新泰東南亞餐廳

营业中

休息中

尖沙咀呢間新泰已經開左好多年，喺一間位於地庫嘅泰式餐廳，地面reception 嘅裝飾已經好有泰式風味，擺左成架泰國嘅督督車🛺 好搶眼🤩而地庫嘅餐廳環境好有泰國風味，亦都有好多座位，環境好大！馬沙拉咖哩雞 + 印度酥餅💛 馬沙拉咖哩雞香料味道濃郁，雞肉嫩滑入味，咖哩醬汁嘅濃稠度恰到好處，吾算好辣嘅咖哩，讓人一口接一口。搭配印度酥餅，外脆內軟嘅口感完美吸附咖哩，整道菜令人滿足！蒜蓉炒貴妃苗💚 貴妃苗鮮脆可口，蒜蓉嘅香氣撲鼻而來，炒至適中，呢度炒菜絕對系健康與美味嘅選擇。泰式蝦炒金邊粉🧡廚師用左蛋漿整成一個網狀，覆蓋住pad thai, 好精緻😍 泰式蝦炒金邊粉色澤誘人，蝦仁鮮嫩，帶有微微的酸甜，非常開胃。珍多冰🩷各種配料嘅搭配令呢杯飲品不僅色彩繽紛，仲充滿豐富嘅口感。

平時食開灣仔嗰間新泰，第一次嚟尖沙咀食，估唔到地底鋪原來係咁大！裝修嘅風格同灣仔有少少唔一樣，呢度感覺比較壯麗啲，另外大枱比較多。平時比較多係食lunch今次嚟食晚餐就叫咗啲平時比較少嗌嘅特色菜。✨燒西冷牛扒 $138一塊西冷牛扒切開大概有10片左右，五成熟望落都唔錯，配上自家製嘅燒肉汁同埋辣醬就更加惹味👍🏻😋不過個人覺得再嫩啲會更好✨泰式柚子蝦沙律 $118口感好豐富，大隻鮮蝦同埋爽口嘅魷魚，另外仲有大量柚子🤙🏻除咗洋蔥蔥絲之外，亦都有腰果同埋少少類似椰子片嘅配菜去增加口感，幾值得一試！✨鐵板蠔仔炒蛋 $118熱辣辣用鐵板上，賣相已經好吸引，大量嘅蠔仔炒蛋，蛋邊都幾香脆，底部仲有極多新鮮嘅芽菜，加埋一齊食再點醬實在係滿足！

今日同朋友仔去咗尖沙咀嘅新泰東南亞餐廳食午飯，餐廳環境幾有東南亞風情，坐得都幾舒服。我點咗個海南雞飯套餐，雞肉幾嫩滑，皮薄肉厚，配埋油飯同醬汁，味道算係中規中矩，唔算特別驚艷，但都算合格。朋友仔叫咗個焗海鮮飯，海鮮份量都幾足，有蝦、青口同魷魚，不過味道偏淡，焗得唔算好香口，感覺有啲普通。另外我哋加咗個生蝦刺身，呢個真係幾出色，蝦肉新鮮爽口，配埋酸辣醬汁，食落好開胃，係成餐飯嘅亮點。整體嚟講，生蝦刺身值得一試，但其他菜式就比較一般，性價比中等，如果唔係特別鍾意東南亞菜，可能會覺得有啲普通。

Lunch set of two1.泰式炸春卷外皮酥脆，內餡包含新鮮蔬菜和蝦仁，味道鮮美。搭埋個泰式甜辣醬，增添風味，色澤誘人，喺一道唔錯嘅開胃小食2.馬沙文牛腩搭埋印度烤餅一齊食,是絕佳的組合！印度烤餅微微焦香加埋個牛腩的濃郁咖喱醬汁，每一啖都充滿風味，口感的豐滿～馬沙文咖喱醬混合椰奶煮嘅牛腩真係好好食，口感滑順，味道香濃。3.馬拉盞炒通菜個馬拉盞醬有好獨特嘅海鮮和辣味。通菜脆嫩同個醬汁的鹹香好夾，真係食過唔停口

