新派韓食館 (已結業)

話說屋企附近開左間韓國餐廳，自問自己幾中意韓食，而且都聽大埔果間個朵，所以對今次新開既Sister Korea Cafe非常有興趣！同埋韓國菜式都好適合一大班人圍埋一齊食，平時都係同FD食開，今次就帶屋企人試試新野～餐廳位於元洲商場，地理好方便又近地鐵站。環境頗大，四人位居多，都可以坐到好多枱客，店內色彩繽紛，充滿韓味。另外，有部份店家係韓國人黎，感覺夠晒地道！中意佢既MEAU設計，文字清晰再加上大部份菜式都有圖參考，簡單易明。大家一坐低，店員就主動放低5款韓式配菜，包括有大白菜泡菜、辣蘿蔔絲、芽菜、菠菜，當開胃小食、配菜都得。火山脆皮豆腐，炸至脆身既豆腐表面淋左一層韓式辣醬，帶啲甜辣，所以唔食辣既人都接受到，而且豆腐口感外脆內軟，內裡細滑，又香又甜，價錢相對上抵食，推薦一食～飛機醬缸醃蟹，去韓國必食既醬油蟹，呢間賣相都幾吸引，店員會幫我地刮好蟹肉蟹膏，再淋上醬汁同飯一齊搞拌，搞拌期間已經有陣陣鮮香既氣味撲鼻而黎，遠觀已經流晒口水。搞拌好後就係咁樣喇～望上去平平無奇，但食一之下就會令人上癮，蟹肉鮮香味同白飯融為一體，黏黏既口感再加上鮮甜蟹味，就咁生食醬油蟹對我屋企人黎唔係幾接受到，但拌

如果不是公司在這裏附近開會 ，平日很少 經過長沙灣元州邨這裏。今天路経元州邨看見新派韓食決定一試。內裏裝修很有韓feel, 迎面而來有位貌似oppa 的店員，同佢溝通用英文(好似不暗廣東話)。。似乎是位真oppa..竟然出現在街方地區食肆。餐牌製作很有心思， 用插畫代替相片。先來四小碟泡菜，都很爽脆。先看餐牌，好多選擇。。竟然有飛機醬缸蟹 我們決定先點飲品。 因為行得太倦，我們點了韓國啤酒和韓國菠蘿冰。 韓國菠蘿冰是重點推介。 新鮮菠蘿打成冰，有鮮果的甜味， 不是糖漿的假甜味。 韓國啤酒也非常爽(啤酒最緊要夠凍~)接著來的是"飛機醬缸蟹" 。端上來的時候一點腥味也沒有。 其實吃過其他韓國餐廳的醬油蟹，覺得每間餐廳的醬油都有其特色。有些偏鹹，有些偏甜，有些過份濃味掩蓋蟹味。 而這裏的醬缸蟹醃味適中， 完全突出生蟹肉的鮮甜味。橙黃色嘅蟹膏蟹肉和紫菜麻油拌飯簡直是絕配。 這隻蟹真是很多蟹膏，甘香鮮甜 有驚喜呀!再來是"韓式大蔥蜜糖炸雞" 。小心燙嘴因為是即叫即炸。 雞塊炸得外脆內軟，仍然很juicy。加上薄薄蜜糖鋪蓋著還有大蔥絲，實在很惹味。再來是"海軍隊長鮮貝鍋烏冬"。 我們選了唔辣的。

同朋友去咗元州邨影靚花，影完天色都晏就係附近商場搵嘢食半身諗住求其食個飯，點知朋友條韓國癮起，就入咗呢間食一入到去兩個韓國OPPA招呼我哋坐，啲笑容勁親切搞到我同朋友都唔敢直視前菜我見每枱都有4小碟，辣度適中好啱口味先上嘅係個辛辣鮮貝鍋同埋個手打烏冬，由於同OPPA唔太溝通到，所以我哋決定由得佢滾咗先算朋友叫咗個菠蘿冰，份量好多，有成個菠蘿裝住而我就想啤啤佢，因為個鍋熱辣辣開咗蓋之後驚覺佢好多材料！！！有好多白蜆同蠔仔，然後又有藍青口，蝦同鮑魚，勁足料！底下就有翠玉瓜，鮮冬菇片，雜菜然後驚喜陸續有嚟，個飛機醬缸醃蟹好多膏，好靚，有專人幫我哋拆蟹肉撈落個飯度佢仲拆緊我偷影咗張相，啲肉好甜好新鮮，同啲紫菜撈飯一齊食簡直令人停唔到口最後上嘅呢個大蔥蜜糖炸雞都冇令我哋失望，佢啲炸粉好薄，一都唔似出面食嘅韓式炸雞，蜜糖係個種搽落西多士嘅個種味，又香又脆，必叫!

