新檀香山茶餐廳

营业中

休息中

好普通好普通好普通。外賣叫咗70幾蚊，料勁少，圖片已經是全部的羊肉，只有薄薄的三四片。湯底毫無特色，不辣也不香，甚至有啲難食，完全唔知自己食緊啲咩，不如去食譚仔好過。

讲真，啲嘢食味道普普通通。重点想讲服务：搬咗嚟附近差唔多个月，成日经过都未试过。今日特登去食嘢，点知俾个阿姐闹咗一餐！我用手机NFC嘟完，部机响咗声，手机又显示完成转账。我梗系以为搞掂啦，点知佢话未过数。我再嘟多次，部机仲响紧，我以为得咗就收手。点知佢又话未得，我反问「明明显示成功㗎啦？」你哋正常话未收到就得啦，点知个阿姐係都要加多句：「我哋唔会为几十蚊扣你几次钱㗎！」讲到停唔到口，我行出门口仲听到佢同其他客碎碎念。 开门做生意最紧要和气生财，如果系老闆请记住呢点，如果系打工嘅都请记住——返工系做嘢唔系发脾气，我哋嚟食饭唔系嚟受气。淨系俾劣评呢个黑面服务员，其他伙计都几好倾。

第二次過來了，上一次食了葡式早餐覺得好唔錯，本來寫了報告但唔知點解冇登出，所以趁今日再次幫襯，再寫一次，尤其我特別欣賞其葡色早餐，不過今次走樣了蕃茄牛腩餐肉通粉，碎牛腩雖然比較少不過份量夠大，餐肉再粗身少少然後茄汁再濃一啲就更好不過，以38元的早餐我覺得可以接受今日批評原因是上次食個配上奶醬豬仔包，又熱又好食，今次竟然沒有花生醬簡直是圖文不符，奇怪時店員阿姨建議我叫這一個，所以才沒有叫肉鬆豬仔包或者火腿豬仔包。至於奶茶可以話相當普通，未至於難飲但絕對稱不上有水準。雖然以上的都批評，但總體而言38元如果有這個出品，我覺得還是中規中舉，就不幸地比上次差

小朋友喺紅磡學魔術，呢排多咗嚟紅磡食嘢，趁佢上堂時間食少少嘢，基本上都係圍繞上堂地方附近食，老公好欣賞呢間餐廳嘅羊肉，佢話食完羊肉香味留好耐。正宗清湯羊肉粉，粉係米線，羊肉係好新鮮。招牌紅油羊肉麵，麵係拉麵，食辣揀呢個。羊雜麵，嗰雜好碎。花生西多士，呢個都唔錯。煎貴州黃粑，好難食，黑糖又少，得下面嗰塊有，成口黃豆粉，裏面又未熟，成口油。手工糍粑，呢個好好多，熱辣辣，外脆內軟，糖又夠。粉麵冷熱飲都要加錢。

好幾個月前朋友黎食過話好難食，佢當時食XO醬涼瓜牛肉飯，入口唔辣不特止，仲要係甜嘅，不倫不類😂是日經過見佢有客，心諗比多次機會佢啦。⭐口水雞飯朋友今次試口水雞，呢個餐唔包餐飲，價錢$58都合理嘅。上到枱賣相正常，伙記仲比多隻碗做骨碟。點知食落除左兩件雞脾肉外，其他全部係雞轉彎，佢咁講我仲唔知係咩黎，上網search下原來雞翼個L位真係叫轉彎，哈哈，長知識了🤣點解一碟口水雞會有8件轉彎位，其他啲雞件去左邊呢？口水汁味道係正常嘅，只係碟雞無肉食啫。⭐窩蛋免治牛飯自己點左窩蛋牛飯，同樣$58呢個有餐飲，賣相奇怪，飯同醬分開上😂唔知隻蛋係咪生食用，雖然都唔覺得係，正所謂叫得呢樣就預左有風險，至少食完無肚屙。個肉醬其實味道都ok嘅，但洋蔥、香葉等調味全部欠奉，係一個茄汁肉醬囉，加上味道偏淡，落啲辣椒油撘救下。⭐熱檸茶 & 阿華田全餐最正常嘅野，但叫熱檸水比左熱檸茶，算啦。餐廳格局、餐牌、食物款式都好國内，其實佢唔做港式茶餐廳會唔會好啲？食物未至於難食到入唔到口，但個人黎講就無下次了😂

