新志記海鮮飯店 (已結業)

時值冬季，想食鑊氣小炒，網上找到這家，地方亦算就腳，便一行四人來試。此店特色—-冇得book，要等位。當晚就等了兩台。入座要開水洗野，台頭一盤仔咸脆花生，飲品要另叫—-典型本地小菜格局。我們知道此處食物份量不少，量力而為下，叫了以下幾味：避風塘瀨尿蝦味道不錯，殼脆口，肉質不梅，整體水平是高。炒牛仔骨黑椒洋蔥爆炒，夠香夠惹味，咬下去牛味重，不會太肥膩，肉質亦算不錯。炸魷魚也是香口的一味，上菜時夠哂熱，真係好熱氣呀！不過有時咁先正！脆漿比例不離譜，魷魚肉不細件，肉質算嫩。咕嚕肉經典港式小菜，甜甜酸酸，炸得皮脆，肉稍老，配角菠蘿倒也不少。我們此味食剩一點，是因肚子裝不下了。最後送上糖水，味道幾好，也使一餐完滿。味道好，埋單不算太貴，我心想，下次有機會再來吧。

今次夜晚一行4人去這間志記小炒王食飯，味道都可以一般飯館嘅味道，4個人叫了6餸一湯乳鴿x2 生炒糯米飯蟹肉扒豆苗豉汁蒸鱔豉油皇中蝦椒鹽焗肉排海底椰雞腳燉螺頭湯埋單真係嚇了我一跳😨，要$1188 好意頭但就係好L貴🤬果牒豉油皇中蝦要$420 直投係搶錢，這間野永久black list 唔會再幫襯！因為原全冇寫蝦幾錢，仲有碟鱔細細碟要$160 有冇攪錯吖。直投係平民飯店，但酒店收費，十分過份，今次的體驗很差，重来未試過咁差！永遠不會再幫襯的一間飯店🤬🤬🤬

呢度係我本土十大推介之一。基本上如果有外國朋友想食所謂嘅廣東餸，喺九龍區就會嚟呢度。兩個人食咗九百幾蚊。打包都三盒。生炒糯米飯，冇得輸，香口唔油膩，飯粒分明，花生好香，臘肉份量亦都好充足！叫一碗，都食唔晒！油浸筍殼魚，係我嘅至愛，肉質鮮甜，炸到脆口，豉油熟油蔥花，雖然係貴啲，物有所值！金銀蛋白菜，咕嚕肉，蔥油雞，冇走雞！金銀菜豬肺湯，秋冬去補一補啦！仲有阿叔今日心情好好，見我飲得慢，又過嚟幫我不湯，明知我食到飽都暈仲堅持要我哋食埋今日個靚橙，愛死你阿叔！

My sister lives in West Florida. When we visit, it’s all about shrimp and oysters. This is the Cantonese version of the gulf coast oyster and shrimp shack. The hard-fried shrimp are bad ass! Juicy. Eat the shell, suck the head. Enormous (presumably farmed?) oysters are expertly stir-fried with ginger and onion. Super simple, delicious. Just gorge. No rice. Cold beer! Love the crowded, boisterous locals here.

早排天氣凍，特別想食幾樣嘢：羊腩煲、打邊爐、煲仔飯，同埋生炒糯米飯。要搵好食的生炒糯米飯其實幾難，唔係炒得太濕，就係冇咩料。太子的「志記海鮮飯店」係正地鐵出口旁，格局係好舊式的街坊飯店，但原來佢的生炒糯米飯係有名的招牌菜。舊式的海鮮飯店有個共通點，就係菜式分量偏多，所以人少的話，就唔好太貪心點咁多。好彩，佢的糯米飯係可以選一碗（$75）同一碟（$120），如果兩個人食一碗，每人都大約分到兩碗。一睇已知飯炒得乾身，唔會黐到一舊舊，飯亦夠味，加上非常足料的臘腸、蝦米等等，質素果然高。生炒骨（$82）係去傳統飯店必叫菜式，其實我仲未分清楚生炒骨同咕嚕肉分別，不過都係聽聞呢度的生炒骨做得好，就即管試下。生炒骨醬汁呈冶艷的橙紅色，唔會過多或過少，配上青椒、菠蘿、洋蔥等等，未食都覺得賣相好吸引。醬汁酸甜適中，骨的粉漿都唔厚，好食。另一種必吃佐酒佐飯菜式當然係椒鹽九肚魚（$80），條條肥大又完整，唔會甩頭甩骨，炸漿薄薄的，外面微脆，裡面仲好嫩滑，火候恰到好處，就只欠支啤酒。食飽飽伙計叔叔仲送左碗綠豆沙，雖然免費，但都煲到起沙，清甜味道可以沖刷下味蕾，非常滿足。

