非常有鑊氣，價錢亦合理。全程手機落單，方便又夠清晰。佐敦站過去大概5分鐘，高鐵、柯士甸站行過去，路程都係大概10分鐘左右。1️⃣ 椒鹽九肚魚 $128粉夠薄，即叫即炸，炸到金黃色，外層好香好脆，魚肉入口軟綿，鮮美嫩滑，加埋喼汁食，味道更突出同惹味，整體份量十足，真係好抵食。2️⃣ 豉油皇新鮮鵝腸 $138鵝腸質地爽脆，口感豐富，配上豉油皇醬汁簡直係完美融合，味道鮮美，香氣十足，帶有少少肥膏，食落又唔會覺得好油膩。3️⃣ 當紅炸子雞半隻 $168炸子雞炸到脆卜卜，肥瘦適中，外皮酥脆，肉質鮮嫩多汁，入口軟滑又唔乾身，雞味香濃，仲有蝦片作伴，相當豐富。

事隔三年再去食新肥泉 今次好似冇左咁好味🤔兩個人食 叫左四樣嘢：1. 小炒王份量足夠 而且好足料 好多蝦乾白飯魚乾而且好夠味👍🏻2. 味菜牛柏葉本來諗住呢味菜係應該比較重味 香酸辣但係味菜淡到幾乎冇味 味道亦比較清淡 一般一般😰3. 雜菌牛仔粒整體OK 不過不失 我本身口味都食得淡 但係食呢個菜都覺得淡 而且油左dd🤨4 炸大腸不建議試 小食店既好食好多😳最大敗筆係d大腸係冇任何味道 最後我仲叫餐廳俾d豉油我點 但係都唔係果個感覺🥲但係大排檔既壞境都幾整齊乾淨🤓

我和男友喜歡到不同的熟食市場食大排檔，繼北角渣華道和石塘咀熟食市場後，今次去佐敦官涌熟食市場的大排檔晚餐，由地下到二樓有不少的宣傳介紹新肥泉，我和男友就決定在此店晚餐~~~一入到去就感受到大排檔的氣氛~~~而我就選了可以看電視的座位~~~小店主要用電話掃瞄二維碼點餐~~~我個人喜歡食香口的小食，所以一開始點了椒鹽脆魷魚，外脆內軟，我食過不停~~~七味豆腐粒同椒好食，不過我遺忘了只有二人吃，沒想到份量倒不少，下次要找多兩個人來才可以這樣點餐~~~黑椒薯仔牛柳粒，個人覺得不錯，牛柳粒肉質軟熟，薯仔不會太乾，加上香口的腰果，真的令我要準備下火飲品~~~最後要點濃滾湯海味青菜煲，食太多熱氣食物，點個清一點是最理想的，個湯幾好飲，粉絲份量足，不過我又不夠細心，變點了不少鮮魷，下次再有機會點餐一定要再細心~~~在大排檔用餐免不了來一樽啤酒，這裡所有飲品不能手機點，必須口頭點~~~個人覺得食物不錯，唯最特別是有加一服務費

上次來試過海鮮挺不錯，所以這次又來試試新的菜式。🔅招牌豉椒炒大蜆（$1️⃣3️⃣8️⃣）難怪叫招牌，因為真的炒得好夠鑊氣好入味。蜆也真的很大，一點點辣，豉椒味好濃，配飯一流。🔅翡翠帶子蛋白炒飯（$1️⃣0️⃣8️⃣）雖然看起來很白，但味道不寡，飯也算炒得粒粒分明，我們兩個人分也很夠。🔅咕嚕雞球（$1️⃣0️⃣8️⃣）酸酸甜甜，吃起來挺開胃，超大一盤，也是一道很適合餸飯的菜。🔅椒絲腐乳通菜（$9️⃣8️⃣）雖然很飽，但還是要點一些菜。腐乳味偏重，香辣可口，通菜口感爽口。這大排檔位置很近高鐵站，從柯士甸站出來走幾分鐘便能看到官涌巿政大廈，2樓便是熟食中心，位置都幾方便。

臨近西九龍高鐵站步行只需約15分鐘便到達絕對方便剛抵達香港的旅客享受一頓充滿香港特色的小炒港式晚餐就像90年代的港產片一樣看着廚房師傅拿起大鐵鍋炒菜牆壁上巨型的鐵製風扇天氣這麼熱當然要叫兩杯青島啤一啤前菜是冰鎮東風螺螺肉肥美亦尚算新鮮點了一份我認為大排檔必吃的椒鹽九肚魚炸得鬆晒易入口吃來也不會過分油膩豬潤啫啫鮮雞煲配飯吃是一流雞肉滑身入味還有好幾種不同的雜菌香港大排檔絕對是民間一大特色俗語說「大排檔就是要吃鑊氣」

