新泰東南亞餐廳 (雙子匯1期)

营业中

休息中

【啟德抵食泰菜午餐！】 今日試咗啟德sogo入面14樓呢間泰國菜，午市套餐$75起，超值！必點**黃咖喱雞飯**，椰香濃郁，雞肉嫩滑，送飯一流；**泰式炒金邊粉**鑊氣足，酸甜開胃，蝦仁爽彈。仲有海南雞飯都係一樣價錢，抵!套餐包飲品，加$28有*炒菜或者串燒*，地方一流，靚位，性價比爆燈！ 環境光猛闊落，冷氣夠，服務快手。缺點係份量小小偏細，大食人士可能要加餸。整體來講，$75.sogo入面食到好味泰菜，打工仔午餐首選！ 👍抵食指數：★★★★☆ 📍地點：啟德sogo

呢度環境好大，又有梳化坐平日都人頭湧湧 價錢大眾化先叫咗六串串燒，已經有齊晒豬牛雞唔使選擇 配合惹味嘅沙嗲醬 都好Juicy 唔會太乾泰式柚子蝦沙律啲柚子好甜 又多前菜嚟講呢個幾開胃，又夠健康原個菠蘿咖哩蝦 呢個比較特別 係喺個菠蘿中間開咗個窿入邊 就係咖喱汁加咗啲菠蘿 令到咖喱味多咗份甜同埋酸酸哋啲蝦都幾大隻 又夠多汁 撈埋啲飯一齊嚟食幾好奄列海鮮炒飯 係用隻蛋包住啲炒飯入邊有充足嘅海鮮配料，例如魷魚青口魚龍眼冰大杯，亦都有香甜嘅龍眼肉

醃無骨鳳爪沙律 $78-酸辣醒胃的泰式風味，鳳爪去骨後口感爽脆彈牙，醃料以魚露、青檸、辣椒及香草調配，層次鮮明，開胃首選。泰式莈蘿炒飯$138-原個菠蘿炒飯，鑊氣十足，伴肉鬆、腰果(另上可以按自己口味加落飯到)，另外葡萄乾，酸甜果香平衡油膩。麵包焗咖哩軟殼蟹$248-整隻酥炸軟殼蟹浸潤於濃郁黃咖喱中，麵包吸盡椰香醬汁，外脆內綿。軟殼蟹炸得透徹，連殼入口鬆化無渣，份量都幾大，建議多人分享以免膩口。芒果糯米飯$78-食泰國餐一定要食既經典甜品，芒果熟甜無絲，糯米加紫米飯溫熱軟糯，淋上濃稠椰奶。**環境係新淨企理, 所以用餐感覺都唔錯. 經理同有D waitress 係泰國人, 個feel都幾好~

位於啟德SOGO 14樓的「新泰東南亞餐廳」，環境寬敞舒適，裝潢帶有泰式風情，適合朋友聚餐或家庭聚會。菜式選擇豐富，部分菜色表現出色。牛油大蝦蝦肉新鮮彈牙，牛油香氣濃郁，醬汁惹味，配薄餅非常適合！冬陰功湯底酸辣平衡，香茅和南薑的香氣突出，味道偏鹹，不推薦。柚子沙律柚子新鮮多汁，搭配腰果、椰絲和魚露醬汁，口感清爽。好吃！ 煎蠔餅蠔餅外層酥脆，蠔肉份量多，粉漿不厚鑊氣足，有口感不油膩。搭配辣醬一流。十個讚！ 泰式奶茶茶香濃郁，甜度適中，奶滑順口，冰涼解辣，必點。青咖喱雞咖喱椰奶香濃，辣度溫和，雞肉嫩滑，配料有茄子、豆角等，非常下飯。但醬汁稍稀，若再濃稠一點會更完美。 薄餅現點現烤，外層酥脆，內裡柔軟，蘸咖喱或牛油蝦醬汁一流。份量足夠有八塊，推薦必點！ 泰式金邊粉配料有蝦、豆腐乾、蛋絲等，味道酸甜平衡。味道普通。 雜錦串燒串燒（雞、牛、豬）肉質尚可，沙嗲醬香濃，但部分肉類稍乾，建議趁熱食用。 總結推薦菜式：牛油大蝦、薄餅、煎蠔餅、柚子沙律整體而言，泰菜水準中上，適合想在香港品嚐泰式風味的食客，部分菜式值得回頭再去！

