新泰東南亞餐廳

营业中

休息中

尖沙咀區中午放飯時間搵食幾實都係一件煩惱事，容易有位既餐廳一般都要差不多百幾二百蚊找數，少數怕長計，如果午餐平均$150一日，一個月午餐費就成三仟大洋；仲未計早餐、下午茶、happy hour和晚上偶爾同朋友gathering 既使用。嘩！真係要精打細算。如果又唔想日日食隔夜飯餸（帶飯），尖沙咀區一百元以下既餐廳也是有的，但是除非你一早訂位，否則放飯時間閒閒地最少要等十幾分鐘，一小時lunch hour就咁去左一截。今天本來打算去K11午餐，路經此餐廳門口突然記起這間餐廳有很多好評，自己多年前也和朋友來過晚餐，看到餐廳仍然屹立不倒，証明真係有實力既。即時改變主意決定進入此餐廳午餐，餐廳門面仍然保持以往的東南亞色彩，多年沒有改變。我們通過一條L型樓梯往下直達餐廳地庫的用餐位置；樓梯左右兩邊均是用餐區，左邊是面積較細的一部份（但其實已比一般街舖餐廳大），擺放了大圓餐枱和單邊沙發坐位；右邊直入是一個非常大面積的用餐區， 同樣有大圓桌，另外也有卡座和單邊沙發二人座位， 這裏的大圓桌最適合一班朋友或同事一同用餐，方便談天說地。進入餐廳時間大約下午一時十五分左右，我們二個大人一個B被安排坐在一張可

昨天下午， 經同事介紹第一次黎呢間新泰東南亞餐廳， 點左午餐$75 香茅豬扒湯河+ $28 小食春卷+$3 凍檸茶。春卷二條開二， 正常口味， 個醬少怪但可接受， 食左一舊。之後食河粉， 食咗兩啖， 係個口入面撩到一個咬唔口既物體， 一舊透明物體。 打開佢， 原來係受熱卷埋既膠， 疑似口罩套殘骸。 叫左經理黎， 佢話煮個碗比我， 我話仲食呀？ 跟上佢快快收左個碗， 留下一句「咁比個甜品你」。 過左一陣， 我朋友食完， 諗住走。 我叫過經理黎， 問佢點？ 佢話「甜品未黎咩？」轉手去廚房拎個椰汁糕黎， 放低又立即走，我當然無食。 叫個待應埋單。 佢取消左我個粉， 呢個正常， 但就將個餐飲由$3轉去正價$33， 杯檸檬茶由發現到走都無再飲過， 收正價真係完全想像唔到。 跟住火氣叫個經理返黎， 佢話下午忙， 處理唔到我問題， 同你取消返個凍飲， 小食照計錢， 我同行既朋友正常收錢。 呢間咁既垃圾舖頭， 大家忙中有錯， 完全明， 無人想， 但咁既處理客人食左垃圾落口既問題， 咁既冷待手法， 衰都無人有。

今日去一間地道泰國菜食中午，閒日都好多人，lunch set $75，尖沙咀價。餐廳都冇啲街客同放飯客。餐廳好大間，位於加拿芬道一地庫。入到去好多泰國地道裝修，燈光有點暗，幾有氣氛既。叫左泰國蝦醬炒飯+凍奶茶（泰國奶茶冇套餐，要正價）同辣豬頸肉炒河+ $8椰汁冰。泰國蝦醬炒飯有啲花生碎同肉鬆，撈埋蝦醬炒飯一齊食會香好多，炒飯勁多蛋絲，都幾足料既！👍🏻至於辣豬頸肉炒河粉，勁多豬頸肉，豬頸肉都整得好淋，唔會好韌或好鞋，足料👍🏻河粉有啲多，食到一半都好飽，炒粉有少少痴埋左一舊！椰汁冰好濃郁，勁香椰汁味，冇溝水，好足本！👍🏻午餐可以每人加$28 加多個小食，我地加左炸蝦餅同泰國馬拉盞炒通菜。炒通菜都有好多蒜蓉同馬泰盞，整得好食既，係泰國既味道！😋至於蝦餅一開二，有4件，件件都勁大舊勁多肉！餐廳可能比較多人，坐底45分鐘就開始執枱叫你埋單。

