新泰東南亞餐廳 (已搬遷) 新店位置

呢條街一帶都好多東南亞美食，我同朋友就揀左呢間環境較好，比較清靜而且坐得舒服，可以好好咁邊食邊傾。兩人一齊點了冬陰功金邊粉，馬拉盞通菜，馬來西亞咖哩配薄餅share, 落單後好快就上菜～咖哩賣相已經好吸引，不算太辣但好香濃，蔬菜同薯仔都很入味，雞肉亦很嫩滑，配菜同肉嘅比例剛好，雞肉的份量很足夠！！👍🏻薄餅沾上咖喱汁好好食，同埋薄餅新鮮整起，好熱好脆，咬落仲會有小小酥皮嘅口感，好正😋😋薄餅烤至微焦，好香口，點咖哩食一流馬拉盞通菜是我的最愛，有小小辣非常惹味，而且夠鑊氣～以為係冬陰功炒金邊粉，原來係湯，不過錯有錯着（因為本來諗住叫冬陰功湯），個湯都好好飲，香料非常多，湯頭濃郁，個陣酸辣味好正宗。而且湯中嘅海鮮都多，有大大隻青口，魷魚同蝦，都幾鮮甜，不過如果蝦係連殼熬煮就更正喇！！兩人食都食唔晒咁多金邊粉，可能三四人share會更好～埋單每人百五左右，在灣仔這個價錢都算過得去，而且坐得舒服，服務好好又唔會催人走。如果多d人食仲好，可以試下炒蟹，整體來說都不錯😉😉

We are in a group of four (438$) and tried their set menu for four. And we ordered drinks which you just have to add 8 dollars on every drink, if you like another drinks other than the one offered on the set menu coffee or drink.I ordered the longgan drink ,it taste good.and my other companion ordered coconut ,they put a lot of milk so it doesnt taste like coconut and the others ordered their green smoothies, i tasted it and not a fan of it.Three orders came with four piece of garlic bread. I th

入到去要上一層先係食野既地方餐廳位於一堆酒吧既附近 但餐廳本身都有酒飲見到都好多外國人都有幫襯果度地方好大 好多大台 好岩一班人去食 慢慢傾計 侍應都係泰國人 但識講中文炒秋葵入面有小番茄 大量蒜片同洋蔥秋葵不嬲都好健康 食落又入味吾會太生應該烚熟左再炒！好味！份量吾算大 反而有機會食其他菜係泰國泰國菜店都未見過佢地食哩味菜串燒（牛豬）串燒一上黎已經好香口！隔離配左個醬食落啖啖肉！d肉都好軟滑！上碟果陣熱辣辣佢有3款選擇 如果吾食豬牛 都可以食雞賣相一流 個醬好濃味 同平時差吾多香葉豬肉炒飯哩個炒飯比起其他泰國店炒得比較濕香葉味相對較小 但好香口 好有獲氣！對比亦比較辣 入面有四季豆 食落好有口感配菜都係青瓜 食完可以下火👍🏻👍🏻

上個禮拜先係泰國返黎，話咁快又思鄉病發作今晚收工即刻約好姊妹食 泰 菜！好中意呢度既泰國風佈置，好有feel.沿住樓梯上就到達餐廳。好靚喔吊燈也很美店內都有好多唔同既裝飾品。呢張餐墊我屋企都有哈哈哈哈哈冬陰公味道唔錯。酸味同香茅味十足，略嫌無辣味。大頭蝦蝦肉彈牙，頭部既膏好肥美，正掙扎左好耐食椰菜苗定秋葵好，因為兩個都咁好味。蒜片將秋葵爆得好香，秋葵亦烹調得時間適中，爽口非常好好好好好味既芒果軟殼蟹米卷軟殻蟹炸得鬆脆可口，配埋芒果軟綿綿 甜絲絲，真係令人食指大動仲有包住d料既粉皮好煙韌彈牙～～口感QQ, 讚呢個香茅Mojito味道好清新宜人，好適合泰菜偏重味道時飲，可以清新口腔，解渴消滯。一餐完美既泰菜又點少得佢呢度既芒果糯米飯有紫白糯米，一次過可以試哂兩種口感！白糯米較軟熟煙韌；黑糯米較硬有口感。兩個我都喜歡

