影片
以上资料只供参考，请与餐厅确认详情
相关文章
趁住天气仲未开始太热，就谂住去马鞍山海旁行下，轻松下。行返商场嘅时候，见到有间泰国餐厅，入面都几多人，谂住应该唔错，就入去试吓。一入到去，店员都好亲切咁用泰文同我哋打招呼，之后带我哋入座，又帮我哋倒水，俾埋餐牌。座位都几宽敞，连张凳都有啲心思，雕咗只大象喺度。地下都几干净，感觉唔错。跟住就叫咗个烧西冷同埋蟹肉炒粉丝。本身想叫七成熟，不过侍应哥哥好专业，话惊我哋觉得太韧，建议五成熟就够。烧西冷一上枱，果然冇介绍错！五成熟啱啱好，啲肉几嫩几juicy，又冇雪味，唔会韧到咬唔开。佢哋应该烧之前腌过，所以除咗有肉味，仲有阵香料味，唔系死咸𠮶只。跟住仲有啲酸萝卜同青瓜垫底，食到有啲腻嘅时候，食条酸瓜中和下，都几开胃。唔使好耐，成块扒已经食晒！佢仲有两款辣辣地嘅酱汁俾你点，我比较钟意佢个泰式酱汁，酸酸辣辣，几似泰式生虾酱𠮶只味。之后到蟹肉炒粉丝，一上枱已经闻到好香，啲粉丝仲热辣辣咁冒住烟，一路食到尾都仲系咁热！啲粉丝炒到几干身，唔会黐埋一pat pat。除咗蟹肉，仲有炸过嘅葱，食落去都几脆，仲有洋葱、芽菜、青椒红椒、泰国肠咁，捞埋一齐食，口感几丰富，仲有镬气添！啲蟹肉都几新鲜，冇腥味，会令人想再食多啲。跟住仲叫咗个铁板蚝仔炒蛋，一上枱就听到啲铁板吱吱声，虽然唔系好大份，但系啲味都做足。啲蚝仔唔系好大粒𠮶只，但系都几多蚝味，又冇腥味，配埋啲芽菜同洋葱，冇咁热气。个蚝饼啲鱼露味几出，其实斋食蚝饼同芽菜已经够味。最后甜品叫咗个芒果糯米饭，佢除咗有白糯米，仲有紫糯米，最正系啲糯米饭热辣辣，同啲冻冰冰嘅芒果一齐食，冰火交融咁，几好！白糯米软糯啲，紫糯米就淋啲，但系有阵特别嘅香味。啲椰汁都几够，啖啖都有椰汁味。啲芒果又甜又冇渣，啱啱好。仲有，要赞下佢哋嘅服务，啲哥哥姐姐就算几忙都好，都会问你有冇嘢未上，笑容可掬。仲见到有个姨姨氹BB仔，同佢唱ABC歌，听到员工们私底下讲嘢都系讲泰文，都几有泰国feel！呢啲服务态度，都几值得再去！
继续阅读
呢间泰国餐厅算系饭堂之一， 坐得舒服，菜式种类多，好多都试过，质素好稳定。 里面嘅楼面厨师全部都系泰国人， 好似去咗当地餐厅咁， 菜式口味正宗。 仲有一个细节我觉得系比较好嘅， 就系会主动为客人斟热水， 对于东方胃嘅我嚟讲系一个credit。泰国青芒果沙律（$88)摆盘靓，材料好丰富，有泰国芒果丝、萝卜丝、洋葱丝、花生、生菜等等。 泰国青芒果比泰国木瓜爽口， 而且水分多少少。 酱汁较多，系酸酸甜甜， 又辣辣地，系一道开胃菜。烧原只鱿鱼（$128）原条鱿鱼白雪雪、胀卜卜咁，一睇就好新鲜。 鱿鱼切成一圈圈， 鲜味弹牙，每个圈圈都有泰式辣椒酱， 呢度辣椒酱系有少少籽嘅，有炒过，好香。 仲配咗泰式辣酱， 香辣同甜辣味混合得几好。泰国街边猪肉串（$88）呢个串烧系我最钟意嘅一道菜， 一放低就闻到炭烤嘅味道， 真系街边档口炭烧嘅香味。 呢个猪肉串用嘅肉同沙爹拼盘系唔一样嘅， 肉质比较淋，腌过嘅， 比较入味，出面又脆脆地有啲焦香。越式蟹肉炒粉丝（$118)平时食开泰式炒金边粉， 今次第一次食呢个炒粉丝，口味比较清新。蟹肉多， 有鲜味，又加咗好多蔬菜，有生菜、芹菜、灯笼椒、芽菜、洋葱，仲有香口嘅炸蒜同扎肉， 口感层次丰富。 粉丝系比较干身，唔油腻， 有越南菜健康嘅感觉。
