新星海鮮酒家 (已結業)

不知所謂，好唔新鮮，睇倒都唔想食！！！一人170落街。。。。。中伏！！又冇service,野飲。。。可樂都冇。。雖然係任食。。但真係差到德興都好過佢十倍。。搞到我要打八十個字黎插佢！！…查看更多

今天我和男友經過新星, 忽然茶癮起, 所以決定試試它的點心。入座時其實食客不多, 仍有不少空檯, 但我們卻被安排搭檯, 實在有點奇怪呢！正想說要換位置時, 男友搶先開口說不介意, 那我想介意也不行了吧！坐下看了看點心紙, 選擇比盈X的少很多, 不過, 基本我們要吃的款式也有, 還好吧！點心不消一會就全部到齊, 很快速!牛柏葉白恰顏色賣相極不討好, 雖然湯汁夠味, 可惜牛柏葉不入味, 唯一可取之處是牛柏葉不韌。鮮蝦菜苗餃全檯最好食的點心, 蝦肉和菜的比例適中, 亦有很香蒜味, 不錯! 煎蝦米腸粉表面煎得微脆, 本應不錯, 但礙於上檯時只是微暖, 不消一會, 已變成冷冰冰的乾硬腸粉 醬料亦是我吃過眾多酒樓中最敷衍的, 很不貼心, 先不論那混醬的賣相, 要是遇上只吃麻醬/甜醬的食客, 那該如何是好? 建議還是用有分隔的容器把兩種醬料分開吧！金牌流沙包包皮摸起來很柔軟, 但包質地很削, 再配上黏口的奶皇餡料, 令包吃起來很濕很黏, 好像吃糊仔的感覺, 從未吃過如此難食的包點👎還說是金牌流沙包, 奶皇餡呈半凝固狀, 倒轉包子餡料仍然凝住不動, 一滴流沙也沒有, 簡直失敗👎蟹籽燒賣豬肉餡有陣豬味, 吃了一粒已不想再食👎尖筍鮮蝦餃外皮比較厚, 餡料很小, 吃不到有筍, 而蝦肉則略嫌不夠爽口, 整體麻麻。總括而言, 上述眾多點心中, 除鮮蝦菜苗餃較好外, 其他則有點垃圾。很沮喪的吃掉這頓午餐, 當我們前往收銀處埋單時, 我禮貌的表示想先看看賬單明細 (這個是個人習慣), 但收銀的女人那副不耐煩的嘴臉, 令我感覺很不良好!下次我不會再來!…查看更多

做冬食飯一早訂了一圍半，去到俾一張大檯，18個人迫埋一張檯，向經理反映，經理話訂檯嘅野我唔知，然後行左去。咁佢岩丫，唔通我18個人臨時搵到另一間酒樓做冬咩😒無下次！…查看更多

我成日覺得，寫字樓區嘅食市其實都唔使點愁無人幫襯。成日都認為唔使好食，只要唔好難食就實有人幫襯。荔枝角有好幾間酒樓，但講到抵食夾大件，我就一定諗起新星。價錢平，而且味道都ok。一坐低就有個姐姐行黎sell蜜汁叉燒餐包。我當然話要！因為係我嘅至愛😍而家都無咩邊間酒樓有得食。外面沾了點蜜糖，內裡嘅叉燒又著著甜甜嘅味道。真係好好味！佢地嘅優惠套餐都超抵食。$178就有3款點心，一碟炒飯或麵，小食一個，菜一碟。你話係咪抵到飛起~我地揀左燒賣,鮮竹卷，咸水角，鹹魚雞絲炒飯，青瓜海蜇，金銀蛋 菜苗。重點係咁嘅價錢食到咁多野，而且味道又不錯，真係好好👍🏻希望佢地做得住。。。因我而家先發現全香港得返荔枝角呢間。…查看更多

服務差, 不清潔, 有蟑螂, 打邊爐時竟有多隻蟑螂由爐底走出來,但竟沒人理,  看下便扒不知看不見,不了之...混亂及不清潔.2016-10-29    7:50  P.M. …查看更多

入到去明明有數張細枱，知客一定要人屈埋搭枱，話唔搭就唔招呼做，枱係留比旅行團，唔比人搭枱，一時又中午時間人多，我眼見7成唔到。態度差，唔招呼少人數，以後唔再幫趁。…查看更多

大家埋單的時間要小心！本人與家人每個星期日都會去新星飲茶。於2016年9月4日早上到新星海鮮酒家長沙灣分店飲茶，埋單的時候，通常都係自己拎張卡去櫃檯付款，個職員將你個檯號輸入電腦後，就會講個價錢比你知，唔會比你check單，我爸爸比完錢後，發覺好似收多左，所以就返轉頭要求check單。職員即刻吞吞吐吐咁，比張單我睇，全部食物係啱既，但係就比單個數收多10蚊。佢講左唔好意思，我地就無再追究。今日，9月11日，我和家人再去新星飲茶，事件再次發生，埋單再次收多10蚊。個職員即刻話唔好意思乜乜乜咁，但係其實已經唔係第一次，上個星期都係同一個職員都係相同做法收多我錢。每檯客都收多10蚊，亂收多人地錢就係唔啱咁樣係咪姐係穿桶桶低，貪污？大家以後去新星飲茶都要問佢拎單check單！收你既錢同單既錢係唔同既！…查看更多

