新沙洞大排檔 (大政街)

营业中

休息中

第一次寫食評，因為未試過咁難食嘅「韓國」野，完全唔似韓國炸雞(請看相片)，炸紫菜卷冇味，炸皮好厚好硬，塊煎餅又散又淋，成舊都係粉，舊鰻魚好薄，雖然味道正常，但$198得5件，好唔值，店員只係不停提我們，不要將醬汁淋在煎盤上，生怕會燒爛隻煎盤，並沒有提醒客人小心熱油會濺到身體。食物質素同IG foodie 的介紹完全不一樣，當然本人明白好食與否係好個人的感覺，但係，實在同預期差太遠，實在不能接受。食咗半個鐘多啲就走人，埋單＄595，搵笨，轉場😡

Bookmark左好耐 成日都book唔到枱 今次特登walk in🤭 7點前到都唔使等喎 終於都食到喇🦀前菜有六款 竟然有茄子 真係好少見😍每款前菜份量都幾多👍🏻🌟 新沙洞招牌醬油蟹拼盤配紫菜拌飯 💲298絕對為呢個黎 但講真係都小小失望既🥲醬油蝦雖然都4隻 但size真係比平時食開既細隻好多😿 蟹就正正常常啦🦀醬汁嚟講偏鹹 不過撈埋落紫菜飯到一齊食都OK嘅🌟 鐵板燒濟州黑毛豬配生菜拼盤 💲188有7舊黑毛豬肉 覺得呢個價錢都偏貴配埋個生菜再加醬汁一齊食都好食既👍🏻🌟 新沙洞炸雞半份 - 甜辣味 💲95炸到好香脆，而且份量都多 係韓國既味道😍🌟 草莓牛奶配蜂巢特飲（2人份） 💲95味道就無乜特別 不過勝在打卡一流🍓🍯🥛 🌟 韓國檸七 💲18呢餐連加一總共食左💲763個人覺得係偏貴既 不過勝在有韓國既感覺🇰🇷❣️

🐷🐷🐷🐷🐷平時嚟大角咀都通常係食中菜，今次特登揀咗呢間超貼地嘅韓國餐廳，就係為咗感受返喺韓國街市食大排檔嘅感覺🇰🇷▪️鐵板燒濟州黑毛豬配生菜拼盤 ($188)未點餐已經比隔籬枱燒黑毛豬肉嘅香味吸引咗。黑毛豬油脂味重，沾點咗辣醬同秘製醬汁，再生菜包住嚟食，即使豬肉半肥瘦但都做到香而不膩。▪️韓式牛肉炒粉絲 ($108)牛肉份量多，油脂比例低但炒得好juicy，粉絲條條分明夠晒鑊氣，最重要係蔬菜都炒得好入味。▪️新沙洞炸雞 甜辣 ($95)炸粉薄，雞肉多汁嫩滑，甜辣醬又夠晒重口味，係我呢幾個月食過最好食嘅韓式炸雞！▪️甜薯芝士條 ($65)呢個小食啱晒做飯後甜品，芝士既鹹香配上香甜既薯仔，呢個配搭好match。▪️招牌原粒蜂巢蜜米酒 ($98)打卡必須！米酒帶有淡淡嘅米香，混合埋蜂蜜，好似飲緊一杯好特別嘅Cocktail🍯 💰554+10%/2 person📍 新沙洞大排檔 (大政街) (大角咀)大角咀大政街10號地舖

❣️香港都食到韓式布帳馬車大排檔 其實係裝潢似布帳馬車 星期一晚食全場full 氣氛很不錯 飲下米酒幾有feel 晚上去記得book位【韓式鐵板燒鰻魚$198】有驚喜 鰻魚新鮮不是冰鮮貨 大件鰻魚鰻魚鐵板呈上 在鐵板上烤15分鐘 烤得外脆內嫩 小心有少少碎骨【新沙洞招牌炸雞 蒜蓉醬油味$95】炸雞大大件 有5 6件 炸得香脆熱 半份2-3人食都夠 炸雞算係大嚿，炸皮香脆又唔會太厚粉，入口啖啖肉【原塊蜂巢米酒2人份$98】2人份 每杯入面有一舊蜂巢 加入米酒多咗少少甜味 米酒與蜂蜜味道很配 【招牌韓式紫菜包飯卷 $98】【韓式水冷麵$98】

