新曼谷泰國菜館 (已結業)

幫襯過幾次都覺得唔錯冬蔭功湯河- 好味!!各款飲品都只係十幾蚊又唔收加一, ok抵食不過環境就麻麻

地方好窄,好似唔係幾乾淨。由於沒有關門，把外面的煙味吹晒入黎。香蒜椰菜苗–好老, overcooked。豬頸肉–幾香，好味。泰式金邊粉–蝦幾大隻。魚餅–原本想拼春卷，但已沽清。魚餅新鮮熱辣。但有點油。

上網搵了這間, 試後覺得唔差, 叫了:泰式生蝦: 夠冰凍, 好新鮮, 最開心係兩個人唔駛爭食泰式拼盤: 蝦餅- 幾好食, 唔錯/ 雞肉串燒- 還有肉汁, 不會太乾咖哩炒蟹: 好大隻蟹呀, 不過咖哩唔辣, 普普通通啦.蒜蓉包: 又香蒜蓉味, 又夠脆, 仲要熱辣辣, 一流...泰式蠔仔蛋: 外觀真係唔得, 但係估唔到咁好食~ 唔同一般又煎又炸, 呢個唔熱氣又好味呢餐又蝦又蟹都係三百幾蚊, 真係超抵食呀.

幾日前開始,不斷嘈住要食生蝦同飲冬陰公湯,睇完OR食評,又咁啱出銅鑼灣,跟住星期六就同bb嚟呢度食,一嘗心願!可能我地坐低都係7點,時間尚早,d餸嚟得好快,同服務唔錯,我地叫咗:生蝦(68蚊):有成12隻,d蝦好肥同好新鮮,夾埋d辣椒同蒜頭點落d醬汁,勁好味呀,蝦又爽又彈牙,good!冬陰公(45蚊-細):有一小鍋,有2隻蝦,磨菇同蕃茄仔,小小咸,但都幾好味,2個人好夠飲馬拉棧炒通菜(38蚊),呢個都唔錯,味偏濃,但多咗少少油蝦醬炒飯(38蚊):炒得幾乾身,有臘腸,肉鬆同蛋喺面,唔太濃味,幾好食,但bb就嫌佢唔夠味,我就覺得ok青檸梳打(12蚊):算抵,幾大杯,但飲到底,覺得好甜吓,要溝淡少少先得.埋單201,我覺得好ok,後尾計番,佢地無加一,同埋服務唔錯,亞姐快手快腳,會encore,下次會試吓附近間泰成,邊間好味d!

此餐\\\廳我本人已經食左好多次,如果你本身勁喜愛食生野既話,本人極力推介生奄蝦及\\\"獅蛤\\\"(唔係好知點寫)(同音:獅坎)!另外亦都好鍾意佢\\\地d串燒豬同埋串燒鱔......超正!係你落左order之後先即時燒的,所以一定要有耐性先好叫串燒食呀.....哈!p.s. 全日不收加一的!

早兩天和男友到此吃晚飯我們吃酸甜鴨胸和燒豬"laak"骨(ribs)酸甜鴨胸不錯，沒有好似其他餐廳咁勁落醋，很開胃，燒豬"laak"骨好香，即叫即燒，很多汁！！！整體不錯，可以一吃。

上星期同老公收工去食2次, 都係叫酸辣青檸明爐烏頭, hk$108, 價錢都ok, 唔會貴, 但係好好味, 好味到無得頂。還有, 佢地的炒什菜好正，好夠獲氣，好香, 好夠蒜容。最後係蒜容包，HK$15有6件，好鬆好脆。雖然環境就一般, 但值得一食!!

又係遲來的食評...上兩個星期去銅鑼灣睇戲，決定去登龍街搵食。太太見『開飯』食評唔錯，一心試下。冇乜特別想食，就是旦點泰式燒肉炒芥蘭、牛肉炒粉絲、小食拼盤，食豪，加個凍檸樂& 檸七。泰式燒肉層皮有似燒肉，但肉質其實有似我地o既臘肉，不過香口。唔怕硬的話，食落都幾特別同幾好食。芥蘭雖然冇特別，但味道都幾得。牛肉炒粉絲o既配菜好多，有喧賓奪主o既感覺。牛肉唔韌，而粉絲就煙煙韌韌，味道酸酸辣辣咁幾開胃，唔錯。拼盤原來要自己揀，結果揀雞串拼蝦餅。串燒講求個沙嗲醬，呢道沙嗲醬幾香幾好味，合格。蝦餅好油，帶有咸蝦味？！味道幾得意。檸樂用青檸，總覺得唔及黃檸檬好...個人喜好吧。碟頭唔算大，但味道算唔錯，價錢都可以！p.s. 佢地好似有下午茶餐，應該抵食。

14-7-07 (六) 午餐中午驕陽似火，胡亂走入這間餐廳，價錢雖然相宜，但環境一般。又叫了三個餐都是海鮮的，結果好像食了很多鮮鱿魚，這個月内都不要再吃魷魚了。不過，炒粉都很有穫氣，又不太油不太鹹。如果食得辣，會有很多選擇，整個午餐見到人流不少。

