新潮發海鮮菜館

营业中

休息中

⭐️新潮發海鮮菜館⭐️📍: 長洲北社海旁路13號地下C號鋪放假去左長洲小旅行，好耐無入黎長洲多左好多街頭小食，去長洲當然要食海鮮啦，經過海傍呢間新潮發海鮮菜館做緊海鮮餐優惠幾抵食就入去試下~精選3款小菜套餐 ($278)🌟黃金蝦黃金蝦表面脆醬不厚還帶脆，金黃色的鹹蛋鹹香惹味，食落唔會好漏，推介🌟椒鹽九肚魚每次食中菜我多數都會叫既椒鹽九肚魚，一上枱超級香噴噴，而且熱辣辣，記得趁熱食! 九肚魚炸得香脆，外脆內軟，入口有化開既感覺，而且炸粉唔算好厚，超惹味🌟椒鹽骨又一款香口小菜，份量都幾多，配埋椒鹽同炸蒜粒調味，好好食

趁平日放假，入長洲 行下踏下單車，食下海鮮午餐揀左人流最多嘅#知名 #新潮發海鮮菜館服務員落力招呼💪驚喜送😍😍 粟米羹/湯必食黃金蝦：咸蛋黃沾滿開邊蝦所以蝦肉都食到黃金味唔止於蝦殼，蝦肉嫩爽。蠔餅煎蛋：粒粒脹卜卜蠔肉好足料，蛋煎得好香唔油膩， 不錯。椒鹽九肚魚：肥美大條， 我初初以為係魷魚， 表皮酥脆可口 好like 佢少油。蒜蓉炒菜：蒜蓉好香 蔬菜碧綠爽口 下次約埋多D朋友再來佢地既海鮮同小菜都好好食特別係蒜茸蒸開邊蝦蝦仁蒸蛋再叫埋聖子皇， 蒸扇貝，瀨尿蝦，東風螺。。🤤🤤🤤🤤坐在室外邊位可以吹下風 睇下海景食下海鮮 ， 一流享受🥰

長洲都有不少海鮮餐廳， 今日去完長洲玩， 就順便食餐海鮮， 大排檔的風味，可以喺餐廳盡顯。今餐揀左4個餸都只係328 今日嘅主菜包括：蠔仔煎蛋、黃金大蝦、蒜蓉炒菜心和椒鹽鮮魷。 蠔仔煎蛋，蛋煎得好金黃，蠔仔每粒都好飽滿， 仲有少少海水的味道。 其次就是黃金大蝦， 雖然份量唔係好多， 但炸得好香脆。 椒鹽鮮魷，皮薄而鮮魷很彈牙。 最後就是蒜蓉炒菜心，綠油油嘅菜，識落唔會滿口油， 菜心都絲爽口， 唔會過淋。 整體來說，如果想喺長洲食完晚餐才離開可以揀選一下這些海鮮酒家。

近排週末大家都好鐘意去離島玩下行下，我今個週末就去左長洲😊去長洲最好就係食下小食，之後食番個海鮮餐。今日經過海旁路揀左一間叫新潮發海鮮菜館食海鮮小菜，都覺得幾抵食，想推薦比大家。佢叫兩個小菜係$188，3個小菜係$278。今日我地兩個人食左＜3個小菜餐＞： 🔸️蒜蓉蒸開邊蝦（8／10）都幾大碟，蒜蓉味好足，啲蝦細細隻但係好甜。 🔸️豉汁蒸倉魚（8.3／10）呢條魚唔錯，幾新鮮，肉質又夠實，豆豉味好出。 🔸️蒜蓉蒸扇貝 （7.8／10）總共有四隻，蒜蓉味又係好出，啲粉絲吸曬啲蒜蓉味好正。扇貝都有鮮味。 另外老闆仲跟左個粟米魚肚羹同埋炒左碟生菜俾我地，配埋白飯成餐就非常滿足飽肚。😊😊 ✏️總括而言，二百幾蚊食到三樣海鮮10分抵。

去離島玩左成日肚餓，梗係要食下海鮮、小菜啦，呢間地道餐館，抵食又好味，仲好有feel🥰望住海邊海景，人又唔多，特別有風味，呢種港式情懷呢度特別正，識食就食呢隻👍🏻價錢經濟實惠，百幾元已經有交易，今日揀三款海鮮都係$278，市區點會食到吖😍而且旁邊有海鮮檔，客人亦可以自己買比餐廳加工，下次一於要試吓😀原來呢度仲會贈送湯羮比客人，日日不同，當然遲來賣哂就無啦，今日係粟米魚肚羹，好味又暖胃，正，咁懂待客之道，唔怪之得佢咁旺埸啦👍🏻👍🏻👍🏻白勺鮮魷🦑，夠份量，配料多，入口彈牙爽口，一個字「鮮」😋招牌菜「黃金蝦」🦐，極力推薦，送酒一流，外脆內軟，真係連殼都食埋，滋味可口👍🏻豉汁蒸白鱔，陣陣香味，未食已經口水流，肉嫰無骨，蒸得啱啱好，好快就俾我哋食晒😂呢度環境好，招呼周到，性價比極高，入開嚟長洲，真係一定要試吓👍🏻👍🏻👍🏻