我哋今次嚟到一間位於大角咀，好有人氣嘅韓國餐廳🇰🇷。呢度最有特色係佢用咗韓國街頭風裝修🥢，有種當地大排檔、街邊飲酒嘅感覺🍶，同時間成個環境又好精緻。.🍜韓式水冷麵($98)感覺惹味得嚟又清爽！可以自己落醋同埋黃芥辣😝，加上冷麵本身墊住嘅冰水，好有酸香味，又有芥辣刺激味😋，配埋爽口嘅生菜絲、蟹柳絲等等，口感豐富又開胃💕。.🐷鐵板燒濟州黑毛豬配生菜拼盤($188)一上菜真係好有儀式感😍！石燒嘅厚切五花肉，一路燒，油花嘅香味一路飄出嚟，真係好吸引🔥。燒熟咗仲可以配埋爽口嘅生菜一齊食🥬，點埋香口嘅燒烤汁，加上燒烤嘅香味♨️，真係好滿足。.🍡炸黑糖蜜麻糬團子($38)麻糬口感軟軟QQ，外層炸香咗💥，食落口真係好夾調味。開埋黃豆粉🫘，同埋甜甜香香嘅黑糖漿，仲有香口嘅芝麻粒😆，有有韓國街頭feel。.🌾韓國米水($18)食得韓國嘢，梗係嘢飲都要配埋韓式㗎啦🤩！呢款甜米水飲落順口得嚟，又有米香味，好夾呢啲菜式🙌🏻。

今次小星星就去咗韓式大排檔風格既餐廳食飯,雖然呢間餐廳就好高人氣，但係我就覺得名大於實啦😥（*自費食評✨韓式炒粉絲配辣豬肉 $108睇Menu話依個係店長推介，份量係幾足，有好大塊但唔算好辣既辣豬肉、蘑菇，洋蔥，蛋絲，紅蘿蔔絲同粉絲等，咁多配料令到外觀係吸引既，但係小星星認為係韓式炒粉絲既靈魂aka菠菜竟然冇左，有少少失望星星推薦度：⭐️⭐️⭐️/5✨招牌韓式紫菜包飯卷 $98見到五顏六色既配料喺晒飯卷入面，賣相係有食慾！鹹鹹甜甜既味道加上爽脆口感幾過癮，8件好快就清晒不過呢個價錢對紫菜飯卷嚟講就有啲偏貴啦星星推薦度：⭐️⭐️⭐️/5✨泡菜煎餅 $105賣相真係一言難盡啦😬脆脆地但偏厚身既既煎餅令到口感好厚重，所以食左一塊就好快濟，小星星比較鍾意薄身既煎餅不過朋友負責點菜就冇辦法啦🫨星星推薦度：⭐️⭐️/5✨秘製蒜蓉醬油味招牌炸雞（半份）$95炸雞好大舊所以半份都足夠，而且醬油同蒜蓉鹹甜味既結合令炸雞都入味同好匹配星星推薦度：⭐️⭐️⭐️/5✨韓式鐵版燒鰻魚$198繼炒粉絲係店長推介，今次又有個必食推介😂有五大塊既鰻魚同埋未燒前見到有好新鮮既光澤，感覺質量唔錯。燒好後既鰻魚肉質都鮮嫩，沾埋醬汁令口感更豐富星

見好多人ig share, 星期六2個人去試一試 6-7點店舖都未坐滿叫左個醬油蟹set, 草莓牛奶蜂蜜個飲品，同燒鰻魚醬油蟹set$298，無得單點一隻蟹， 要焗住連醬油蝦一齊叫， 蟹size 細細隻 都好味既但好唔夠喉 😅 2個人又無可能叫多set ，紫菜飯麻油無咩， 就只是白飯加小小紫菜係面草莓牛奶$95 味道普通， 但好靚， 打卡一流燒鰻魚 $198 有5塊， 魚肉都好彈牙好味既其中4舊都無骨，但有一舊就好多骨 我老公成舊都食唔到吐番出來 前菜有6小格， 無得添的 食完就無服務：普通，當係韓式茶餐廳咁，上餐速度好快有澳牛feel, 連自己燒鰻魚 40分鐘左右我地就食完走了燒鰻魚要小心 佢個鐵板會成日彈油出黎， 我地彈到幾次手，仲有次彈到去眼，好痛🥲總括而言我太高期望😅 見其他人有預約鰻魚同醬油蟹都有優惠價的話是ok 的，但walkin價性價比就唔ok了 份量太小