之前食過這家泰國菜，晚上必要訂位，否則要等好久才能吃，質素也不錯。所以放假在附近約了朋友試一試這間泰國餐廳的午餐。過往都有訂位吃晚餐，今次沒有訂位，不過在泰國餐廳開門就已經進去，可能是12點未有太多客人，所以不用訂位。不過這次的用膳感受實在太差了，上菜等太久，吃了沒多久又會被人趕。於12點10分下單，我的朋友點了一個海南雞飯，而我點了一份泰式金邊粉，我的朋友大約等了5分鐘就上菜，而我的金邊粉足足等了25分鐘，食了約20分鐘，剛剛好吃完，服務員就好像要趕我走一樣，然而用餐時間一個小時，便立刻給予我賬單，我連餐飲也未飲完。我不是奢望坐很久，畢竟都是午飯時間及旺嘅地段，但用餐也只有30分鐘，實在太差。建議食得比較慢，客人不要光顧，食物只是不錯，稱不上好食，又不是太便宜，價格指是正常。

今日我哋一行四人第一次試呢一間喺尖沙咀嘅泰菜😘都幾有驚喜喎😍首先最值得一讚嘅係明爐烏頭魚🐟熱辣辣上嚟夠晒好味❤️之後生菜包炒通菜同埋冬陰功都一定要叫😋😋😋紅咖喱鴨同埋生蝦都唔錯🤤🤤🤤炒花甲同鳳爪就一般 正正常常🤣不過個米紙卷就差咗少少 得菜冇其他餡🤣另外都想讚吓個紅柚啤酒 甜甜地淡淡地嘅酒味❤️埋單要$1400幾 不過我哋叫咗好多嘢食 所以個價錢都算公道嘅😙係可以有下一次嘅餐廳😊😊😊

簡直是超級中伏，趕時間入來想隨後吃個泰餐，想當然應該比較快脆午市寫是12：50前買單9折然而12點落單40分鐘都不上菜西餐廳速度都無你甘慢硬生生同你拖時間既然不想打折就唔好寫出來，簡直是又當又立服務員態度又勁差，催著幾次都隨便答復味道差強人意，個焗飯上面的帶子淨是得兩舊，完全無味道，同焗飯的味道分開曬，醬汁味道調得尚可，但是整體無太出彩趕時間真是唔好食哩間也，食完一肚子氣，不會有下次的，免得來揾氣受

一頓飯吃了將近兩個小時，一直在等上菜催促服務員就一直說快好了快好了，周圍座位的食客也在一直抱怨，最後是轉了菜品才給我們把菜上齊的，真的是非常不愉快的用餐體驗，不會再來

今日收工諗唔到食咩好，咁啱見到呢間泰國菜都幾多人排隊，於是就入去試吓🤣！餐廳裝修好有「泰」chill 風格，好似返咗泰國咁😎嘢食選擇都好多，仲要樣樣都熱辣辣即刻送上嚟！值得一讚🥰泰式濕炒海鮮河 $88濕炒河份量都好多，鍾意佢個芡汁煮得偏杰身，令到河粉好掛汁😋海鮮有蝦仁、魷魚等等，份量好有誠意👍🏻👍🏻推介越式蟹肉炒粉絲 $98炒粉絲偏冧身，吸晒啲芡汁，好入味好好食🤤夾埋唔同嘅蔬菜配料一齊炒，又會令到口感更加豐富！主蟹肉份量亦好多😆性價比幾高👍🏻串燒沙嗲 6串 $88串燒沙嗲可以揀牛、雞、豬各兩串。因為同行朋友唔食牛，所以我哋就叫咗豬同埋雞肉各3串👍🏻豬肉同雞肉都好嫩滑，食得出用唔同嘅泰式醃料醃製過，好入味🤤🤤正整體來講，裝修環境好有feel😍食物質素同埋份量都唔錯，！幾啱同朋友一齊嚟吹吓水，感受下泰國風情!