新潮發海鮮菜館是一家令人印象深刻的海鮮餐廳，我最近在這裡用餐，非常滿意這裡的菜式和服務，很有驚喜！首先，我為這裡的粟米魚肚羹印象深刻。這道菜式味道香甜，魚肚質地軟滑，而粟米則增加了一些脆度，使得整道菜式更加美味。其次，我也嘗試了這裡的椒鹽炸魷魚鬚，這道菜式味道香脆，結合了椒鹽的風味使得整道菜式更加獨特。再來，我還嘗試了這裡的蒜蓉蒸開邊蝦，這道菜式味道鮮美，蝦肉質地軟滑，而蒜蓉則為整道菜式增加了香味。最後，我還嘗試了這裡的豉汁蒸白鱔，這道菜式味道風味十足，鱔魚肉質軟滑，而豉汁則為整道菜式增加了濃郁的味道。總的來說，我非常推薦新潮發海鮮菜館。這裡的菜式味道美味，而且餐廳的服務也非常好，是一家非常值得推薦的餐廳。如果您喜歡海鮮，請務必前往品嚐品嚐！

新年冇去拜年，就去長洲行個大運！到最後梗係要食個豐富嘅海鮮餐先走！見到呢間個餐牌都幾抵食，三百幾蚊仲有四個餸，而且四個餸都可以揀晒海鮮，同埋見到有咁多人幫襯，於是我哋都決定試吓呢間我哋叫咗薑蔥炒蟹、蒜蓉粉絲蒸扇貝、黃金蝦、豉椒炒蜆薑蔥炒蟹有兩隻蟹，個蟹仲有膏添！豉椒炒蜆既蜆肉粒粒飽滿，而且唔會有沙，都幾新鮮蒜蓉粉絲蒸扇貝都唔錯，最正係將個蒜蓉撈埋粉丝一齊食黃金蝦整得都幾香，蝦殼都可以食埋，整體嚟講真係幾抵食

今日同朋友去左長洲一日遊，估唔到甘耐無入過黎中係甘多野玩同食😆其中一樣唔可以錯過既緊係要食番間海鮮餐先可以同人講黎過長洲啦😆一上枱店家就附送左碗粟米魚肚湯上枱✨——————🐽 蒜茸蒸開邊蝦、蒜蒸蟶子先叫左2碟蒜蒸海鮮🤪海蝦同埋蟶子都好新鮮！蒜味都落曬去個蝦肉同蟶子肉入面，吸曬d蒜茸同豉油送飯真係一流😁🐽 菠蘿生炒骨生炒骨雖然唔係強項，但食落同樣出色；排骨炸到香脆，面頭包住酸酸甜甜既汁醬好開胃最後中要每碟都送左碟蒜茸炒生菜，真係好好服務😆

再一次來到長洲，一個成日同外地朋友到嘅地方，次次都食海鮮嘅，今次就揀咗呢間：新潮發海鮮菜館，長洲北社海旁路13號地下C號舖，碼頭落船左轉約150米的第一間食肆。嗌咗個3餸組合，但加埋個免費嘅青菜，同埋一個免費湯羹，咁就係四餸一湯，價錢超平，係二百七十九蚊。最後我哋的菜式就係薑蔥炒蟹，宮保蝦仁同埋一個蒜蓉粉絲蒸蟶子，而送嘅就係炒生菜及粟米魚肚湯，滿滿的一枱餸，勁有食欲。呢度薑蔥炒蟹有2隻，而且size都唔細，睇個蟹鉗就知，超抵食吖，自已買都唔止呢個價；宮保蝦仁有一定辣度，好開胃的一道餸；蟶子就試過插蟶子，鹽燒，清炒，但蒜蓉粉絲蒸，都係第一次，好足的份量，好惹味的味道👍同埋一開門就去食會好D，唔使點等，之後都好多人，full晒，咁遲來就要等吓喇。

份量少，將shrimp一開二Small like fine diningFor the golden shrimp, no skill in cooking, just fried, which is terrible味道真係普通。 唔似識煮斷了的 chopstick 待應說了去拿 又始終未有最後突如其來的10% chargeNo care for the expat Even ask, what the hell are u saying to the customers…好！

