影片
以上资料只供参考，请与餐厅确认详情
昨天傍晚有事去湾仔办，想起很久没吃车仔面了，便来到谭臣道的新拱照车仔面，它在这里已开业廿多年，依然兀立不倒，相较同一街中多间自己曾帮衬过的老牌食肆如悦香、一品香都早已结业了，真的有点唏嘘。 入到店中感觉就像几年前上次来时一样，由于早餐只吃了一份三文治，这时早已饥肠辘辘，便快速叫了一客大什会面，大什会面包了八款𩠌料有红肠丶鱼蛋丶牛肚、猪红、猪大肠、斋、萝卜及时菜，汤底选了咖喱汁，。跟车仔面的标配油面及加了一杯冻柠茶，相比小什会面只是粉面加了底，比较能饱肚一些，正符合我现时的需求。车仔面的质素比记忆中的水平进步了，以前吃完总会感觉到口渴，明显是加入了不少味精，但今天的咖喱汁比较清，不是一碗浓厚的咖喱汁，𩠌料质素都算唔错，特别是萝卜颇清甜、小白菜也保持到鲜嫩，猪大肠及牛肚也处理得很干净入了卤水味，最怕邪恶的猪大肠仍保留著中心那些肥羔，只有两、三件，今晚就让自己放纵一次，原件猪大肠啪入口， 让我一次吃过够！#谭臣道幸存者
继续阅读
叫咗个三𩠌车仔面连冻饮$42，个咖喱汁唔同咗，以前有大量碎蒜、辣椒碎喺入边，跟住猪扒冇炸过，冇切碎同埋好细块而且冇骨，猪扒连骨会好食啲，同埋个汤好咸，墨鱼丸好腍身唔弹牙，系得个炸云吞叫做同以前一样，呢间嘢由以前谭臣道旧舖直到过嚟呢边嘅新舖应该都有10年，对上一次食应该系半年前，唔知系咪已经转咗手，香港饮食业可能真系进入寒冬。行过几个舖位食pizza冇咁嬲，呢间薄饼店开咗应该都有10年仍然保持到水准。
继续阅读
我系一个喺湾仔返工嘅打工仔，其实早喺七八年前已经有帮衬开，一星期都会买两次外卖。食物方便其实还好啦。虽然车仔面选择唔系特别新颖，但呢个价钱冇投诉。今日特登写呢个食评因为实在有太多太不愉快嘅事情，相信部份港人选择唔留港消费都系因为价钱同埋服务态度。一碗面几十蚊，价钱当然唔系问题，问题出喺服务态。基本上10间有九间都系咁，尤其是中午繁忙时间。可能有人会谂，咁唔好又帮衬佢咁多年。的确就系因为方便，香港人就系贪方便，或者系冇选择。我对呢间嘢冇偏见，只系个别员工服务有问题，忍唔住要喺度反映。平时收外卖纸个阿姐已经态度差，行入间舖递外卖纸俾佢谂住方便唔使佢行，佢会用命令式嘅语气同你讲：出返去。就算你褪到出返去门口，佢会再补多句：落多两级。心谂，入嚟帮衬你多谢都冇句仲要比起你受，香港人就系衰冇礼貌，样样嘢都急同快，俾人印象真系差，尤其呢啲外卖，你呢啡啡求求其其，好似问多佢一句都会死𠮶种。入正题，今日又去帮衬外卖，收外卖纸个阿姐一如以往命令式嘅服务态度，喺收外卖嘅时候比错咗一次我，好心提佢佢换返俾我，心谂实冇死啦，然后返到公司一打开个面先见到又系错嘅。打返去新拱照同佢反映，问题嚟啦，有个后生少少嘅姐姐听电话电。我问佢可唔可以叫返收外卖纸𠮶位员工，点知佢一句就话：佢好忙㗎，唔得闲听你电话啊。咁唯有同佢交代啦。点知呢个后生少少嘅姐姐态度极差。同佢表达左比两次我都错，点知不但一句对唔住都冇，仲要同我讲我都有责任去对一次单对返啲食物系冇比错。我同佢讲，咁唔好意思呀系咪我问题而家？比错2次嘢食我都仲要我道歉？之后佢就话，你要明白繁忙时间大家都好忙，坚持咁话你哋客人自己都应该对返食物。我𠮶刻心谂，忙就大晒？自己出错就将责任推喺客人身上，坚持厚面皮唔道歉，又唔建议补救方案，例如返嚟换过面俾你等。你哋可能会谂，好少事啫，咪照食咗佢啰。但我唔系咁谂。一嚟系原则嘅问题，唔可以促成佢哋呢种服务态度系正确，二黎我唔选择去食嘅原因系因为我对佢比错𠮶样食物有敏感。所以最后都系选择行返返去同佢换返个面。点知一去到同佢开口讲，佢就当住所有客人面前拆开我个面同我讲：边度有错啊对返张单冇错㖞。咁我就同佢解释返系因为连张单都错佢先肯换返个面俾我。仲要黎手订支笔同埋外卖单俾我自己填，真系佩服佩服！最后我当然同佢讲，你哋咁嘅服务态度，难怪个个都唔留港消费啦。你哋有问题嘅时候，就净系识得摊大手板问政府攞钱同求救，又唔认真谂吓其实自己边度出咗问题人哋先唔嚟帮衬你。顺风顺水𠮶阵又唔见你益街坊？真心希望政府唔会帮你哋呢啲咁嘅冇品食肆企业。同埋经历今次之后我真系可以忍心唔再帮衬你哋。宁愿小个选择，都唔要受你哋气。虽然咁样做对你哋影响唔大，但真系希望你哋可以自我检讨。
继续阅读
新拱照车仔面地址：湾仔谭臣道101号系下午茶时段, 食车仔面有优惠，3𩠌加饮品只系40蚊。我点了炸云吞，鸡翼，萝卜，幼面加麻辣酱。出品睇落都正常，麻辣酱很香，不过就唔系咁辣。炸云吞系香脆，浸了汤都不会变淋，个涵就有一小旧肉，算几好。鸡翼有雪味，应该下次再食唔会点。萝卜有渣，不过味道都尚可。总括来讲，味道普普通通，胜在价钱平宜，系湾仔区开业多年仍然系到有原因的。 如果自己一段时间手紧，都可以一试，但不要期望过高。
继续阅读
如果想快食午餐，又有冷气叹；食个车仔面系个唔错既选择👍🏼👍🏼三𩠌都系$36； 正👍🏼👍🏼👍🏼1）红肠+墨鱼丸+ 牛腩+ 油面+牛腩汁😍😍😍2）鱿鱼+ 鱼球也不错3）可乐（加$8）4）伊面加$4+咖哩汁+猪红+鱼饺+腐卷（咖哩汁，辣；我会拣返牛腩汁🤣🤣🤣）车仔面，真系各有各爱好；又唔会好想试新𩠌😌🤣🤣🤣呢D系咪叫专一既浪漫？🤣🤣🤣
继续阅读