新拱照車仔麵

营业中

休息中

今朝嚟到呢間位於灣仔譚臣道既新拱照車仔麵食早餐，諗住都係一般車仔麵店，點知有d驚喜。店舖門面有d殘舊，入內一試究竟先，揾到一張空枱坐低，攞張紙剔野食，點了油麵，麻辣汁，牛腩，豬腸同埋魷魚，隔一陣碗麵就嚟到，豬腸乾淨無異味，牛腩有濃郁既牛味，魷魚爽脆，油麵軟硬適中，麻辣汁湯底更是十分之啱口味。只係$38蚊，平靚正，整體十分滿意。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚🥚

昨天傍晚有事去灣仔辦，想起很久沒吃車仔麵了，便來到譚臣道的新拱照車仔麵，它在這裏已開業廿多年，依然兀立不倒，相較同一街中多間自己曾幫襯過的老牌食肆如悅香、一品香都早已結業了，真的有點唏噓。 入到店中感覺就像幾年前上次來時一樣，由於早餐只吃了一份三文治，這時早已飢腸轆轆，便快速叫了一客大什會麵，大什會麵包了八款餸料有紅腸丶魚蛋丶牛肚、豬紅、豬大腸、齋、蘿蔔及時菜，湯底選了咖喱汁，。跟車仔麵的標配油麵及加了一杯凍檸茶，相比小什會麵只是粉麵加了底，比較能飽肚一些，正符合我現時的需求。車仔麵的質素比記憶中的水平進步了，以前吃完總會感覺到口渴，明顯是加入了不少味精，但今天的咖喱汁比較清，不是一碗濃厚的咖喱汁，餸料質素都算唔錯，特別是蘿蔔頗清甜、小白菜也保持到鮮嫩，豬大腸及牛肚也處理得很乾淨入了鹵水味，最怕邪惡的豬大腸仍保留著中心那些肥羔，只有兩、三件，今晚就讓自己放縱一次，原件豬大腸啪入口， 讓我一次吃過夠！#譚臣道倖存者

叫咗個三餸車仔麵連凍飲$42，個咖喱汁唔同咗，以前有大量碎蒜、辣椒碎喺入邊，跟住豬扒冇炸過，冇切碎同埋好細塊而且冇骨，豬扒連骨會好食啲，同埋個湯好鹹，墨魚丸好腍身唔彈牙，係得個炸雲吞叫做同以前一樣，呢間嘢由以前譚臣道舊舖直到過嚟呢邊嘅新舖應該都有10年，對上一次食應該係半年前，唔知係咪已經轉咗手，香港飲食業可能真係進入寒冬。行過幾個舖位食pizza冇咁嬲，呢間薄餅店開咗應該都有10年仍然保持到水準。

我係一個喺灣仔返工嘅打工仔，其實早喺七八年前已經有幫襯開，一星期都會買兩次外賣。食物方便其實還好啦。雖然車仔麵選擇唔係特別新穎，但呢個價錢冇投訴。今日特登寫呢個食評因為實在有太多太不愉快嘅事情，相信部份港人選擇唔留港消費都係因為價錢同埋服務態度。一碗麵幾十蚊，價錢當然唔係問題，問題出喺服務態。基本上10間有九間都係咁，尤其是中午繁忙時間。可能有人會諗，咁唔好又幫襯佢咁多年。的確就係因為方便，香港人就係貪方便，或者係冇選擇。我對呢間嘢冇偏見，只係個別員工服務有問題，忍唔住要喺度反映。平時收外賣紙個阿姐已經態度差，行入間舖遞外賣紙俾佢諗住方便唔使佢行，佢會用命令式嘅語氣同你講：出返去。就算你褪到出返去門口，佢會再補多句：落多兩級。心諗，入嚟幫襯你多謝都冇句仲要比起你受，香港人就係衰冇禮貌，樣樣嘢都急同快，俾人印象真係差，尤其呢啲外賣，你呢啡啡求求其其，好似問多佢一句都會死嗰種。入正題，今日又去幫襯外賣，收外賣紙個阿姐一如以往命令式嘅服務態度，喺收外賣嘅時候比錯咗一次我，好心提佢佢換返俾我，心諗實冇死啦，然後返到公司一打開個面先見到又係錯嘅。打返去新拱照同佢反映，問題嚟啦，有個後生少少嘅姐姐

