新王朝觀景酒家 (已結業)

23-12-06(六) 11人早一個月前book定房23號搞party,4:30pm可開始打馬吊,比左間最尾的海景房間我地,好近廚房,有點嘈,打麻雀期間冇人幫我地針茶,打打下麻雀會好多侍應入我地間房行出行入,感覺好唔舒服,還有侍應剛下完班返工穿著便服入黎,還以為她是誰的朋友呢,點知侍應話這房內還有間小房可比員工換衫,冷氣壞了,只可開或關,如果開冷氣會好凍,因為度數壞了冇得較,只得一個溫度,關冷氣又有點焗,開門又太近廚房有點嘈,食翅時侍應忘記上醋,食物ok啦,正常好食,價錢唔貴,$2989一圍全包宴,埋單時比$11 tips,侍應叫我地比多d tips,又話可比cash,我地話已經比左,visa已簽了。講真..點比呀?比間咁ge房我地,咁ge服務,搞party呢d開心錢正常都會比,但...呢間野唔值囉。如果唔係睇煙花,我諗唔會再黎lu!仲有..廁所好唔舒服,好似去左小童洗手間咁,感覺呢座合和中心可以裝修好d再做好..晒曬~~

14/12為公司第四季生日party.呢度裝修較舊,服務員態度一般(無乜笑容).食物質數只屬合格(偏咸><). 我叫2圍全包宴(重有麻雀同卡啦ok),每圍約3000蚊,價錢幾抵.我最欣賞係呢度0既夜景...很浪漫哦!如果年初二book到睇煙花仲正!

星期日和男友一家飲茶，男友想試新王朝，話想睇吓個60/F景。我哋訂咗位，早到都要等成十分鐘先有枱。我倆都認為新王朝的環境比想像中差，啲枱set到超密，樓底又婑，空氣又濁，好大塵，坐得我好唔自在。我們坐了一張六人長方枱，對住個一啲都唔吸引嘅山景，加上非常曬，最終都要拉窗簾，個人認為這裡的management浪費了60/F的地利優勢。大、中、小點在週未一律$9.8，粉麵粉一律半價，價錢相當平宜：- 糯米雞，糯米和肉餡比例適中，糯米不過份濕- 粟米奶皇包，皮較餡靚，加入粟米口感特別，推介- 生滾雞粥，粥底普通，雞肉夠多- 牛肉球超油，好難食- 雞絲粉皮，粉皮夠滑，唔錯- 脆肉瓜帶子腸，腸粉皮太厚，蒸到一pat嘢，料太少- 蝦餃非常新鮮，不過皮大薄，溶溶爛爛- 賽徬餃用了粉果皮，好油，Auntie反而欣賞- 家鄉炒米，似炆米多啲，好濃味，啱哂uncle6人埋單也是$360蚊，抵食，但我一啲都唔enjoy，連相都無心機影，見狀，男友即話下次唔會再嚟。

呢度既點心,風景都好好,尤其是送既甜品:海底榔,綠豆沙極有水準,似出面賣幾十蚊既糖水,不過d服務就麻麻,個waitress好cool,仲有,因位週高60/f,要中途轉lift都幾煩,人又多,lift又細,整體都唔錯,值得再來.

轉咗幾次電梯,上到六十樓,去到坐窗口位,半山同維港景一覽無遺,只可惜今日好大霧,有小小失望. 但始終食飯可以望住一個咁靚嘅景,真係加唔少分.點心都係中規中矩,賽旁蟹餃唔錯,不過腸粉就太厚皮. 有豬潤燒賣係一個意外. 舊燒賣好滑仲有成隻蝦係入邊,好味呀! 基本上以$9.8再加維港景,仲有咩可以講!!! 咁都唔在講,最值得一提就係佢\嘅服務. 佢\冇因為星期六,日平咗而服務差咗,反而打電話去訂檯時,男服務員接聽電話十分有禮,簡直喜出望外,所以first impression已經唔錯. 其他服務員態度,禮貌都好好,值得一讚!! 我媽咪都幾滿意嘅一餐\!!

