新樂餐廳 (已結業)

朋友介紹話不錯所以一齊去試吓，比想像中好，價錢適中，其實同食自助餐分別不大，選咗主菜出面的嘢就任食，同食下午茶自助餐相似，有沙律、冷麵、中西湯、麵包、少许熱食、甜品蛋糕、雪糕、格仔餅等，而我的主菜是，超好味，所以由開始食的一刻未講過一句話，只顧享受我的豬仔骨，再連飲四碗中湯(准山紀子响螺煲老雞)，格仔餅也不錯，蛋糕也美味，而雪糕也不要錯過(芝麻/红豆)，提醒各位一去到先出去取嘢食，慢慢才選主莱，因有些食物食完會轉換另一款，而且要睇少佢，我昨晚去就勁多人，主菜由$78至$138，再加一，我的豬仔骨要$88，本人覺得抵食，而且佢哋的服務好，環境就不大，可能我飲咗熱湯，覺得不夠冷氣，但我會再帶朋友去食！^__^

因為工作關係，被客戶邀請參加一個晚餐聚會。對方係某個街坊福利團體，資源短缺，所以聚會選在這間兩星級酒店都可以理解。雖然食物簡陋，味道惡劣，待應服務愛理不理，環境陳舊，但難得各叔父濟濟一堂，溫情暖暖，便不計較。當晚係半自助晚餐形式，有沙拉吧（當中的英式芥末薯仔沙律和酸椰菜比較像樣），湯吧（忌廉湯、中式豬肉湯），甜品吧（係普通貨色，如：馬豆糕、瑞士卷…），啡茶吧（只供熱飲）。主菜由$78 起（有火腿扒飯、紅酒鹹豬手飯、T 骨扒、牛柳、西冷扒…等。）牛扒纇份量足，亦像樣。我選了所謂豬手飯，兩個字「垃圾」！但見其他叔父吃得開心，亦拼命吞掉那又鹹又硬的所謂豬手飯！免得一班叔父客戶以為我呢位世侄嫌棄這餐廳…。話曬對方都係我個客！唉！商業應酬就是這樣。

夜晚同朋友想坐耐ｄ傾下計，係尖沙咀又唔想太多人，呢度食都係＄１１０連加一賣單，夜晚食嘢價錢都算ｏｋ，所以揀咗呢度落腳。夜晚半自助晚餐,$78-$128一位,視付主菜而定,主菜選擇都多,大約有１０款，牛扒、羊扒、魚柳等，都算大件，食得飽既，味道不過不失。其他任食既有沙律，湯，少量甜品，及飲品，任食既東西就唔多好味，賣相一般，咁既價錢都唔會期望太高。湯係普通茶餐廳既豬骨湯同鯪魚湯。沙律得粟米紅腰豆，仲要自己加沙律醬撈混。甜品款式不多，而且太甜，款式似茶餐廳賣既蛋糕，ｐｕｆｆ算係最落得肚。雪糕得芝麻及紅豆味。侍應服務不錯，換碟算快。環境則一般，都算坐得ｏｋ既，入面少少暗，靚就唔靚架喇，見酒店的外形都想像到，但人都唔算太多，想傾計又唔想多人可以諗下呢度。

吃平價半自助餐的好地方，自助食品種類不多，但多次上去食主菜羊扒都保持不錯的水準。地方不太大，但環境乾淨，人也不算太多，傾計的好地方。

同舊同事相聚,有人提議呢度,此處係食半自助晚餐:-沙律吧任食, 有沙律(生菜,粟米,紅腰豆,薯仔沙律)餐湯(cream soup),甜品(涼粉,蛋糕,cheese cake,雪糕),小食(冷麵,雞亦尖),等等coffee/tea-任飲Main course-大部份係牛類,都有羊架,蝦, 約由($98-$128)我只係食沙律,小小chocolate cake,涼粉同牛柳,味道一般,唔係甘合我口味,服務幾好,經理有問必答,又幫我地加調味.整體一般,地方方便同少人,傾計都幾好,但應該無下次!

已經多年冇食呢度的西餐, 今次舊地重遊, 所有環境都變了好多...Order了兩個半自助Dinner 首先餐湯有兩款中湯: 魚湯- 味道有點腥...西湯: 羅宋湯- OK! 入面好多菜... 沙律: 依稀記得有2-3款, 當中薯仔沙律最好食. 主菜:- 華盛頓龍利柳: 不過不失, 個汁比較咸.- 香煎倉魚拼焗生蠔: 味道比較咸, 好多油去煎, 感覺好肥膩. 甜品:好少選擇, 賣相唔掂! 試酥皮香蕉卷及格仔餅, 但味道一般! 整體真係麻麻, 下次未必再食.

