新泰東南亞餐廳 (興旺閣)

营业中

休息中

收工同朋友一齊去食，本身我地約左6:45pm，點知早左半個鐘到，因為由地鐵站行過去比想像中快，唔使等即刻有得入。店員指示我地上1樓坐，環境好靚，依傢無得去旅行，黎呢度感覺下泰式風情都幾好，哈哈。【酥炸香茅草魚配青芒果沙律】$168本身有少少熱氣唔想叫，但好彩有試～真係原條魚起肉切條炸～啖啖肉～我就無食到有骨，但都自己小心啲啦～另外個沙律我都係食曬，雖然有少少辣，但配上酸酸甜甜嘅芒果好開胃～【蒜蓉炒貴妃苗】$75貴妃苗唔係度度都有得食～配上廚師嘅炸蒜真係好香口，一啖接一啖咁食！【泰式甜品小拼盤】$88落單既時候經理好貼心提我地小拼盤係無芒果糯米飯，但我地2個人驚食唔曬浪費就無叫大拼盤了~小拼盤有4款甜點：椰汁西米糕、千層糕等等，每人2件岩岩好~【珍多冰】$38呢個價錢嚟講，真係良心價！大大杯又有嘢咬吓，平時出面cafe普通果汁都收$6x杯～掋飲～我地果日因為平日既關係，所以坐左兩個鐘都無比人趕走，但星期五六日繁忙時段應該係限時坐1.5hrs的~大家留意番啦~

好耐無食過泰國菜，朋友推介呢一間老字號嘅泰國餐廳，真係「泰」美味~餐廳總共有三層，好闊落同有空間感，因為我地好早到所以人流唔算多，但食食下愈來愈多人，原來香港都幾多人鍾意食泰國菜。食物種類琳琅滿目，餐牌亦都好清𥇦，分哂每一個categories展示，圖文並茂，好容易揀到自己想食既野，只可惜想食既野太多，兩個人既胃太細，最後叫左椒鹽軟殼蟹，飛天通菜，冬陰雞煲配蒜蓉包，以及椰青沙冰。椒鹽軟殼蟹($78)其實有諗過叫豬頸肉，蝦餅或者串燒呢啲經典泰國人氣小食，但見到椒鹽軟殼蟹比較少見，有啲興趣，所以就揀左。椒鹽軟殼蟹嘅份量唔算太多，大約有六七件，軟殼蟹嘅表面舖滿左滿滿嘅椒鹽，亦伴有蒜粒同青紅椒去炒，炸得非常爽脆，咬落去會食到小小蟹膏既油香，以及帶有小小蟹肉既鮮甜味。飛天通菜 ($75)泰式通菜總係能夠令我對通菜改觀。飛天通菜用左蒜蓉配指天椒紅辣椒去炒，所以非常惹味，而且炒得非常有鑊氣，通菜好爽口。落單時備註左小辣，所以唔會太辣。冬陰雞煲($168) 配蒜蒮包($32)食泰國菜點可以唔叫冬陰功，原來諗住叫個白飯黎配，但店員大大力推介配蒜蓉包，就聽左佢講，試完真係表示一流！冬陰功既湯底既酸又辣

嚟到灣仔利東街附近想搵吓泰國菜，聽聞灣仔都有正宗泰國菜嘅選擇，有啲係上門私房菜，有啲係地舖餐廳。去到大王東街見到有間三層高嘅新泰泰國餐館。感覺好有規模，入到去有樓梯直通三層，設計以啡色木系列同埋藤椅。平日晚上七點去到，地面嗰層基本上已滿座。海鮮類order一個酥炸香茅魚，上枱大大碟，成條魚骨都炸埋，魚肉食落一條粗條，加埋青瓜沙律，好酥脆。見到其他客人order比較受歡迎嘅咖喱軟殼蟹，用一整個法包去焗，入面嘅黃咖喱可以慢慢切個麵包一齊食。食完炸嘢唔少得濕口啲嘅bbq菠蘿。一碟大約12件，菠蘿邊有啲焦香。最後加埋蒜香豆苗，整體餸菜好高質環境有夠寬敞。

