New Star Seafood Restaurant (Closed)

又喺幾個月一聚嘅死佬飯局，本來今次有提議大搞，拉隊入屯門三聖邨或清水灣布袋澳食海鮮 ，但人多難就期，約嚟約去，都無一個日子夾到，而「民意」又想齊晒人先搞，所以，死佬海鮮飯局就拖住先。繼而先搞個小飯局聚一聚，人數不設下限，嚟得幾多就幾多人，結果都有成11人，查實都只差兩位死佬嚟唔到。地點費事諗，反正唔志在食，志在出嚟呻吓依樣、呻吓嗰樣，所以揀番我哋嘅火鍋飯堂「新星」 ！依次被安排坐大堂尾，最好啦，我哋一班麻甩佬講嘢鬼剎咁嘈。因為就番啲晏收工嘅人，所以多數揀9:00pm後無時限任飲任食，成人依舊收$88位，但湯底、醬油、檯上小食另計，仲有就要加一。無加價，但俏俏新升咗啲乜呢？就喺個醬油錢，以前喺數款醬油收$10 / $20碟，依家就改為人頭費$10位 :( ，由店員捧個醬油盆過嚟，6款醬油料（香茜、蒜蓉、辣椒、麻醬、沙嗲醬、豆板醬）隨意撈，相比起以前，醬料費會俾多咗！湯底依舊都喺嗰12款，價錢都無變：粟米銀蘿豬軟骨（$68）、花彫醉雞（$88）、香茜皮蛋馬蹄（$55）、蕃茄薯仔粟米（$58）、沙嗲（$60）、香茜皮蛋拼沙嗲（$68）、有機田園（$58）、滋補羊腩（$98）、枝竹鯇魚（$78）、海鮮豆腐（$78）、胡椒豬肚（$65）及鴛鴦（$58），各式其式，平平哋揀咗胡椒豬肚湯底同鴛鴦湯底，原來對上一次嚟又喺揀依兩款。 胡椒豬肚湯底 $65 :) 一大鍋胡椒豬肚湯，都幾重胡椒香，枝竹及鹹酸菜唔少，豬肚亦都幾爽口。 鴛鴦湯底 $58 :) 鴛鴦就喺清湯搭沙嗲，前者只喺清雞湯加啲黃芽白，後者則幾香沙嗲味。雖然話任食，不過都唔喺所有嘢任食，點菜紙上截有堆火鍋配料喺收費散叫，如特級肥牛粒、手打芝心肉丸、帶子片、日本廣島蠔、翡翠蟹籽墨魚滑……等等。不過，任食嘅火鍋配料亦唔少，足64款選擇，當中亦有唔少好嘢，如海蝦、鮮滑牛肉、羊肉片、鮮滑雞片、鮮魷、新鮮魚雲、魚滑、牛筋丸、香菇貢丸……等等 。我哋前後叫咗4盆嘢，新星唔會逐樣配料一份份咁上，而喺一張單執埋一大碟咁上（偶有都會散件上），望落感覺確喺幾好睇；經驗所知佢哋通常按人頭大概咁執，所以你填多少份都改變唔到入面大廚執多少，此外，甩漏少少就預咗。新星嘅任食火鍋都幾旺場，頭輪好爆，食9:00pm後雖然可以食到作哋收工，而且又平啲；但另一個風險就喺賣晒貨，好似我哋食咗一輪鮮蝦，再點已經話賣晒 :( 。我哋多次翻兜新星，除價錢實惠外，整體嚟講，覺得佢啲料唔錯，水準無走樣。海蝦味道頗鮮甜，鮮滑牛肉軟滑無渣，鮮滑雞件嫩滑有雞味，脆鯇骨腩片鮮爽，魚滑加咗大量香蔥，味道鮮香，四寶丸、牛筋丸、香菇貢丸等多款丸類亦好味，此外，多款蔬菜、菇菌都夠晒鮮甜。臨尾仲要添碗炸魚皮一丁 ，咁先夠皮嘛！ 百事可樂、七喜……等汽水任飲，但小弟都喺較鍾意佢啲夏枯草，唔喺有咩特別好飲，只喺有益健康啲，解燥解熱，加上今次無過甜，所以份外飲多兩杯。一班老死盡食、盡飲，非常盡慶！…Read More