今日同一班朋友去咗雙子塔食泰國菜服務員都係泰國人 地方同環境都一流 我哋今日叫咗個4人餐 加冬陰功湯 生菜包 菠蘿炒飯四人餐包括有豬頸肉沙律 🥗 （辣辣地幾好食）串燒 （d肉都幾大舊 ）咖喱蝦 （唔好食 咖喱汁唔香咖喱味）蒜蓉包 （好食）炒金邊（唔好食，感覺好似食緊蕃茄意粉咁）太濕4杯野飲 ….綠豆沙冰幾特別同好飲～而另外加嘅冬陰功湯 好咸 麻麻地 菠蘿炒飯 個飯都好濕 生菜包 普普通通 不過不失 最後埋單$800 左右 6大1小份量 ….4:30前有8折優惠總括嚟講呢個環境食嘢算抵 有得坐露天環境都幾舒服但係食物嘅水準就麻麻哋 。

今次嚟到呢間啟德雙子匯食泰國菜，店內環境好有東南亞氣氛🏖，窗邊嘅卡位坐位非常舒適，仲有枕頭可以挨住。蒜蓉炒貴妃苗 $98份量好多，啲貴妃苗堆到成座山咁😮，蒜蓉嘅香氣好吸引，貴妃苗亦帶有鮮甜嘅味道，口感又爽口又滑😛。燒豬頸肉 $98食落肉質好嫩，肥瘦比例啱啱好，彈牙嘅口感👍🏼。豬頸肉嘅邊位亦被燒到有焦脆嘅口感。本身就咁食會有少少辣味🌶，配埋佢嘅醬汁，酸酸辣辣嘅感覺，又再開胃左。燒西冷牛扒 $138牛扒好厚實，口感有嚼勁🥩，牛味都好重，燒完嘅牛扒食落更香口🔥，再加埋泰式醬汁，令肉味更出色，昇華成個味道。馬沙文牛腩 $108牛腩大大舊，面頭有啲椰汁作點綴，賣相非常吸引，咖哩食落味道甜甜地，香料同椰汁香味好濃厚🍲，牛腩每舊都好大舊，但食落依然好稔。另外叫個薄餅用嚟沾個醬汁🫓，牛油味好香，令人想一啖接一啖咁食晒成個薄餅。番石榴沙冰 $55係平時比較少見嘅飲品，番石榴嘅味道好香濃，唔係死甜，食到咁上下飲返啖沙冰，冰冰涼涼又解膩🍹。

睇演唱會前喺啟德搵嘢食朋友帶我嚟Sogo呢間泰國嘢位處14樓 居高臨下望出去 外面景色一流仲有室外位置 夜晚涼涼地坐出去食 一定好chillMenu選擇超級多Weekend都仲有lunch set 抵食👍🏻先要咗個泰式柚子蝦沙律好大份好fresh啖啖柚子肉 非常juicy蝦大大隻 食落爽脆加埋洋蔥、腰果、熟蒜 好開胃好好食🥰香芒軟殼蟹米紙卷冇諗過有8件咁多 勁抵食件件都份量十足軟殼蟹入面有少少蟹膏 咬落去湧晒出嚟好食！🙂‍↕️泰式蝦醬炒飯顏色非常靚 蝦醬味道幾香飯粒粒粒分明 加埋肉鬆、蛋絲、腰果粒同腸口感豐富 非常開胃👍🏻跟餐+$28仲可以有小食 要咗個馬拉盞通菜馬拉盞醬冇得輸 超香加咗少少辣椒同蒜頭 香口而不辣燒豬頸肉 必點！！超級好食 肉質好鮮嫩 顏色呈粉紅色燒得剛剛好 加埋sauce一齊食 簡直係perfect🫶🏻甜品試咗芒果黑白糯米飯賣相好靚綿滑嘅黑白糯米 加埋椰汁好香芒果新鮮鮮香甜A great ending!跟餐加$8又可以升級特飲椰汁冰甜度適中 唔錯朋友嘅咸檸七都好正啱晒睇演唱會前飲🤣食咗咁多嘢埋單又唔算貴性價比高！👍🏻

今日同朋友去啟德行下街，去埋新商場雙子匯行SOGO，見到有好多餐廳，大家都想食泰國菜，就決定食呢間！餐廳裝修幾靚，好有東南亞feel，座位闊落，坐得舒服😁餐牌有好多選擇🥳我地叫左4個菜，香芒軟殼蟹米子卷、泰式蝦炒金邊粉、鴨肉生菜包、排骨山香芒軟殼蟹米子卷 $98軟殼蟹炸得好香脆，配上芒果，牛油果同新鮮爽脆蔬菜，仲有炸蒜，口感好豐富，味道清新🤤泰式蝦炒金邊粉 $118金邊粉用蛋漿整成嘅網包住，賣相精美，金邊粉有鑊氣，炒得剛剛好，唔會太油膩太濕，仲有幾隻大蝦，好新鮮彈牙，味道甜甜酸酸，好開胃😘鴨肉生菜包 $118鴨肉味道香濃惹味，唔會太肥膩，生菜新鮮爽脆，包住鴨肉一齊食，口感豐富又清新😁排骨山 $248排骨份量都多，啖啖肉，食到好滿足，湯汁酸酸甜甜，好惹味🥰