突然好想食韓國菜就搵到大角咀呢間試試呢到嘅裝修係模仿返韓國嗰種大排檔，門都冇，只係用透明膠簾擋不過啲風吹到入腳真係好凍，啲野食都好快凍醬油蟹膏蟹肉拌飯🌟4.5/5撈埋一齊之後其實食唔出邊啲係蟹膏，邊啲係蟹肉但就真係好好食，推薦俾中意食撈飯嘅人新沙洞炸雞半份-蒜蓉醬油味🌟4/5正常發揮，雞塊大舊，唔會好鞋口，但略嫌啲醬太稀草莓牛奶配蜂巢特飲(兩人份)$88 🌟2.5/5 呢個不推，蜂巢融唔到入草莓牛奶，到真係融嗰陣就會超級甜只係打卡飲料，完全唔值一坐低就會送上小菜，跟足韓國掛住韓國可以嚟體驗下，試一次可以，再多就未必啦

💯 Last night, my friend and I visited the renowned Korean restaurant, Sinsa-dong Pocha, which has gained popularity on social media. The restaurant's decor transported us to Korea, providing a vibrant ambiance and numerous photo opportunities. We indulged in the following dishes:1️⃣ Signature Soy Sauce Crab Platter with Seaweed Rice ($298) - The soy sauce crab is made with 100% premium Yanping Island crabs, ensuring freshness and quality. Freshly marinated crabs are delivered regularly, guaranteei

今日同朋友食飯，佢介紹咗我去大角咀一間食韓國菜嘅餐廳，我哋去到八點幾坐滿晒人，餐廳嘅報紙都好似韓國街邊嘅大排檔，好有風味首先佢上咗6碟前菜，碟碟各有特色，好好味，特別鍾意佢嘅辣醬茄子另外我哋嗌咗醬油蟹拼盤配伴飯 佢有一大隻醬油蟹同埋四隻蝦，醃得好入味，撈飯一流我哋仲叫咗個芝士炸蝦紫菜飯卷，炸蝦好鬆脆食韓國野點可以唔食炸雞？佢嘅炸雞半份都好多件，將油蒜香好惹味飲品我哋叫咗蜂巢米酒，有一大粒蜂巢杯，飲得又食得PS 而家做緊醬油蟹優惠 原價298而家198!!

呢間餐廳果然人氣高企，八點後才去食都仍然爆滿要等位。裝潢是韓國大排檔風格，不過超多霓虹燈牌，反而感覺好科幻。以QR code下單非常方便，不過我最想食的鐵板燒鰻魚已經售罄，食唔到彈牙厚肉的鰻魚，唯有點份同樣出名的鐵板燒濟洲黑毛豬及其他菜式吧。鐵板燒濟洲黑毛豬配生菜拼盤 $188小火爐傳熱都幾快，豬肉燒幾下就好快熟，黑毛豬肉質軟嫩，肥瘦均勻，煎完以後香氣足且多汁，夾埋生菜食一流！新沙洞炸雞半份-柚子味 $95炸雞外皮炸得酥脆，雞肉都鮮嫩，不過主要味道來自於外層的柚子醬汁，甜甜的，清新開胃唔油膩。泡菜煎餅 $105煎餅入口都算酥脆，粉不會太厚，油膩感亦不重，但如果泡菜味道再香濃一點就更好食。韓式牛肉炒粉絲 $108）牛肉份量都唔少，但炒的方式令肉質顯得較乾身，最好味的是粉絲，好入味又口感煙韌。脆炸年糕配韓式辣醬 $68雖說是韓式辣醬但不會太辣，炸過的年糕外層脆裡面軟，煙煙韌韌的。草莓牛奶配蜂巢特飲（2人份）$95賣相有趣，每杯有半粒草莓加蜂巢，倒進草莓牛奶後，一定要再攪拌等蜂蜜融合牛奶中，越飲越香甜。當晚見到有兩檯客人慶生切蛋糕，呢間餐廳又確係聚會之選，氣氛一流。

