新志興至尊燒鵝大王

营业中

休息中

早上突然想起電視介紹過的舊居茶樓在彩虹站，但本人就好少去彩虹邨，所以拖到現在才去看下是什麼地方，果然是一間舊式茶樓，出面有個長長的走郎座滿人，上面有個綠色上蓋，因此不會晒和下雨，但是舊茶樓就帶著人情味，因見到有好多食客同D火計姐姐有講有笑，而對於我這個外來人都笑著問我想座邊到，都是習慣座室內有冷氣比較舒服。跟著問我飲什麼茶，等一陣就拿來水仙和一壺水，問我吃什麼，我問她有沒有盅頭飯，可能是太晏所以她說沒有，但有煲仔飯，嘩！早上有煲仔飯$35，所以就試下叫左鳳爪排骨煲仔飯，食時覺得煲仔飯無飯焦，不像在煲內用生米煮，算啦！反正我不吃飯焦。鮮蝦餃$22，蝦很新鮮爽口又大隻不會霉，都算唔錯味道幾好。潮州蒸粉果$17有4隻，內有沙葛、蝦米、韭菜、菜浦、花生，可惜粉果皮無彈牙，而且很乾無汁，不太喜歡。四寶滑雞扎$20，這碟雞扎同平時吃開無什麼分別，一樣有火腿、魚肚、芋頭、雞，芋頭就很粉，魚肚爽口和雞都很大件。茶位$4真是很平，3款點心都比較大件，所以食到很飽，下午餐🥣都無食慳番，嘻嘻！🤪✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨

開頭想食臘味糯米飯，點知冇於是便求其叫咗幾個餸，叫咗個椒鹽九肚魚，一個魚香茄子煲，另外還有個炒飯，最好味算係個魚香茄子煲，因為比較入味，個椒鹽九肚魚都幾硬，一點都唔覺得係鬆脆，個飯就真係炒到一粒粒唔好食囉，同埋佢口感比較硬，當食到尾聲嘅時候因為鋪頭都開始要收舖，夥計都喺度食煙，始終覺得一間餐廳係唔應該可以食煙，不過之後見到有隻大米奇跑過，已經沒有任何食慾了

特登去彩紅村吃飯,發現這間新志興很多人,便坐下一試,這裏是招牌燒鵝,不用多說先叫半隻, 燒鵝上枱半隻不是很大隻,四個人剛好吃得完,皮脆肉嫩 ,比外面賣的多數很鹹, 但這裏的燒鵝不會太鹹和太肥,肉不會太乾,還有自製的酸甜醬,味道剛好,而我比較喜歡吃他們的是 蝦乾魚肚浸時菜好清甜 至於黃金炸鮮魷就, 我本人不太愛吃,是因為他幾 舊魷魚黐埋一舊炸,裏面的粉還是生的,我想可能是他們太忙吧, 因這日真的太多人了, 但我不同意太多人就做出這樣的水準,還有炸豬手,表面香脆,送啤酒一流, 而我睇評論而點的菜,至尊小炒王,有點失望。

-雞煲：好惹味！！ 只可以講 「不能錯過的味道！！」 除咗咁......都唔知點形容好。 椒鹽鮮魷： 炸打香脆，炸嘅過程直頭提升咗鮮魷嘅鮮味。馳名燒鵝： 啖啖肉又夠大隻，比起某間X記更勝一籌咕嚕班塊： 斑塊嘅肉略為淋咗啲。但係可以讚嘅，係隔離嗰個醬汁， 調教到個味道啱啱好！！水煮牛肉： 辣得有道理， 底下嘅薯粉入曬味又爽又好味！！豉油王炒麵： 唯一中規中矩嘅炒麵， 如果可以炒得爽啲、乾身啲，就perfect喇。 __________地址：彩虹龍池徑60號A地下

