新派韓食館 (已結業)

好久沒有探訪名店，很是惦記妹妹ＣＡＦＥ的韓國女孩們，今天難得早放，心想來吃個下午茶也不錯啊！天氣還是熱得厲害，二話不說就點了菠羅冰，沙冰跟菠蘿，再加上這造型，清甜帶微酸的感覺，我敢說是最消暑的！今天的主角來了，岩漿芝士蛋炒飯最形貴的不是那些五層腩，亦非那些惹味的韓式辣醬，而是這個形狀！試問塵世間有哪個男士能抗拒這心形的誘惑？芝士蛋煮成半熟，覆蓋著微辛的炒飯，一啖飯一啖蛋可說是滋味至極的享受！躺在鍋中的飯粒不易變冷，剛好讓我慢慢享受一整個飯的樂趣？怎麼不點其他菜色？ＣＯＭＥ　ＯＮ，一大鍋飯就有夠我吃了，況且這心形也確實已經滿足了我

早前應朋友之約到大圍,陪他考車,最後恭喜他考成了,以後我可以跟車出入吧之後為了慶祝,就請他到附近餐廳吃一頓好的來到sister korea café,因為這兒有韓國美女坐陣,比食物更吸引呢我們點了一個芝士炒蛋炒飯,重點當然是這兒的美女親自煮呢炒成心型的蛋,未吃已經甜入心芝士絲十分多,所以相當夠味,而且香炒蛋相當嫩滑,留意要第一時間吃掉,否則便不夠滑身而且份量也是十分多,吃完蛋後已有點飽了炒飯不太油,十分乾身,飯質也是軟熟,入口不錯重要的是心型圖案,大家也一起拍照粉飯經過芝士和蛋的燻陶,入味3分,非常惹味相當不錯的一餐,再次恭喜朋友考得車牌

好小入大圍食飯，睇到食評，俾一間屋邨韓國餐廳個大大個原個菠蘿冰吸引咗，就即管去試試！一入去坐低，叫咗嘢食，就會有人按人頭拎前菜及海帶湯俾你，味道都幾好的！湯好夠熱，可能餐廳入面太凍，所以覺得個湯飲完好舒服！菠蘿冰無令人失望，感覺好冰涼清新，有新鮮菠蘿嘅清甜，正另外，試咗泡菜煎餅，都好香脆，但就略嫌唔夠泡菜味，反而個醬汁好唔錯喎～而牛肉飯卷都算不過不失，可以一試～全晚最令我不滿的，都算係呢個韓國餃子辛辣麵，不單止賣相好唔吸引，味道更係普通得可憐，淡而無味！如果可以放小小其他顏色食材都好！真係得餃子+麵餐廳入面其實有好多選擇的，不過今次得兩個人，唔可以試啲份量太大的，真係有點美中不足，希望下次能叫多小小人再去試試先～

This restaurant does not deserve its reputation!! I ordered Korean cheese noodle army hot pot, and it is tasteless!! They don't even put cheese in in order to save money!!! Are u kidding me! Then after I complained, they put some sauce in, and it became so salty that no human being can eat without rolling their eyes!! Normally, for this dish, Korean people would put cheese on the top of the pot and then wait until all cheese melts. But in this restaurant, no food is anything like the true Korean