继续阅读
好耐冇同屋企人出去食晚饭，细妹提议食泰菜马鞍山泰菜有两间喺555同新泰，梗系选新泰叫咗五碟菜:分别系泰式明炉鱼，蜜糖烧排骨，飞天通菜，软壳蟹米子卷，菠萝炒饭。估唔到菠萝炒饭炒得咁干身，平时出面食嘅都系好湿，但系今次炒得咸淡得宜🥰而家个菠萝好大个好打卡飞天通菜有少少辣，炒得好惹味，而且唔算好老。芒果软壳蟹米子卷本身担心芒果会酸，但系竟然几甜😍😍绝对加分，而且软壳蟹脆身，点甜酸酱食非常清新。虽然呢碟烧排骨唔平，但餐厅无烧㶶，而家排骨就算唔点酱都好入味，好好食。点左酱又系另一个口味，而家烧得唔老亦唔会鞋口。值得下次再叫。但份粮就少啲，得四旧，但碟排骨都唔平，百几蚊。整体觉得呢间泰菜比以前好食，唔怪得星期二晚肆都大致有坐满餐厅入面。
继续阅读
最近好想飞去泰国放松吓，但暂时去唔到，唯有食一餐泰国菜止瘾！今次去嘅餐厅环境充满东南亚情怀，墙上嘅泰国装饰、木系家私同柔和灯光，营造出一个好放松嘅氛围。虽然系商场内，但餐厅宽敞明亮，座位安排舒适，唔会觉得挤迫。热辣辣嘅菜式上枱时，伴随住阵阵香气，令人感觉好似身处泰国街头，特别适合想止泰国瘾嘅人。今次我叫左3样嘢食，包括串烧拼盘，柚子大虾沙律，咸鱼炒芥兰及芒果沙冰串烧拼盘
串烧拼盘一上枱，热辣辣嘅烟雾扑鼻，望落已经好吸引！鸡猪牛各两串，每款肉都新鲜弹牙，鸡肉嫩滑带有淡淡嘅香料味，猪肉肥瘦适中，牛肉则多汁又唔韧。烤得外脆内嫩，配上沙嗲酱，辣中带甜，食落去好有泰国街头小食嘅感觉。新鲜食材上枱时仲热腾腾，绝对系一个好开胃嘅开始。柚子大虾沙律
呢道沙律系夏日嘅清新之选！大虾弹牙鲜甜，配上酸酸甜甜嘅柚子肉，同埋新鲜蔬菜同香草，味道层次丰富。酱汁微辣开胃，食落去解腻又爽口，完全感受到东南亚菜嘅热带风味。食材新鲜到爆，上枱时仲系凉浸浸，作为主菜前嘅调剂真系一流。咸鱼炒芥兰
咸鱼炒芥兰简单但够镬气！芥兰脆口多汁，炒得嫩绿唔老，配上香脆嘅咸鱼碎，咸香扑鼻，每啖都系东南亚家常菜嘅经典滋味。热辣辣上枱，芥兰吸收咗咸鱼嘅精华，食落去好有满足感，唔会太油腻，系一个好配饭嘅菜式。芒果沙冰
甜品芒果沙冰系完美嘅收尾！芒果新鲜甜美，沙冰幼滑细腻，入口冰凉凉，带有浓郁嘅芒果香气。加咗少少椰奶，味道更Creamy，食落去好似喺泰国海滩叹雪糕咁过瘾。呢个甜品新鲜又解渴，为呢餐画上一个清新嘅句号。
继续阅读
曾于湾仔的新泰餐厅食过，所以相约朋友时，小人满有信心地提议到分店共晋午餐。泰式春卷不单止非热且硬，像是炸起搁了一段时间似的；本身没甚么味道，全靠那碟甜酱。中间塞了甚么料亦只能靠估，好像有些木耳、猪肉、粉丝之类，真真正正的食而不知其味。泰式炒杂菜就对办得多。杂菜包括西兰花、椰菜花、泰式芥兰、甘荀与蘑菇等等，炒得有镬气，蒜蓉的香味边食边透，况且调味恰到好处，清爽味美。咖哩的选择是马沙文牛腩。小人先试一口咖哩汁，即发现比起第一次食的欠缺了香料的层次，单薄得多！牛腩是腍的，洋葱和薯仔却都太甜。烤饼中规中矩，沾咖哩汁之余要加鱼露。朋友未试过泰式鸭肉包生菜，故此叫来一客。未食我们皆已经觉得超级碎，谁知一食入口，竟然辣到跳舞！辣味完全盖过全部鸭肉的调味、香草的味道，结果我们不能完成这碟！无比较、无伤害，落差实在太极端了！
继续阅读
您可能会有兴趣的...