之前係呢度睇過下D食評, 都覺得唔錯, 於是昨晚同班同學去食, 叫左過套餐(全包2900大洋), D野難食到唔識點講, 個翅鹹到要係咁飲水, 乳豬好似炸出黎, 唔係燒出黎, 最離譜係D壽包, 臭o既!最後要投訴先換另外兩款甜品, 總之一句講哂, 下次唔使錢都唔去. 唯一可取係景觀真係好好. 不過點都補唔返的食物水準, 唔怪得成晚個大堂都係得兩三枱客.

七個人加一架BB車....想搵個鬆動D既地方食個飯....結果黎左呢間....是日星期一....冇咩人...唔洗等位....係60樓望出去都望到好遠....仲加大廈激光....好過望住四道牆....叫左8個小菜:白飯魚煎蛋....帶子蒸豆腐...方魚小棠菜....金菇牛肉煲....五彩牛柳條....咕嚕班塊....西芹炒鮮蝦....金銀蛋菠菜....全部小菜都有番咁上下水準....尤其果個帶子蒸豆腐...好鍾意果個汁....之不過D甜品唔多掂....果楊枝甘露難食...個係桂花圓肉糕好食D.....埋單$670服務殷勤....環境舒適(冇人食煙冇人嘈)...個view 好....價錢又合理....我都會推薦人黎食囉.....

為了與老爺補祝父親節, 及為姑仔洗塵.奶奶建議再去搵聲哥, 最主要是為了上次吃過翻尋味的「一帆風順」.訂菜大任, 一如以往落在「家庭PR」= 我老公手中.本來我反對訂「涼瓜龍躉皮」, 因為不吃苦瓜.終於? 想不到苦瓜可以只甘不苦, 我連吃三大件!豉油王中蝦(還是大蝦?)今次的蝦比可樂罐更長.完全炸透, 連蝦頭亦可整個吞下!另外吃過皮蛋酸薑及「一帆風順」招牌菜, 沒拍照.倒是這個後加的「菜」值得記下.因為奶奶怕太多肉, 聲哥建議用娃娃菜加粉皮.結果就是一個「魚湯粉皮娃娃菜」!好夠味! 聲哥好野!全席埋單$1300, 不算便宜.但碟頭之大, 能令我們每次也捧腹而回.加上壹周刊報導過, 聲哥是不少政府高官「跟住轉場」捧佢的大廚,難怪今次廳房有八成滿, 貴賓廳全滿啦!

呢度食物不過不失，價錢比較其餘兩間位於合和中心的酒樓貴少少。服務一般，每次按老闆吩咐，要求訂近窗口的枱時，永遠只說盡量安排，好敷衍呢!如果唔係要有靚view招呼客人，我寜願去二樓怡苑還好呢!

老爺奶奶結婚周年紀念, 老公打去訂位及寫菜.叉燒海蜇雙拼- 坐底先加o既.大廚笑說, 見到伙記斬緊, 就叫佢唔好上碟, 揀左件梅頭比佢再斬過.靈芝菇煙鴨胸- 招牌菜, 靈芝菇香甜鬆脆.(上圖) 一帆風順- 老公成家人都鍾意食冬瓜, 呢個夠清, 湯甜, 斑片又甜.炆斑翅- 咁岩今日有幾間房都有order,所以一條「四十幾斤」的大龍躉, 幾檯瓜分. 最愛食斑腩的老爺讚口不絕.咕嚕肉- 我的最愛, 一貫好味, 又係勁飽都食得落...桂花糕- 我認為係, 全港最好食!加埋甜品、生果拼盤, 5人食完埋單只係700幾, 包泊車, 連好少出街食飯的老爺奶奶都話值得再去.