之前已經同過朋友食新泰，一直都好鐘意食，所以今日又黎食。一如以往，又係好多人等，所以大家可以早少少黎。最鐘意係佢既燒豬頸肉，每一塊都好正，係一咬落去淋的，唔係平時食到既豬頸肉好難咬。仲有配埋個酸酸地既醬汁，好開胃!! 之後叫左泰式濕炒海鮮河，平時鐘意食開乾炒，不過呢個濕炒真係no.1 ，個汁好好食，海鮮都好多，有蝦，魷魚，青口等等。佢係連入面D 菜都唔會炒到淋曬，食落仲好爽口。香草肉碎炒飯，好大份，好香，豆角爽口。呢個飯有少少辣，所以都好正! 野飲就叫左椰青， 好清甜，入面仲好多肉。青檸梳打不過不失。佢仲有好多野食簡，下次都想試下其他!

咁岩同朋友去完K11行完街所以就打算係附近搵野食咁岩經過見到呢間都好多人排下同裝修都幾唔錯咁排左十分鐘就有位一落到去 發現裝修好有泰國風情打開menu發現價錢都好平下種類都好多首先叫左個青咖哩雞因為我同朋友都唔係好食得辣 所以叫左小辣雞肉份量都好多蔬菜量都好足 好豐富而且仲加個簿餅點黎食簿餅都脆口 新鮮烤出黎另外仲叫左個大蝦pad thaiD 蝦隻隻都好彈牙 padthai炒得好香口仲有層蛋皮包住好leng 仔 岩曬我地 好igable 仲叫左份豬頸肉份量好多! 新鮮烤出黎 好滋味烤既火喉都係岩岩好唔會太loon同太乾都有肉汁因為都有D辣 叫左杯椰汁冰解渴$38都大大杯 同朋友share 岩岩好 整體都平靚正不過入到下一層就上唔網 要留意返～

喺k11對面嘅商廈地鋪有間泰菜成日晚市門口都排哂隊🤨今晚早收工黎無咁多人終於食到🥹餐廳門口好多佈置😲充滿泰式風情😌落到地庫環境超大很多座位，同時都有包廂房間🛋️店員唔少係泰國人😯佢地之間用泰文溝通🗣️但都識廣東話🤣店內有兩部送餐機械人🤖🤖幫手加快上桌時間 🔛因為喺香港都未算好普及所以見到時覺得非常有趣佢地前置位會有有歡迎語☑️掣身會閃燈 而且會播音樂🎶好肚餓關係一個人叫咗三樣餸🤣椰汁冰$38飲前一定要攪均因為底部仲係暖嘅椰汁唔算好甜 可以接受👌🏻好解渴 陣味唔人工 唔錯😎飛天通菜$75用蒜、辣椒、豆豉炒唔辣，偏咸，用黎送飯一流🤤菜無煮過籠，食落爽口🤩份量合適 無過少燒豬頸肉$81🔥🐷件頭唔細，夠3人份量肉幾嫩、夠juicy，半肥瘦無overcooked 🫶🏻一定要點個汁，酸甜酸甜好開胃🤗個人會想佢燒燶邊脆口啲會更好蟹肉炒粉絲$98蟹肉碎都唔少，不過無咩調味🥲主力靠生蒜、炸蒜同埋芽菜洋蔥等等配菜吊返個味出黎粉絲乾濕度岩岩好👌🏻唔會乾到食柴食咗咁多重口味餸，呢個粉絲相對比較清淡剛好用黎調和一下🥰整體食得好滿足😌環境闊落坐得舒服縱然其後全場滿座店員都反應好快 招呼周到 值得一讚🌟🌟