是日放假，本來是打算去游水，只可惜整天下雨，室外泳池的水會冷，所以早點去吃晚飯，晚上就跳跳健康舞。鬆弛說天氣不太熱，可以去吃火鍋，就提議來這裡。多年前和朋友也常去銅鑼灣分店吃任食火鍋，火鍋價錢平而水準又不錯，而且宵夜時段更加不設時限，所以經常都要排隊。不過都已經有五年多沒去過，而且現在都是吃單點火鍋，感覺上水準會好一點。除了銅鑼灣店，我沒有吃過其他分店，鬆弛說這家的評語不錯，而且多年前來過一次也覺得水準正常，就帶我來試試。九點前任飲任食火鍋成人每位$108，不包鍋底、醬油、檯上小食（即是花生）及加一服務費，但醬油、小食等都沒有標明價錢，似乎商品說明條例生效之後就不可以這樣寫了吧，所有雜費加起來大概$140。穩陣起見，我們點了鴛鴦鍋，清湯裡面有大量椰菜，很清淡，沒什麼味道，另一邊沙嗲湯底還不錯，都算濃郁，而且後期加了一次水也沒有變淡，所以最後煮什麼都只用沙嗲湯底了。任飲飲品有汽水和夏枯草，為了健康點，我們要了夏枯草，夏枯草微暖，是健康的不過偏甜了點。我聽到鄰座有人點啤酒，不確定是否任飲。除了任點的火鍋料，還有一堆收費火鍋料，有靚牛肉、海鮮、炸響鈴，如果想吃散點就沒理由來任食啊，總數加起來可能比單點還要貴呢，所以我們還是專注吃任食的好了。火鍋料選擇不少，會以人數去決定份量的多寡，而你點的都會全部放在一個超大的碟子上，如果那碟火鍋料裡面缺少了點了的食物，恐怕就要再點過，因為師傅似乎經常漏單，好像我們點了兩次芝士流心丸，但結果都沒有來，最後我們整張火鍋紙只單點了一客芝士丸才有。有趣的是我們擔心點了重覆的食物，就跟一個貌似經理的人說，讓他替我們追單，但他說再入單吧，我們說怕重覆出現會浪費，他卻回答說：每天都有很多浪費的。坦白說，這裡的火鍋料質素已經不算好，印象中的價位跟我在多年前吃的沒差太多，難怪食物水準會下降，不過也有例外，有些是不錯的。芝士流心丸。幸好我們不死心的要吃，因為這個可以說是全晚的亮點，這款芝士丸是外層都彈牙，中間的芝士的確是半流心呈牽絲狀態，是較高質素的芝士丸。炸芋頭條。芋頭的賣相雖然麻麻，不過勝在夠粉，在沙嗲湯底裡煮過後很好吃。海蝦。蝦都算新鮮，當然不會有蝦膏，但蝦肉至少是扎實彈牙的。有些東西可以考慮不用點的，就如沙地蘿蔔。要煮很久才會腍一些，但仍然偏爽身，丁點蘿蔔味都沒有，清淡如水，如果放在沙嗲湯就只有沙嗲味。雞子。鬆弛說不是雞子，他懷疑是駝鳥子，因為很大顆，而且味道麻麻。藍貝青口。其實鬆弛誤以為是藍青口，但多了一個貝字就差很遠了，青口肉裡夾雜著很多啡色的海草，吃的時候很麻煩，要把海草抽出來，抽出來時又會把青口肉弄得熔熔爛爛。韮菜餃。韮菜餃裡面有點酸味，以我們吃過那麼多韮菜餃的經驗來說，裡面的餡料不是壞了但好像是預先煮過，因為韮菜都已經變成黃綠色，而且也好像加了不知名的餡料去做的。餘下的都是一般般，是一分錢一分貨的質素。要斷定抵不抵吃的話，如果你愛吃芝士丸，又不怎樣吃肉，以蔬菜為主的人，這裡還是有其吸引力的。…Read More