呢間新泰係sogo上面星期日都有午市套餐，價錢非常抵食！仲配埋呢個環境，唔怪得咁多人等～午餐 椰香青檸海鮮粉絲湯呢個湯底充滿椰香，仲帶點青檸既酸，非常開胃，粉絲吸哂湯底既味道，清新而不膩，仲配上唔同種類既海鮮～午餐加錢可以配小食越南蝦米紙卷米紙包住唔同既蔬菜和蝦，蝦好彈牙，口感清脆！馬拉盞通菜炒得充滿鑊氣，馬拉盞既咸香令到成碟菜都好惹味，帶微辣！香蘭葉包雞雞肉用香蘭葉包住後燒，保留左濃郁的香氣，令到雞肉鮮嫩多汁，一d都唔柴！串燒牛有6串，份量十足，牛肉外焦內嫩，肉質鮮美，配上惹味既沙嗲汁，正宗泰國味道👅燒原隻魷魚大大隻，燒得岩岩好，唔會太燶，魷魚口感彈牙，配上燒汁

今日我和朋友去了啟德行街，順便去了這間餐廳食泰國菜。越式蟹肉炒粉絲（$118）：越式蟹肉炒粉絲的味道十分鮮美，蟹肉的鮮甜與粉絲的彈性相結合，讓人一口接著一口。粉絲的口感非常滑順，與蟹肉的嫩滑形成鮮明對比。每一口都能感受到蟹肉的鮮嫩和粉絲的Q彈，配合著各種蔬菜的清脆，整體口感非常愉悅。蝦醬炒飯（$98）：蝦醬的鹹香與炒飯中的蔬菜和其他配料相互交融，讓每一口都有層次感。蝦醬的海味強烈，但不會 overpower 整道菜，反而增添了深度。米飯粒粒分明，炒至金黃色的外皮讓人食欲大增。燒豬頸肉（$98）：燒豬頸肉一般呈現出金黃色的外皮，油亮誘人，令人食指大動。外皮的脆度和顏色往往代表著燒製的技巧。豬頸肉部位肉質較嫩，油脂分佈均勻，通常肉質滑嫩多汁，咀嚼起來口感順滑。而酥脆的外皮與多汁的內部形成鮮明的對比，讓人回味無窮。

琴日同同事去咗雙子匯間新泰東南亞餐廳食晚飯，兩個女仔叫咗幾樣嘢share，份量啱啱好！🍨 椰子殼芒果雪糕糯米飯個樣真係好IGable！成個椰子殼上枱，打卡一流～糯米飯暖暖地，配凍凍地嘅雲呢拿雪糕幾過癮。芒果就正常甜度，兩個人share食剛好唔會膩。🥣 細冬陰公湯細細碗但料都幾足，有兩隻大蝦。湯底酸酸辣辣好開胃！🫓 印度薄餅新鮮炸起熱辣辣，脆卜卜咁。點咖哩食真係無得輸，我哋仲用嚟點冬陰公湯，出奇地夾！🍤 菠蘿大蝦黃咖哩最驚喜係呢個！用半個菠蘿上枱好得意，咖哩甜甜地，啲蝦又大隻。最正係啲菠蘿肉，吸晒咖哩汁超好味～🍢 串燒拼盤有雞牛豬各兩串，沙嗲醬花生味好濃。不過肉質有啲乾，如果嫩啲就perfect啦！🍜 海鮮濕炒河海鮮都算新鮮，味道正宗，下次可能會試其他主食。環境：燈光暗暗地幾有氣氛，坐得都舒服。服務：侍應姐姐幾nice，見我哋兩個女仔仲主動提議幫我哋分湯。上菜速度都算快，唔使等好耐。總括：呢度幾啱兩個女仔去食，可以試多幾款唔同嘢。最推介菠蘿咖哩同冬陰公湯，下次會想試埋佢哋嘅生蝦刺身！記住要預早少少去，晚市都幾多人等位㗎～

