新新酒樓

营业中

休息中

兩位朋友在英國回流返香港，說很想念酒樓熱熱鬧鬧的感覺，就和她們到佐敦這間酒樓吃一噸晚餐。【是日精選靚湯】是花生蠶豆瘦肉湯，老火湯真的不常喝到，而且調味不濃，就是很香花生味道。【蜜汁叉燒】當然是必點的，燒味還真是港人最愛，這個叉燒蜜味十足，不過有些比較乾，而半肥瘦的就最合我口味。【野菌紅燒豆腐】豆腐有一陣微微鑊氣的香味，外皮索滿了醬汁，中間滑嫩，在家裡就很難整到。【蒜茸炒豆苗】清淡簡單，蒜香味香，又不會太油膩。其實這裡海鮮更出名，可惜朋友敏感，下次再來要試試海鮮。

今天於佐敦做完Body Check，不想到處覓食了，就在醫療中心就近的莊士倫敦廣場食晚飯，看見這間在11樓的"新新酒家"有宣傳優惠幾低，一於同家人試下先。時間尚早，準備晚市中：餐牌清晰，菜式多樣：*茶芥 $12位**前菜1-4位 $10*《生磨杏汁燉白肺 $168/份，每盅(4位用)》每次見有豬肺湯都必點，店員說今日來得早，沒有賣光，看看湯料就知道毫不馬夫，豬肺嫩滑，湯杏汁味香濃，十分不錯。《紅燒脆皮乳鴿 $52/每隻》乳鴿金黃油潤，肉質腍嫩多汁，都夠入味。《薑蔥粉絲魚雲煲 $108/例》鍋端上熱騰騰，好夠火喉，魚雲份量足，舖底全是粉絲，魚雲入味又嫩滑，好野味。《南乳粗齋煲 $88/例》最後還點了一個健康的齋菜煲，當中有粉絲、多款新鮮青菜、粟米仔、菇類等，南乳汁很好下飯。

和家人吃了頓不貴的生日飯，我們叫了不少菜式，有海鮮又鮑魚，亦不忘有營飲食，整體來說還是挺均衡的。前菜花生十分香脆！紅燒脆皮乳鴿即叫即炸，皮脆肉嫩，細細隻容易食，不太漏。白飯軟硬適中竹苼羅漢上素顏色多，有菇菜心木耳粟米仔芽菜雪耳等，特別勾起人胃口。最喜歡爽口的竹苼索滿汁，份外入味。蠔皇七頭南非鮮鮑扣玉掌鮑掌都炆得軟糯，口感帶煙靭，富彈性，得細意品味。金蒜蒸元貝喜歡蒜蓉粉絲蒸的組合，特別清甜，加入蔥花，肉挺厚，亦有鮮味。白粥煲得ok綿送的糖水是西米露，熱騰騰挺甜。食後感：出品水準穩定，價錢合理，地方好找，交通超方便的。

之前嚟過咁多次都係晏晝過嚟飲茶今日有人突然友人想食中餐所以夜晚就上咗嚟原來晚市有咁多個餐牌多到即刻有選擇困難症由於我哋兩個人點唔到太多菜最後我哋揀咗孖寶套餐精選孖寶B餐($448)清蒸老虎斑好大條嘅老虎斑蒸既時間啱啱好 肉質結實鮮甜美味 配上魚汁我哋每人食咗一碗白飯😂😂😂豉椒炒大蟶子配煎米粉底呢道菜趁熱食嘅時候真係好好食買粉底唔會好油 配上豉椒汁沾香脆嘅米粉有啲好似食緊韓式嘅煎餅食到停唔到口加上聖子好大隻 好抵食脆皮紅燒乳鴿($52)乳鴿即點即炸 肉質嫩滑外皮脆卜卜 😙😙😙😙😙😙呢度食物種類真係好多見到隔離枱好多人都點羊腩煲又有人點片皮鴨 下次好想一大班人再嚟食可以試多啲唔同嘅菜式😆😆😆😆

爸爸最愛食中菜，今日係佐敦做野，放工便約爸爸到新新酒樓吃晚飯。我們本身想食片皮鴨餐，可惜已沽清，所以就選了298元的精選孖寶D燒鵝啖啖肉，燒得皮脆，皮帶少許肥膏，咬下油份溢岀，好甘香呢！很惹味，熱辣辣，香噴噴，鮑魚亦有數隻，雞肉嫩滑，煲底粉絲入味彈牙。份量很多及足料，調味剛剛好，不會太咸。菠菜翠綠鮮嫩，吸收了湯汁，滋味非常。必食皇牌三重奏！！兩位可選一款。沙巴虎班做緊優惠！這條魚蒸得十分有水準，火喉剛剛好，再淋上滾滾的花生油豉油，很香呀！肉質雪白嫩滑，爸爸食到停不了口，讚！六十八元一條真係超級抵食！