食泰國野一定唔可以冇左串燒啊！依度一套六串！雞牛豬都齊哂！串串都有勁香既燒烤味！個雞肉本身都有好香既香芧味！牛肉又有口感！又夠濃味！最正係個沙嗲醬啊！有香濃既花生味之外仲有個椰汁味滲出黎！好正！上網食到人食又好想試！奶油大蝦！個醬汁甜甜地之外又帶有勁香既椰奶味！好惹味啊！係超巨型既大蝦！個蝦皮已經炸到好香脆！食左幾啖同個醬汁好夾！蝦肉超大舊又彈牙！仲係勁新鮮蝦味！香葉肉碎炒飯辣得好正啊！好好食！上表個香葉炸到脆哂！又脆又香口！個飯好辣好過癮！又有少少咸味中和下！大家食左幾啖就開始爭啦！

有時口淡淡就會想食下泰國野！酸辣口味好醒胃！呢間裝潢幾好就試下！門口攞飛等位！上到去幾別致坐得舒適！唔講唔知呢到前身係泰屋！待應清一色係泰國人，不過識講中文GE！溝通〇k慣例都係黎支啤酒啤一啤！正前菜就食冰鎮生蝦！辣得過癮！精華係個醬汁！睇餐牌有呢個張相好吸引就嗌左！叫蛹蝦，個名好特別！好脆！食D香口野配啤酒一流！炒豆苗，D菜好嫩，唔錯！呢味越式燒春雞釀香茅黃飯又係menu睇到相先揀GE！菜式名旁邊仲有推薦 icon，試下無防！好抵食，春雞仲附一大碟沙律！好清新醒胃！個雞脾啖啖肉，肉質鮮嫩！香茅黃飯又吸收左春雞的精華好香！果然係推薦菜式！呢到坐得舒適，服務又好，會主動收碟換碟酙水，值得再黎幫襯！

環境乾淨，裝修雅緻，食物及服務可以，咁仲差啲乜？就係小店風味。當然去啲四正大鋪話要小店風味真係搵嚟攪，但總覺得東南亞食物係食個別小店先有嘅獨有味道。椒鹽軟殼蟹 - 惹味，但蟹身唔夠juicy泰式炸蝦餅 - 夠香口亦有啲蝦味；個汁微辣唔錯~鐵板蠔仔炒蛋 - 蠔仔一啲蠔味都冇；個底浸滿油，麻麻鹽焗烏頭 - 條魚油份唔足可能因為細條吧，冇乜魚嘅鮮甜味甚或油香，一般蒜蓉炒貴妃苗 - 清新菜青味，但女友就係唔喜歡陣青味但仍覺嫩口椰青斑戟 - 清香椰青味，熱辣辣，超煙韌，但面仲有啲啲椰肉爽爽口，讚~後記：大舖仲有個缺點，就係多大伙人去食，所以好X嘈......

呢排工作太忙，冇得去曼谷梳乎下，唯有食下泰國菜一解鄉愁啦。作為一個生蝦hardcore fans，呢間生蝦我俾👍🏻👍🏻👍🏻👍🏻👍🏻，大大隻又牙，果汁夠辣，過癮，我自己KO左一碟✌🏻我地兩個女仔叫左個細size既冬蔭公湯，上枱size一啲都唔細，每人飲左兩碗之餘仲食到大大隻蝦👍🏻酸味冇話搶哂鏡，但略嫌可以辣多少少💦呢個軟殼蟹芒果卷好味😋😋😋泰國芒果好甜。我地港女mode上身selfie完一大輪d軟殼蟹都冇林哂，真心必點！主食我地叫左呢個泰式金邊粉，真心覺得一般，上面個蛋絲好靚，但係食落冇乜味又冇乜料，有啲dry，下次會試下啲炒飯，我見隔離枱碟炒飯唔錯，可能隔離飯香啲心理😂😂😂另外仲叫左杯Lychee Mojito，甜甜地又夠fresh，中和番啲油漏，岩哂女仔飲，記住，一定要食埋啲荔枝，好甜。我記得佢有virgin版既，唔好酒既朋友都可以飲✌🏻

