新泰東南亞餐廳 (已搬遷) 新店位置

灣仔成日去，特意去灣仔覓食真係第一次， 好彩冇令我失望✨小編同屋企人一向鍾意食泰菜， 之前喺西貢食過一間泰國人開嘅小餐館，覺得好滿足， 所以今日專程來到新泰再食過！餐廳係樓上舖，要行一段小樓梯， 上到去被泰國風情包圍， 四周都有精緻嘅泰國擺設同裝飾， 細緻典雅， 燈光柔和， 令人放鬆心情享受美食。簡單至枱燈已花了不少心思， 令環境充滿情調， 好似去咗泰國resort咁🔆Menu 選擇多到眼花繚亂， 同屋企人揀咗陣決定嚟啲酸辣湯粉， 就叫左呢個冬陰功 海鮮金邊粉！金黃嘅湯底加上適量辣椒油在燈光下閃閃生輝， 未食已經流口水。湯底酸辣開胃，裏面十分足料， 微辣嘅湯底有十足香料， 加入了大量香茅,月桂葉,辣椒碎等等， 香味極濃，而且幾欣賞佢酸味平衡恰當， 開胃之餘唔會太酸， 掩蓋海鮮的鮮甜味。成碗粉裏面都有唔少海鮮， 有兩隻青口,幾嚿蝦仁,鮮魷魚片， 仲有啲蘑菇粒調味， 淡淡滿足。一間餐廳的功力重細節中可見一番， 冬陰公湯底固然是焦點之一，但話明係金邊粉，粉嘅質地同口感都好重要， 特別係我作為一個澱粉控， 更加有要求， 新泰嘅金邊粉唔單只爽口彈牙，咀嚼得耐啲仲有米香👍👍👍👍 讚！清曬成碗冬陰

一入去就覺得冷氣好大，要求轉位但太多人所以被拒，但職員將冷氣調低。金邊粉唔太軟，有咬口，味道唔會太甜，但本身唔太熱，冷氣又吹得好勁，所以啲野好快凍晒。同事點嘅肉骨茶又係唔熱，啲肉煮過火，有點老，叫職員熱反後都只係暖少少。泰式蝦金邊粉 (包咖啡茶)Lunch set: $75+10%

無諗過灣仔都有抵食泰國菜介紹比大家一行四人，可以坐卡位，私隱度好高，啲位又好坐加闊落今晚叫既野食質素都唔錯，推薦以下幾款～越式蟹肉炒粉絲 ＄98勁大碟，而且配料十分之豐富，喺其他地區都對得住呢個價錢，更何況係灣仔呢，所以真係十分之抵食粉絲調味適中，蟹肉嘅調味反而差咗少少，味道比較淡。肉碎生菜包（豬肉）＄68呢個真係必叫，有一定嘅辣度，好有正宗泰國菜嘅味道生菜同肉碎嘅份量都幾多，一行四人，每人都有三塊左右冬蔭功海鮮金邊粉 ＄75可以食到金邊粉之餘又可以試埋冬蔭功湯配料有青口，魷魚，八爪魚，草菇等冬蔭功湯酸酸辣辣，開胃之選記得食完啲金邊粉唔好嘥咗啲湯啊鐵板蠔仔炒蛋 ＄88出乎意料地，每隻蠔仔都幾大隻又厚肉勁有蠔鮮味，熱辣辣好香口，底部好貼心咁墊咗啲芽菜防止痴底個菜式仲跟咗一個辣醬，蘸上辣醬之後更添惹味環境好，服務佳，食物水準一流，價錢係灣仔區黎講都貼地，推薦！

聽朋友講灣仔有間樓上泰國菜水準幾高，去到試下果然冇推薦錯，好味之餘最重要既係價錢好平民~（開係灣仔wo）馬沙文咖哩著有別於市面上一般嘅咖哩，佢嘅咖哩香味濃郁之餘，係完全唔辣，好香椰奶味，非常特別。用蒜蓉包點埋D汁食，唔會嘥左d汁~香茅豬扒，呢度好特別嘅係用上左香濃既香矛醬汁去煮，非常入味，仲好有咬口~蝦醬炒飯，賣相一流，配料非常豐富，就咁睇張相都知道用料十足。蝦醬味未上到枱都飄曬出黎，但又唔會過鹹，調味岩岩好~撈埋一齊食仲好味~