屋企樓下商場又一次大裝修，原本既歐陸餐廳變左做韓式餐廳，望入去見店內裝修幾吸引，一於試下。一入門口有一堆舊式理髮工具，電話，收音機，電標，老闆都可能係舊年代既人，喜歡懷舊而收銀處後邊有一個好舊既locker，旁邊似係郵筒，整個佈置令我莫名聯想起郵局而店內不同地方都有古舊既生活用品，電視，電話，收音機，行李箱，衣車，喇叭，水壼，睇得出餐廳係室內佈置上花左唔少既心思到餐牌，餐廳既食物總類十分豐富!可以話係有齊所有常見韓食，部隊鍋到炸雞，冷麵炸醬麵，紫菜卷到年糕。基本上你講得出既都有，仲有鮑魚同醬油蟹前菜4小碟，不算太特別，份量多一點更好!要左一份經理特別推薦既火山脆皮豆腐，一於試下佢有幾利害!豆腐唔係用硬身豆腐，但仍然好挺身。咬落真係同經理講既一樣，外酥脆內嫩滑，配上韓式辣醬同芝麻，十分香口，而且略帶微辣，令我停唔到另外呢一份漢拿山芝士蛋豚肉炒飯係全個menu最有睇頭既!因為每碟都係店員即場炒。豬肉，雞蛋，紫菜，紅椒，配上韓式醬汁，味道略帶微甜。配蛋一齊食十分香，可惜芝士味唔太突出。但畢竟係炒飯油比較多，用既米似係珍珠米，口感上唔太食得慣圓潤既珍珠米炒飯，但味道係好味既醬醃莞島鮑魚好少見，

豬小姐同朋友仔好耐之前食過大圍分店嘅「sister korea cafe」當時覺得係還可以 不過不失經過元州商場見到新開張嘅分店 今晚一試 唔知會否有驚喜呢？裝潢與大圍店風格一貫 都係令人感到朝氣活力嘅韓風環境色彩繽紛嘅塗鴉牆身 可愛卡通化嘅menu 都算係尼度嘅獨特韓風style重點就係有好幾個高大oppa招呼可惜今晚和我共聚晚餐嘅唔係佢地 係肥仔oppa豬先生我地order左兩款小食 一個鍋物同埋兩杯飲品清河醉雞翼大大隻漲卜卜 每隻雞翼都滲透住清酒香雞皮爽口 雞肉入味 肉質就不過不失 係款好岩佐酒嘅前菜小食泡菜蠔仔煎餅煎得香脆而不油膩 煎餅厚度適中 不重粉感 加入蠔仔大玩fusion 增強鮮味及新鮮感 成功！食前點一點特色酸辣醬 豬小姐認為點左更滋味醒胃海軍隊長鮮貝鍋係足料嘅一鍋！海鮮包羅萬有 款式有沙白蜆 藍青口 蠔仔 海蝦 鮑魚湯底用左感覺天然清熱嘅海帶蘿蔔湯 加入健康什菜(南瓜 金菇 翠肉瓜 蘿蔔絲 洋蔥絲) 更能加強湯底的鮮甜度 豬先生話飲埋啲湯都咪話唔得由於豬小姐喉嚨不適 否則一定揀辛辣！過癮辣味相信會令鍋物更惹味吸引最後仲有豬小姐最愛嘅澱粉質 韓國手打烏冬 彈牙口感配埋