經過這家泰式料理被門面的大象和富有泰式風情的裝飾所吸引了，沿著樓梯下去更是別有洞天，處處可見燦爛的花，溫馨浪漫！### 馬沙文咖哩牛腩牛腩柔軟入味，馬沙文咖哩醬帶有獨特的香甜味道，牛腩吸收了濃郁的咖喱味道，能品嚐到咖哩的香濃與牛肉的鮮美，伴隨著椰漿的絲滑與微微的辣味！### 燒牛仔骨色澤誘人，吃上一口，感受到燒烤時的火焰與香氣，牛仔骨融合了多種香料，富有嚼勁，讓人想要一口接一口！### 芒果糯米飯此道甜品色彩鮮豔，橙黃的芒果與黑色白色兩個圓圓的糯米團形成強烈的視覺對比。香甜的芒果，Q彈的糯米淋上濃郁的椰漿，帶有淡淡的鹹味，使糯米更加香滑可口！### 椰青斑戟裡面包含椰青的果肉，入口有嚼勁，椰青的清香與糯米的香甜交織在一起，讓人每一口都充滿驚喜！

位於尖沙咀河內道， K11 對面的泰國菜館， 已在這裡多年， 今天是我同朋友首次試食。門口有泰藉小姐姐， 教我地落下層餐廳， 想不到地方竟然這麼大， 眼見可容納過百人， 所以我們不用等位， 馬上便被安排位置。餐廳環境甚有氣氛， 除了泰國式裝修， 昏暗燈光令整個環境顯得更舒服悠閒。我們點了午餐， 我叫了海南雞飯， 再加小食炸春卷， 再加了一個活蝦刺身， 青檸梳打。 味道不過不失， 很飽。服務態度是滿意的。埋單每位 $187， 午餐來說有點貴， 但可能以尖沙咀泰國菜來說， 加上我們另點了菜， 這價錢可能差不多吧。

一家4口太耐無出尖沙咀，就諗起食呢間水準不錯的泰菜，點知大失所望！眼見晚市一輪枱後已無翻枱，因為味道同品質真係差左好多，服務都唔太好！唔知係咪個老細唔識do導致（好大機會），如果再係咁落去，真係唔會再有人幫襯的了,價錢唔係平架，大佬！值得一讚是門口個泰國姐姐還是很好客，其他員工不論是泰國人還是香港人既面口都唔係好！1.串燒 - 豬，牛，雞都唔好食，呢個好基本既野都整到又un又乾，反眼🙄2.燒西冷牛排 - 溫度不夠，只是微暖！又係un同鞋，又無牛味，成碟野最好食就係個汁同d伴碟酸菜，又反🙄3.馬沙文咖哩牛腩+薄餅 - 呢樣算係不過不失，但份量少，完全唔值108+42蚊，黐線！4.蝦醬炒飯 - 又係溫度不足，食落口只係少少暖暖地，仲要咸到一個點，驚死你唔叫野飲咁，每人食左兩啖仔就放棄，再反多次🙄總結 ：呢間野真係退步左好多，顧客量已就明一切，價錢又貴！如果食物再係咁既品質，d員工又無水洗面咁，相信好快要同你講再見! #自己做衰自己既代表之一,可惜！

見到間泰國野 咁多好評所以試8點幾到 要等兩張枱 但好快可以入座落到樓下 環境幾好 又坐得舒服當我以為一切向好發展時 原來係我誤會左打開Menu 價錢唔算平 都係屬於尖沙咀價錢首先落order時 叫左兩個人落單但都無視我（其中一個係著卡其色褲既大叔，唔知係咪經理）叫到第三個 終於有人理叫左一個菠蘿炒飯 泰式炒椰菜球 同埋一個燒豬頸肉等左十幾分鐘左右 啲野食到 但侍應既態度好似茶餐廳侍應 掉低左就走 係掉低唔係放低已經覺得好無禮貌野食水平 分分鐘仲差過茶餐廳菠蘿炒飯 普通炒飯 茶餐廳級數泰式椰菜球 得青菜味 um….泰式？泰式燒豬頸肉 頂 剩係食到好重油味 食唔出燒出黎既香味 碟豬頸肉白白淨淨咁當時諗住睇下OR啲劣評寫啲乜唔睇由自可 十個有九個都話態度差 急住叫人走當然 我都唔例外 好快就比人收哂枱上面既碟同餐具（墊枱張紙都收埋）事後先問我 仲要唔要甜品 當下我只係想快啲走 我都廢時阻你翻枱總結環境好 但食物同服務同茶餐廳無別除非前世未食過泰國野 否則個人覺得唔需要試呢個價錢 可以有更好既選擇