老牌酒樓給你的感覺就是老化了，不合潮流，通常年青人都不會選擇這類型的食肆，這樣就可能會走寶了，因這樣的酒樓師傅都比較有經驗，而且食物真材實料，所以我不時都會去這類型的食肆。一定要說一說這個前菜，就是一碟簡簡單單的花生，但這個花生香脆無比。先點了上湯焗美國龍蝦伊麵底，雖然龍蝦應是主角，但在我心目中這裏的伊麵才是最重要的，因伊麵爽而掛汁簡直是滋味無比，這就是老牌餐廳處理伊麵的手法就是不同。再來是皇阿瑪鮑魚雞煲，這個煲真是熱辣辣，上枱後還是熱氣逼人的，鮑魚真是新鮮爽滑，另外雞是非常入味而且嫩滑。就是怕肥沒有叫一碗飯，浪費了。最後還來一碗綠豆沙，在這秋天來一碗糖水就最滋潤了。味道: 試過就知大不同環境: 尚可衛生: 整潔服務: 尚可價錢: 超值

今次其實已經係第三次喺新新食羊腩煲。出去食過其他大排檔，有啲仲要貴過佢都食唔到咁嘅質素。啲羊腩唔‘鞋’唔老，超足份量，入味。一煲四個人食，都冇問題！包一碟生菜，但我哋多人再加錢叫咗碟豆苗，仲正。坐得舒服，唔使捱大排檔。

Honey在佐敦工作，我等他放工。第一次到新新酒樓吃飯，酒樓只有兩三枱客人，侍應還比客人多。我叫了特價三寶之一：清蒸海斑($68)。很大條……生意難做！蒸得剛剛好，魚肉新鮮的，魚肉一梳梳的。好味！另外，又叫了南乳粗齋煲。也是很大煲！材料豐富！不過，味道就麻麻，也稍嫌油膩。飯後，送紅豆沙，不錯。

我同老婆去完旅行返黎好掛住香港既中菜，今晚特意二人來試試新新酒家既晚飯小菜，感覺依然良好。這間店原來已經五十多年的老字號了，所以有些傳統懷舊粵菜都可以在這裡食到。【清蒸沙巴虎斑(特價)】清蒸沙巴虎班(特價$68)，蒸既時間岩岩好，肉質嫩滑，蒸魚豉油又不會太咸，魚的長度，差不多成隻碟咁長，以這個價錢可以吃到差不多一斤重的魚，極力推介!!【非一般粟米斑塊】果然是非一般，我第一次食這個斑塊和粟米獻汁是分開上的。斑塊外皮炸得非常脆，魚肉又夠厚身，沾上熱辣辣的粟米蛋白獻汁，味道變得多層次，鹹甜味俱全。【新新燒鵝皇（例牌）】燒鵝皇皮脆肉滑，仲要比左隻脾位置，啖啖肉，鵝味香濃！【者者芥蘭煲】熱辣辣香噴噴既啫啫芥蘭煲即刻芬香撲鼻，芥蘭新鮮肉碎蝦乾炒得夠哂惹味。

今晚同媽媽去左佐敦既莊士倫敦廣場既新新酒樓吃中菜，酒樓歷史悠久，甚有香港味道，雖然有歷史，但裝修並不殘舊，光線充足，感覺舒適而且幾個員工服務都很好！餐牌選擇多，小菜、燒味、海鮮都有，價錢經濟而且份量足，性價比不錯我地點左例牌燒鵝、干燒伊麵、紅燒乳鴿及金蒜蒸元貝！每款味道我們均十分滿意燒鵝皇非常肉厚，一碟有好多件，件件都啖啖肉，入口鵝味濃厚，皮香肉嫩乳鴿則皮脆肉嫩，保留到肉汁唔好乾；有肉地唔係皮包骨金蒜蒸元貝，最有驚喜4隻元貝都大大粒，粉絲吸收盡蒜及元貝精華非常鮮味超入味干燒伊麵大大碟份碟足，而且非常夠味，質麵爽口彈牙，草菇沒有青味，大碟抵食！吃到飽飽還有糖水紅豆沙送上，甜度適中，豆夠淋及起沙整體成餐都非常滿意，值得再來