点解茶餐廳都寫食評，其實應該冇乜期望。重要喺一般的茶餐廳。所以今次喺因為個經典菠蘿油，一款冇可能難食的食物。。。而新間新檀香山茶記，居然可以做到。。一個似受潮的老婆餅，菠蘿包上面的脆皮同個包合為一個軟體🙈.我祇吃了5分I。因為真真吃不下了。好嬲佢令我浪費食物😤至於我点的米粉常餐，對一般茶記都冇乜大要求。不過，我的煎蛋五香肉丁米，肉丁少到祗有兩三粒。而湯米本身冇味，祇靠D罐頭肉丁🙄可以想像到味道 哈哈哈。。。。順便一提佢地服務，我点餐時，要求熱奶茶多奶後上。職員話可以。而當我order茶時，已講明喺米粉餐茶，再另加菠蘿油(有点謂口吧🤭好耐冇食，好想食嘛), 都有問菠蘿包是否熱的，答案是的。結果喺如上評述。。。。佢應該喺叮熱而吾喺焗熱，咁我忍吾住比D意見D職員，点解個菠蘿包用微波爐番熱，而吾喺用焗爐？佢哋話我冇講😖

家人搬到附近，星期六1:55pm坐下。見 2pm下午茶，問職員可否点茶餐，說可以。我們3人各点了茶餐。我要求我的熱奶茶後上。說可以，叫我order時講聲。之後，我点餐茶時，另外再叫了菠蘿油。已問菠蘿包是否熱上，說喺。結果喺一個微波爐叮熱的貌似菠蘿包的軟體包。重未見過如此難食的菠蘿油。還有，竟然收我套餐價錢，問職員，話我点了飲品。我話喺米粉餐的，order時已聲名。跟著有個老太婆，可能喺事頭婆，大聲插口話，落餐時要order 埋飲品，冇後上規矩。又話之前落单亞姐已放工。然後就不停鬧我，又周圍同D客人鬧我，同鬧D職員，話以後落餐，飲品吾可後上。當然，最後個菠蘿油改返15蚊。我同家人以後都吾會幫襯。而且D嘢食比一般茶餐廳差太遠。我重來祗會寫好的comments, 如果餐廳特別好。但吾好的，我吾會花時間寫。但呢間新檀香山，真真需要檢討。

睇到門口啲相，以為會好有風味，所以入去一試。叫咗碗小菇燉雞粉（粉即係米線，可以揀麵但要加$3 唔知係乜麵所以唔加）碗粉嚟到一心諗住係雞湯味，點知佢係冇乜味，唔怪之每枱有辣椒油嗰啲同埋有「鹽」！其實當你主打少鹽健康都ok嘅，但啲雞肉少到呢！仲要係啲碎頭碎尾嘅部位！不過就算佢俾多你，你都唔會想食，因為鞋到爆，總之就係俾咗$50食咗一碗劣食食完實在好想留言，等其他人唔好中伏，跟住就見到原來有人評論過，如果我有睇到佢個評語，就唔會出現我呢個評語啦，唉～

巴士站落車，是但搵間食個晚飯，呢間兩步就到，入去試下。叫左個羊肉粉，啲羊肉小到不得了，少少韌，重點係成碗嘢都冇味，食到有啲懷疑人生。碗羊肉粉難食都算，叫咗杯酸梅湯，完全唔係個回事呀大哥，我只係追求最普通個隻味，佢唔知比左咩我飲，比藥水仲難飲，完全搞唔掂，飲咗兩啖就放棄，埋單走人。成間餐廳嘅佈置、坐位、餐具都好有大陸style。夜晚冇乜人食，一個人可以坐卡位係唯一優點。我發誓唔會再去呢間顛覆食物味道既餐廳。