新星茶餐廳

营业中

休息中

今日去食個飯，埋單時自己計多咗收多人錢，同他好聲好氣講反，態度惡劣，之後再搵另一個唔知頭唔路嘅人好似係佢個仔再嚟計，眀明自己計錯數，重好無理又冇禮貌，唔好意思都冇一句，重大大聲話計多你幾蚊佢唔會發達嘅，呢啲咩服務態度！！揾鬼去幫襯😡😡

赤柱半日遊，食個Tea.好多西餐廳，但決定去茶記飲杯奶茶。呢問裝修都好舊茶記feel。。。（遠久以前應幫襯過~！）menu見到雞批沙律，仲駛諗咩。但sorry 啦~伙記話：冇呀。係印錯。雞肶至啱。不過，今日賣哂最後決定：西多士，熱狗加奶茶。伙記伯伯，好風趣咁攞支糖漿來：俾支大長令你。（韓國糖漿）西多士一開四，都算有少心思。（蛋都用多d）食物冇乜侍別，服務出奇友善可愛。唔想係赤柱食好西，都可以考慮呢間。

星期天一行5人到赤柱逛逛，下午想找一個茶餐廳休息一下，就到了這裡。我們5人叫了4杯飲品，因其中一人之前已飲了，幫我們落單的侍應見只叫4杯飲品就大大聲說最低消費每人$35。我們看過餐牌，如果一杯飲品加一個多士也不到$35。我們在門外，餐牌及坐位枱上也沒有標示要最低消費。友人再問侍應才發現那個標示是在最入面的牆上。這時候隔離枱的客人也說不知道有最低消費及説食物難吃，尤其是公仔麵，只是暖暖的又沒有調味，反而有膠味。他們是不會給最低消費的。其實店內只有大概十個客人，下午茶要這個價錢的最低消費有點太多，在旺角或尖沙咀的茶餐廳也沒有最低消費。

放假行水塘來到赤柱，最想做的事是坐低休息兼吃東西。因見有些客，所以選了這間茶記，點了下午茶餐，肉絲炒麵連熱奶茶$42，火腿蛋三文治連熱奶茶$32。等了二十分鐘，只來了兩杯奶茶和三文治，有幾檯客在追食物，他們都比我早來，女侍應解釋因要先做妥單外賣。熱奶茶的奶和茶比例不合我們心意，簡單來說奶少茶多，變得有些澀，火腿蛋三文治，蛋是即煎的，蛋的份量少，不是中間多到壟起那種。各檯的食物在十分鐘後陸續送來，包括我們的肉絲炒麵，但份量少，我的經驗告訴我，一般下午茶餐(連熱飲)的炒粉麵份量大致分為兩種，一種是正常份量，收費約四十多元，另一種是約減半，收費三十多元，這裡收四十二元，所以我期待會是大碟，也許這裡是赤柱，一個遊客區的關係，所有東西都不可以以常理來看。肉絲炒麵很夠鑊氣，夠熱，有芽菜，有肉絲，當然肉絲又是偏少。

今日龍舟比賽，成班人嚟食lunch, 結果食左個最難食嘅滑蛋蝦仁飯⋯首先，之前嚟呢度食午餐都係$42連湯連嘢飲, 今日可能因為龍舟比賽多人，佢就趁火打劫收成$55，仲要無湯。貴都算，你起碼比啲質素我丫。叫左個滑蛋蝦仁飯，諗住之前食過，應該ok, 點知，嘩，個飯唔知係咪營養不良，啲雞蛋少到一個點，只係見到少許蛋花同一堆透明液體。即係咁，雞蛋都唔係啲乜嘢名貴食材，點解要咁樣偷工減料呢。個飯難食到，我個friend食剩左大半碟，陣間都唔知仲有冇力扒龍舟 我地仲未食完，侍應已經叫我地讓啲位出嚟，食物質素同服務態度都唔掂😡

