影片
开饭介绍
正宗东南亚菜式餐厅，在香港已有几家分店，招牌菜是面包焗咖哩软壳蟹。
继续阅读
营业时间
今日营业
11:30 - 23:00
星期一至日
11:30 - 23:00
*截单时间: 22:30
以上资料只供参考，请与餐厅确认详情
相关文章
今晚同朋友去咗湾仔嘅Sun Thai Restaurant试吓佢哋嘅泰菜，好大间有三层😆 我哋两个人食咗 $651，人均 $325.5，算系合理价钱，环境又舒服～ 🍹 青柠梳打 ($42)一入口好清新！酸酸甜甜，好适合夏天饮，解腻一流！👍 🦐泰式生虾 ($118)生虾好新鲜，配埋泰式酸辣汁，鲜味爆棚！🤤 🥩 烤西冷牛扒 ($138)牛扒烤得啱啱好，肉质嫩滑，仲有少少炭烧香，正！但份量可以再大啲～😋 🥬 飞天通菜 ($98)镬气十足！蒜香同辣味平衡得好好，系我嘅必点菜式！🔥 🍝 越式蟹肉炒粉丝 ($118）粉丝炒得干身，蟹肉份量都算足，但味道偏淡，如果再多啲调味就完美啦～ 🍚 芒果糯米饭 ($78)甜品控必试！芒果超甜，糯米饭软糯，椰汁香浓，完美收尾！💛 💡 小总结整体来讲，食物质素唔错，尤其系泰式生虾同飞天通菜好出色😍 环境布置好有泰国feel下次会再嚟试吓其他菜式！ ✨
继续阅读
大王东街入面有一栋三层高嘅泰国🇹🇭餐厅环境舒适，食物高质，店员仲好殷勤有礼～呢晚就带两老嚟食饭～ 《 巴东牛展💲118 》餐厅招牌之一！坊间嘅巴东牛肉好多时都会选用牛冧肉或牛腩，腻感较重，但呢度就用牛展，厚身但极嫩腍，仲有啖啖胶原感，酱汁香浓惹味，配薄饼/饭一流！《 烧猪颈肉 💲98 》肉嫩爽口，蘸埋泰式酱好提味～《 日本南瓜焗海鲜饭 💲158 》原个南瓜，饭面舖咗芝士南瓜蓉并焗得焦香～焗饭加咗红咖喱，入口有椰香，甜中带微辣，好惹味～ 并加入南瓜粒、大虾、鲜鱿同青口，好足料～食𠮶时我刮埋啲南瓜肉，所以真系好美又劲饱肚！《 马拉盏通菜 💲88 》菜嫩无渣，几香口唔会咸～《 原个椰青大菜糕 💲75 》坊间好少有呢个食！鲜椰汁制成大菜糕，好清甜！入面仲加左大大片嘅鲜椰肉，真系好原汁原味，份量够2-3人，好岩夏天食！《 椰青斑戟💲60 》开头以为系一般嘅斑戟，但原来系糕点嚟！面层焗得有一层薄薄嘅酥脆，入口烟烟韧韧，加上椰丝、椰青肉，味道香甜～ 下次再嚟！
继续阅读
前排同朋友想揾间好味又抵食嘅泰国菜，喺网上见到湾仔呢间泰国餐厅好多好评，话环境唔错、份量多，仲有三层座位，于是即刻book位试试！🥰一入到餐厅，环境真系比想像中好，地方宽敞，装修有泰国风情，灯光暖暖哋好有气氛。佢有三层楼，座位多到唔使点等位，服务员都好亲切，感觉已经加分！😁👐🏻泰式炸鱼饼一上枱已经闻到阵阵香茅同咖喱香，炸得金黄酥脆，咬落鱼肉弹牙，仲有啲微辣嘅味道，配上𠮶个酸甜辣酱真系一绝！😝铁板蚝仔炒蛋蚝仔好新鲜，粒粒肥美，$78真系超值，份量够四个人分😄泰式虾炒金边粉虾仁好大只，爽口弹牙，仲有豆芽、葱同花生碎增添口感💞酱汁酸酸辣辣，泰式风味十足，食到停唔到口～芒果糯米饭芒果好甜好juicy，糯米饭软糯又唔会太甜，淋上椰奶真系完美收尾🫶🏻泰式冻奶茶茶味浓郁，奶香顺滑，冰凉凉好解渴👐🏻
继续阅读
同闺蜜friend撑枱脚，拣咗湾仔呢间Sun Thai Restaurant～环境几阔落，我哋坐2楼，倾偈都唔怕嘈到人🤫 一坐低就叫咗一杯青柠梳打，咁热天时真系即刻冰凉晒👍🏻重点推介「泰式生虾」🦐✨ 上枱仲喷紧干冰劲igable！虾肉爽甜到弹牙，个辣汁仲有香茅味，我同fds争住蘸🤣 不过$118得6只，食完仲想encore啊～ 「塘西冷牛扒」惊喜㖞！🥩 叫咗七成熟，切开仲有少少粉嫩，咬落去juicy得嚟唔会韧，个泰式酱汁酸酸地好解腻～个fds平时要食全熟牛都照食咗几块😆「越式蟹肉炒粉丝」镬气十足！蟹肉多到怀疑师傅手滑🤭 朋友仲话要学整，但睇怕都系等我煮俾佢食啦👩🍳 最惊喜系「芒果糯米饭」🥭 糯米暖笠笠，淋上椰汁同脆米，直头想encore可惜已经太饱～希望下次同再大堆friend嚟食，可以嗌多唔同款嘅食物齐齐share🤭🤭🤭仲有咖哩、海鲜𠮶啲好多选择都未试得晒🫣
继续阅读
湾仔泰菜好去处今次餐厅好有气派，入到去先知原来有层，仲要3层都可以full house，真系好少见。值得一赞既系，座位阔落，坐得好舒服。冬荫功﹕一定要试味道丰富、够浓郁，食材足料。汤底够浓，饮得出系落足料先做到呢个味，浓汤加埋味，再加少少辣度，好惹味。海鲜都好足料。串烧﹕叫左猪、牛、鸡三种，味足，肉嫩。最推介鸡肉，鸡皮略脆，鸡肉鲜嫩，加埋浆汁，好惹味。软壳蟹咖喱包超巨型，叫左呢个可以唔洗叫主食。包似法包质地，外皮脆，内松软，点咖喱一。咖喱口味偏甜、椰香型的，唔系辛辣型咖喱，岩晒大家口味。软壳蟹有好多件，唔会炸完完全冇肉。2个人食呢道菜真系好饱。鸡肉生菜包好少见有得拣鸡肉，其他餐厅大多系猪肉，鸡相对冇咁油腻，加埋生菜，更清爽，正。呢间性价比真系好高，会再回黎试其他菜式。
继续阅读