今日朋友介紹去這間開店已久的老鋪吃中菜，首先點了個川貝琵琶燉鴿湯，一上枱侍應就幫忙分湯，服務細心，天氣十分冷，一喝這個湯即時暖苙苙！之後吃了生炒骨，真是皮脆內嫩，而且那個汁做得非常出色，酸酸甜甜很開胃，即時叫了碗白飯來，再點多個招牌煎壤豆腐送飯，豆腐先經油炸再加特制醬汁，非常Juice最後吃蒜蓉蒸聖瓜剛蒸起熱辣辣好多汁呀！姐姐服務超貼心，第二次加茶的時候把整壺茶葉換了新的茶葉再沖過，總括來講，每碟菜都很大碟，還有酒店級水準！

去227甜棧前，我哋行開呢頭，就入咗嚟呢間飯店食飯。本身自己就已經係好鍾意食海鮮，入到黎梗係要嗌番一碟海鮮先滿足啦，我就叫左大蟶子，豉椒蒸蟶子的確係最夾，有蟶子本身嘅鮮甜味，又有豆豉同豉油嘅鹹香。聖子本身嘅質感10分爽口，食落真係唔錯架。

前幾年一年總有兩~三次來這裏晚飯, 貪其夠鑊氣又好味, 還非常抵食, 近兩年已經冇黎食, 一來餸菜已經唔平, 二來無服務可言, 想加菜, 叫極都冇人應, 再者, 坐得唔舒服, 咁嘅服務同環境仲要加收5%服務費, 比得唔順氣, 索性唔嚟食, 至於今晚為何再來吃？ 因為一班山友飯聚揀左呢度囉, 我這個宅女衹要有人約.....管它吃什麼！去哪裡吃！ 最緊要可以同山友們開開心心、熱熱鬧鬧地吃一餐。大排檔式的圓枱圓凳, 枱拍得密密麻麻的, 我哋十四人坐一張圓枱, 也是坐得密密麻麻的, 仲要攬住個手袋食飯。海底椰雞腳燉螺頭 ($90)足料燉湯, 雞腳燉到骨也化了, 足見夠晒火喉, 湯頭味道也清潤, 不過呢.....飲前一定要撇走燉湯上哪一層油, 頗油膩吓。脆皮炸大腸新志記有兩隻炸大腸, 一款帶肥膏的, 另一款就系我地呢款瘦版, 不帶肥膏, 脆口但乾實, 冇咗食炸大腸嗰種肥美的邪惡, 食味也一般。生炒糯米飯呢度嘅招牌菜, 必叫, 糯米飯炒得乾身唔油膩,米飯粒粒圓潤煙靭, 加埋蛋絲、脆花生、蔥花及臘味粒,  非常香口, 味道亦適中, 唔死鹹。炸子雞 ($340)賣340一隻, 真系一啲都唔平, 喺酒樓