茶餐廳我經常去的，但從未去過一間如此差的，它是一間食物沒水準、侍應服務態度極度差、環境衛生極差、收費非常不合理的茶記⋯首先，一個很普通的常餐，收$55～一丁撈收$55～一杯凍飲，$20～另外，最低消費每人$35，並寫明沒有茶水供應～～～～假如食物質素好、服務態度好，我絕對認為此價錢沒問題的有見過每雙筷子頭都是黑色嗎？$65一份的牛河、送來時好像給人食了一半一樣～而且不是即炒的，亦沒有蠔油醬油香味，牛肉不軟、很難咬開～在不熱及沒有香味情況下，那份牛河的油膩感更強烈了!$65份的星洲炒米，味精很強，星洲米原本應有的那份香及微辣，完全不能在這碟米粉感覺到，我們吃到的極其量只是一份有色的炒米粉罷了。$20的凍檸檬茶是不凍的～它特別之處是只給予了兩片薄檸檬，即使用盡力去篤那兩片如紙薄的檸檬，到最後也喝不到檸檬味。假如上面說的食物價錢是半價的，我還可接受，但以這價錢下對比，會否太過份？另外，最大問題在於人～從來沒有試過有一間茶記是有侍應會鬧客的～亦有侍應是冷言冷語給客人聽的～或許，他們處於遊客區，不愁沒生意，所以根本不懂以禮相待，但我想，待人有禮是最基本的做人態度吧！更何況是做服務業？這家茶記的

有一段時間沒有出來行(行山)了, 這天我們一班行友再發帖相約到港島一遊, 從西灣河起步, 一路經過柏架山, 大潭水塘出赤柱,去到赤柱街市那間似乎有名的牛腩檔, 要乜無乜的情況之下,自已同另外兩個朋友唔想叫d無諗住食嘅野,咁就唯有去搵第二間啦, 但比起以前在這些弄巷內都好難搵到間"茶餐廳", 行咗一陣搵到呢間兩間鋪相連嘅茶餐廳, 行上幾級樓級見裏面都幾多客人就座, 有八成滿, 座落無耐見待應多在避開客人眼光, 落咗柯打無耐聽到近門口有枱客的女生叫埋單, 同時叫他們取消某碟炒野,因為等咗兩個鐘咁話, 真唔真呀?有人會等碟野等兩個鐘?應該主要係投訴呢度出餐出得慢啫,我們等咁約15分鐘, 有野到了, 我跟友人J都叫了最普通的"特餐" $45是否有點過份呢? 內容是奶油豬仔飽, 火腿奄列 & 沙嗲牛飲麵, 如照片所見, 奶油豬仔是少油(為客人健康定老板荷包着想不得而知), 求其唧pea鍊奶上面重要唧出碟邊, 火腿奄列炒埋一堆就算係, 沙嗲牛肉充滿化學味, 個麵基本上還差少少才叫淋囉, 友人R的雜丸河更加難睇, 一睇個賣相就知道執四粒丸落個河粉度就交貨嘅樣, 服務更是嚇人, 有客座低待應會久久不理

入到去坐下說今天太忙做不到下午茶那都沒問題即時改叫個午餐。落了單都好快嚟杯飲品但食物半小時過後問完又問(話幫我跟進)等了再等也沒來(話幫我去睇),原來跟本沒下過單入厨房 。最後等到下午茶都有得供應也沒來後我唔再等了。埋咗杯咖啡錢走人算了。

來到赤柱走走, 今日的赤柱不算多人, 可以靜靜的逛一逛。從前喜歡的赤柱餐廳是搬了嗎? 就試試這一間。我已經吃過了午餐, 他點了他的最愛炒貴刁, 貴刁炒得乾身, 不錯, 不過不夠辣, 而且粉比較碎, 上桌的賣相比較混亂。我的奶油多, 很標準的一種, 檸檬茶很苦...umm...可能都是一間招呼遊客的餐廳。

星期日的赤柱是非常熱鬧，特別在午饍時間人頭湧湧，但一個人揾位覓食會比較容易些！這裏什丸麵有牛丸、墨魚丸、豬肉丸和白魚旦共四粒，什丸粒粒彈牙，麵質是爽口，還奉送汽水一罐！

行到攰想去食個 tea, 行吓行吓嚟到呢間新星, 咁啱有位就入去啦. 叫咗個常餐 & 蜜糖雞翼.常餐 ($38): 五香肉丁 + 腸仔 + 炒蛋 + 餐肉 + 出前撈丁 + 餐飲. 以為佢點撈丁法, 原來係嗰幾樣配料同個出前一丁一齊放喺個碟度, 個味精湯另上. 所以個麵係冇味咖. 咁整都幾好笑喎, 蜜糖雞翼 ($30): 6 隻雞翼. 幾好味喎. 雞翼係生炸. 唔係返炸幾廿次嗰啲. 咬落口仲有肉汁咇出嚟, 嘩, 熱到吖, 熱到咀都腫呀.... 但係佢唔係淋蜜糖, 而係西多士用嘅糖膠. Anyway, 都好好食. 本來想叫個 "醉雞翼麵", 但係落單亞姐話麵當師傅放假冇得叫喎. 下次再去試過.