講到食泰國野通常都會諗起九龍城，果度真係好多選擇，但始終交通唔方便，最近就喺灣仔搵到呢間唔錯嘅餐廳，同媽咪、友人黎食晚飯 😊先黎個小食香芒牛油果軟殼蟹卷，呢個配搭好穩陣，食落好清爽，軟殼蟹食落都唔覺熱氣，美中不足係個皮有d硬。媽媽最鍾意燒鱔，肉質爽彈好味道，但我覺得唔好放醬汁上去更好，就咁燒完令個皮脆口d，食嘅時候點醬汁就得。我地好魚，再叫左鹽焗烏頭，火候控制得好好，條魚好滑，魚身入面釀左d香茅，所以食到魚腩嘅部份都唔腥，仲有股清香添，再點少少加左青檸嘅酸辣醬汁，好提鮮！想搵樣飽肚d嘅作結，呢味燒春雞都幾得，雞肉好嫩又唔肥，配埋旁邊酸味味嘅沙律好夾，雞入面仲有香茅黃薑飯，吸左d雞汁好好味，如果乾身少少就更好！呢度差不多每度菜都配一隻醬，而我又覺得唔會食完好口渴，整體食物質素都唔錯，價錢合理，我會再黎~

泰國野，除左九龍城，我多會揀去灣仔新泰，因為坐得舒服而不太貴。我地2個女仔叫左個麵包咖哩軟殻蟹，豬頸肉。本來以為夠食，點知唔多夠，最尾加埋個芒果糯米飯就岩岩好啦先黎豬頸肉！整得好乾身，食落十分爽口，加上醬汁，令我食到停唔到口阿。無幾耐就黎左軟殻蟹！佢整既麵包好軟、好新鮮, 而咖喱不太辣,怕辣都可以食嫁！重有少少椰香添！就咁將d麵包點落咖哩度都已經食晒😂。軟殼蟹既厚度炸得十分好，又有肉地，真材實料！食晒好似重差d野，於是叫埋個芒果糯米飯！佢地係用黑白糯米嫁！好似無咩地方有？🤔總之就好食啦！食埋剛剛好，每人要150蚊。貴係軟殻蟹度。但一分錢 一分貨麻！

泰國菜一向都係我同朋友聚會既好選擇～貪佢好味又抵食今次就去試左間泰國菜既老字號 地點都十分方便 地鐵站一出行三分鐘就係雖然呢間餐廳開左好耐 但環境同裝修一d都唔馬虎 好多掛畫同佛像做裝飾但我不嬲都係著重食物多過環境既 所以梗係先睇下有咩食啦由於天氣太熱 所以岩一坐低就叫左杯芒果沙冰消暑仲偷飲左幾啖朋友既椰青 兩者都好fresh解渴可能由於天氣太熱 所以我地叫左d惹味野開下胃口 試左麵包軟殻蟹 麵包外脆內軟 同入面既咖哩係絕配！我地仲食左開邊大虎蝦 一隻蝦有成隻手掌咁長 蝦肉好彈牙😍 但由於太正所以唔記得左影相除左呢兩樣我地都叫左碟馬拉盞炒菜 十分有東南亞風味整體而言餐廳既服務同食物味道都有一定水準 值得再返黎試下其他野：）