今朝一早流流好想食奶皇包，又好想食蝦餃，就決定一於去飲下茶啦點了流沙奶皇包，果然真係流沙，仲因為有流沙所以辣親把口tim, 奶皇真係好甜好正呀而且點心新鮮出泥，熱呼呼的包真係好正另外又點了牛肉腸同蝦腸，平時酒樓食開都係幾條好長的腸粉，而呢度竟然會係切好一舊舊，真係好難得，方便晒大伙人可以一舊舊食牛肉腸內的牛肉係好鮮嫩的，而且都好爽滑，而腸粉的皮都好薄，真心正呀不過鮮炸雲吞就有少少失望了，很油很脆不過個餡就真係太少了…好似食左一堆油咁…查看更多

記得以前得好少地方有流沙包食,而新星應該係始祖,果陣真係覺得好好味...成日都想再食,不過真係好邪惡好肥.後來愈來愈多酒樓有得食流沙包,甚至已演變成流沙多士等等...但我始終最愛新星既流沙包,佢既流沙效果係最好!皮薄餡多,流沙餡充滿奶香,亦充滿咸蛋既咸香...真係好好味!…查看更多

這是第一篇openrice 食評，以往一直無食市使我有沖動去寫，今次真的勞氣了. 新星 - 平常都不多光顧，只會假日去吓飲茶，但是現在亦少去了，附近太多好選擇，不過有時夜收工或假期就買吓燒味飯或特價燒味，$68一斤燒煵仔，皮脆肉肥，放縱吓係唔錯，$28一個雙拼飯包百事一罐，這價錢亦無要求.剛剛週日晚，見叉燒特價$68一斤，就打算買一斤叉燒，一個雙併飯，返去橕枱腳啦.入去同收銀姐姐講，一斤叉燒呀唔該，點知收銀姐姐話買晒，嘩，星期日，工廠區，6:30就售罄，有無咁好賣呀，ok, fine, 無得加餸，就買2盒雙併飯啦，比張500蚊佢(滙豐新版500)，收銀姐姐的回應係，無散紙，嘩，我真係O晒嘴囉，咁大間酒樓，啲叉燒又賣晒，竟然無得找.姐姐, 你玩野呀, 好, 無得找, 咁唯有唔買啦, 你估得你有飯賣呀. 酒樓食品非常重要，新星的出品已經退步不少，看他晚上火鍋的生意已經今非惜比，重要請啲咁的員工，只好祝你一路好走，天堂之路不遠了…查看更多

由於飯伴北上，唯有孤獨地 LUNCH，已有好久沒光顧新星的外賣飯盒，之前試過好幾次都係唔錯的，同事都隔幾日就幫襯一次，所以本住有信心的情況下再試，怎知大不如前，而且有 d 失望．我點了燒肉义燒飯，價錢係抵嘅，飯盒再包汽水才 $26.打開飯盒，我以為自己眼花，因為那片义燒乾得似牛脷，已打擊了我；再試味道，的確麻麻，义燒非常乾身，而且偶瘦，燒肉偏咸．…查看更多

今次同二十幾位同學聚會，有人建議新星任食火鍋，話好抵食。位置係深水埗運動場附近，荔枝角地鐵站行5分鐘左右就到，非常方便呢。當晚見到既飲品有啤酒、百事、七喜同埋夏枯草，我飲左三罐百事湯底試左鴛鴦(沙嗲/清湯)，沙嗲當然比較濃湯，灼完之後唔洗再加其他醬汁已經好夠味。而清湯比較淡，我會點豉油食。 今次掛住食野，冇咩點影相，在此介紹幾款我認為值得推介既食物。魷魚鬚、墨魚仔: 呢兩款大愛! 好鮮，其中魷魚鬚唔係水魷，而係平時燒魷魚個種魷魚鬚，加分加分! 象拔蚌: 竟然有呢款配料，食唔停口 牛柳粒: 唔洗灼太耐，有牛味，肉質嫩滑，亦都食左幾輪豬潤: 好大片! 口感好滑。任食火鍋尼講，新星質素好，而且食物種類多，多人聚會就唔洗怕難遷啦~ …查看更多

午飯黎到新星飲茶, 訂左台唔使等唔知係咪太耐冇食點心, 呢餐我覺得好好味食唔停口蝦餃 (大大粒, 蝦彈牙又乾淨)鮑汁鳳爪 (呢個真係正, 鳳爪入晒味勁淋, 好黏口)燒腩仔 (切到細細件, 脆口暖身)紅棗糕 (味道淡左d)胡椒豬肚 (好味又暖胃)其餘仲叫左咸水角, 牛肉球, 鮮竹卷等等, 都不錯的今餐好味之餘, 午市上菜時間很快, 值得一讚呢…查看更多

晚飯火煱成百幾銀, 入去坐低啲餐具又污jo, 落單叫10樣黎得4樣, 仲要4樣有3樣都係蔬菜類。果啲丸呀魚呀鮫呀叫極都唔黎, 黎左果啲肥牛又得個肥字, 大半都係肥糕無牛味。汽水又唔凍。沙爹湯底又咸到要加水。3個人食加埋一成4百蚊埋單, 結果係4百蚊買堆菜返黎食。再見了！下次請我都唔黎。…查看更多

去買一斤燒肉外賣，70幾蚊，我俾張500蚊個收銀找，佢居然話無得找，跟住唔理我，我話你咁大間酒樓唔係無得找呀？咁係咪啫係唔做生意呀？佢先死死地氣找俾我，算~! 買返屋企加料，斬既時候都見倒個師傅鬼鬼祟祟，返到屋企一開，有三條，面嗰條ok,但都唔係叫好食，叫放得入口，下面兩條跟本唔食得，得一層皮下面一大層肥膏，完全無肉既!結果一斤掉左3分2，離譜!個收銀服務態度超級差，唔憂做，想耍走你就算，食物品質更差!!!…查看更多