Merry Christmas🎄🎄~無論咩時候～阿豬同阿龔都係會揀泰國菜🇹🇭泰式青咖喱雞$108青咖哩本身係配海鮮嘅👨🏻‍🍳其實配雞肉都好正！清新開胃，仲有啲泰國茄子係入面🍆爽口特別！泰式燒春雞釀香茅黃飯$228呢個係天堂級食物。。。需時45分鐘即叫即整👨🏻‍🍳但如果要等兩個鐘都絕對可以！💯春雞釀入香茅黃飯，然後一齊燒🔥雞油同燒烤香味鎖入飯度！簡單直接🉐就係完美！絕對必點！串燒沙嗲(雞，牛，豬)$108沙嗲汁好食，串燒不過不失印度薄餅$42有叫咖哩就要叫埋，香酥正！沾啲汁同啲餸一齊食無得頂💯涷綠茶$48阿豬同阿龔都比較鍾意泰奶綠🍵多一份茶香～佢哋嘅泰奶綠就比較啖口，唔太甜回頭指數：🧡🧡🧡🧡🧡/5

同幾個老友去尖沙咀睇完燈飾，大家咁啱都想食泰國菜，即刻諗起尖東有間人氣泰國餐廳，於是就過去排隊等入座，坐低睇完餐牌之後，大家呢晚揀咗以下菜式:香芒軟殼蟹米紙卷米紙卷軟滑有韌勁，包住香脆嘅軟殼蟹、香甜嘅芒果、軟滑嘅牛油果，再加上少許金不換，點埋附上嘅酸辣汁，係一道好清新開胃嘅前菜。燒鮮菠蘿菠蘿表面燒過更香甜，咬落更爆汁。泰式炸蝦餅蝦餅炸得金黃唔油膩，質地好彈牙，亦食到蝦嘅鮮味，好味。蒜蓉包蒜蓉牛油味道香濃，法包烘得香脆，yummy!泰式干炒河 (雞肉)河粉炒得好有穫氣，味道甜甜哋，係正宗泰國口味，加上雞肉及蔬菜，平衡了膩感，唔錯。泰式甜品大拼盤椰青大菜糕 - 大菜糕食落爽口，椰子味香濃，咸咸甜甜幾清新。椰汁西米糕 - 椰汁味道濃厚，加上西米、芋頭及粟米，增加了口感。千層糕 - 煙煙韌韌既口感，配上斑蘭嘅清香，忍唔住食晒成嚿。椰青班戟 - 軟糯既口感加上椰絲、椰青肉，面層焗得香口，好特別。芒果糯米飯 - 糯米飯用上黑糯米及白糯米，煮得軟硬適中，各有不同口感，再加上芒果及濃稠香甜但帶丁點咸香嘅椰汁，真係絕配呀!雖然用餐人潮不斷，但店員保持到高水平嘅服務質素，殷勤有禮，值得讚許。

今日到尖沙咀食泰國菜。好彩有訂枱好快就有位了。餐廳枱與枱之間有著足夠空間，座位也幾舒適。我們點了香芒軟殼蟹米紙卷，泰式炸蝦餅，燒鮮菠蘿，蒜蓉包，泰式干炒雞河，泰式甜品大拼盤。香芒軟殼蟹米紙卷：軟滑米卷包著軟殼蟹，芒果，牛油果，香草令到口感更好更清新，味道更多層次。泰式炸蝦餅：8件大蝦餅，炸得金黃香口配合泰式醬汁食更加可口。蝦味濃又爽口彈牙。燒鮮菠蘿：燒過表層鎖住菠蘿汁更加好味道。蒜蓉包：烘得鬆脆可口，法包配上濃郁蒜蓉及牛油香味。泰式干炒雞河：份量都算多，好多新鮮蔬菜，加上雞肉炒得夠鑊氣。泰式甜品大拼盤-椰青大菜糕：大菜糕做底層甜甜地。泰式椰汁西米糕：椰汁味濃加上底層西米，芋頭，粟米更有口感。千層糕：軟軟地又煙韌既口感好得意加埋椰汁味。椰青班戟：煙韌既口感加上濃郁椰青味道。芒果糯米飯：酸酸甜甜芒果，加上黑糯米及白糯米不同口感配起甜甜地椰汁更加好味道。