同男朋友行過就試下啦...不過無下次啦...湯既味...怪怪的...沙律都算ok...主菜食燒春雞...西冷扒....只熟一般....甜品就....除左jelly糖...就係jelly糖...服務一般...環境...唔似酒店囉...不過可以接受...不過由於d野食唔係太理想...所以無下次lu...

星期五晚同朋友吃半自助餐,人頗多但未滿坐,沙拉及甜品也OK,主菜叫了牛扒,生熟程度做得好好,有牛味,主菜由$68-$128,十分抵食。其waffle及馬豆糕十分美味,龍蝦湯也不錯但不夠濃。會再來。

西湯普通，中湯較好。水果選擇很少。收碟速度有待改善。麵包可以自己烘，不錯。豬仔骨和牛脷飯都普通。甜品一般都太甜，八時多就不再添，芝士蛋糕只有一個，沒添過。雪糕有兩款：芝麻及曲奇妙趣，都好味，芝麻味濃，不過還是較喜歡曲奇妙趣。熱盤只有通菜一樣。環境一般，冷氣很冷（可能我們坐的位置特別凍，因為很多出風口）一句話：甚麼都普普通通

中式FEEL,西式食物。價錢同据扒差不多,價錢約$68-128不等,有十款選擇。沙律同甜品都可任食,你哋話去邊道(伊)﹗豬仔骨......正,羊架.....正正正餐前自製蒜蓉飽,要幾脆就有幾脆。餐湯有中西兩種,中)鱆魚節瓜湯;西)田螺忌廉魚翅湯西湯簡直一流,令你一碗接一碗。我兩公婆都喝了三碗！生果有雪糕也有,好味的芝麻味啊！！待應生人手不多,但收碟速度快快快！

同女友兩個人一齊去食，叫了羊架同牛扒，五成熟！先食牛再食羊，牛扒味道好！有碳燒o既香味，林之餘有牛味、無比梳打粉嗱過！羊比牛更好味…嫩滑而重肉味，加d 芥辣同薄荷醬仲正！半Buffet 每一一舊水都唔駛實在無敵，除了主菜，其他所有東西都是任食的！依個質數比想像中還要好得多！

前兩係度食飯,坐落舒服左好多....原本全店換左新櫈呀~good 啦.....不過d 野食就差左dd.....d steak 叫5成變左8成熟...7成就變左10成熟.....可能個晚師傅心情唔好啦.....希望下次唔會咁啦.~~~~

上個月已經食過一次, 今晚再同朋友o黎食飯, 真係覺得好抵食, 想同大家分享下.此酒店比較舊, 看得出是80年代的裝修, 但保養得幾好. 好有懷舊的感覺. 我o地一行四人, 晚上7:00到, 人唔多, 大約只有一半人入坐.每人一個Main Course, 那麼就可享用自助Salad Bar / 湯/ 麵包/ 甜品/ 雪糕/ 咖啡, 茶.....等.而我最欣賞的是餐湯- 無論中湯或西湯, 都好好味. 而麵包(有餐包/牛角包/白方包/蒜蓉包)可經烘爐翻熱, 熱辣辣的麵包. 真係好掂!而Main Course 都正, 除了有肉類之外, 更有菜+薯角+薯蓉+螺絲粉+甘筍. 口感豐富.埋單每人約$102. 試到咁多o野, 真抵.

2006年3月6日,今天我們到此餐廳have dinner .環境:雖然無景睇,無窗,但勝在人不多 (人客通常都較大年紀)食物:自選扒餐,價錢約$68-98不等,有十款選擇. 我們叫了T骨牛扒及牛柳.8成熟. (T骨牛扒較軟熟及大塊,牛柳較細塊, 有薯蓉,紅蘿白及小許鏍絲粉伴碟) 味道不錯!自助食物:熟食只有菜心.麵包 有薯仔沙津,生果沙津,新鮮生果,生菜及蕃茄仔等 二款湯(中湯及西湯) 啫哩,雪糕.一款芝士蛋糕及慕絲裝潢:比較舊式飲品:$10買一送一 (有百事可樂,雪碧,橙汁,紅酒及啤酒仕揀)服務:仕應生人手不多,有大約4-5位(但都幾好服務)價錢:2人消費都係$206,扺!

有食自助餐的感覺，亦有不錯的西餐感覺。除主菜外，其他全部係自助的，有不錯的水準，雖然選擇不多。我好鍾意佢d沙律呀!!