隱身於九龍城啟德的新泰東南亞餐廳，以簡約木系裝潢營造出溫暖的南洋風情。淺色原木桌椅搭配藤編燈飾，搭配綠意點綴的植栽牆，彷彿踏入東南亞度假小屋，為繁忙都會增添一抹悠閒氣息。店內招牌「青咖哩羊扒」堪稱一絕——以泰國青咖哩為基底，融合椰奶的醇厚與香茅的清新，微辣中透出甘甜層次。羊扒燉煮至軟嫩入味，輕輕一咬便化開於舌尖，濃郁醬汁包裹著羊肉的鮮香。另一亮點「蒜蓉包」烘烤得酥脆噴香，若能再提升溫度讓牛油徹底融化，將更完美襯托蒜香魅力。菜單亦涵蓋泰式炒金邊粉、冬蔭功海鮮湯等經典菜色，香料比例拿捏精準，酸辣鮮香喚醒味蕾。提供超多值套餐，人均百幾蚊即可享受道地風味。若追求視覺與味覺的雙重療癒，不妨避開週末尖峰時段，沉浸於這片木質空間中的南洋食光。小提醒：青咖哩辣度可調整，建議提前告知服務人員；餐廳近啟德港鐵站。

啟德雙子匯開左好耐,一直未去行下,今日去shopping順便去醫肚。好耐冇食泰國野,見呢間幾有泰國風情同埋多人排隊,應該好食所以就臨時選了這間。泰式春卷香脆可口、用料飽滿,個汁甜甜地,我一口氣食晒!泰式生菜包有豬、鴨、牛,我選了豬,呢個都幾spicy,中意食辣既人唔可以錯過。生菜同肉量都幾balance,剛剛好夠。laksa米線好正,有3隻大大隻既蝦、幾片魚片、大大夠既豆卜,浸滿個湯食一流呀!最後連生菜都可以食埋,好正宗好creamy,湯底濃郁好rich.

🧭新泰東南亞餐廳(啟德)⭐️天台靚景餐廳⭐️🇹🇭 正宗泰味💸泰式炸蝦餅 $108💸蝦餅即叫即整 新鮮炸出嚟熱辣辣做到外脆內軟 炸皮厚度啱啱好肉質彈牙爽口 唔會食到成口粉蝦味十足 配埋泰式甜酸醬好夾🦐💸燒豬頸肉 $98💸豬頸肉肥瘦適中 食落一啲都唔嚡份量大概兩個人食啱啱好燒嘅技巧都唔錯 做到微微濃邊點醬食一流 唔會過膩🐖💸日本南瓜焗海鮮飯 $158💸望落已經好吸引 滿滿嘅海鮮鋪喺南瓜上面海鮮有魷魚 青口等 都幾足料食飯嘅時候 可以沿住個皮刮啲南瓜肉配嚟食南瓜香味都十足 食落都好清甜可惜調味略嫌不足 食落比較清淡🎃💰人均 ~$200🍗食物：7/10👨‍✈️服務：7.5/10🪑環境：8.5/10💯總分：7.5/10總結: 舖頭喺啟德Sogo 大廈入面，如果提早book 枱，可以要求坐戶外睇靚景。整體嚟講餐廳食物質素唔錯，價錢亦適中，去開啟德嗰邊可以試吓。🥰#hongkong #hkfood #hkfoodie #foodie #holunhungry

適逢Sogo thankful week～我同老公去左啟德雙子匯行下👫比起上次黎呢度又多左好多新餐廳🍴今次揀左食〔新泰東南亞餐廳 〕 🇹🇭之前食過好多次尖沙咀分店！！信心保證💯一於試埋啟德分店既水準🤭餐廳既環境充滿泰國風情～空間感大，以木質既設計，配合大自然既元素🍃 超舒適😌最驚喜既係有戶外位置🥰可以飽覽外面既景色，感覺好chill✨❥ 麵包焗咖哩軟殼蟹 $248邪惡之選🤤咖喱汁多到滿瀉，味道甜甜地唔會太辣😆咖喱同麵包都好夠熱度，麵包外脆內軟，沾滿咖喱咁食落口，超滿足❤️軟殼蟹大大隻，幾鬆脆👍成個包份量都幾多，食完已經飽左好多🤪❥ 泰式蝦炒金邊粉 $118金邊粉賣相好靚✨炒得好香口，酸酸甜甜夠開胃，仲有幾隻大蝦，爽口彈牙，好好食🦐❥ 芒果糯米飯 $78雙色糯米飯暖笠笠，口感軟糯，連埋椰漿一齊食，好香口🍚芒果切開一片片，肉厚多汁🥭食落夠清甜！❥ 咸檸檬七喜 $42酸酸甜甜，清爽又開胃💓❥ 泰式凍奶茶 $48口感順滑，茶底好香濃，唔會太甜，夠晒風味🫶🏻