公司附近開咗一間新嘅韓式家庭小館，食啲傳統嘅韓式，唔係燒肉嗰一隻，反而係又有炸醬麵又有韓國餸菜果一種。星期二就約咗男朋友，嗰日準時收工去試吓呢間新嘅餐廳。雖然間餐廳食一啲傳統嘅韓式食物，但係裝修就好新穎，而且仲改咗一個好唔似傳統韓式嘅名，叫Sister Korea Cafe，稱得上叫Cafe就係呢度有好多特色嘅飲品。飛機醬缸醃蟹＄188呢個餸真係要推介，超級好食！上菜嘅時候蟹同埋飯係分開嘅，呢個時候侍應會走過來戴上手套，睇住佢將啲蟹肉咇出嚟，吱落去啲飯到，一滴都唔晒。當節晒啲蟹肉出嚟之後，侍應會再倒少少醃蟹既醬油落去返到，撈勻佢，咁呢個醃蟹飯就完成啦。一啖食落後，嗰種呢排新鮮嘅甜味真係無辦法形容，再加上將由小小甜少少咸帶出個鮮味，蟹肉creamy感覺黐住個口，真係一流， 非試不可。唯一就係分量唔算好多，兩個人share食唔到幾多。涼拌腩肉包辣水菜沙律＄78腩肉本身冇乜味，主要係靠辣水菜有嘅傳統甜辣醬嘅味道，特別而我又未見過嘅就係隔離有一碗蒜蓉醬，但係比起一般嘅蒜蓉少咗份辣味又多左份甜味，好似加左面試咁樣，令成個送嘅甜美增加，好開胃好易入口。藍玉食落唔算肥，可能因為本身說動左，咬落去肥膏

早前在元州邨賞完杜鵑花隧道後，就順便入商場光顧Sister Korea，之前在大圍的分店一直未有機會試下。餐廳佔地好大，座位舒適，不過我的座位俾斜燈照著不舒服。韓國菠蘿冰 $58原個菠蘿起肉打成沙冰，賣相一流。而味道甜中帶少少酸，沙冰幼滑不會太凍，價錢幾經濟。清河醉雞翼 $48濃厚酒香味，似是花雕酒，而且雞翼好大隻又入味，不錯。飛機醬缸醃蟹 $188有Oppa （大部份是韓國男生！）親手拆肉起膏再放在紫菜飯再拌勻節省不少時間食蟹，啖啖蟹飯好正，蟹肉鮮甜，而伴飯減少鹹味。火焰芝士拉豬仔骨 $178除了主角豬仔骨、芝士外，還有蛋醬、粟米、芽菜，多種享受。又有Oppa幫忙幾拉絲的芝士捲在排骨芝士加入辣醬不會太膩，而排骨入味鬆化，可惜芝士太多了。

長沙環係一個我比較少踏足既地方   咁岩又係個頭買完少少野上網搵搵   好似俾我無意中發現新大陸樓面非常寬敞  坐得非常舒服  同朋友邊食邊傾計 感覺唔錯嫁話哂都係Happy Friday  咁我就緊係叫返杯生啤飲下喇  呢個天氣 飲返杯生啤真係冇得輸朋友就簡左個 菠蘿冰  睇得  影得  又食得黎緊夏天  如果去呢度食飯   叫返個原隻菠蘿冰都真係冇得輸嫁!清河醉雞翼酒味相當夠  正合我心意另一賣點係   雞翼既SIZE係 XXXXL   好大件頭拎黎做開胃菜真係岩哂泡菜蠔仔煎餅泡菜煎餅我食得多   食到有D悶   係MENU見倒佢有個係泡菜蠔仔煎餅  立即同朋友都心心眼左叫左個黎試下  結果都冇令我失望  重點一提  成個煎餅份量好夠 (好厚嫁!)實夠你食海軍隊長鮮貝鍋絕對係今晚既另一重點睇個名都估倒呢個係一個海鮮鍋一打開蓋  就會見倒好多唔同既海鮮素材有蜆 / 青口 / 蠔仔 / 鮑魚  等等   仲有個韓國烏冬建議等個湯底慢慢抽取左海鮮既味道   之後放個烏冬入去煮  真係好好味   個湯都可以飲埋呀!食完慢慢行返去長沙環站都係個幾字倒   都幾方便嫁!真係唔黎唔知呢頭都有好野