住喺佐敦呢頭真係好多美食，今晚想食返一啲家常小菜但係又懶得煮，於是就同男朋友嚟咗新新酒樓，食番兩個小菜，飲番杯靚茶。餐廳位於莊市倫敦廣場11樓，近佐敦站出口，地點很方便。裝修環境都好好，坐得好舒適。明爐燒鵝皇好大份，仲有燒鵝髀，肉質嫩滑，每一啖都有鵝油既香味，但感覺又唔會太肥膩，點埋附送嘅酸梅醬一流👍🏼薑蔥粉絲大連鮑魚雞煲呢個餸真係落足本，鮑魚都有幾隻，絕對唔慳家。鮑魚爽口彈牙，好新鮮。雞件都有好多，食到我捧住個肚😂重點係啲粉絲，索晒啲鮑魚雞汁，好惹味。金銀蛋上湯浸時蔬我揀咗白菜仔，原因係平時喺屋企好少煮白菜，覺得要洗走白菜上面啲泥好麻煩🙈我好鍾意食呢個餸，感覺又健康又好下飯。最後經理仲送上足料紫米露一碗，真係大滿足！

幾個月前曾經來到吃下午茶，感覺食物質素很好，今晚便來到了吃晚飯。清蒸沙巴虎班$68，虎班肉質彈牙，魚味濃郁，魚的長度，足足有一根筷子，以這個價可以吃到差不多一斤重的魚，是值得推介。👍脆皮燒雞半隻$118，脂肪甘香，皮脆肉香，表面有些蒜粒，還可以點些秘製醬汁，令味道層次更加豐富。芝士焗龍蝦伊面$198，這個龍蝦伊面，伊面底份量十足，吸收了龍蝦和芝士的味道，真是有點錦上添花的感覺。如果龍蝦肉再多些，應該是十全十美。生力啤酒$28，冰凍的啤酒，是佐膳不可或缺的一員。飯後免費送了一碗綠豆沙糖水，味道不會過甜，這個服務真的安排得不錯。

小時候，總會跟住M媽去佐敦探公公婆婆，而佢哋就最鍾意去新樂酒店嘅新樂酒家嘆吓一盅兩件，話咩水滾茶靚喎，小時候嘅我，仲記得食住蝦餃睇兒童周刊，成家人坐埋一齊，傾吓計，呢啲就係我嘅回憶。記得先前新樂酒店進行大裝修，一度以為新樂酒家會成為我嘅記憶，但原來新樂酒家嘅原班人馬喺莊士倫敦廣場，重新打造咗新新酒樓，新新酒樓屹立半世紀，係唔少名人嘅飯堂，今日就同A姐去尋找那些年的原味道。燒鵝嘅肉好嫩，而鵝皮燒到脆卜卜，油香十足，最重要係唔會太肥膩。勁多薑蔥，一大開煲蓋就聞到超濃郁嘅香味，雖然鮑魚只有兩小隻，但雞肉份量超多，夠晒入味又夠嫩滑，重點不得不提個粉絲，完美索哂成個煲嘅精華，非常惹味。本身淡口嘅豆腐，配上濃香嘅蝦醬，真係完美配答，而煲內仲有大量燒腩肉，一層肥一層瘦，好滋味。 

好久沒有吃中菜了，朋友介紹這間傳統中餐廳，這間店已經開業幾十年，牆壁貼上很多明星相片。每個都是天王巨星好有紀念價值呀！餐牌有很多選擇我們點了幾款小菜。芝士焗美國龍蝦伊麵底芝士醬汁香濃，龍蝦大隻好厚肉伊麵掛上厚厚芝士醬汁好豐富。啫啫雪裏紅芥蘭煲一打開蓋熱辣辣香噴噴啫啫芥蘭煲即刻芬香撲鼻，肉碎蝦乾炒得夠惹味，芥蘭新鮮爽脆。椒鹽白飯魚白飯魚炒得非常乾身，份量也很多炸漿不會過厚，吃下每條都好鬆脆再加上香蒜粒一起吃特別有風味。

昨天要陪家人去佐敦區看醫生，看完就在附近，新新酒樓食個午餐，適逢下午茶時段，點心粉麵飯類，都有特價。新新酒樓，兼具歷史悠久得來，又價錢平民化的酒家，食物質素也不馬虎，如此酒家，真的買少見少。先來一碗燒鵝瀨，只是$23.80，超值抵食，鵝味甘香。香煎腐皮卷，腐皮脆口，粒粒蝦，口感滿足。燒腩仔，份量十足，皮脆肉嫩，超正。香茜叉燒腸，大大塊叉燒粒，腸粉滑溜。山竹牛肉球，啖啖肉，肉質軟滑。香芒布甸，心心相印，味道不會太甜，布甸味適中。