秋意到，最適合去大排擋粉返幾味，今次就黎到牛池灣村既新志興燒鵝大王。因為本人就麻麻地燒鵝，所以你幾威我都唔食嫁啦。 咁我就叫左個黑椒豬手煲、炸大腸，仲有個魚餅炒豆芽。 黑椒豬手煲有點兒太咸，連食得幾重口味既我都接受唔到，炸大腸比我感覺穫氣唔多夠，果然黎燒鵝大王都係應該食返燒鵝。

上星期收工既時候朋友介紹食呢間大排檔!話大份夾抵食睇睇MENU都真係價錢合埋通常都大約70-80蚊一個小菜所以就黎左彩虹食呢個大排檔既位都幾多下秋冬有煲仔食啦~不過我地想叫飯食小菜所以冇叫到既!第一個上既係椒鹽鮮魷好大碟!!!同埋D味道都岩岩好又唔會太咸啊咁點埋個喼汁PERFECT MATCH~第2個上既係避風塘釀茄子平時食開避風塘茄子唔係釀既釀左有埋魚肉又令到成個口感豐富左!同埋味道濃郁好惹味啊~~係有魚肉架!!!佢層外皮又唔會太厚所有嘢都岩岩好P跟住就上左呢個韭黃炒蛋個蛋都炒得好滑餸飯一流啊最後上既係啫啫雞煲都好足料 幾多雞豬潤大大塊好惹味個醬汁都調得幾好所以配料都入晒味入面仲有洋蔥、西芹呢D索味首選配菜呢個汁都夠食多幾碗飯啊食大排檔緊係要啤啤佢啦~雖然員工好忙有時舉手睇唔到但有主動幫我地加過水仲開左壺茶比我地服務態度都唔錯)))食到好飽 4個人除番開每人都唔洗$100!!絕對會再食!

朋友今日生日邀請我去食佢餐生日飯 ，梗係去啦有一大班朋友見面吹水。 咁我就問佢喺邊度食同有乜嘢好介紹， 佢就同我講喺彩虹地鐵站附近個大排檔，嗰度有間燒鵝好出名叫我去試下。 去到大排檔嗰度周圍都迫滿曬人， 好彩佢訂咗位同埋我哋早到咗如果唔係真係無位食飯 雖然係話大排檔但係佢個地方都算乾淨，一坐低咗大家就開始即刻叫餸， 首先叫咗半隻燒鵝跟住再叫再一隻雞， 仲有就係蠔餅、 大班兩味、椒鹽豬手、 沙爹肥牛粉絲煲、同椒鹽鮮魷 仲有蒜蓉油麥菜 。 燒鵝同埋隻雞都好香好好味大家記得去試下， 椒鹽豬手同大班兩味都可以試下 ，至於蠔餅同埋個沙嗲肥牛粉絲煲一般。 但總括嚟計我都覺得佢好好味地方又方便， 有時間大家就去試下啦。

食過兩次，今次同家人來食，燒鵝真的唔錯皮夠脆😋，推介鼓油蝦好夠味！🦐，條魚🐟時間早左啲肉有小小痴骨，但肉質唔錯，隻蟹好好味🦀，牛仔骨黑椒味啱啱好，整黎講都好好，食物份量唔小，十幾個人都食到好飽！😋🤰🏼

今日同朋友們係牛池灣體育館打波，之後就去醫肚剛好諗到想食燒鵝就去新志興試下，環境黎講就是大排擋風味有露天位置，我們叫左四碟小菜 虎皮尖椒 燒鵝 豉汁蒸倉魚 雜箘一口牛其中最好食當然係燒鵝我們叫了半隻油香同脂肪比例好平均👍倉魚就好新鮮其他兩樣就不失不過，整體黎講下次可以再食

今晚約咗親戚食飯，要求要食呢間，好有香港特色風味嘅大排檔。六點零鐘嚟到室內已經無位，要坐室外， 遇著呢啲落雨嘅天氣， 都幾驚食食下會落雨㗎，好彩差不多食完先開始落😅七個人叫咗個餸菜， 個個食完都捧住個肚走呀🤣例牌燒鵝，賣相又幾靚喎， 我平時好少食燒鵝， 今次都要試下， 味道真係唔錯，唔會太肥，個燒鵝醬好好味。咖哩牛腩， 咖哩味夠香，撈飯一流， 牛腩又煮得夠腍。蒜蓉白菜仔， 白菜仔夠爽甜。欖菜肉鬆四季豆， 平時食呢個菜會覺得好油膩， 呢個又唔會喎。 味道好香好惹味。大班兩味， 兩款都咁好食。一款係走過油，特別香口，另一款係蒸嘅，魚嘅肉質好滑。