本身以為細細間舖行錯咗幾條路都搵唔到。餐廳環境超級舒服闊落高級。串燒沙嗲原本有三隻肉但係當日豬肉冇晒剩係得牛同雞，食第一下心諗賴嘢都幾乾，仲諗住成餐飯都會伏晒冬陰功海鮮炒飯海鮮勁足料好多好大隻，唔係好辣但係就好夠味。泰式青咖喱雞+印度薄餅微辣，好多細嘅雞，幾次都比南瓜呃咗以為係薯仔，入面都有啲豆角同瓜。個印度薄餅同超級市場買嗰啲唔一樣，係厚身好酥脆好想知點解佢可以煎到表面咁乾身拼盤原本就咁嗌咗個生菜包然後見到佢個拼盤都有生菜包就轉左，成個拼盤超值，蝦餅魚餅都好彈牙，春卷個皮脆完之後仲有啲咬口，生菜包就有啲辣，山菜俾得唔夠。埋單都係五百幾蚊覺得好值

灣仔有間食泰國菜，係有三層咁多，而且貌似獨立屋咁🤣，今日早收工，約左老婆兩個撐枱腳😘。入到店內，都已經接近坐滿人，而家只係6pm😅，而且坐得好舒服，又大間（空間感夠）。先黎個越式網絲春卷，包生菜食，再點甜酸汁，口感一流😋，最新少食菜，又點個蒜蓉炒貴妃苗，賣相幾好。之後來個熱氣野，酥炸香茅魚配青芒果沙律，嘩！魚酥脆，無骨淡淡肉👍🏻正，芒果沙律又開胃，而且食落好清新😘，再來麵包焗咖喱軟殼蟹，這個份量都唔細😅，咖喱點焗麵包，好正，咖喱汁好快比我點晒😅，最後來個水果，不過係燒左既菠蘿，這個燒得好食，熱辣辣，但咬落依然係好多汁，必食👍🏻。

灣仔有間甚有名氣，樓高三層老字號晚正宗泰菜館，每晚都座無虛席。價格走平民性價比路線，好多時泰癮起都會諗起呢家餐廳。三層高既餐廳裝修雖然唔算豪華，但絕對有滿滿既泰國風情。.服務員數量充足服務到位，態度亦好友善，都係吸引大家回訪既原因之一。.鴨肉生菜包 💲78鴨肉生菜包有驚喜，肉碎屬於半肥瘦，油脂比例平衡十分香口，香葉炒過肉碎帶小辣同兩分香甜，配埋生菜食一流。辣度唔算好輕會食到辣感，完全唔食辣既朋友要留意番。.冬蔭功海鮮金邊粉 💲78冬蔭功湯頭顏色鮮艷，爆量海鮮成個碗堆得滿滿，擺盤甚精緻。湯頭酸辣度平衡，辣度不算太輕，平日米線食開微辣版本既我有能食完但都會有少少冒汗。配料有青口、蝦，魚旦同魷魚外，仲有大量菇菌，湯底可以當冬蔭功湯飲，風味甚佳。.泰式青咖哩雞 💲88 配蒜蓉包 💲32另一個主食都係揀左惹味之選既泰式青咖哩雞。呢到既青咖哩一樣係有辣勁，叫左比較健康既雞肉，雞柳條配埋各種蔬菜，雖然助飯係絕配但今次叫左更香口既蒜蓉包。蒜蓉包一客四件，撈埋青咖哩汁一齊食另一番風味。.不專業食評nei.foodie

之前係尖沙咀經過個陣已經幾想食下，原來佢灣仔都有分店！餐廳整體風格都好有特色，連播跟嘅歌都好有泰國風情我地好早就食，好彩早d 到，上菜個陣已經坐左好多人🫣menu 好豐富，仲有幾多相做參考，我發覺佢d 相同送上枱嘅食物相似度都幾足！大熱天時，一坐低我就已經決定好叫佢！但冇幾耐我就後悔😭 唔係佢唔好飲，但係人地隔離枱個椰子冰好似更吸引呀！！！！！！！😫😫😫😫😫失策😮‍💨不過自己個椰青都仲係又多水椰肉又嫩，佢仲有跟個長嘅匙羹比我挖肉食蒜量足！撈均碟菜好好味，份量都夠，我同個朋友都好鐘意食菜豬肉串好似都有五串，每串肉嘅份量都好足，又入味（我覺得係有d 蜜糖味的）。個汁有少少辣，搭埋就更惹味依個就西利囉。。。。成個Halloween 南瓜咁 原隻上！ 日本南瓜海鮮焗飯！佢d 海鮮多到，我明明食左 但朋友以為我冇食到（因為我拎左都仲有好多係度）！好飽