只能話依間 thai food 好味到不得了呢!成餐飯都係不斷話: 好好食好好食 飲品我就 order o左個椰青, d 汁多到就 o黎想倒瀉好抵好解渴阿 依個叫蛹蝦, 外面好脆不過一 d 都唔油 ga入面 d 蝦好新鮮燒牛扒燒得o岩o岩好 👍🏻d 牛肉仲係好 pink 好嫩點少少左邊酸酸o地o個個汁好正串燒都燒得唔錯點少少醬好惹味呢不過就咁食都一樣夠味~最後當然要食甜品 la芒果糯米飯就係我 ge 至愛 芒果好甜, 一 d 都唔酸糯米飯係鴛鴦 ga, 黑糯米都好有咬口呢

之前因為朋友大力推薦已經係尖沙咀食過，真係無介紹錯食完驚為天人！今日岀街見完客就約朋友係港島區食飯，如果要問推薦咩餐廳同朋友聚會好，新泰一定 on the list每次去水準都keep到，一定唔會失望！今次就去了灣仔店到食係灣仔地鐵站c岀口行一陣就到，入口係地下，餐廳就係二樓呢到裝修都好有泰國風情～好舒服。餐廳都幾多人食，book左位就穩陣啲新泰真係係menu亂咁點都唔會中伏，每樣都好好味泰式生蝦是必點！同埋青咖哩好惹味！食肉獸意猶未盡加點左燒西冷，一樣喜岀望外～啲肉好 Tender！聚會以甜品拼盤畫上句號～好滿意好滿足 呢到價錢合理，泰國野黎講真係數一數二好味的餐廳，十分推薦！

餐廳地點只係地鐵站C1岀口，向左行到街頭，再向右行，見到7-11隔離就到！只要走四分鐘就到，十分方便餐廳環境舒適，整潔，寬敞。裝修有泰式風情。係朋友聚會好地方Waitress大部分係泰國人，服務態度不錯，感覺置身泰國一樣。前菜。泰式生蝦：生蝦比平時食嘅大隻，上面配有自家辣椒醬料。每隻都附有一小片檸檬，辣椒同蒜辣椒同蒜可以放喺生蝦上然後一口食用😮😋主食。泰式爐魚有烏頭同盲曹兩款魚可以揀我今次就揀左前者這魚少剌同魚肉厚身，魚上面有大量配料：泰式香料，芫茜，蔥，辣椒，肉碎，草菇重會有一碗湯，當爐中的湯燒乾時可加上湯。味道酸酸辣辣好開胃。甜點。芒果糯米飯暖暖的黑白糯米飯放入口好滿足😽上面的椰汁甜度適中配上芒果，為這餐作完美句號