朋友老遠從大澳出來，說想試試新志記。他拿起手機，按按按，向我們展示他的朋友推介的菜式。二話不說，我們就照點了：蝦醬芥蘭炒吊片、炸蝦丸、生炒糯米飯、椒鹽牛仔骨蝦醬芥蘭炒吊片：失望，實在是太鹹太鹹，吊片也不新鮮，我只是吃了一口，便再沒有吃炸蝦丸：也不是想像中好吃，相比起一般泰國菜的炸蝦丸，也比了下去。火候好，可惜不夠彈牙，略嫌鬆散。糯米飯：比較欣賞， 10分足料，啖啖都有蠟味，糯米也是一粒一粒炒開，乾爽不帶油，吃起來沒有太'煙un'，反而像一般的炒飯,吃了兩碗都不覺得膩。椒鹽牛仔骨：香口，味濃。可是牛仔骨的質素一般，本身是雪藏料沒有肉味，肉質被「嗱」到軟林林，加上骨多過肉，以＄100來講，實在唔抵！食咗幾樣野，三個人都未覺得飽，埋單每位＄160 ,淨係糯米飯一碟已經＄120⋯⋯略嫌貴！另外，餐廳環境實在唔適合以一般聲量交談，如果想坐低傾計，就要拎大聲公同隔離位鬥大聲喇！

星期六出去旺角區，一出地鐵超大雨見到一間大排檔式餐廳，門囗細細，有一兩個魚缸擺放海鮮店內裝修比較舊，感覺不太好。牆上貼満手寫餐牌，有燉湯、懐舊菜式，不如試下海底椰准山雞腳燉螺頭燉湯喺原盅上枱，湯味道鮮甜，准山好粉，雞腳好腍，湯有少少油。本人覺得冇加味精薑汁菜芯，菜芯幼嫩，薑汁惹味豉汁豉魚雲，魚雲新鮮唔腥，烹調時間啱啱好，好滑菠蘿生炒骨，生炒骨略肥，個汁太酸，太多茨汁

今日同朋友吹下水又想食飯剛出太子Mtr 就見到間野好懷舊間店咁就入左去1. 鮮魷鑊氣夠但食落佢有d咸不過我地叫左酒飲下溝左酒好味d2. 豆苗好正又多又入味我食左勁多一定要食3. 炒排骨好cute d 肉 其實都幾多骨下但味道真不錯一定食晒4. 糯米飯4個人一個死都要食糯米飯其他3個唔太好我地都好尊重民意最後都叫左都可以接受 因為本人真唔太好下一次就唔想食哈哈5. 個伙計叔叔話叫個什麼招牌炒俾我地話送酒一流最正係花生同X燒全食晒好鬼飽

Wawawawawaaaaa！我哋叫咗個聖子，係超級超級超級肥美嘅聖子！呢個豉椒炒聖子非常之咁入味，肉汁豐富，咬落仲好彈牙添！不過個䜴椒嘅茨就打得有少少太杰，好似thick到好西式餐湯咁😂不過總括黎講真係幾正！

今天來到大排檔風的新志記，我們首先擺下蛋糕，店員十分親切地免費為我們雪藏。然後我們開始点菜。我們要了bb乳鴿，四人一共叫了兩牒，鴿皮脆，肉不算多，但味道可口，咸度合宜，一起也不油然後叫了生炒骨，骨酸，炸得酥脆，醬汁多，份量也十分足椒鹽鮮魷，魷魚相當大條，炸粉薄，但有點不多脆，勝在胡椒粉味香，但感覺偏乾蛋白菜苗，味道偏咸，菜煮得淋身，蛋滑，皮蛋的味道十分香整體而言，味道好，服務也佳，走時店員還向我們介紹買蛋糕的地方，和我們聊天。

長輩一般較喜歡中菜，所以今次也特別挑選舊式中菜館，呢一間幾年前試過，印象已經好深刻，相隔咁多年味道依舊，所以喜歡中菜朋友一定要試。舖頭細細，每張枱放得比較密，而菜式不算花巧，但勝在夠鑊氣又好味。

跟教友開完早會之後, 一起吃午餐, 老教友提議來這一間飯店, 每人點選一個菜 .... 這碟是我點選的 ~秘製口水雞 $45香似平平無奇, 但秘製就是秘製, 第一口咬下去, 便即有火辣爆發的感覺, 然而在麻辣度偏高的烹調下, 也遮蓋不了雞的鮮味, 雞肉嫩滑肉厚, 皮下無脂肪, 肉質細緻, 驗證了師父的能耐 ~本篇完 ~