平時想食泰國餐肯定會想起九龍城，但與朋友在灣仔收工沒有理由跑到那麼遠，所以我們在openrice找到這件餐廳。八點來到不用排隊，一進門口的裝修已經讓我感受到濃厚泰國風情，而且馬上有人來帶位，安排妥善。一坐下先叫了一杯龍眼冰（＄38）和椰青沙冰（＄55），讓我意外的是椰青沙冰是原個椰青上，友人飲了兩個小時都飲不完。然後點了蒜蓉越南牛油雞亦（＄68），香芒牛油果軟殼蟹卷（＄88），雞亦居然有六隻，而且蒜香味加上洋蔥的香味根本停不了口。而米卷的皮十分有彈性很有咬口，令我十分滿意。而主菜我們點了這件點特色的越式燒春雞釀香茅黃飯（＄168）和麵包焗咖喱軟殼蟹（＄208），切開燒春雞的皮就有一堆帶有冬陰公香味的飯，燒雞配上特別的燒汁很香口，而且很貼心在旁邊配上一堆酸酸辣辣的開胃沙律菜，就不怕吃到很膩。最後的重頭戲當時是麵包焗咖喱軟殼蟹，麵包裡面滿滿的是咖哩醬和青椒，而面頭鋪滿了炸了的軟殼蟹。雖然咖喱醬不辣，但帶有濃郁的咖哩味和椰汁味，一口沾上滿滿的咖哩醬真的好幸福。總體來說，這件泰國菜是我目前吃過以來CP值最高的一間。

修頓打完波就肚餓，本來想一支公食吉野家，但女友突然來接我，佢又想食泰國野，咁就去左附近既新泰我就必食蝦餅既，所以點返個女友要食菜，所以點左個泰式炒椰菜苗，由於唔夠飽，所以要埋個金邊粉蝦餅d蝦都好新鮮，炸粉不厚，十分香口配上酸辣醬更加開胃泰式炒椰菜苗椰菜苗炒得剛好，十分爽口，可是是泰式炒，感覺還是馬拉盞炒得香d，濃味d！最後來的泰式炒金邊粉賣相好，配料亦不少。可是我覺得很難夾。。哈哈！落埋青檸汁，酸酸甜甜幾好味！我地平日去，人不算多，一去到就可以入座了！待應的服務都很好，很有禮貌！每人飽飽平均只係90蚊左右！抵食！

心思思想食泰國菜, 就係男朋友公司附近搵左間唔錯的餐廳同佢二人世界下頭盤: 泰式生蝦 生蝦有6隻, 每隻生蝦都配有一片辣椒片, 蒜片同檸檬片, 如果加上檸檬汁, 味道會更鮮, 當然啦, 唔加都好好味. 值得一讚係碟下面有冰, 可以保持冰涼的感覺之餘, 也可以慢慢食, 因為應該唔會咁易變壞 豬肉碎生菜包豬肉碎抄得好乾身, 辣辣地, 加埋香料好惹味.生菜剪得大細適中, 配合辣辣地的豬肉碎, 一流:我地2個人食，每人可以食成4個包, 抵食牛油雞翼 有好香的蒜溶味之餘, 佢仲加左洋蔥去整, 好香, 平時叫的牛油雞翼通常得4隻, 但呢度有8隻.總括, 小食份量偏多, 如果2個人去, 叫小食加個包或者抄粉抄飯都己經足夠, 本身仲想試佢個棷青大菜糕, 但太飽, 唯有下次再食啦.

邊個話食泰國菜一定要去九龍城㗎， 灣仔都有好介紹， 姊妹想食泰國菜又係灣仔返工， 近近地係灣仔食啦， 其實「新泰東南亞餐廳」係灣仔有2間， 所以要問清楚先好去呀， 唔係去錯就唔好啦。 呢個係盧押道嘅新泰要上2樓㗎， 一入到去就好似置身泰國咁， 大大少少嘅泰國裝飾品。 我地2位lady可能早啦，唔算太肚餓， 所以都係點 d 簡單嘅菜式嚟食。 首先緊係叫野飲啦。 咸檸檬梳打, 無諗過梳打都係泰國嚟㗎，足足有2杯份量，抵飲又冰凍解渴。 蒜蓉炒貴妃苗， 貴妃苗好幼嫩， 完全冇揸， 炸蒜蓉同生蒜抄到啱啱好， 又唔多油， 仲好翠綠㖭。 椒鹽軟殼蟹， 椒鹽好香口， 軟殼蟹好鬆脆， 抄得好乾身。 泰式柚子蝦沙律， 酸酸甜甜， 柚子好清新， 大蝦鮮魷份量足又大件， 炸蒜腰果椰肉絲配合柚子真係夾， 開胃之選， 絕對推介。 份量唔少， 連飯都唔使食都已經好飽喇。