一個特別的日子，難得地與幾位同事來到這間「新星海鮮酒家」飲茶。叫來多道點心，「「蝦餃」、「燒賣」、「腸粉」、「雞扎」、「鳳爪」、「奶黃包」......固然少不了，就連較甚少在茶樓裡吃的「豬腳薑」、「醉雞翼」和杯上的「楊枝甘露」也有叫，接近二十碟的點心，把偌大的檯面也擺得滿滿的，教自己不禁佩服同檯吃飯的女同事們的強橫的戰鬥力。這頓午餐各款點心的味道如何？其實我的印象不是太深，已不大記得了。記憶中，大部分的點心水準都是及格的，在我吃過的多道點心中，沒有哪一樣是特別難吃的，就連自己一向不喜歡吃的豬腳薑，這天吃了一件豬腳，也覺得味道不會過濃、過辣、過酸，自己還可以接受得來。無疑，食物味道是重要的，但要是能和一班好朋友，好同事一起笑笑談談吃東西，只要味道不太差，已經可以吃得很開心了:)。…Read More

去新星食了幾年,這回是第一次對新星寫一篇食評。其實點心店款式大同小異,但新星服務態度不俗,食物質素同樣有保持,隔段時間便來食。首先說蛋白炒飯,飯身炒得夠乾身又唔太多油,已經合格,加上份量同價錢成正比。牛肉波製造都認真,肉身打得夠耐,使到肉質夠彈性,食落彈牙之餘又不會太CHI牙,配埋至愛的喼汁,,將味道提升至新層次。粉絲蒸鮮魷,蒸鮮魷的時間掌握不錯,略嫌鮮魷本身的雪凍味重,有些美中不足,粉絲配甜豉油味道更加濃厚。這裡的腸粉,皮薄焰又不會少,蒸的時間準確,不會太林,可以點多幾款腸粉類。…Read More

本來唔打算再寫依間長沙灣新星，因為近幾年前前後後同班好兄弟食過好多次，之前都寫過兩次佢嘅食評，講嚟講去，都喺平靚正，水準穩定，唔算再有咩特別好講。影低嘅相都掟埋一邊，但最近又嚟好兄弟大飯局，之前試過其他火鍋店，唔平又唔算好食，有兄弟話今次撐番新星，所以擇好日子就即刻打電話訂位，仲有成個星期喎，竟然話滿晒，唔喺嘛？所以焗住轉咗去旺角新星，仲有得訂，咁我都放心啲。就喺因為試咗旺角新星（我哋全枱人都喺第一次幫襯旺角依間分店），有比較，大家異口同聲話「還是長沙灣（新星）最好」，所以就再次摷番上次長沙灣新星嘅相，食番篇食評，同時又寫埋旺角新星嘅食評。我哋例揀9:00pm後無時限嘅任飲任食打鞭爐，本身都已經抵食，晌非寒冬旺季，有時仲會做4送1俾會員，真喺抵上加抵，好似今晚咁，8個人埋單都喺$840，每人一舊水多少少，飽到頂心口呀！胡椒豬肚湯底 $65、鴛鴦湯湯底 $58:)9:00pm後任食火鍋成人每位收$88，另湯底、茶芥加一，揀咗胡椒豬肚湯底同鴛鴦湯湯底，初時兩個湯底各有特色，食到中段已變為一品鍋，乜味都有喇，哈哈！任食火鍋好處就喺可以食住等，所以初時得我哋三幾個，就已經點定一大盆火鍋料喇，邊食邊等，有啲食材又襟煮，好似啲乜丸物丸、蘿蔔粟米……等等，其他老細一嚟又有得食。前後我哋都點咗成3大盆火鍋料，盆盆都堆滿各樣材料，有金錢肚、海蝦、鮮魷、鮮滑雞片、蟹粉流心丸、芝士流心丸、牛根丸、生根、冬菇、唐生菜、油麥菜、炸魚皮、粟米、鮮滑牛肉、肥牛、芝士腸、魚滑、鮮腐竹、鯇魚腩片、雲吞、餃子、青口、魚雲、公仔麵……等等，差唔多成張點菜紙唔使額外加錢嘅都點得八八九九。水準保持到喎，最緊要喺啲嘢食掂吖嘛，唔好食任你食幾多都無用啦。飲品，除百事可樂、七喜……等汽水外，仲有一渣渣嘅夏枯草，同樣喺任點任飲，但原來唔喺必然，晌下一篇「新星鬥新星（二）」講旺角新星時，就再交待吓。總之晌依間長沙灣分店，就大可放心任飲任食無負擔。所以，一大班麻甩佬，飲得暢快，又食得盡慶。招呼方面都做到勤快，送嚟嘅火鍋料都只喺少少甩漏。至於環境，比旺角新星好坐好多，一來地方大啲，枱櫈無咁逼狹，二來依度樓底高啲，感覺無咁壓迫，下回講講旺角新星，嘈到拆天咁呀！:(…Read More

