新竹源越南餐廳

营业中

休息中

帶左新同事黎灣仔搵食，決定都係食番香芽雞翼湯粉份量都幾足，湯頭係用牛骨、香芽、八角和丁香等熬製而成，所以係牛味濃，湯清甜，令人一試再試like真係好上癮嫁！ 食之前仲要加埋青檸同埋辣椒真係無得輸~

係灣仔番工既我，經常出外搵新野食。今次係同事介紹下去左一間越南餐廳，但因為去既時間係中午放飯時間，要按籌排隊，等了大約２０分鐘就到我地啦！我地去左旁邊的屈臣氏同埋天地書局打發時間，不過記得唔好行太耐，以免過左籌號呀！　（題外話）因為我地得兩個人，要同人地搭台。第一次去食叫左Ｄ睇落無伏既香芽雞翼金邊粉，大約50-60元一碗。份量都幾足，湯頭係用牛骨、香芽、八角和丁香等熬製而成，所以係牛味濃，湯清甜，令人一試再試真係好上癮嫁！食之前仲要加埋青檸同埋辣椒真係無得輸

作為wanchai打工仔，經常去揾不同新鮮地方lunch…呢間越南餐廳我都經常來。 都幾多人等位，但2個就好快有。留意翻，係有機會搭枱嫁！之前多數食湯河，份量都幾足，今次又食左牛柳絲撈㩚！ So yummy!!

I hardly comment but this Vietnamese casual noodle place is out of expectation good. Soup is fantastic, the sandwich is good to a point the last time I had this good is in New York.Family friendly and my kid love itAutientic? I don’t know but very yummy

去灣仔試新野食，都係行經邊間。就去試食邊一間，今日就行經過新竹源，見到人流都幾多。流量快，等左5分鐘就有位坐啦。侍應態度都幾好，本身坐4人座位既一邊，見有2人位就叫我地轉過去。嗌左個a7 生牛肉拼牛坑腩湯粉賣相唔錯 試一試個湯先 濃郁香氣係越南既味道。再浸一浸牛肉就熟了，好重牛味，配料各樣都新鮮，食落感覺唔同其他越南湯粉咁，一係咸，一係怪。呢一碗係真係會上引既一碗越南湯粉！真係意料之外，無唸過會咁好食既！總結，性價比高，味道各樣同舒適環境都中上！值得再試

今日無意間嚟咗呢間餐廳食晚飯，二個人叫咗四樣嘢，包括軟殼蟹米紙卷、牛油雞翼、香茅豬扒飯同生牛肉湯河。其中最好食的是軟殼蟹米紙卷。 先講外形，成件米紙卷脹卜卜，即係入面都好足料。軟殼蟹炸得非常香口。牛油雞翼就熱辣辣， 好香牛油味。至於生牛肉湯河同香茅豬扒飯就不過不失， 特別一提就係伴碟的酸蘿蔔，非常爽脆，酸味較得啱啱好，令人食慾大振。整間餐廳的環境非常不錯，光猛明亮，而且坐得舒適。員工服務態度友善，而且又沒有加一，食咗4樣嘢都係$211，抵食。如果可以再減少味精的分量，那就更加 perfect 了。

新竹源係位於灣仔莊士敦道嘅一間越南餐廳。到訪當日，我們點了豬頸肉撈檬同埋紙米卷。豬頸肉飯上面嘅豬頸肉非常厚，肉質鮮嫩而且份量甚多。紙米卷包著不同材料，包括蘿蔔、生菜等等，入口非常之豐富 我們還點了椰汁三隻冰，椰汁三色冰的椰汁芋頭和果凍的份量比例剛剛好易，很大杯，所以質素還不俗。到訪當日，人流不算多，坐得還算舒服呢! 餐廳在灣仔站莊士敦道出口向右行大約10分鐘便到達，所以地點非常便利，如果坐電車的話，電車站就在這間餐廳的門口，下次一定會再光顧!