外面酷暑破記錄 頭上加熱一枝燈四人套餐六道菜 三個正常苦行僧泰式沙律無得揀 幾片洋蔥蔥似藤 廚師大方出手爽 豬頸肉塊肥騰騰賣相不俗金邊粉 炒粉滋味人人稱咖哩蝦球好好食 龍虎榜上此菜登蒜蓉包上蒜蓉少 香草恐怕是象徵食材唔靚雞牛豬 沙嗲串燒極低能又乾又柴又無味 全場至差我淚崩最是平凡炒什菜 幾兩椰菜體溫升蝦餅魚餅有水準 拼盤表現領文憑青檸梳打甚淡口 味道猶如開水冰一杯熱燙龍眼茶 桂圓份量悲不勝想吃甜品師傅忙 今日暫停實不應難得價錢夠親民 唔約阿媽約良朋

可以提供到呢個環境而價錢又唔會太貴坐得舒服 裝修有特色樓底都幾高 而且座位設計好似做老闆咁勁大張木椅 🤣🫢會睇得出老細花咗唔少心思喺顏色 圖案設計上員工着件制服都係別具心思睇落去有種去度假食飯嘅感覺係一種度假 ⛱️享受😎舒服😌去食泰國菜四人枱 大圓枱都有 啱晒一家大細 朋友 同事🫶🏻泰式大蝦炒金邊粉首先呢個要讚一讚 唔會炒到好油食落唔會太鹹 上枱賣相幾靚蛋花包住下面嘅係金邊粉食之前記得拎花生碎撈勻再加青檸調味🫶🏻炭燒西冷扒七成熟 炭燒滋味 唔多肥肉係真正嘅西冷兩款醬汁非常惹味 必食青檸梳打！！！！！！！！！！！！！！！！新泰東南亞餐廳 興旺閣灣仔大王東街21-23號興旺閣地下至2樓

呢間餐廳真係好令人Surprise!!!! 一來地方大唔駛等好耐位，二來好重要係，食物性價比好高！幾個朋友嗌咗幾個餸，每次上碟都嘩嘩聲！其中南瓜海鮮焗飯係超級靚，又超級好食！係原個南瓜咁上㗎！我有個朋友食完啲飯之後，忍唔住刮埋個南瓜肉嚟食，仲食到個底穿咗窿😂。無辦法，真係好食，同埋成個南瓜都煮得好淋。仲有大推個軟殻蟹咖喱農夫，無論係軟殻風，定咖喱，或麵包，每一樣都整得恰度好處，而且彼此之間互相昇華，超夾！幾個朋友一齊食真係完美。個明爐魚都好食，清香解膩，我哋連啲湯都飲埋。總括嚟講，性價比好高，我哋五個人食，每人先大約$150！(仲嗌咗濕炒河同炒菜)一定會再同一班朋友嚟！

兩個人晚市去食 早左入場安排到近窗既位 張枱夠大座位算舒服柚子蝦沙律 蝦肉爽彈 柚子好清甜飛天通菜炒得夠入味 叫左小辣 師傅調味都算輕手唔會太重醬油味同鹽味 食得過金邊粉炒得夠乾身 有一定濕度保持到 賣相同味道都係中上水平 蛋絲 蔥 芽菜同蝦肉撈埋花生碎同金邊粉一齊食 每一啖個味道層次都好豐富鹽焗烏頭焗嘅火候啱啱好 一掀開塊魚皮裏面魚肉嘅香氣即刻釋放出來 伴碟嘅泰式辣醬真係偏辣 就算唔點醬嚟食都好夠味 最後甜品係芒果累白糯米飯 正常水平 飯都幾煙靭

It is such a hot afternoon. It is best to enjoy a Thai lunch at Sun Thai Restaurant, my favourite Thai restaurant at Wanchai. Though it is Sunday, the restaurant provides various value for money lunch sets at $75 each only. To cater for family/social gatherings, there are also nice set menus for two persons ($228) and four persons ($468). As I do not need to rush today, I decide to order two signature dishes from the main menu and enjoy a relaxed lunch there.Minced fish spicy salad with Thai