掃墓之前和親友在此先飲茶.十個人點了蝦蛟,燒賣,牛肉,鳯爪x2叉燒腸粉,牛肉腸,叉燒包,芋頭包,流沙奶黃包,煎腸粉,排骨,鮮竹卷,棉花雞全部野味道也平平,個海景唔錯,服務一般啦!十個人飲了三百八十元.

奉命陪老闆做香港旅遊嚮導, 客人要求食點心又要靚景, 老闆又話黎呢度. 點心選擇依然係o個d. 上次食過對佢已經無期望, 結果係比無期望下更差--小籠包-- 肉餡仲乾過燒賣腸粉-- 腸粉皮厚而且包到核核突突蝦餃-- 粉皮勁厚燒賣-- 大而無當炒飯-- 一pat pat, 好似倒瀉水落d飯度.個人意願-- 絕不再光顧!

一行六人吃晚飯, 慕名而來, 想一睹合和60樓夜景和試試哪裡的經濟實惠菜色.點了八個菜, 好意頭:蝦子柚皮魚湯浸柚皮桶子油雞豆醬唐生菜壽包半打榨菜鴕鳥肉炆伊麵薑蔥魚頭煲大良炒鮮奶我覺得大良炒鮮奶及桶子油雞較出色.除了鮮奶外,大良炒鮮奶內有少許蟹肉和金華火腿茸. 不油膩, 很難得.桶子油雞竟然不是以木桶上. 雖然有些失望,但味道可口彌補了賣相名不副實.點蝦子柚皮和魚湯浸柚皮是為了滿足兒時的囬憶. 吃過便算, 味道偏淡.其他菜不過不失. 哪裡勝在多選擇, 價格適中. 以60樓景觀氣勢, 也是一個好地方. 不過, 因為酒家太光亮, 我們不能看清楚夜色. 中式酒家大多如此, 沒辦法啦！埋單共$460. 即使請壽星仔吃, 每人只付$9x. 可以啦!吃完自己帶來的生日蛋糕, 我們飽到頂點. YK, 生日快樂！希望你也滿意呀.　　　

星期一我個friend同我補祝生日﹐最後找了這間酒樓﹐夜晚7點上去﹐全場只有2﹐3人﹐基本上一半座位都係靠窗﹐我地就係對住個中環海景食飯﹐叫了個魚翅龍蝦餐﹐魚翅是堅料的排翅﹐半隻龍蝦都好多肉﹐冇取巧﹐半價188的確好抵食﹐另外還叫了隻乳鴿﹐連茶介貼士埋單480﹐景觀同高2層的R66有個fight﹐如下次有特價餐值得再去﹐個魚翅餐餐單如下前菜一碟蟹黃菜膽鮑翅鮑汁鵝掌龍蝦(半隻)鴕鳥肉柳楊支甘露桂花糕

生日正日工作超忙, 行唔開, 只好與老公在灣仔區食飯.心血來潮去搵聲哥, 呢度總廚聲哥是前度XX大學校友會總廚, 又係"自己人"(潮州), 煮野有一手.唔係食左太多貴野, 不過地方夠清靜, 幾好坐:1. 例牌叉燒- 比較「林」、幾鹹下2. BB鴿- 好脆口, 食慢d都「林」哂呀3. 老公最愛腐皮卷- 唔係好足料呀, 而且好貴, 6條$60, 睇來呢度d點心麻麻4. 生日就梗係要食下壽包, 半打迷你壽包$18 - 普普通通, 不過侍應醒目, 識拎個蓋比我地住, 慢慢食.5. 馳名聲哥糯米飯- 夠乾身, 軟硬適中. 原本想叫一碗, 後來都係叫一碟, 可以打包嘛!今晚得4檯, 我地2人都有窗邊位, 望住維港景, 消費又唔貴, 氣氛冇壓力, 幾舒服o架~服務就比較慢同埋騎呢左少少, 見我地影相又r哂頭咁, 但不算不禮貌, 只係唔熟d菜名o者.