下午4點多,食左一個印尼炒飯(牛肉),$30 only好好食抵佢平時咁多人^^

5-5-2006 1946與大學舊同學睇完戲後晚膳，由他人作出選擇，這裡都要等10分鐘先有得食。4人共點了六道菜。第1道菜跑出係豬頸肉炒通菜，豬頸肉非常之硬及乾，這類應該係放冬蔭公湯內先至正確，而菜炒得不錯。炒什菜裡有紅蘿蔔、四季豆、雲耳、雞脾菇，還有蝦仁，炒得中規中矩，只要唔油及鹹已經好好；泰式炒飯有點似咖喱炒飯，有少少辣味，炒得也不差。泰式蠔仔餅用鐵板上，底部有芽菜仔(如圖)，煎得頗香緣固，蛋過老，又食唔到魚露的香味，不合格；泰式拼盤有豬肉、蝦餅及春卷，春卷炸得過火左，變得不脆而硬，豬肉及蝦餅油左的，而附上的醬料有甜酸、酸梅及辣椒豉油，算係咁；而牛肉串燒雖燒得入味，但個花生醬唔夠濃味，又是差少少叫做突出。除了菜式外，我也叫了成個椰青飲及食其裡的肉，好清甜。整體上不過不失，或由於人客及等客也不少，資源分配上唔係咁好，又未至於差爆，但都不會再來食了。

本來想試泰成，無奈不能訂位，因為不想等，訂了新曼谷。準時8:30pm到達，都要等十分鐘。我們不在地鋪，上了一樓。那只是一間屋子放幾張枱，根本不是一間餐廳!而且我們訂了位仍要與另一對情侶搭枱。但不想再等，我們唯有就範。點了火車頭炒飯($35)、串燒(豬$38)、燒肉炒芥蘭($35)、紅豆冰($10)。火車頭炒飯:我們選了雞肉，配料還有少許蛋、菜，因為不辣，好像不太惹味，而男友就覺得是最好食的一味。燒肉炒芥蘭:芥蘭不錯，份量足夠，但燒肉有點似叉燒，有點肥膩，我也沒有多食。但男友卻說不錯，比串燒的豬肉還好食，於是他又清碟了!串燒:唯有可取的是醬汁，豬肉燒得太乾，而且又切得厚實，不討好，也是食剩的原因。紅豆冰:頗大杯，粒粒紅豆有咬口，椰汁味夠。由於要由地鋪將菜送過來，感到有點不衛生。不加一是很好，但是埋單應是$118，但卻收我們$121。我們也沒有跟他們理論，只是快快給錢走就是了。究竟那$3何去何從，就不得而知了，只知道我們若再來cwb食泰菜，會去試試泰成。

叫左個肥牛炒粉絲﹑炒雜菜同埋小食拼盤(雞﹑蝦餅)小食拼盤分量幾多﹐蝦餅好彈牙﹐串燒唔算特別好﹐不過點埋個醬唔會差得去邊。炒雜菜個汁好惹味﹐但D菜本身淡淡地﹐都好既唔會太鹹健康D嘛。個粉絲好香﹐唔會碎晒咁﹐幾好。好想叫野飲﹐但佢\D特飲賣相唔多好﹐無叫到。我個friend話試過ok wor.幾好食﹐又抵﹐都會回頭。唯一唔好係D服務﹐D泰國姐姐仔態度頗差﹐非常不耐煩﹐亦唔醒目。不過呢D鋪頭仔仲想有咩服務呀。

尋晚同朋友仔係附近辦完事就係呢條街搵野食, 好似好耐都無食過泰國野所以就揀左呢間, 地方好細, 見到有張二人木台就坐低冬陰功($40) - 湯內有蝦, 草菇, 茄子仔, 和一些香葉, 份量兩個人就剛好, 但味道偏咸青咖哩蝦($55) - 咖哩味不重, 反而有很重椰味, 蝦細細隻幾爽口, 而且份量都幾多, 不過齋食會偏咸, 送白飯就剛剛好鐵板蠔仔蛋($48) - 不似潮式蠔餅咁炸到成餅上, 呢度係蠔和蛋炒到散開, 蠔很軟淋, 唔錯白飯($5)青檸梳打($12) - 很酸埋單$160, 不用加一, 食到好飽, 以CWB來講都算係抵食

八點鐘等位等咗20分鐘，我哋三個人叫咗海鮮沙律，馬拉盞通菜，生牛肉河及明爐鱸魚!上菜太慢la~二十分鐘都未上到菜，牛肉河都要等半個鐘!我地本來係叫酸辣鱸魚架!但係上菜時變咗明爐鱸魚!同個侍應講，佢堅持話le個係!其實根本就兩樣野!價錢都唔同la!唉...............不過太肚餓，無同佢計較!埋單二百蚊!講真服務同食物都係一般，只不過價錢平Ｄ!地方又細!食泰菜梗係去佐敦既泰屋la!我令願比貴Ｄ，坐得舒服Ｄ，Ｄ野食又好味道!