今天食了芒果糯米飯、燒豬頸肉、馬拉盞通菜和泰式蝦炒金邊粉。首先來評論芒果糯米飯，這道菜讓我非常驚艷。糯米飯口感Q彈，帶有微甜的椰香味，而芒果的清新甜味則讓整道菜更加美味。燒豬頸肉香味非常誘人。豬頸肉烤得恰到好處，口感香脆，肉質鮮嫩多汁，搭配上醬汁，正馬拉盞通菜香辣，醬汁的香辣味道非常適合搭配通菜，口感更加豐富。泰式蝦炒金邊粉，特色在於泰式醬汁，由辣椒、椰漿、花生等食材混合而成，口感香辣，搭配金邊粉和大蝦。

｛新泰東南亞餐廳｝尖沙咀高質泰國菜.位置尖東站K11對面的新泰經過無數次都有好多人排隊 原來可以用QR code登記排隊～ 紅日晚上6點幾攞飛 可是被告知要8點半才有位終是同朋友轉戰另一間 邊吃邊等 再戰鬥(* ｰ̀ ֊ ｰ́ )و✧最後等了1小時 7:30就可以入座.店面及前台 超有泰味的裝修如大象門神🐘 同篤篤車🛺等 好像置身泰國中而用餐區在樓下 隨樓梯下去十分寬敞 座位亦十分多 但仍長期滿位 因為真的好吃～(˶¯ᵕ¯˶).✎  泰式蝦炒金邊粉 $108Pad Thai, Fried Thin Noodle with Shrimp in An Omelet✽好味指數：★★★★☆/5.✎  飛天通菜 $75Stir-fried Morning Glory with Chili & Garlic✽好味指數：★★★★/5.✎  燒豬頸肉 $78Grill Pork Neck Serve✽好味指數：★★★★☆/5.✎  椰青沙冰 $58Young Coconut Smoothies✽好味指數：★★★★/5.✎ 泰式甜品小拼盤 $88Dessert Platter ✽好味指數：★★★★☆/5.⚐

呢間餐廳一向性價比高，食物又好食，環境又靚，而且店員有正宗嘅泰國口音有泰國風味嘅篤篤車，令人好懷念旅行嘅時光泰式炒花甲 $108唔會有沙，而且味道幾新鮮，鮮甜，配搭泰式醬汁炒，加入洋蔥、三色椒🫑、金不換鴨肉生菜包平時出邊食，多數都係食豬肉，但鴨肉比較特別，而且鴨味重，肉質味道較濃，但個人認為味道偏鹹咗少少一，所以一定要配搭生菜食🥬咁樣係啱啱好👍🏻😆本身諗住生菜包唔夠生菜🤣點知呢盤仲有生菜🤣幾抵食💓一上碟果下嚇親，難得生日梗係食好啲啦😜燒烤大拼盤大虎蝦，超級大，有成個手掌咁大，一隻蝦嘅蝦肉都十分肥美，厚實扇貝份量都唔細每一樣烤物，都配上大量蒜蓉和芝士烤焗，十分惹味，超正💯菠蘿燒完之後極甜🥰

之前見朋友介紹，尖沙咀有件泰國風餐廳！啱啱好就係K11附近，一入門口已經有人招待，門口已有泰國裝飾，仲有㗎靚靚tuk tuk🛺餐廳喺地庫一樓，空間感好大，仲有包房，親戚朋友都可以介紹！我哋夜晚黎 好在有book位，幾乎滿座！位置分兩邊，部位位置都坐得舒服！串燒沙嗲包括雞，牛，豬，兩個人食，每串都大大串，大啖咬啱晒食肉獸🤭 沙爹汁少少偏甜，啲肉口感都滑，值得推薦👍🏻👍🏻肉碎生菜包（雞）生菜包基本上係必食，但係mix雞肉就比較少見，整體嚟講少少辣，好開胃🤗上菜時都仲熱，如果有多啲生菜就好啦，可能唔食得辣嘅朋友要注意😳泰式炒金邊粉一拎上嚟賣相好好睇，仲有少少花生碎喺隔離，整體撈好，少少乾炒感覺，蝦都新鮮好吃，有係泰國食開嘅感覺🤤🤤芒果沙冰🍧🥭最後配合一杯經典芒果沙冰，芒果味好濃，真係有芒果粒的😍😍今次第一次黎都冇失望，可以再戰！