兩個星期冇見我兩位好姊妹，咁我哋大家都住喺新界區又好鍾意韓國嘅，所以我哋就搵咗間韓國餐廳試吓，係大圍火車站行過去大約十分鐘左右都算幾近🙆🏼🙆🏼以前返學都係喺附近，所以感覺好親切😳😳去到見到佢餐廳外圍裝修得好靚而且有埋一個大餐牌，睇得出用咗好多心思係裝修方面！令到我哋不停瘋狂影相✌🏻️✌🏻因為係平日嘅關係所以唔需要等位，同埋佢裏面嘅座位都幾多，咁我哋坐低之後就有一碗紫菜湯同埋前菜(泡菜仔+芽菜)，個湯就略為淡左少少，但送既都ok👍🏽以下呢幾種都幾值得推介❤️❤️🍛漢拿山芝士蛋熔岩豚肉炒飯(辣)個店員會首先放係個爐上面炒熱左啲飯，之後再慢慢材料，豚肉、 紫菜、蘿蔔絲，同埋韓國醬汁，店員係我地面前炒嗰陣時真係好香，最後仲落埋最吸引嘅自私🧀😍食落味道辣辣地，加埋一齊食感覺唔會好膩，有埋一啲蘿蔔絲嘅配合，辣中帶酸，好惹味👍🏽🍕海鮮泡菜煎餅海鮮煎餅裏面啲材料好充足，個邊邊位同表面都好脆，完全唔使用佢比嘅醬汁都好有鮮味，重點係佢有大量嘅葱夾埋啲海鮮簡直絕配😎🍞火山脆皮豆腐我覺得呢個豆腐小食真係必食🤗完全可以做到外脆內軟嘅感覺， 因為好香口我一個人都忍唔住食咗四件😜仲要加埋佢外面甜甜地嘅汁，豆腐既滑加外脆，

朋友即興韓風痕，想食韓國菜，仲出動埋🚗🚗接收工去搵食，原來帶我去食新派韓國菜， 間食店係大圍，對我黎講係有少少隔洩，平時一定唔會走到咁遠囉，佢🚗我就出👅囉，哈哈！去到新翠商場。好易搵到間食店， 睇門口，感覺係幾特別，一入到店內，都好舒服，地方好寬敞坐底後，好快就送上湯及前菜，店員仲好有禮貌介紹菜式， 我地最後決定叫火焰芝士拉豬仔骨同江南風辣湯水煮魚豆腐，再加韓國菠蘿冰同草莓水果冰茶先黎火焰芝士豬仔骨，上枱賣相已經相當邪惡，仲有韓國女侍應親手拉豬仔骨，誠意十足，一入口，說不出的驚喜，好濃厚既芝士味，再配埋唔肥唔瘦既豬仔骨，食到停唔到...仲有爐邊蛋，再黎就上江南風辣湯水煮魚豆腐，呢個菜色好少韓國店會有得食，侍應冇介紹錯，一上枱就先試辣湯，一入口就Bing Bing 眼，辣湯入口有酒香，仲甜甜地，好特別，再配埋其他配菜，仲一邊滾一邊食，再跟埋白飯，減肥二字即刻唔見左😅⋯⋯最後只剩下一條魚骨😂堅係好好食！整體黎講，環境加呢個價錢同食物品質，簡直係超值，極力推薦！

終於進入了秋天,天氣變得清爽了一點,所以這天便相約朋友一起去吃個火鍋中式傳統邊爐已經打厭了,所以今天試試韓式的香辣火鍋,看起來不錯湯底相當辣,最適合我們這班辣人,夠刺激內裡除了魚之外,亦有豆腐和薯仔豆腐浸了那麼久,相當入味,味道相當清辣,但豆腐本身相當香滑,入口不錯朋友吃完後也大讚這兒的豆腐而薯仔浸了後有點林,不過吃起來作不錯,薯中帶一點油味,有點像法式的薯仔口感,當然做法是完全不同啦辣魚魚肉十分多,骨小,不過由於骨是比較細,吃起來要小心一點魚肉也是相當嫩滑,但要小心時間,否則會很易老了,便不好吃了辣辣的魚肉也是相當開胃,我們不欠便吃完了之後再吃了點小吃和飲品

住在新界的朋友想食韓國野，即時想起這間一年前幫襯過的大圍新派韓國餐廳啦~入座前當然要上openrice睇睇有咩好介紹啦~同上年唔同，今次只得我同朋友兩個去食，當然要重點出擊，揀最想食的野黎食啦~一進入，同往年一樣，好光鮮，雖然我地9點先收工黎食，都不禁精神一振，充滿食欲~同往年一樣，這裡都有聘請韓國留學生來主理韓國野食，而這位留學生都學到一兩句廣東話，煮飯同時都不忘同我地交流，令等候時間過得特別快~終於見到完成品，好驚喜，竟然是心形，好窩心的創作，食落真是甜在心~當然唔少得我最喜愛的雞翼啦~ 今次就叫蜜糖雞翼~ 必食之選~雖然今次只得兩個人黎食，不過都想試多一兩款韓式野食，今次就叫左這個泡菜煎餅試試~ 整個煎餅都充滿泡菜味，正~最後不忘要試試這裡的特色飲品啦~