放假去長洲嚟個快閃遊，都有好幾年無入過嚟，梗係要四圍逛下，順便去埋張保仔洞同愛情鎖牆打下卡。行到又攰又肚餓，提議去食海鮮餐醫肚。揀咗北社海旁路呢間「新潮發」，地點好方便，離碼頭只係幾分鐘路程，吹著海風，望住個海景食飯，又的確幾 Chill。我哋點咗個三餸海鮮餐，原來價錢好經濟，只係二百零蚊，仲送湯羹同生菜一碟，真係非常抵食。碗粟米蛋花羹味道唔錯，入口清清甜甜，好有住家 feel。幾款海鮮接著送上。蒜蓉蒸扇貝熱辣辣，上桌時還傳出陣陣蒜香味，煞是吸引！幾隻扇貝嘅 Size 雖然唔算話係好大粒，但食落爽彈鮮嫩，加上索盡元貝汁嘅粉絲同微辛帶甜嘅蒜蓉，簡直係絕配，令味道更昇華。另外呢碟蒜蓉蒸開邊蝦亦睇頭十足，蝦隻份量不少，面頭撒滿了蒜蓉、粉絲和蔥花，賣相美觀。蝦肉鮮爽清甜，火喉同時間都掌握得啱啱好，粉絲吸收晒蝦汁精華，十分惹味！豉汁蒸白鱔 (+$30)，白鱔晶瑩剔透，肥美夠實淨，肉質彈牙，食落無腥味。豉油同豆豉嘅份量亦拿捏得十分準繩，入口味道唔會過咸，用嚟送飯一流。最後上檯嘅生菜亦好有驚喜，雖然係送嘅，但一啲都唔馬虎，大大碟，非常新鮮，脆嫩清甜，爽口味美！

.久違了的長洲遊❤️去長洲每次都會去海邊食小炒 好有feel同小島既人情味真係令人好warm ～今次專登揀日落既時候去食 2個人揀左3餸可以揀小炒/海鮮/蔬菜我地揀左蒜蓉西蘭花 椒鹽鮮魷同埋蒜蓉開邊蝦點好菜之後店家會送上粟米羹 大家可以飲住先 味道唔會太濃 清清淡淡 蒜蓉開邊蝦好入味 份量都唔少 加左葱粒同粉絲 食落特別惹味蒜蓉西蘭花🥦爽脆 鮮甜可口 簡單得黎會令人食唔停椒鹽鮮魷炸粉唔會好厚 外層脆卜卜 入面既鮮魷爽口彈牙 即叫即整上枱熱辣辣😋仲有喼汁可以點黎食 可以解膩望住呢個景食嘢真係人生一大樂事🫶🏻

周末同朋友入長洲玩下，除左要食幾款名物之外，就梗係要搵下正餐啦。沿住海邊行，見有排大排檔feel嘅小炒店，姐姐十分熱情拉客，咁不如就食下佢🤭入左第一檔新潮發試試，坐低後店員就送上熱茶同洗碗盤，示意餐牌上全部都可以隨便點，全部劃一收費㗎。🐚豉椒炒聖子聖子鮮味有咬口，同埋個醬汁都幾好味，可惜係有一兩條聖子有砂，扣少少分。🐟椒鹽九肚魚即炸熱辣辣喔喔脆，九肚魚軟滑，啖啖肉好正，點少少喼汁就覺得熱氣，正👏🐂涼瓜炒牛肉涼瓜爽口帶少少苦味，好正，牛肉軟嫩，炒得有鑊氣，送飯一流。🥬蒜蓉生菜菜係送嘅，幾大碟又翠綠。🍚白飯咁好餸就係要送下飯食，滿足滿足😋望住個海食好西，寫意～

中午時間嚟到長洲天陰陰涼涼地就決定搵間靠海位置餐廳用餐.落咗船向左邊行見到好多海鮮餐館,其中一間特別多人,而且眼見套餐非常抵🤩就被吸引咗入去～眼見之前D食評寫到咁差但結果…好彩無揀錯!三餸連湯加生菜都只係$248!當中可以選擇魚/瀨尿蝦/蟹/扇貝/聖子等⋯仲可以叫小炒～老實講長洲唔係出名食海鮮,依個價格當然不能同鯉魚門,流浮山對比.因為後者可能叫一碟炒蟹都已經over$200😏坐低冇耐店員已經送上粟米魚肚羹,樣子雖然平平無其但味道尚算濃郁,魚肚亦唔少椒鹽鮮魷即叫即炸,非常鬆脆香口😋黑椒牛仔骨好惹味,唔會好多根同骨,非常好送飯🍚🍚薑蔥蟹雖然唔算大隻但亦有兩隻🦀以依個價錢嚟講已經好唔錯～特別推介✨🦑🦑🦑

以免費粟米魚肚羹同送菜以招攬客人，但海鮮有分2個價錢，一個大，一個小份量的。但就算大份量都非常伏同難食。唔知食左咩！ 非常離譜！ 簡直浪費金錢同時間! 千其唔好光顧！