人氣韓式大排檔，見IG不停咁推咪去試吓，首先總結成個用餐體驗最深刻嘅嘢係，入坐開始會提你幾次90分鐘用餐,個別服務員會黑口黑面同你講’個汁唔好倒落去呀下用黎點架‘ 同埋要叫先會有一杯水俾你飲。環境係幾靚嘅有好多韓式嘅裝飾門口亦都有韓式大排檔嘅感覺入去本身滿心歡喜坐落就大大不同叫左個燒黑豚肉，一個米酒，泡菜餅，同蟹膏拌飯。個人覺得個燒肉唔太突出，唔係特別香，豬肉一件，當然一開始有人同你講唔好倒個汁落下呀下係好難忘啦，米酒有蜂巢係幾好味，泡菜餅厚味道ok ，蟹膏連紫菜本身應該都好難唔好食，不過冇咩蟹膏的。埋單$7xx🤗IG打卡可以，食物同服務不要有要求就可以啦🤗

我都知道而加呢個季節唔係食蟹既時候，但呢間真心個人覺得麻麻地，CP值低！食物一般，味道個人覺得麻麻地，海鮮煎餅啲粉有d厚，完全唔係個樣野黎，可惜冇影到個煎餅醬油蟹冇得單點，係韓國食過人地係可以逐隻叫黎食，呢到只可以套餐咁叫，感覺有啲限制環境地方狹窄，其實人流唔算多，紅日都冇人係出面等位3個人俾張細枱，放食物都係岩岩好夠擺，只叫了2份醬油蟹套餐、一份海鮮煎餅、一碗醬油蟹膏飯雖然食用時間有90分鐘，但我地食唔夠一個鐘就離場了，因為環境氣氛都一般

呢間位於大角咀充滿韓國大排檔風味嘅餐廳👧🏻就已經想拜訪好耐！今次終於約到朋友一齊試！餐廳嘅擺設非常適合打卡，難怪閒日未夠18:30就已經滿座！建議大家記住預先訂位！🌟前菜入座時餐廳先提供六款小菜，有泡菜、兩款大豆芽（辣/不辣）、醃蘿蔔、茄子同薯仔煙肉沙律🥔。🌟鐵板燒濟州黑毛豬配生菜拼盤用一個小鐵板烤熟切得四四方方嘅黑毛豬腩肉，豬腩肉肥瘦均勻。沾上秘製醬汁，再用生菜包裹着，食落完全唔會覺得油膩。🌟韓式水冷麵水冷麵嘅蕎麥麵底夠爽口彈牙，湯底個人認為比平時出面食嘅更濃味，鹹味比較突出，反而甜味（雪梨味）就唔係太明顯。配料就有青瓜絲、蘿蔔絲、蛋，而醬汁就可以配上芥末醬同醋。🌟新沙洞炸雞半份-柚子味呢度嘅炸雞可以叫一份或者半份，大家可以因應食量而點餐，十分體貼。炸雞有三款口味，包括甜辣味、柚子味等。呢度嘅炸雞已事先去骨，炸衣超薄又脆，好似食得薯片咁，炸雞🍗亦相當多肉汁。🌟韓式醬牛肉紫菜飯卷紫菜飯卷除左有醬牛肉，仲有紫蘇葉、醃蘿蔔、青瓜🥒、蛋絲同紅蘿蔔。份量十足，飯卷都幾紮實。🌟招牌原粒蜂巢蜜米酒又係👧🏻見到必點既飲品，一份係二人份量。每杯已放置蜂巢蜜糖🍯，用甜香嘅蜂蜜配上韓式馬格利米酒🍶，非常容

平時閒閒哋食返餐似樣嘅韓國菜都差不多百幾起跳，而依間係一個字「抵」，店內有唔少海報作報置，添加唔少生氣～ 食物方面種類可以話非常齊全，人氣炸雞，鐵板料理，湯品，水冷麵，韓國小食等幾十款菜式，滿足大家既口味! // 🦀🦐新沙洞招牌醬油蟹拼盤配紫菜拌飯今次同朋友特意來食佢地招牌的醬油蟹，醬油蟹係用最頂級的延平島膏蟹，夾埋甜醬油以及蟹膏一齊食真係好滋味！醬油蟹嘅蟹膏份量都唔少，而且夠晒鮮甜 。//泡菜煎餅外層煎得香脆，入面食得出泡菜粒，帶煙韌感～ 味道酸酸辣辣，非常適合送酒//新沙洞炸雞半份- 甜辣味外層炸得夠脆而且肉質都嫩滑，不過少左啲雞肉味//韓式水冷麵味道可以平衡返其他的油膩感//泡菜豬肉豆腐湯//炸蝦芝士紫菜飯卷