今日同A姐去元州邨探朋友嘅BB，離開嘅時候經過元州商場搵飯食。不過，屋邨商場通常都離不開各大連鎖快餐廳，直到A姐見到韓國餐廳，又報以一個好想食嘅眼神，我又點會唔融化呢？所以我幾時都話A姐鍾意食韓國菜㗎啦！入到去，望吓個menu，咁熟口面嘅！原來呢間餐廳，我哋上次喺大圍都食過㗎！同大圍分店一樣，選址平民嘅屋邨商場，但店面佈置同食物質素一啲都唔馬虎，懷舊韓風格調，配以韓國音樂同韓國員工，其實都幾有feel！餐廳提供四款泡菜，包括：大白菜泡菜、辣蘿蔔絲、芽菜同菠菜，作為前菜嘅份量不多，但就夠晒醒胃。泡菜蠔仔煎餅：除咗台式蠔仔煎同潮式蠔餅，原來韓式嘅蠔仔餅都唔錯喎！好多人話蠔仔點都好似腥腥哋，所以就會加入胡椒粉僻腥，但韓式就用上微辣嘅泡菜，意外哋帶出蠔仔嘅鮮甜。蠔仔粉量雖然唔多，但粒粒都好肥美㗎！清河醉雞翼：韓版醉雞用上韓國酒嚟醃，每隻雞翼都漲卜卜，好大隻，仲有淡淡酒嘅清香，好入味，作為前菜好開胃。火焰芝士拉豬仔骨：餸菜上枱後，韓國店員就好細心咁幫我哋預備。首先，店員先用慢火整融啲芝士，再將芝士捲起包住豬仔骨，捲好咗就要趁熱食喇！豬仔骨好入味，配埋濃郁嘅芝士，好惹味呀！鐵板側邊仲有爐邊蛋、粟米

今日朋友想食韓國野，知元州商場開了間韓國料理餐廳，突以前來試試。我地選擇午市來試,3人分別叫左不同午餐set,可互相分來食。叫左一個辣豚肉鐵板燒跟白飯，份量都幾多。豚肉配泡菜味道不錯，不會太酸及太辣。以上是韓式餐前小菜，味道一般，普普通通。跟餐會有多一罐韓式汽水或飲料。另外叫了一個雞肉水梨石鍋飯，石鍋飯賣相吸引，而且雞肉都幾多下，拌埋一齊味道都幾好食，濃淡合適。朋友們想食炸雞，所以叫一份原味炸雞。炸雞好香脆，炸雞是全肉沒有骨頭，方便進食。係香港較難搵到韓式粥食，所以叫了一個紫菜白蜆蠔仔粥試下。粥是即整，等的時間較耐，所以最後先上，粥的賣相還可以，味道都幾鮮味白蜆原隻煮沒有沙，蠔仔不會煮得過火，所以不錯，但如果煮耐多少少收多少少水就會更好。三人午餐食咁多野，真的平！靚！正！有一些店員是韓國人,識聽廣東話，好似去左韓國當地餐廳的感覺。

出去長沙灣拎野比朋友，餓餓地食個high tea, 已經6點幾，再晚些又約左朋友食飯，所以是但叫左d唔太大份既野，點知就出事了。依間野係連鎖成日都見到，但入就真係未入過去食，一入到去，人小小，坐底左待應唔太理我，不過勝在裝修靚，個餐牌設計都好靚，睇得出有心思，可惜質素有待改善啦。點完野都算快上，都有齊小拌菜，一共有4碟，好味！不過呢，到主要既餐點黎到，個樣好吸引，但係....點解唔熱既？點左一個石頭鍋飯，黎到係暖暖地，拌飯時完全feel唔到熱，好失望。個樣好靚，但真係得個樣。打卡好啦，食就唔好食囉。再黎，第二個係鐵板芝士飯卷。爆槳芝士好正，一黎到個樣絕對唔輸得，不過一夾起，又出事啦又係唔熱，明明已經係鐵板，點解都唔熱嫁？D芝士係樣黎嫁炸...已經硬左凝結左，比你影相嫁炸一夾起仲要散曬，好失望，入邊包既都只係普通既腸仔同菜，唔係韓式包飯既料。我知同正宗韓國小店食既野係無得比，不過無諗過差成咁，重點係d野唔夠熱...鐵板一上用手摸都只係暖...