環境：傳統茶餐廳的格局，但望落櫥房附近很污穢。食物：麵冇蛋味，湯冇味。雲吞只得四粒，皮厚，內裏全部都係豬肉，想搵粒蝦毛都冇。奶茶奶味不夠，好「鞋」。服務：唔知點解整一碗雲吞麵都要等十幾分鐘，但之後來的幾枱客則在落單後唔駛一分鐘就有雲吞麵食。估計求先師傅可能要煲煙，唔得閒煮，煲完煙後就馬上煮幾碗。價錢：26元一份套餐，唔算貴，但唔好食囉！以後唔會再來了！

今日朋友碰巧來到赤柱影相，已過中午時分但仍未吃午餐，所以便到赤柱大街附近先醫醫肚，最後來到橫街內的新星。餐廳位置不大，為傳統港式茶餐廳格局，裝潢欠奉，店內環境殘舊，通道狹小，雖未致於地面濕滑，但也不討好。 年前曾與朋友到來嘗過西式下午茶，質素不算突出但還可接受。今日相若時間再來，選了個午餐，怎料中了伏！ 葡汁海鮮飯：由於午市已過，午餐只餘兩個選擇，從牆上餐牌看到「葡汁海鮮『羅Ｃ粉』」，似乎比較可取，便與朋友同點了。上檯赫見一大堆亮黃色芡汁，汁下不見螺絲粉，反而是白飯！ 算罷，找店員更換隨時「加料」也未定。用湯匙輕輕弄開芡汁，始知芡汁黏作一圈，像是強力膠水，拉起就像吃薄餅抽出芝士般！ 味道當然沒有葡汁應有的椰香罷。而所謂海鮮，則是數顆蟹柳粒及幾件又硬又沒有味的魷魚。碟頭飯連凍飲盛惠 $33，比起年少時於學校賣的十元飯盒更差劣。 冬瓜扁豆湯：比坊間茶餐廳的「例水」更差，入口淡而無味，不是從餐牌看到名稱，根本吃不出有瓜及豆的味道。 用膳期間，鄰桌一位客人亦點了這個『羅Ｃ粉』餐，今次上檯竟變成跟意粉！ 如果螺絲粉真的缺貨，店員可索性改了那個手寫餐牌，或是先提醒客人，也不致於給人

天氣一直灰灰暗暗,影響到心情自然不會好到那裡.早上起床後突然想往海邊走走,駕車途中其實腦中沒甚慨念想去何處,只想到十點多未吃早餐,好肚餓!跟着就來了赤柱.反正下午會在太古城看電影出來也算順路.在八成是遊客的赤柱大街內找到這間茶餐廳便先吃個早餐再說.搭正十一點早餐收牌,沒想過這麼早吃飯於是便叫了一個特餐.沙爹牛肉麵----見到都呆一呆!沙爹牛肉原來係無沙爹汁,吃一片入口牛肉像白烚一樣,但質感已醃至軟爛及有一種怪味,湯的味道極淡,麵條也只是七成熟左右!最終下了兩大羮辣椒油渣也吃不下,因為連辣椒油也沒甚辣度.火腿奄列----餡料在外的算奄列嗎?應該是火腿撈蛋吧!本來尚算撈得都幾滑,但吃兩口就停了,因為犯了炒蛋大忌,有頗多蛋殼碎片在內!奶油豬仔包----倒是烘得夠熱夠脆,奶油亦下得大方.凍奶茶----確是做到少甜要求,茶及奶份量平衡,味道不錯.不明白店內有頗多座位可坐,但被安排坐在一張有柱角凸出頂背脊的靠牆位?不是抱怨價錢收得高,而是出品的質素問題!真的是打算只做一次性的遊客生意?

我fd叫肉醬意粉..個意粉係勁細碟...同7-11果d意粉差唔多樣..又叫左個黑(蕉)雞c意粉...份量很小...我就叫左咖哩海鮮炒飯...份量都唔係好多..味道麻麻每人都要$30...