最近天氣好熱好掛住泰國，就嚟到裝修得好有濃厚嘅泰風既餐廳，而且十分近地鐵站，非常方便。越式蝦米紙卷分量算多，材料十足，而且口味清新，適合夏天食嘅前菜。椒鹽軟腳蟹見到份量大約有四至六舊嘅軟腳蟹蟹腳，而且椒鹽適中，唔會太鹹。鐵板蠔仔炒蛋蠔仔份量頗多，而且都幾大隻。炒蛋偏油，但係整體風味十足， 10分惹味。見到佢哋都有個好抵食嘅lunch menu. 所以就嗌咗一個泰式蝦醬炒飯，+$20 有馬拉盞通菜。泰式蝦醬炒飯十分惹味，食唔停口。配上其他配料例如腰果肉鬆等等，層次豐富。另外帶咗一杯薄荷梳打，十分清新。Conclusion: 性價比高，而且環境舒適寬敞，會介紹朋友再黎。

好耐冇食過泰國菜，今日就去到呢個餐廳食啦😊🔖燒豬頸肉💰78幾乎每一次食泰國菜都一定會嗌燒豬頸肉🤩豬頸肉肉質爽彈，油脂分布平均，配上惹味嘅泰式醬汁，兩個人好快就清晒呢一碟嘅燒豬頸肉啦🤣💫推薦指數: 8.5/10🔖泰式柚子蝦沙律💰98入面除咗香同柚子之外，原來仲有魷魚㗎🦑另外仲有好多唔同嘅配料，所以食落去個味道非常有層次😋最鍾意係佢入邊仲有啲腰果添，非常香口！💫推薦指數: 9/10🔖冬蔭公海鮮炒飯💰88大大碟嘅海鮮炒飯，味道非常濃郁，但唔洗膽心會好辣🙈入面嘅海鮮有蝦、魷魚同青口😆啖啖滿足啊！💫推薦指數: 8.5/10🔖越南鮮胡椒炒牛𦟌💰88呢個菜式好惹味，香料味都幾重下🐽入面係有洋蔥、三色椒同九重塔等等~牛𦟌份量十足，質感軟腍，正啊🤓💫推薦指數: 8/10🔖三色冰💰38呢杯飲品帶有濃濃嘅椰香味🥥色彩繽紛，仲好冰涼，夏天飲就最啱☀️💫推薦指數: 7/10🔖泰國椰青💰45泰國菜總係偏油膩，呢個時候就最適合飲清甜嘅椰青🥥椰青大大個，而且仲刮到好多嘅椰果肉啊🤭💫推薦指數: 9/10

夏天熱辣辣，唔想食粥粉麵飯，淨係想食啲開胃嘢, 同朋友黎咗灣仔大王東街呢間泰國餐廳，就咁睇openrice食評好似好好食咁，一於試吓餐廳環境都唔錯，似泰國傳統餐廳，座位都闊落，我哋叫咗唔同嘅嘢食，包括有大蝦柚子沙律，串燒沙(雞豬各一半)，泰式青咖哩雞，印度薄餅同泰式炒椰菜仔，野飲叫咗兩杯沙冰，椰青沙冰同菠蘿🍍沙冰食物上枱，串燒新鮮熱辣辣，燒得剛剛好將雞肉及豬肉嘅肉汁鎖住，唔會乾身及鞋身，點埋個沙爹醬汁，YUMMY 好惹味。大蝦柚子沙律，食泰國菜必吃，新鮮柚子加上大蝦，仲有酸酸辣辣的醬汁，大蝦新鮮彈牙，食到停唔到口泰式炒椰菜仔，椰菜仔細細粒，清甜易入口。泰式青咖哩雞&印度薄餅，青咖哩雞汁濃，唔辣，要黎送薄餅一流。最後介紹番兩杯沙冰，椰青沙冰賣相一流，沙冰好澎湃，多到漏晒出嚟，飲落好清新唔太甜，反而菠蘿沙冰有甜甜的菠蘿味，解暑必飲~~ 總括嚟講，可以再試