新翠燒鵝海鮮酒家 (已結業)

之前打左一篇,但唔見有,e+打多次。幾個月之前去e到打邊爐。我一行4個同學一齊去。一入到去睇個表,茶芥連加一都係100到,但最後佢地收120...$$就同佢算,d服務態度超差。我地去到,食左一陣,我地唔小心熄左個爐,未唔該佢地幫我地開番。第一次就話唔識..第二次開完話我地。之後食到一半冇lala比左一大碟蝦。我地唔知係送,未問佢.d人超惡...。後來我多左個黎,加左個位,又比左一碟。我同佢講我地4個有3個海鮮敏感,唔洗要o甘多。佢話送ar,之後又去左。有時又冇lala收左個蓋。我地話收係到得la.佢又話都滾左la,要黎做咩ar~成餐都食得唔開心.。食物果到都係麻麻,冇咩野choose,唔係好建議去個到食野。

2009年01月29日，13:45太座今天開工，因坐骨神經痛，下午要到東院針炙。中午便在這裡撐次極速檯腳。在洗杯碗時，發現杯和碟俱有菜餘要了水仙茶，覺人覺得淡淡的要了下開點心：山竹牛肉：乒乓山竹牛肉，可和星爺的牛丸一較高下雞絲粉卷：粉皮不差，但不覺有雞絲潮州粉果：皮極腍，無菜甫和花生。菜苗餃：皮極腍，用菜心做餡料鮮蝦腐皮卷：腐皮脆而不油，稍為正常的點心。牛肉腸：粉皮過腍個人意見：點心整體不合格中午時段客多要搭檯，付賑時錯算了，加分的是收銀主動更正。

今日7個人去食晚飯，6:45pm去度酒樓，當時得幾張台坐左人。個知客帶我地去張有7張椅既5人台!!我地話想坐前面果張，佢話係10人台，我地7個人只會比呢個size既台！有無搞錯？！你酒樓full晒或者有人book左我就唔揀位姐！依家咁多台剩，7個人坐10人台好過份咩？點解唔轉得呢？我地係到問緊可唔可以轉台時，有個阿姐不停問"幾多位呀！"後尾我地諗住咁都無癮啦，去第2間食，個知客就話：唉！比你地坐啦！嘩！你都幾巴閉喎！坐邊張台要你批準！坐低無耐後，有個男人一入黎自已坐係我地隔離張台(果張就係個知客所謂既7人台！)個知客又行埋黎問佢幾多位，男人答: 4位.咁又唔見佢出聲？佢4位坐7人台喎！咁又得呀？上菜時，我地叫左10碟送，跟本連唔夠位放，如果當初坐果張所謂7人台，睇佢點搞！送菜唔算低，細碟得黎份量少，而且海鮮不新鮮，每碟味不夠，好淡.....我地寫左張甜品紙，叫菜時已經比左佢，但食晒野tell佢甜品上得架啦，佢話：咩甜品？, 然後羅我地張卡睇，再好惡咁講：你地都無落單！我都忍唔住反駁：你地d人都好奇怪喎！無落單係你既事！呢餐飯我無比貼士，因為加一服務費我都唔相想比la！你地間酒樓比左d咩

星期一至日及公眾假期, 兩點鐘開始就係下午茶時段, 每樣點心都平幾蚊! 最抵食係優點, $6.8咋!!!今日同爸媽去飲茶, 總共3個人, 叫左5個優點, 1 個大點, 連茶錢加一埋單都只係$68, 仲要味道唔錯, 超級抵食! 一定會再去! 芋角($6.8): 外層脆, 裡面仲暖暖地, 不過略嫌油左D 咖喱尤魚($6.8): 好味, 唔un, 同埋放響底ge豆腐卜吸左D汁, 好好味! 香煎蝦米腸($6.8): 煎得都幾香口, 唔錯! 雞扎($12.8): 腐竹, 雞, 火腿, 魚肚, 冬菇, 全部都好夠味! 冬菇雞燒賣($6.8): 咁平居然都有幾隻蝦仔, 但係比較腥, 無咁好食... 煎薄撐($6.8): 味道唔錯, 不過比較多油...

昨晚與朋友的屋企人在這裡食晚飯，時間是九點左右。當時也不是太多人，我們叫了數碟小菜及壽飽，小菜有一碟通菜，一碟菜心，一碟雲耳蒸雞，一碟肉片炒翠玉片。我們也點一碟乳豬拼盤，但不久侍應過來說無乳豬，問我們還要不要，我們反問沒有乳豬就是否沒有其他燒味，他說還有雞、鴨、叉燒等，真的不知好嬲定好笑！期間我們說冷氣太大，可否弄細一點冷氣，他們又說不可以。最抵死是食到半路中途突然殺上壽飽，我們問壽飽可否最後上，那侍應依依不捨地離開！到食飽上壽飽，反而等了十五分鐘才上，真的似被他們戲弄！

昨日到這裡下午茶，小魔怪話要食奶黃包，佢地啲奶黃包真係流沙嘅，重好好味呀，不過其他食物就普通啲。

星期一早上，很早便回到公司樓下，唔想咁早番去，茶癮又發作，於是一個人走上去新翠飲茶。叫了鮮竹鯪魚球，等o左差唔多半個鐘都未o黎，於是自己去車仔到(早知唔剔紙)，第一次食點心覺得用來墊底o既配料如︰腐竹、白蘿蔔、魚肚、芋頭…唔多油，而且真係鮮枝竹(冇炸過那種)，鯪魚球撻得唔夠，一咬落去，魚肉就散晒，不過都幾好味。

第一次來飲早茶，跟爸爸和弟弟三個，要了煎腸粉、滑雞飯、叉燒包和迆魚花生粥。飯好細盅，但雞唔係雪雞脾肉，唔錯，飯較黏身，不過豉油太鹹，唔似食開o甜豉油；最好味係粥，粥底綿滑，又多柴魚，好香，其他如叉燒包和煎腸粉不過不失，不是太特別。

呢間酒樓其實都開o左好多個月，試過數次跟大班同事來飲茶，點心質素ok，在下午茶時段更有多款特式點心做特價，最記得是有次要了一碗生菜魚茸粥，勁大碗，又鮮又甜，粥底拻得不錯，很香很綿滑，只是$6.8，真係抵得無話可說；另外炒粉麵就差少少，除了等的時間要較夠外，味道也不是太討好，像試過什錦炒烏冬，油勁多，仲有要濕炒，搞到烏冬成pat咁，漿住漿住，但此酒樓勝在夠平，我們每次每人平均都係$28度，比茶餐廳更抵食。