大熱天時，梗要搵返啲有穫氣嘅小菜食下，去熟食中心就最好不過。熟食中心沒有空調，但非常多風扇，不會覺得太熱。最令我意外嘅係餐廳追上科技步伐，採用 QR碼下單，節省人手落單時間!首先我地就點左個芝士焗大帶子伊面，一上枱份量勁多，有好多大帶子。而且配埋勁重料芝士伊面，每一條伊面都掛滿芝士醬汁，相當yummy!跟住我地叫一只燒乳鴿。乳鴿是指未成年的鴿子，其肉質較成年鴿子幼嫰，外脆內嫩好juicy!最後我地點左一條豉汁蒸白鱔，鮮味豉汁香味陣陣, 件件滲入豉汁, 色味香濃均勻, 啖啖都係肉!不得不提係佢地上菜速度相當快，點餐到上格都不足20分鐘時間，傳承左港人快靚正的傳統！

-💥新肥泉海鮮大排檔 📍佐敦寶靈街17號官涌市政大廈2樓熟食中心🥢豉椒炒聖子$138份量唔算多，得4舊🤣都尚血幾掛汁，同埋好有咬口每舊都滿滿豉椒汁味😆送飯岩曬🐚招牌豉椒炒大蜆 $208呢碟份量好多，滿意😍舊舊都有肉的～洗得算幾乾淨，唔多沙🤌🏻🍜頭抽乾炒牛河 $98又係勁大碟🤣岩曬啲大胃王食兩個人嗌係岩岩好🤓但醬汁唔多，另外有上辣醬比我地撈麵食🤞🏻咁就濕潤啲易入口！🧆海鹽香煎雪花和牛粒 $118有啲乾身下😂有啲難入口建議多返啲油會好啲味道係少咸的～麵類分量係幾多，兩個人嗌係絕對夠食🤞🏻🥤可樂$10 🥤忌廉 $10🕰️營業時間星期一至日 12:00-23:45公眾假期 12:00-23:45公眾假期前夕 12:00-23:45#新肥泉#大排檔#港式大排檔 #海鮮#佐敦#熟食中心美食

有朋友喺外國番嚟就帶佢食之前試過好味嘅港式大排檔啦🤤🤤喺Elements行完街穿過高鐵站…穿過隧道就到達官涌街市…直上二樓就係熟食中心🙌🏻好易行！嚟到環境依舊光猛通爽！唔會食到出哂大汗💦是次試吓叫未食過嘅菜式先🥢. ✨當紅炸子雞 (半隻) $168上次見隔離枱叫已經流哂口水😍今次即刻落單果然無失望！熱辣辣炸起！皮脆肉嫩！淡淡滲出南乳香！下次多啲人食要叫一整隻！非常推薦👍🏻👍🏻.✨招牌海明蝦球 $138望落神似咕嚕雞球😆鮮橙色醬料掛滿於蝦球🦐🦐配以紫洋蔥, 彩椒！顏色令人充滿食慾！酸酸甜甜好開胃！！.✨蒜蓉通菜炒鮮魷 $128有鑊氣又好味道🔥要炒出咁有水準嘅炒菜菜式喺屋企真係有難度🤭而且份量唔少！通菜唔會過老！另外食到尾聲依然讚歎仲有鮮彈魷魚🐙一啲都冇揸流攤！！. ✨可樂 $10@✨白飯 $10@. (另加一服務費)

今日去到左敦一間熟食中心，食一間大排檔！由細到大好好鐘意食大排檔！因為每一道菜除左食出好鑊氣之外我感受到廚師為每一道菜既心機！環境座位都算闊落！加上圓卓大家都坐得舒服D！我同朋友首先食左前菜開下胃口先，場內亦都有啤酒可以比我地啤一啤！首先叫左一個手拍炒青瓜，青瓜夠軟身，亦有醬汁溶入！配上小辣椒突出香味！令人十分開胃之後再叫左濕炒西蘭花拼雜菇！西蘭花加菇菌類炒埋一齊香噴噴，食物層次完全唔單一！加上蔥絲炒更加香滑！頭排火燒乳鴿拼蝦片！更加難忘！最後苦瓜炒肉片苦瓜炒到一啲都唔苦！再加上肉片香滑鬆軟，容易咀嚼苦瓜汁嘅味道滲透哂落肉片度非常好味！最後呢道菜一定要，辣酒發酒煮花螺，呢個定要讚花螺嘅肉啱啱好甜度辣度！隻隻花螺都充滿曬醬汁嘅味道！食落非常開胃滋味！近高鐵嗰邊,過到嚟大排檔嘅路程都係9分鐘既時間👏👏👏新肥泉海鮮大排檔(佐敦)地址:佐敦寶靈街17號官涌市政大廈2樓熟食中心

📍新肥泉海鮮大排檔(佐敦）香港麻甩代表一定係非大排檔莫屬，黎到佐敦熟食中心，就食番餐具香港風味特色，夠晒鑊氣既小店👐🏻🔸 魚香茄子煲熱辣辣鹹香好惹味，真材實料，堅有鹹魚，配白飯一流🍚🔸 可愛BB鴿BB鴿肉細嫩，而且啖啖肉，燒到皮脆，好鐘意卜卜脆既感覺😍🔸 韭黃炒滑蛋炒到啲蛋🥚好滑身，加埋韭黃就勁滋味，唔會太油膩，健康之選☺️🔸 菠蘿咕嚕肉豬肉比配菜多，肥瘦均勻，比例7:3，炸既時間剛剛好，熱度十足🐷又唔會好乾身👍