夏天除了帶來美腿,還有帶來雨水,但其實下雨十分麻煩,到沒遮頭的地方一定會濕今天跟朋友來這餐廳,幸好友人是有車人仕,才不致於滿身濕透這天是平日下午,友人不忘望著手機內的股票apps,真是忙碌我到餐廳後便自行點了東西吃了酸辣豬雜看起來血紅色的,十分吸引吃起來沒有腥味,酸辣醬的功勞,入口嫩滑,我最喜歡的口感醬油蟹撈飯是這兒必吃的,醬油蟹十分新鮮.不過肉的部份不夠多不過醬汁的味道撈起飯可不是說笑,連忙碌的朋友也忍不住吃了一些用新鮮生果調成的醬汁,撈了飯後十分入味飯粒看起來是珍珠米跟普通飯撈成,所以咬口也是不錯我們2人也起得頗飽的最後飲了一個芬達沙冰,凍凍的口感不錯,不過不喜歡芬達這種色素飲品

呢間係大圍屋邨入面既韓國野菜式方面比較傳統，咩都有啲。價錢方面都幾實惠。但主打鍋物，見在場食客好多都係食圖中呢個部隊鍋同春川炒辣雞。而其他菜式細細份，幾適合眼闊肚窄既人，可以咩都試啲😋呢到值得一讚既係上菜真係好快呀！落單十分鐘以內已經上齊晒所有野。💛#部隊芝士拉麵蛋邊鍋 $128辛辣麵既麵質好好，好煙韌！鍋入面啲雜菜好鮮甜。雞肉切成細細塊，不過不失👌🏻 💛#韓式大蔥蜜糖炸雞 $42/5件味道岩岩好，雞岩岩炸起好新鮮好脆。雖然佢寫5件，但因為我地有3個人，所以佢好體貼咁切成6舊。👍🏻👍🏻 💛#綜合韓國飯卷 $45有蛋、腸仔、青瓜、菠菜等等，麻油味幾香，唔錯👍🏻 👍🏻💛#芝士辣炒粉絲年糕 $62芝士份量唔算好多，加上有辣味，所以唔會好膩。個粉絲好好味呀！年糕比粉絲多，差啲食唔晒啲年糕。💛#海鮮韭菜煎餅 $82個邊煎得幾香脆，要趁熱食。不過整體黎講味道較淡，唔推薦。 💛野飲方面，推薦柚子士多啤梨冰，攪勻佢飲陣味都幾夾幾清新👍🏻👍🏻👍🏻/🍁整體黎講，如果行開附近不妨黎試下，因為性價比都不錯。但唔算有驚喜，所以唔洗專登黎食。人均消費：around $160-180好味指數：7/10抵食指數：7.

去完朋友屋企打完麻雀之後落街食飯，屋主就帶左我地去食韓國菜。見到間餐廳都幾闊落，空間夠大，而且大部分都係韓國人的店員，夠傳統，其中呢幅牆最為得意，韓國美少女哈哈首先點完餐後侍應立刻送上前菜同湯，其中泡菜味道不錯，酸酸辣辣咁，食到我越食越開胃。我地叫左個火山脆皮豆腐，味道酸酸甜甜，加上外脆內滑，食得出係即叫即做，呢個汁送飯都唔錯！跟住黎左個漢拿山豚肉炒飯，呢個味道不過不失，得閒都可以食下，但我為左食炸雞所以只食得幾啖食韓國菜又點小得炸雞呢，呢個係韓式密糖炸雞，炸到脆卜卜之後再塗上一層密糖，中和番個油膩感，好野又可以食多幾件！可能二度發育，唔夠飽叫多個韓國海鮮泡菜餅，熱騰騰送上，食到好大泡菜味，但海鮮配料就有魷魚，增添口感！呢個炎熱天氣又點小得一杯凍飲，叫左個波羅冰，成個波蘿送上，而且飲得出係波蘿味，唔係個d化學香劑，解渴