想食泰國餐，灣仔都有好選擇！😏位於灣仔盧押道的新泰，一到達門口已經感受到濃厚的泰國風情🕺🏻🕺🏻同朋友在灣仔收工，相約八點來到剛剛好不用排隊，而且馬上有人來帶位，讚！❤️ 剛坐低，我同朋友叫左一杯椰青沙冰和龍眼冰😆😆 特別的是！！椰青沙冰是真正由原個椰青製成😮 厚厚的果肉可以邊飲邊食。新泰特設的開放式吧枱，我同友人可以一邊等，一邊觀看飲品製作過程，安心又開心😋😋😋 招牌菜1！🤤 越式燒春雞釀香茅黃飯，切開燒春雞的皮就有一堆帶有冬陰公香味的飯，燒雞配上特別的燒汁很香口😝😝 很貼心在旁邊配上一堆酸酸辣辣的開胃沙律菜，就不怕吃到很膩。招牌菜2！🤤麵包焗咖喱軟殼蟹，麵包裡面滿滿的是軟殼蟹、咖哩醬和青椒，濃郁惹味，每一口都係幸福的味道。小食方面，我地叫左香芒牛油果軟殼蟹卷，米卷的皮十分有彈性。蒜蓉越南牛油雞翼 ( 六隻 ) ，蒜香加上洋蔥的香味，我地食到冇停口😎😎 灣仔盧押道的新泰🤠 環境清幽，整體而言我俾💯❗️

木瓜沙律: my favourite!!!! 好食 少少辣 好多peanuts😍😍😍青curry羊架: 青咖喱比較小食 好吃 唔辣雞鑲黃薑飯 (主打): d turmeric rice 鑲落隻雞度 我見識少 第一㳄食🙈 個staff好貼心咁幫我地切隻雞 再合番埋 話驚d飯會涷 要食先打番開隻雞 有趣🤣🤣🤣 聽講黃薑有消炎抗氧化作用🤗香茅 tea: 本身有d流鼻水 飲完舒服好多 如果唔係病左 我一定試番石榴沙冰裝修唔錯 坐卡位寛敞舒服 適合想 relax 傾下計☺️

琴晚放工女友咁岩係灣仔, 於是去左佢lunch 成日去既泰國餐廳食晚飯。香芧茶唔係茶包, 而係真係見到真材實料既一塊塊香芧。飲落去令人可以從一天忙碌中放鬆。牛油果軟殼蟹芒果卷: 本身牛油果同炸軟殼蟹已經係絕配, 加埋香甜既泰國芒果令到個卷入口除清爽之外, 更加有軟熟既芒果吸引口中既味蕾。燒春雞釀黃薑飯: 等左30分鐘, 證明隻雞真係即刻燒。 一黎到已經香氣四溢, 因為外層燒春燒得岩岩好, 皮脆肉香, 春雞肉燒得好滑嫩。.內層既黃薑飯除左有淡淡的黃薑味之外，更加吸收哂春雞既雞汁, 唔錯唔錯。

夜晚七點左右，見食評寫得唔錯就同朋友入去試下， 一入到去店員語氣粗粗咁，問我哋係未定咗位， 我哋話冇，佢走掉低嗰餐牌之後帶我哋 埋枱！我哋就點咗兩個菜式 ， 諗住轉頭再叫多D.... 跟住keep住個餐牌再睇！ 奇怪先後有兩個女店員過嚟攞走個餐牌？？ 我就好客氣咁同哋講點知二話不說就有個束起長髮中年女店員過嚟收起餐牌！仲態度好差咁同我地講...(餐牌而家唔夠用)眼見佢攞起個之後擺埋一邊？枱上面仲有好多本！！！之後都無心情，求其食完點咗嘅嘢即刻走😤😤重點係 啲嘢食都唔見得好味？！註:間鋪只有一個身形瘦削短髮的女時店員嘅服務特別好之外，其他無一個似樣 ！可能因為黃金時間好多人幫襯....但係咁就等於...生意好=服務可以差！！