一直以來樓下元州商場都係頹廢商場全部都係一D食頹飯既小店但最近就進駐左間韓國餐廳, 睇個格局都唔係話有咩大驚喜但係食落先知原來真係過江龍, 係真韓國人開的韓式餐廳!!漢拿山芝士蛋溶岩豚肉炒飯食評：呢個最令我suprise既就係原來係會有個韓國oppa出黎即場炒，好睇之餘仲要好香tim，炒好之後oppa仲會問我地想整咩造型，我地揀左心型，估唔到佢又真係整到個下先好野，呢個炒飯又睇得又打得又好味，我地每人都食到兩碗！醬醃莞島鮑魚食評：本住試下既心態嗌呢個食，估唔到又幾好味，味道上係甜甜的，帶出左有海鮮應有既鮮味，而廚師仲好細心咁將鮑魚同個殼分開左，而且仲切成片，等我地食得冇咁lei hea，值得一讚韓國菠蘿冰食評：菠蘿冰入面真係有菠蘿架！！我就咁睇圖以為都是係畫出黎既，原來同實物係一樣，就係係原隻菠蘿入面飲野，睇得出係廚師將原隻菠蘿開蓋然後將入面既菠蘿肉打成醬，再製成菠蘿冰，完全係無添加既飲料，又好睇又好飲！！總括來說這家是真的很韓國feel的韓式餐廳，所有食物都很跟韓國的準則來準則，特別是炸雞和炒飯，食到我地又開心又抵食！！

餐廳地方好大，有很多座位，有好多復古既擺設，有心思的。部隊鍋 $128 真心$128？我地吾相信一個咁大個，咁足料既部隊鍋竟然只係$128！😳真正既街坊超值之選😂👍🏼湯底微辣，適合大部份香港人食😁我地揀左豬肉，好多呀，幾好味！仲有好多配菜。韓式水菜五花腩生菜包 $78 有好多塊半肥瘦五花腩！同個香蒜醬幾夾！連埋香口既大蔥包埋生菜一齊食，味道好豐富！😋 同埋都係果句，好抵食！😂👍🏼醬油蟹配麻油紫菜拌飯 $188 店員會幫手將蟹膏、蟹肉加入紫菜飯，岩晒懶人😂食得喇！好香麻油味呀！😍話說小妹第一次食醬油蟹🙊 估吾到係咁好食！冷食，啖啖飯充滿蟹膏，味覺既享受！中意左食醬油蟹添😂❤️芬達插草莓沙冰 $38好大杯呀！清甜，爽呀！👅💦 好抵飲！！韓國菠蘿冰 $58 呢個相信係餐廳既招牌飲品！咁大個菠蘿，好有原汁原味既感覺，爽呀！吾會太甜，大杯！其實兩個人share 飲都得。呢間韓國餐館聘請了多名韓國人做員工，更加有當地風味，好似飛左去韓國食韓國菜咁😆 食物、飲品質素高👍🏼👍🏼 價錢非常合理，會再同朋友來光顧。

職場位處無食地帶，搵食艱難，是日難得友部同事帶到一家韓式餐館，竟可吃到一頓不錯的午餐。前菜都是泡菜、蘿蔔、芽菜及菠菜，只是偏少，圖見已是二人份量，味道頗重，齋食有點咸，不過卻也算爽的。小人的午餐乃石鍋辣魷魚，魷魚夠腍，但不怎麼入味，醬汁少辣，加入帶咸的泡菜和枱上的辣醬才夠味；白飯跟足韓國習俗，以鐵碗上，惟不大夠熱，幸趁著熱呼呼的魷魚同食，感覺還不太差。勢估不到屋邨之中亦可找到韓式美食，實屬一大發現。

想不到一家在深水埗的屋村商場入面都有一家由韓國人主理既韓式食府見咁近樓下就去幫襯一下啦，一入去好彩唔洗排隊就有位坐，非常好原本我以為韓國人主理只係噱頭，估唔到入到去幾乎所有員工都係講韓文的非常有在韓國吃飯的感覺韓式原味炸雞食評：炸雞大大隻，外面個層既炸粉好薄，食落唔似食緊一舊粉咁，而且係冇骨既，勁爽，一口一啖雞肉，完全唔洗擔心有骨，d雞件都好大件，最正係舊舊都係上脾咁嫩滑！火山脆皮豆腐食評：第一次食呢種煮法既豆腐，外脆內軟，外面個層甜甜的，而入面個個就完全係豆腐既香味，點埋d韓式辣醬食就岩岩好忌廉插柚子沙冰食評：超神奇既飲品，都係我第一次飲咁既造型既飲品，冇諗過除左有個造型之外，都幾好飲，估唔到忌廉MIX柚子個口感都唔錯，都有食到柚子粒！！兩個飲品都係一流