新拱照車仔麵地址：灣仔譚臣道101號係下午茶時段, 食車仔麵有優惠，3餸加飲品只係40蚊。我點了炸雲吞，雞翼，蘿蔔，幼麵加麻辣醬。出品睇落都正常，麻辣醬很香，不過就唔係咁辣。炸雲吞係香脆，浸了湯都不會變淋，個涵就有一小舊肉，算幾好。雞翼有雪味，應該下次再食唔會點。蘿蔔有渣，不過味道都尚可。總括來講，味道普普通通，勝在價錢平宜，係灣仔區開業多年仍然係到有原因的。 如果自己一段時間手緊，都可以一試，但不要期望過高。

如果想快食午餐，又有冷氣嘆；食個車仔麵係個唔錯既選擇👍🏼👍🏼三餸都係$36； 正👍🏼👍🏼👍🏼1）紅腸+墨魚丸+ 牛腩+ 油麵+牛腩汁😍😍😍2）魷魚+ 魚球也不錯3）可樂（加$8）4）伊面加$4+咖哩汁+豬紅+魚餃+腐卷（咖哩汁，辣；我會揀返牛腩汁🤣🤣🤣）車仔麵，真係各有各愛好；又唔會好想試新餸😌🤣🤣🤣呢D係咪叫專一既浪漫？🤣🤣🤣

突然落好大雨衝咗入去避雨順便食埋，之前食過味道一般有得揀都另宛食茶記，點知估佢唔到原來車仔麵都識進步💯💯💯💯💯💯💯餸嘅份量多咗，啲湯終濃味過之前真係湯黎唔再係有小小咸味嘅水🤣🤣🤣🤣🤣但相對價錢好似加咗幾蚊，我唔太記得之前幾錢， 剩係記得本來要找錢有散銀，而家無銀找返黎齊頭$40三餸麵包野飲👌🏻👌🏻👌🏻👌🏻👌🏻👌🏻奶茶無乜茶味同有啲鞋口，7仔嘅樽裝好飲啲😆😆😆😆😆😆

灣仔以前有一間非常之好食嘅車仔麵，佢嘅招牌咖喱魷魚真係好好食，好多雜誌都有訪問，如果去堂食有時會見到明星買外賣拎走。當然價錢都比附近嘅車仔麵貴幾十蚊。因為重建間野已經無咗，唔知佢係搬咗定係唔再做呢？路過見到呢間車仔麵就諗起以前嗰間就衝左入去食，味道一般價錢合理。唔知係咪我敏感定係不嬲都係咁，份量唔算多，我食完都係覺得唔太飽，可能我大食左掛🤷‍♀️相比起其他車仔麵，呢度嘅職員比較有禮貌同乾淨，唔錯✔️

又到咗中午唔知食咩好嘅時間，行勻附近幾間餐廳都爆哂棚，結果行過呢間車仔麵門口，見到人少少就決定入去試下，食完之後覺得係一個驚喜！首先，門口有一位叔叔好親切地招呼門口徘徊嘅人(我諗佢係老闆嚟)，好落力咁叫人入去食~一入到去，發現店內環境好過一般車仔麵檔好多，夠光猛、通道夠闊落，呢一點已經贏得唔少分；再之後填野食，菜單嘅字大大隻，夠哂清楚，成件事真係啱哂我呢啲返工已經好攰、食飯唔想再花費精神睇菜單嘅人！我嗌咗時菜、魚餃同埋豬扒，三餸一米線嘅組合($35)，加$8配一杯凍朱古力(凍熱、汽水同價)，總共盛惠$43！就咁睇，價錢真係好吸引，等我講埋味道先，三個餸都夠入味，配合清清地嘅牛腩汁湯底，味道相當唔錯！野飲方面相對較為失色，可能佢撹得唔夠勻循，令部分朱古力結塊，無溶到落杯野飲度，加上冰塊太多，而且唔係碎冰，所以呢一點要扣少少分，但整體而言，午餐味道評分高；份量方面正常，想食多啲嘅朋友可以嗌多個餸又或者加底！總括嚟講，性價比相當之高，大家經過灣仔譚臣道不妨一試~

疫情下收緊防疫政策，6:00後無堂食，對打工仔來說「無處可食、無啖好食」，外賣回家...不好吃，又不環保，堅持尚食，想吃好一點的又不夠時間，差半小時便夠6:00，所以就揀了車仔麵。這家車仔麵店第一次幫襯，但也應該是最後一次，因為實在沒有特別想重臨的原因。我點了個三餸油麵，有豬腸、牛肚和腐皮卷，加腩油。三至五分鐘就煮好，但麵送上枱有一陣「押」味，不是來自我最愛的豬大腸吧？！感覺中伏。姑且放入口試試，湯底沒什麼，一般車仔麵湯底，加了腩汁也不覺濃，唯一好處是不會太喊。油麵雖沒有鹼水味，但麵質不彈牙，一般。到了豬大腸，吃起來沒有之前的「押」味，和牛肚一樣，軟軟的，味道算合格，但那腐皮卷真的不行，很硬，有點鯹味，不推介。至放份量、價錢方面合理，服務也可以，不過因為好吃的車仔麵還有其他更好的選擇，所以應該不會再光臨了。但如果對食車仔麵沒有特別要求的話也不防一試。

