影片
食家推介
招牌菜
见杜汶泽介绍呢间海南鸡饭特登过黎朝圣呢排夏天天气好热好彩佢安排到冷气地方唔使食到成身汗见到台台都食海南鸡应该系招牌菜就等我试下佢啦$47海南鸡饭加$2有冻饮我加咗杯冻奶茶等左唔够5分钟店员就送上饭餐海南鸡鸡肉嫩滑鸡味浓郁沾上酸酸地嘅酱汁非常开胃惹味饭既份量亦非常多非常入味粒粒分明捞埋啲海南鸡酱汁真系食到停唔到口冻奶茶正常发挥如果茶味浓啲会更好埋单$49位食到好饱店员都好有礼貌熟食市场近年执左好多个买少见少希望大家有时间都可以多多支持
继续阅读
作为2020 年最后一个午饭, 呢个烧汁煎肉饼饭简直令人失望呀! 落完单到出外卖, 等咗15 分钟先出。返到公司一打开饭盒, 个烧汁同我想像嘅好唔同, 我想像嘅烧汁系日式烧汁咁, 呢个似献多D。肉饼只有3 旧, 不过煎得好好! 饭占咗4 分3 盒 奶茶几滑! 虾酱芥兰牛肉饭另一日叫咗虾酱芥兰牛肉饭, 闻落好香虾酱味, 但食落唔觉。菜都偏少, 而且牛肉系"拿" 到好淋但冇牛肉味的! 结论: 下次都系食饭海南鸡饭好了。
继续阅读
短期内再次帮衬新乐园外卖, 今次就食返我最钟意既海南鸡饭啦! 实在好耐冇食啦! 除左平日个女店员外, 今日仲见到另一个新既男店员, 态度都好好!今日咁岩冇乜人买外卖, 所以只系等左5 分钟左右就有得拎啦! 讲返个鸡饭先, D 鸡系去晒骨, 而且好多肉! 唔驶LUR 骨真系好方便, 亦可以好专心咁品尝D 鸡。鸡一如以往般滑嫩, 好入味! 饭系油饭, 但系呢排D 饭我觉得湿左D! 而且冇以前咁有味! 有少少失望! 不过整体黎讲, 呢度既海南鸡饭依然系我最喜爱既海南鸡饭!
继续阅读
情人节先嚟冇面包🥯今天去行山，先到荃湾的柴湾角熟食市场吃早餐，有些店舖仍在放新春假期，有些则要吃指定套餐。我们选择了新乐园，本来想食一个三文治套餐，但店员说今天没有面包供应，下，早餐冇面包像缺少了什么似的。其实供应商应该已开工，如果唔系都应该从市面上选购以供客人享用。餐饮的奶茶几好，有茶味，够滑，给早上来个醒醒神。我的D餐 鲍鱼丝通粉、火腿煎蛋、牛油方包(冇面包当然冇牛油啦），他们的餐牌应该是写 倣鲍鱼丝通粉哦，味道但是不错，通粉煑得刚刚好。F餐 回锅肉煎蛋面套餐 卖相就不太好，但二大片回锅肉也几好味，早完早餐便开始上山去。
继续阅读
畸宝人会叫柴湾角𠮶排熟食档叫大档，呢间系畸宝人至爱饭堂之一，本人一星期至少会食一次。畸宝人都会叫佢「泰婆」，叫佢新乐园反而无人知你想去边度食。有个水mark mark嘅泰裔事头婆，经常笑容满面。大牌档当然有户外位，呢度头顶部电视播嘅电影仲新过有线电影台。佢都有一个板间室内冷气房，密密坐大约可坐30人。挂住泰王嘅相，又有寄卖啲泰国手工布袋，大牌档中的异国情怀。除泰式之选外，午餐都有两三款港式炒面饭，照顾唔同客人需要。我叫得最多系阿泽都赞好嘅海南鸡，讲真四十几蚊又唔好要求只鸡会识飞，我觉得最重点系个泰式酸辣姜蓉汁，单单系佢都送到几碗饭。lunch迟咗去有时油饭会卖哂，得白饭。有时转吓口味，猪手饭都唔错，好冧好入味好多骨胶原。叻沙个汤底就无黑色百胜厨即食面咁香浓，不过都唔差。黄咖喱充满椰香，配炸脾或猪扒都系超大份。畀钱系食完自己行去老板娘度讲自己食过咩，大家讲个信字。
继续阅读
您可能会有兴趣的...