影片
港铁火炭站 B 出口, 步行约7分钟
继续阅读
电话号码
26902271
营业时间
今日营业
07:00 - 17:30
星期一至六
07:00 - 17:30
星期日
全日休息
公众假期前夕
10:00 - 17:00
以上资料只供参考，请与餐厅确认详情
以食宵嚟讲，呢间餐厅都做得唔错，上菜速度几快，会keep住上菜，啲份量都大碟，炸物新鲜热辣，唔算太热气，而鸡粥系店内名物，作为食宵嘅句号就最好不过。但系交通就比较唔方便
继续阅读
系宵啊哈哈哈哈，总系觉得呢啲会变成日后青春嘅回忆。终于叫做有几张相系相机食先，平时一嚟就比人夹晒！椒盐豆腐系open rice送，但有时你系佢门口企耐啲个啊叔就会话送比你。炸起热辣辣，但佢系用街市普通豆腐炸，而唔系山水豆腐，所以食落会似臭豆腐个种质感，钟意滑lutlut嘅人就未必like啦！不过点落旁边嘅泰式辣酱，成件事都几新奇，又好夹，将碟嘢升咗个lv。金菇肥牛煲有落粉丝、青椒、西芹等等，都几惹味，但略嫌金菇唔够多。鸡粥好好食，煲出鸡油，但啲渣，即系堆鸡，就好un肉质好硬，所以食粥唔食鸡就好。另外仲嗌左超多炸嘢，墨鱼咀，鸡软骨，九肚鱼，呢啲全部招牌菜，一摆落去就比人食晒，影都影唔切哈哈。大排档就系要热气！小编真系好钟意食大排档🤪🤪🤪🤪好想试万发啊啊啊啊
继续阅读
同朋友夜晚9点几揸住车揾宵夜食，就入咗嚟火炭工业区呢度揾食，今日落住大雨，但啲侍应哥一个一个依旧企哂出巴士站招揽客人，最后入咗去中间𠮶档坐底，呢间泰源应该同近公厕𠮶间德记系同一伙，因为餐牌共用。见到有套餐，但我都惊两个人食唔晒，所以决定散叫，最后侍应姐姐好好咁送咗一碟椒盐豆腐畀我哋食。豉椒炒蚬冇得输，最好嘅就系炒完，啲肉都仲系返到，唔会净系得番啲壳，够镬气送嘅椒盐豆腐火炭大排档必食嘅~炸乳鸽。皮脆肉嫰沙田鸡粥~好棉啊！
继续阅读
这间餐厅距离位于火炭站步行约8分钟的位置。由于附近为工业区，所以午饭时间生意十分不俗。午餐选择很多，大部份均为炒小菜，另有常餐。我点了常餐。五香肉丁米粉配上炒蛋多士以及热柠茶。上菜时间很快分量亦十足。
继续阅读
是日同朋友相约系火炭食饭，大家素来都喜爱大排档风味，所以就去左新泰源度食晚饭。我地叫左西柠鸡 (HKD 82)，粉丝什菜煲 (HKD 78)，沙爹金菇肥牛煲 (HKD 88)同埋椒盐豆腐 (HKD 58)。西柠鸡好大碟，几够酸味，鸡肉炸得唔错，系一碟非常好既开胃菜。肥牛煲热哄哄既，有好多肥牛同粉丝，非常香同惹味，而且仲有三色椒，正。椒盐豆腐好够蒜香味，不过略为咸左少少，但系分量唔少，仲可以点甜酸酱调下味。食得咁热气，梗系要番啲健康粉丝什菜煲黎平衡下。有生菜，菜心，菇，枝竹，非常足料。而家香港大排档买少见少，大家得闲就回味下呢啲香港特色。
继续阅读