小弟同幾個朋友黎到彩虹呢間燒鵝大王食晚飯，因為朋友話呢度既燒鵝好好味，係即燒俾你既😋我地叫左一隻燒鵝，都大碟！d皮真心脆加埋d油脂真係好鬼正☺️d肉又唔會太老，真係幾好味（即燒係唔同d既）大家都係咁食燒鵝😂不過最後都係食唔曬，因為個量都係幾多👍而另外豬手都係令我有驚喜既地方，豬手整得好入味！同埋熟得好透，唔會話入邊熟唔透既感覺，因為咁大隻豬手整到咁，真係幾好味，同埋個黑椒味唔會話太重係岩岩好👏

牛池灣新志興真的臥虎藏龍，在牛池灣徑已多年，今天星期三跑馬日，在新志興有馬看，有洒飲，有煙食，一大樂事。點了招牌燒鵝例牌，有鵝脾，鵝很肥，肉嫩皮趣，不錯。這𥚃小炒王也很受歡迎，有蝦干、魚干，微辣香口，送酒一流！

話說小弟又獲邀請外去晚飯,第一時間我就當然問地點會係邊啦,最終得知係彩虹集合,心想地點幾新鮮就不妨一去，到達彩虹後便跟朋友去到牛池灣街市出口，經佢帶路，穿過昏暗街市一轉彎就聽到熱鬧的人聲,’再入到小店-因為有朋友早到，否則應該都要排隊。癈話少說，是次叫了燒鵝，小炒皇，聖子，八珍豆腐煲，同上湯娃娃菜,通通味道都可以，上菜時間快，唯獨價錢與份量豪不相乎。對於成年人莫講話大食，就算坐低吾食野都覺得份量係比3-5歲的小朋友食咁⋯⋯今時今日收得你60蚊一個清菜的餐廳，要賺錢也不要太盡⋯⋯⋯因爲是次晚餐是4個成年男士，台面上的食物跟本不夠,因為最後多追加了一個清炒苦瓜作尾聲！總括來講,是次用餐是味道OK， 但價錢略貴了一點

早上一家人試完牛池灣新龍城懷舊點心, 即日試埋另一間,因為見到佢門口擺咗好多點心,好吸引, 又因為前一間好多野都冇晒, 唔夠喉...因為時間不多,買了外賣,鵪鶉蛋燒賣$19, 有三粒,很大粒,, 咬下去不會散開晒, 彈牙有口感, 最重要不會重口味, 唔太鹹; 另外買了黑白糯米包, 有三個, 很大粒,比鵪鶉蛋燒賣大一倍!! $17蚊好抵食, 第一次食呢款懷舊點心, 黑白意思是內有黑白糯米, 外皮是黃色, 類似燒賣皮個種, 唔錯, 下次會帶外地朋友來這間試.

文公子都好耐無坐過大牌檔，今晚與朋友一聚於牛池灣村新志興。來到新志興，當然要食燒鵝，今晚叫了$118例牌要上庄，肉鬆骨香，皮帶脂香，水準依然。個蒜蓉炒豆苗，質地就比較粗糙，開季已經唔嫩!仲夠膽收$98貴過好多地方...同前一晚文公子在銅鑼灣太湖的嫩豆苗，真係打邊爐與打pat pat的分別!反而薑蔥蜆芥田雞煲有驚喜，$78大大煲又多田雞腿，食到最尾竟然見到好多蜆芥在煲底，證明斤兩都非常足。食物出品還可以，環境就...今晚要坐街邊，不過最緊要係良朋共聚，一邊吹吹風，一邊吹吹水~人生快事，合該如此~