秋風起，又係打邊爐既時候啦~睇comment見呢度好似唔錯就決定試一試，可能因為地點關係所以人唔算太多口淡淡又好餓，先黎個羊腩煲填填肚，不過不失啦然後用返羊腩煲個湯底打邊爐，又真係幾過癮~其實我幾buy佢地用個大碗上菜，唔使一碟一碟擺到周圍都係，而且洗碗慳好多功夫！不得不提既係的象拔蚌真係好得，一來好少任食邊爐有得食，二黎真係好新鮮新星既蟹粉流心丸同芝士流心丸係靚貨，值得一試！另外如其他食友所講香草腸都好食，有陣陣既糯米味架肥牛就麻麻，不過滑雞夠味補返數雖然2個人最終要俾差不多$400，但有張一人免費既coupon補返數而且服務同食物質素都唔錯，會encore~!…Read More

長沙灣新星喺我同班好兄弟（又喺好弟兄）嘅火鍋飯堂，一來對我哋嚟講地點就腳，二來因為要就其中一人，食親都揀9:00pm任飲任食無時限，食得何其暢快，三來食過咁多次質素依然有保證。今晚再嚟，就唔喺同班老死，而喺同老婆嚟撐枱腳，因為早前三、四月佢做咗個推廣「二送一」，每兩個幫襯就送一張「人頭」優惠券，值$78，啱啱得兩張，就晌限期前個星期五27/4嚟幫襯，所以，唔好意思:(，依篇食評都無乜心裝載放埋咗一邊無理，都已經喺好幾個月前嘅事，可能參考價值唔大，純粹講番吓佢啲食材嘅質素。雖然任飲任食火鍋已經悄悄加咗價，以前9:00pm前成人$98，依家就$108；9:00pm後成人$78，依家就$88，另湯底、茶芥加一，但近排知道佢又做番「四送一」優惠，喺四個人光顧就俾三個人錢，唔使等下次，個著數仲直接，依然覺得抵食，所以已經打算又約班老死出嚟打打鞭爐，傾吓偈。就返老婆加班，都喺食番9:00pm後嗰輪，可能星期五關係，都無諗過咁夜都仲咁多人，成個大堂爆晒，等位嘅都成十多人，我哋都要等成廿分鐘先有位，真喺緊要。兩張優惠卷抵番人頭費，淨喺俾番湯底、醬油、小食、加一，埋單$94，抵到爆啦！湯底有成12款：粟米銀蘿豬軟骨、枝竹鯇魚、海鮮豆腐、花彫醉雞……，價位由$55-$98，各式其式，結果平平哋要咗個香茜皮蛋馬蹄（$55），個湯底好香芫茜味，因為湯面住一大炷芫茜；撈撈底，皮蛋馬蹄就好少喎:(，變咗香茜豬骨湯底。火鍋配料有成60多款，兩個人一定試唔晒咁多啦，所以有啲要另外收錢嘅配料，如龍蝦片、帶子片、特級肥牛粒……就當然無嘥錢叫啦。之前食過好幾次，揀料已有一定心水，首推就包括：海蝦、鮮滑牛肉、鮮滑雞片、鮮魷、魚滑、蟹粉流心丸、芝士流心丸、鮮腐竹、炸魚皮、鯇魚腩片、黑椒牛根丸、順德魚腐。不過，可惜海蝦、鯇魚腩片賣晒無貨，黑椒牛根丸變咗淨喺牛根丸，所以無要到轉食其他丸，順德魚腐依家就直情無埋添。此外，仲點咗黑豚豬肉、牛柏葉、四寶丸、秀珍菇、生根、栗米、炸芋頭條、蘿蔔、唐生菜、油麥菜、芥蘭咁多款嘢，全部俾個剔，無寫數量，當一份啦，執出嚟已經成一大盆嘢，睇落真喺唔嘢少呀！講到上述心水，鮮滑牛肉、鮮滑雞片依然用料新鮮，尤其牛肉，非常嫩滑；鯪魚滑，加咗大量香蔥打，味道鮮香；其他嘅都用料不賴，又食咗好多蔬菜嚟平衡番啲肉，成盆料清得一乾二淨無嘥嘢，但就相當之飽，臨尾想整多個出前一丁都食唔落，所以都無剔第二輪喇。 雖然任飲，但我哋都只喺叫咗一渣夏枯草，仲要成大樽差唔多由小弟主力飲晒，志在解解燥熱。始終老婆唔喺大飲大食之人，所以，今晚飲得少，食又唔多，有點未能盡慶，都喺跟番班老死出嚟大涮一餐先至過癒囉！…Read More