曾經跟你走過大圍的每一處地方,當時這兒還是一處沒什麼特色的地方,到處都是普通屋村,一大班小孩在玩樂妳說你就是喜歡這樣簡單的生活很多年過去了,妳渴望的簡單生活變成了滿身名牌的慾望時間塗去的除了是面上青春,還有人原本的初衷,當初的衝動早已逝去了今天我獨自來到大圍,吃著沒跟你吃過的餐廳來想念從前當時喜歡日本潮流的你,萬萬沒想到今天流行的是韓風餐廳內除了韓式裝潢,還有韓國藉的侍應,侍應們相當年輕,跟我們當年的年紀相若餐牌上的圖案十分可愛,相信你看到一定心花怒放我飲了一杯菠羅冰,外表相當有趣,一個大大的菠羅裝著菠羅冰,放上社交網站一定會得到不小LIKE,可惜得不到的是你的讚美味道亦真的是十分鮮甜,感覺fresh,份量巨大,足夠我在這兒閒扯半天了一個人吃2個韓式飯團,不算太過份吧,從前吃日式壽司可是每人一份的一邊是以芝士為膽,吃起來紫菜香脆,飯團包圍著芝士更突顯芝士的濃味另一邊的肉卷飯團則感覺平平,沒芝士般突顯個性雖然十分飽肚,但還是懷念日式壽司的珍珠米就這樣,又過了一天

天氣又熱又焗，最終都撐不下去病了！但一早就約了朋友到大圍吃韓式料理，而且今日是休息日，怎能讓這天白白浪費呢？休息了一整天，怎樣都應該給自己吃一個豐富的晚餐吧！早前這間店新開張時都光顧了一次，留下了不錯的印象！很喜歡這裡環境的設計，寬敞的坐位又舒適，豐富的色彩令人有種愉快又輕鬆的感覺！依然能維持住鮮明而整潔的。病程都差不多好了，口感總是淡淡的！當然想吃一些重味及濃郁的菜式帶動一下味蕾！一心今次來是想吃「飛機醬缸醃蟹」，可惜！賣光光了！！！好失望呀！！唯有試試其他菜式啦～先來一個小食先，夏天當然要選涼拌小食。「清河醉雞翼」$45凍凍的，吃得透心涼，輕輕的酒香，雞翼入味清香而不燒喉，味道恰好，有種開胃口的感覺！雞翼肉質有彈性，份量有四隻。吃韓國菜，必吃的就是「炸雞」！怎能錯過呢？？「韓式大蔥蜜糖炸雞」$42份量有五件，炸雞表面炸得黃金酥脆，加點甜甜的蜜糖在外表，加倍滋味！雞肉較為乾身，但味道都不錯的呢！再來個主菜，韓國大熱的部隊鍋！「部隊辛辣拉麵蛋邊鍋」中辛$128可選肉類，牛/豬/雞。我們選了牛肉，部隊鍋材料很豐富喔～有金菇，雜菜，芝士腸，年糕，腐皮角，牛肉，拉麵……圍邊的是配料，有粟米，

由一開鋪支持到現在，見證著這店出了名質素急速下降。而且不斷大幅度加價～實在好令人失望例子：當中那個生蟹飯，雖然味道不差。但由一開鋪（一年多前）的138$到之後168$ 現在更加是188$ 。還是只收現金絕對不方便

泡菜同牙菜味道調得岩岩好，之前每次食親韓國野都唔會點食前菜，因為有時太辣又時又會太酸，但今次既湯同泡菜都整得好好味除左前菜正之外，海鮮韮菜煎餅十級推薦。煎餅煎得好香，厚度岩岩好，配料好充足，口感亦好好。味道有小小似咸煎餅另一推介是部隊鍋！周邊有水蛋、芝士、粟米圍住；中間就有麵、雞蛋、腸仔仲有最愛既年糕 其實材料同一般既部隊鍋無太大分別，但佢既湯底就好濃好鮮甜，令到整個鍋都好美味，再加上份量好多，價錢唔貴，兩人食到飽一飽都完全無問題，cp值高菠蘿冰就係貪得意叫，一入來餐廳就見差唔多每台台面都有一個，所以就叫來一試，估唔到又幾好飲wo！