其實自從開張以來，我已經食過不下20次，基本每個月都會來一次，而且一定會點豬肉生菜包！但今次吃的這碟豬肉生菜包沒有南姜、香矛和檸檬葉，一入口就覺得味道差了很多。我向侍應反映，得到的答覆是：侍應：「你地叫豬肉生菜包嗎？這些料（南姜/香矛/檸檬葉）要鴨肉先有。」我：「但我一直都有食開，這也不是我的第一次。」侍應：「我們不嬲都沒有加，不嬲都沒有。」之後還聽到他在背後和同事聊，說類似：「做了這麼久的泰國人都不知豬肉生菜包要放這些...」雖然她有提議幫我拎回廚房炒過，但不了。你係泰國人，再加埋一句「不嬲」，真係岩曬既…Ok you win! 只能說我一直吃的都不正宗🙃 

🏷️ 新泰東南亞餐廳🇹🇭📍 尖沙咀加拿分道25-31號國際商業信貸銀行大廈地下1A號舖及地庫(港鐵尖沙咀/尖東站N2出口,步行約1分鐘)📞21177003每隔一兩個星期就會有家庭樂嘅時間，姪仔姪女姨甥仔姨甥女個個都咁細個，有時都要諗吓食乜嘢好🥳一諗到圍埋一齊，多人先可以食得多嘢嘅菜式就即刻諗起泰國菜，新泰東仲要已經係encore咗幾次，有辣有唔辣，fit曬🥰🥰🥰一講起泰國菜，點會少得暖笠笠嘅冬蔭功湯，新泰東既冬蔭功(大$198)，夠酸得嚟又足料，小篇就最鍾意食湯入面嘅菇，每次都必叫，有住個小火爐一路熱住，就算飲到尾都仲熱辣辣❤️‍🔥推薦指數3️⃣.5️⃣/5️⃣今次仲第一次叫呢個「馬拉盞炒蒜芯」（$88），超級惹味，就算平時我對綠色嘅嘢冇興趣，今次一試都忍唔住再夾多幾條係自己嗰碟到，蒜芯好嫩完全冇揸，而且夠鑊氣，份量都好足🤪🤪🤪推薦指數4️⃣/5️⃣「菠蘿炒飯」（$138）係全場小朋友嘅最愛，酸酸甜甜嘅菠蘿仲有提子乾，小朋友簡直一啖接一啖，而且新鮮菠蘿做底，食完個飯小朋友仲拎個匙羹繼續食菠蘿，抵晒😂😂推薦指數4️⃣/5️⃣「麵包焗咖喱軟殼蟹」（$248），味道不過不失，勝在夠汁點晒成個麵包，而且麵包都脆卜卜，呢個價錢

放工同朋友諗住敘舊嚟到尖沙咀，有人提議想食泰國菜，咁啱喺附近就見到呢間新泰東南亞餐廳，幾年前食過印象不錯，今日再試吓。泰式生蝦 清新爽口配搭泰式生蝦醬，非常惹味。咖喱軟殼蟹麵包，咖喱味香濃，軟殼蟹鬆軟香脆，配搭白飯和薄餅，非常吸引。青咖喱，清香的青咖喱，同樣吸引 馬拉盞通菜，通菜充分吸收了馬拉盞的味道，微微的香辣，爽口好吃。

朋友仔推介就嚟咗呢一張尖沙咀嘅泰國餐廳🤤豬頸肉豬頸肉燒得香口惹味多汁，配搭咗酸汁更醒胃🤤冬陰功冬陰功湯 海鮮足料 原隻大蝦配搭多款香料 酸辣適中 入味🤤新鮮生菜包啲生菜新鮮到極致 追加咗多兩盤生菜用咗雞肉取代傳統豬肉做出嚟嘅生菜包 依然都可以保留到肉質鮮嫩 咬落去爽脆鮮甜嘅質感🤤排骨山就咁食落去嘅排骨冇咩特別 但係啲湯就好惹味用嚟打卡一流 佢嘅火焰貫穿咗所有嘅排骨🤤軟殼蟹米子卷好好食 😋 軟滑嘅米卷包住新鮮出嚟嘅軟殼蟹咬落去一啲都唔油膩 仲有淡淡嘅清新人均消費$300