来了两次才决定一定要写 第一次来吃了番茄汤底 根本就是番茄酱做的 太难吃了 我朋友吃了咖喱饭 咖喱也没有味道 都不知道在吃些什么 第二次吃 想吃最简单的牛肉河粉，想这个肯定错不了了 越南菜这个肯定不会很差。 然后汤没有一点牛肉味道 也没有香料的味道 牛肉质量也差 火锅牛肉一样 吃了一口就不想吃了 然后最简单的春卷也没有 真的不能再给这家店机会了 差差差和家人吃的他们也吃不下去了 粉也不滑 真心的太太难吃了 我吃过香港 中国 最差的越南店了 千万不要去

我經過親尼度，都企成10個人等入座。我獨自－人等位约10分鐘，佢地位頗多，故有些二人位遲過我也一起入。我見旁邊的人吃生牛河加牛丸，和牛柳撈檬，其中－位讚緊生牛河，所以也叫了。個牛河好大碗，上面放左金不換，洋蔥，另外在小碟有青檸辣椒，個青檸太乾了。個湯連這些配料令食物味覺豐富左。牛肉唔錯，在熱湯中放－陣就熟了，味道可以。牛丸就鹹左d, 亦唔係好有肉汁彈牙。食完個粉都好飽了。之後先聽到旁邊話檸蜜係唔洗加＄！下次會order 檸蜜！

幾鍾意食越南野，之前已成日食屋企附近嘅新竹，去開灣仔，見到又有新竹，原來開左新分店，裝修簡潔，地方幾大，又有卡位坐得舒服。小食先嚟個牛油雞翼，一上菜就聞到好香嘅牛油蒜蓉味道，雞翼炸得外脆內軟，我見到好多食客都點牛油雞翼，果然係招牌菜式，雞翼大大隻，炸得外脆內軟，表面充滿蒜蓉同牛油，正！！火車頭，超級好大碗，份量足夠兩個人食，而且配料超多，好似生牛肉，牛丸，牛柏葉等等，每樣材料都好入味，加埋青檸同辣椒之後味道會更香。湯底夠熱牛味香濃，河粉口感好好，蘿蔔好甜好入味，牛肉好嫩滑， 牛柏葉爽口，牛丸彈牙，必食！！牛柳粒紅飯，色香味俱存，牛柳粒份量好足，汁料味道唔錯，帶著洋蔥嘅香味，紅飯炒得相當不俗，每粒飯都能平均沾上茄醬，吃下飯粒乾身又帶點甜酸味，好味！！食物大份有質素，價錢合理，所以一直幫襯！！

我只係買個兩次外賣！除了第一次炒飯份量極少外（第二次正常番），其他我只能說有讚冇彈！老闆老闆娘好友善，價錢平食物質素高（最緊要食物唔會太鹹）每個員工都好有禮貌！香港已經好難搵啦。灣仔絕對係越南餐館首選

庄士敦道上面新开业不久的越南餐厅，这个品牌在香港还是有几家分店的，这家新店环境不错，价格适中，生意也还可以吧。入座后点了招牌的越式生牛肉汤粉和椰汁三色冰，上菜速度还是蛮快的，饮料很好喝。汤粉不好不差吧，味道还可以。服务态度还不错，挺积极的。

late lunch， 同事推介食呢間， 兩點鐘就開始下午茶， 座位寬闊， 但係一個人唔畀坐卡位， 一定要喺側邊搭枱， 呢樣服務係我最唔鍾意， 有位都唔畀人坐。叫咗牛腩湯河， 職員落錯單， 好彩我有睇單， 即刻叫收銀跟進番。 講返食物， 牛腩夠淋， 河粉夠滑， 湯底夠清，正。份量ok。灣仔食野四十幾蚊算係非常ok。

捧捧場新竹源越南餐廳環境優美唔洗加一超抵食，有經過記得入去試下喇，離地鐵站超近地鐵B2出口，步行約6分鐘就搵到喇。新竹源越南餐廳 (灣仔)灣仔莊士敦道22號York Place 地下1號舖

行左半日銅鑼灣，不經不覺行到來灣仔，老公說食埋晚餐先回家，就在身邊有一間食越南菜的新竹源越南餐廳，門口放有餐牌，價錢不貴，又不用收加一服務費，於是就入座了。椰汁紅豆冰：椰汁味濃，紅豆有口感，味道不會太甜。越式炸春卷：外層炸得好香脆，餡料惹味。越式炸蝦餅：蝦餅已切薄片，鮮味彈牙。法式牛油雞翼：外層酥脆，雞肉嫩滑有肉汁，牛油和蒜味香，十分美味！越式香露霸王大頭蝦：真的是能稱霸王的大頭蝦，像龍蝦甘大隻，特製醬汁是用魚露、香茅、香草等製成，蝦肉鮮甜彈牙，醬汁惹味，值得一試！