經過呢間野望一望，入邊嗰個唔知係侍應定老闆，如果係侍應老闆就好有福。如果係老闆，慢慢做應該會發達。佢非常之殷勤，係誠懇嗰隻。每次有客喺門口睇佢必然出去傾吓計。30幾蚊係呢個世界應該冇人再會有誠意了。服務值得一讚老友你要加油，湯底要下啲苦工。對唔住其實你買咗30幾蚊面嗰個價錢，已經對得住所有嘢。我評論你希望你好！希望你做大！車仔麵質素已經可以合格。如果以傳統灣仔街市嘅模式，唔食麵可以食腸粉，甜豉油底～油面或粗幼面。最後，有埋甜醬供應。磨合完成。必定大賣！準備開分店如果你走榮記嘅路就做好湯底。當然近來榮記湯底都差左，係事實！

去開灣仔，突然肚餓好想食tea，經過見到呢間車仔面店冇咩人之餘，仲好抵，一於試一試!係傳統既車仔面店既裝修，其實tea果陣都還好，唔會太逼。而且環境又唔會污糟，唔錯!粉面餐:三餸一面 $36包飲品供應時間:7:30-11:30 & 14:30-19:30雞翼 餐肉 牛腩 米線(咖哩汁)+熱華田-鹵水雞翼好香好入味，好大隻-餐肉有啲少，得兩塊-牛腩份量反而多，而且燘得好腍，唔會韌之餘仲要冇渣架，推薦!-咖哩汁好香，好辣。因為有牛腩，所以淋左少少腩汁，湯底味道岩岩好!雞翼 蘿蔔 魚皮餃 米線(咖哩汁)+凍奶茶多奶-蘿蔔入味，份量多，冇渣-魚皮餃得兩舊，有啲少-清湯底加咖哩汁好似淨係得辣味咁，好彩朋友比左啲有腩汁既湯我，加完落去就反而味道唔錯~-凍奶茶沖得幾好，不錯不失

出糧啦Yeah~~~呀媽:。一出糧就變左糧尾。。😭😭😭 so sad..... 糧尾無幾錢，又要食飯咁點好呀，同事突然話不如食車仔麵，我立刻流下感激之涙眼。😭😭😭呢間車仔麵，平時都有幫襯開，流量快，基本上係唔使等位。✌🏻✌🏻✌🏻 一坐低即刻睇下有乜食。。基本上我叫嘅餸都一定會有蘿蔔，加上呢度嘅雲吞皮，同叫多個豬扒（肉）就攪掂。👍🏻👍🏻👍🏻 最低消費係3餸麵，如果想豪啲多叫個餸就加$6，叫飲品就再加$8。。well，糧尾梗，3餸好了。。。😩😩😩蘿蔔好甜，無渣的，而且雲吞皮好脆，不過一來到就要即刻，係即刻撈起佢，擺係塊豬扒上面，唔係會淋晒，豬扒好薄，麻麻地，反而同事啲雞翼好似幾靚(隔離飯香人種😂😂😂)，麵普通。。$32填鉋個肚，你唔會expect 佢好出色吧！唔差已經好好了。😂😂😂😂

每當經過呢間餐廳門口, 都有好多人喺度排隊. 所以我決定試一試呢間餐廳有咩特別好食. 剛巧呢最近呢幾日都落雨, 所以我趁冇咩人排隊專誠入內. 有多款選擇, 價錢你都係灣仔區平均價格. 有食小菜嘅感覺.本人覺得應該同一大班同事過嚟食先至可以更加開心. 咁大家就可以試下不同嘅小菜 .食物質素上冇試出名嘅車仔麵.客飯普通冇再試嘅衝動. 如果一大班同事食飯都 可以一試

個個都番工唔通個個都想番工?番工點都要食飽飽繼續努力工作!!!就行遠小小食番個車仔麵位置位於灣仔譚臣道, 大pizza 後街環境👌圓台加登仔都坐到幾多人,繁忙時間等一等就可以入得去食了食物👌三送車仔麵 $32, 豬紅 X 牛栢葉 X五香肉丁米線豬紅唔會散, 唔會腥牛栢葉夠爽脆, 唔會un 不過湯底偏咸, 但$32 真係會唔會太底食~😱😱