打去訂位時服務員好好禮貌，去到服務員都好好人。而且仲有4送1優惠。坐得幾舒服，因為都唔係好多人，而且唔迫。$108任食任飲，湯底，花生，豉油另計，仲要加一。湯底唔錯，唔會好似其他咁無味道。野食係一大盆咁上，唔係好似其他咁一碟碟上檯，搞到成檯都唔夠位。食物都算新鮮。服務員會不時加水仲要幫你換碟我覺得唔好既係 D菜唔係分開上，因為D生野鋪係面，變左D菜得小小，而且有血水咁...真係2小時就CUT鐘，佢會叫你埋單先，之後可以繼續坐唔會趕你走因為有4送1優惠，所以只係每人$120，唔錯既選擇，因為環境OK，而且唔會好嘈。…Read More

訂座較安全, 原因我們七時許到達, 我們有訂座, 有枱安排沒問題, 但不消三十分鐘, 餐廰已差不多座無虛席, 但想不到如此交通一般方便的地方, 竟然可以這麼受歡迎!由於'任點任食' 的形式是限時兩小時, 而我們打算慢慢吃聚舊, 所以選擇了單點 整體上, 各食材都很新鮮, 賣相也不錯, 服務不算差, 但總要等候一輪才被注意到我們的需要...:(…Read More

　　　　教會的聚會完結了以後，我們一行八人便來這裏飲茶。因為今天聚會完結得比較早，我們趕得及在人流最高的時間來光顧。　　這家茶樓的冷氣十分誇張，最近天氣轉涼，加上今天天氣陰冷，加上又下雨，氣溫比較低，坐下只感到陣陣寒意。在要求下，服務員替我們關細了冷氣，我們才沒感到那麼冷。　　茶方面，我們要了普洱和水仙。　　我們要了以下點心：１．燒賣２．鮮竹卷３．流沙包４．馬拉糕５．鮮蝦腸粉６．牛肉腸粉７．鮮竹牛肉　　坦白說，食物真的很一般。特別是鮮竹卷，那個卷的豆腐皮很軟稔，沒有嚼頭，而且泡浸在油裏，一咬，整個口都是油。腸粉的粉質也不夠滑，我吃下都沒心機。　　但是流沙包卻一試難忘，他們真的弄得很好，我把流沙包掰開了，其中黃色的流沙汁溢出來，夠香甜夠熱夠濃稠，包也夠香軟，真的很好，值得推介。　　其他的食物，只能說一句，不過不失。…Read More

好耐無來啦！以前很喜歡來，全因他的流沙包，但今次來，不再流了，而且好快就凍，個樣似番蒸!好失望！:(:(:(同部長反映，講講下佢都唔想聽，走左！ 點解咁都得?其他點心也不好食, 春卷是"林"的， 金錢肚全是紅"卜卜"的色素，點食啊?以後也不來了！星期六原來沒有下午茶！全日同一價錢。…Read More

就算大集團大餐館，很多時就是很難控制Mass Production的質素，這是真的。是晚來參加教授的榮休宴也沒有太大期望，但至少這次可以七點開始，不似婚宴要看這個看那個，都已九點多才起筷。千篇一律的菜式，最惹笑是呀姐上燕窩時特意叫我地留意「好貴ga~燕窩黎ga~!」結果吃落更係魚肚羹，哈，一笑置之。沒有期望，沒有失望，也沒有吃太多，唯最後的流沙包算是平常茶市的招牌點心，是做得不錯。拍拍照又一晚，有緣再聚。…Read More