我以為食泰國嘢一定係去九龍城朋友介紹我嚟呢間新泰好自信咁話仲好食過九龍城嗰啲 😂好！就收工一齊嚟食吓！呢度啲裝修格局整得好靚地下入口擺咗好多有藝術感嘅佛像個氣氛令人好似去咗泰國咁！而座位與座位之間好有空間坐得舒服之餘亦有私隱度每次食泰國嘢必嗌【泰式生蝦】🦐隻隻都夠哂大隻又彈牙，相當之新鮮下面有冰粒冰鎮啲生蝦，再用保鮮紙隔一隔簡單得嚟又聰明嘅做法【串燒】有豬牛雞揀一碟有 6 串，可以每款揀兩串有得試哂咁多款真係好好呀全部都好食，尤其是個雞肉勁滑（有啲餐廳唔比 mix，想試多款又要叫多碟但食太多串燒又會食唔到咁多其他嘢 🌚）【燒生蠔】好巨型 😂配上芝士同大量蒜蓉嚟燒味道好夾，好惹味同埋咁多配料都無整得好鹹 👍🏻【越式燒春雞釀香茅黃飯】賣相好有氣勢！上菜嘅時候係完整一隻雞侍應會將佢再分成四份燒春雞完全唔嚡，好好食！啲飯好有香茅味，香得嚟唔會太重口味整得好好 👍🏻伴碟嘅沙律都好新鮮【泰式甜品大拼盤】我最鍾意食拼盤 😂可以乜都有啲試勁多嘢椰汁西米糕同椰汁糕好清甜明明好飽都食得哂啲甜品 😋好喜出望外嘅一餐，環境靚食物好食重點係唔貴！絕對會再嚟！

貓貓去完泰國之旅，返黎香港都係要食泰國野，因為真係好好味。貓貓鍾意呢間餐廳既幽靜得體。同我去泰國resort既餐廳一樣。貓貓唔理咁多，食個去骨海南雞雞滿足下食慾。海南雞整到皮好彈牙。雞肉滑，好爽口。一食就知過冷河落足功夫。仲有埋泰式辣醬同港式薑蓉，泰式同港式兩溝。即使食到雞胸肉，都可以咁滑，而且冇啲血水同唔夠熟既痕跡。整個蒜蓉貴妃苗。貓貓想食清淡啲，呢個清炒不算重口味。味道好香，貴妃苗唔會太老，爽口。諗起泰國食既野，同呢度真係差唔多，夠曬正宗。份量多，貓貓既胃食完好滿足。好暖。貓貓好開心

Had lunch with my family there.  Ordered 3 sets and mine was Hainan Chicken Rice.  Chicken was so so but the sauces made up for everything. We upgraded the appetizer to prawn cake which was good as usual. Coffee was nice. Room for improving services - it took so long for my mom's laksa to be served. But overall it's a good choice for Thai food in Wanchai.

由細到大都好鍾意食啲東南亞野因為貪佢哋又濃味又辣辣地非常之開胃呢個就係泰式小拼盤最喜歡就係呢D拼盤因為叫一份餐就有齊晒兩款嘅最人氣的泰式小食我最鍾意就係呢種好似冬甩樣咁樣嘅炸蝦餅同魚餅炸蝦餅打得爽口彈牙而且又唔會炸得過乾令到佢太硬再點埋嗰個泰式辣雞醬酸酸甜甜配合埋啲炸物完全係一大享受另外個炸魚餅都好好食睇得出係真材實料因為每一啖都食到重重的魚味而且唔會淨係落好多粉去打成魚餅之後就叫咗越式蒜蓉牛油雞翼雖然呢度只係用雞中翼但係雞翼炸得通透有香脆而且入味非常再加上超級多嘅咋蒜蓉同埋洋蔥令到雞翼嘅味道加配昇華而且啱啱炸完就即刻上枱食落口熱辣辣啲肉質又軟滑又入味其實食完個拼盤都已經有七成飽了呢個時候就梗係叫返個甜品去作完美的句號啦最後揀咗雙色芒果糯米飯揀咗白色嘅糯米同埋黑糯米配合埋個椰漿仲更加好食黑糯米膠比較硬身但係都整得幾好而且黑糯米配合椰漿就簡直係天衣無縫嘅組合計發食下食下竟然唔記得咗仲有主角芒果芒果每一塊都好甜而且份量都好多我覺得呢個甜點簡直係非叫不可點返杯番石榴沙冰使用生命新鮮的番石榴打製而成所以有清新的感覺可以消除一下油膩的味道