週末的正午時間，六人選擇於此地用膳，踏進店內發覺食客甚多。點心紙與以往有別，註明「首次落單、追加、再追加」三組欄目，好讓顧客再點食物時不會浪費點心紙，值得讚許。點單後不久，侍者紛紛端上各類食物。燒腩仔，肥膏與肉梅花間竹排列於腩肉上，肉質鮮嫩，皮層薄脆，不俗；煎蘿蔔糕，臘肉、蘿蔔絲較少；牛肉腸粉、蝦腸粉，腸粉軟滑但不皮薄，醬油調味尚可，蝦與牛肉的餡料不少；家鄉鹹水角，香脆熱辣，缺點是鬆軟的皮層較薄；特價的燒鵝飯，份量甚多，倘若要單人進食便吃不消，惟燒鵝肉不致韌口，及格。蝦餃、燒賣，體積比傳統的較大一點，澄粉皮尚薄身，蝦肉混有少許的肥膏，唯獨沒有香荀絲；燒賣的蝦與肉比例甚均衡，混合少許香菇粒，調味適中，及格；點心拼盤有蝦餃、菠菜餃、潮州粉果、流沙奶黃包各兩件，菠菜餃以菠菜為主，混有少許蝦肉與肥肉，不過澄粉皮層較厚；流沙奶黃包，包層並不鬆軟，昔日的傳統奶黃包餡更勝流質的奶黃餡；粉果的質素，是皮厚而餡料並不香。流沙奶黃包、山竹牛肉、珍珠雞、上湯芥蘭菜、野菌餃、味菜蒸大腸陸續上桌。蒸大腸的味道較差，可能大腸的清理功夫不足，滲有腥臊味，結果只吃了一兩件；野菌餃的餡料以菌類為主，澄粉皮層較厚；珍珠雞，體積呈長方型可減少份量，蝦米、肉類、香菇、蛋黃齊全，調味方面不俗；山竹牛肉，很少出現難吃的情況，及格；芥蘭菜可減輕用點心的油膩感覺。…Read More

服務:1.客人行了一會才有待應帶位2.侍應人手不夠, 開位後沒有問客人飲什麼茶, 需要客人不斷舉手找侍應, 待應更沒有主動開爐。3.沒有待應換碟, 直接吃了兩小時才有一位待應主動換碟。4.結脹也需要等。食物:整体上可以選擇的食物較少, 材料不夠新鮮, 肥牛唔肥, 其它食物也普通至一般, 實在令人非常失望。感想: 雖然宵夜火鍋每位$78價錢相對平宜, , 但餐廳也需保持良好的食物質數和好的服務, 否則客人只會吃完一次不會再來。:(…Read More

一行七人去飲茶，中午繁忙時間都幾多人，好彩有同事先去搵位。叫了一個套餐，再加幾個點心，就是是日的午餐。套餐有一燒味、炒飯/ 河、一碟菜。燒味拼盤，隨意放幾件燒鴨、切雞、燒肉和海蜇咁，感覺馬虎。燒肉皮不脆肉不鬆、燒鴨缺乏油香、海蜇唔爽脆，質素有待改善。河粉揀了沙爹肥牛炒河，一舊舊的，吃不出任何沙爹味，牛肉質地亦不理想，水準是真的低。另外跟碟菜，看到已知不新鮮，吃一兩條便算。散叫幾個點心，炸春卷熱辣辣、皮是脆卜卜，很難會不好吃的；蘿蔔千層酥，外皮好實，蘿蔔絲太粗，並不清甜，難怪無人問津；蜂巢糕質感對辦，但黑黃糖下得太多，偏甜了少許。看見隔離檯的芋頭似乎不錯，問侍應原來是蜜糖芝麻芋，大家都有興趣，又來一客。外層脆甩的，裡頭爽，鋪面還有香口既芝麻，與甜甜的蜜糖十分匹配，很快被清碟。同事叫了流沙紅豆包和傳統流沙包各一，但兩籠只有亦隻，不夠分，我唯有放棄。看見煙冒出，流沙情況理想，我想大概也有一定水準，始終招牌菜色總不可能失手的。不經不覺又夠鐘，要重返工作崗位了。…Read More