新德里餐廳

营业中

休息中

這間餐廳我第2次來，今次帶了男朋友來食，嘗試什麼叫好味的印度咖哩食物，我們叫了咖哩雞肉沙律、蒜蓉烤餅、巴辣雞(大辣)、印度炒飯和芒果乳酪啤酒，沙律好辣好好味呀，D飯好鬆軟，埋單都係$210咋，他食完後都話好味，好味過佐敦咖哩屋多多倍，下次會再黎食。p.s.服務員不會成日拾碗碟滋擾客人，傾計都無問題， 離開時連廚房員工都會講88，非常好。

Delhi 讀 "嗲蓮"烤餅Nan 讀 "Lun"食過﹕胡椒餅 - 免費,我唔識欣賞。磨菇印尼炒黃飯 - 我唔識欣賞,飯粒似米粉,無味飯 =___="玫瑰梳打 - 我唔識欣賞。素咖哩角($6一枚) - 好食。芝士烤餅 - 好食,配咖哩汁好味d。新德里秘製羊肉 - 好食,甜味。芒果乳酪(飲品) - 好飲。2個人結算$200.00裡面全部尼泊爾男職員,多香港人食。

呢間店都唔駛點講, 食評一籮籮, 重慶大廈就係佢同7e 並駕齊驅曾經睇一個blog 有人話: 我身體流著咖哩既血....我一樣, 鍾意咖哩講唔到理由, 由細到大就係偏愛, 可能咖哩包含晒甜酸辣, 仲有好多香料帶來既複雜味道趕時間, 衝衝來衝衝去, 就點左個 VINDALOO 咖哩雞飯, 味道豐富複習VINDALOO 係南印咖哩, 橙紅色, 在印度來講算最辣, 如果網上搜尋最辣咖哩或魔鬼咖哩, 非 VINDALOO 莫屬但呢類評價一般都係外國人寫, 對於愛食辣既東方人或東南亞人來講, 呢D 辣唔算勁辣汁夠濃且"杰" , 唔會水水咁, 辣味夠, 有少少薄荷味, 令食後辣味好快就退, 我算好食得辣, 所以對我來講冇燒胃感, 可能呢D就係 VINDALOO 神奇地方汁份量夠, 雞件量合理, 雪雞就肯定, 價錢 $60 包飯, 再潻飯要 $10, 可能因為咁, 原飯量係飯偏少, 而且太軟身係敗筆 我成日想問D 印度哥哥, 究竟印度食一個咁既飯要幾錢, 點解香港食咖哩呢D 全印平民飯要收呢個價

第一次去重慶大廈食咖哩！地點好難搵、要人帶！門口無招牌？第一次去、六個人、乜都叫一d！出菜幾快、熱辣辣！d小食味道ok、但吾算特別！咖哩叫左雞同羊、份糧比想象中小！只係一般！又叫左個炸芝士、吾好食！又點了鐵板燒烤、比較乾、味道一般！總括講價錢ok、餐廳內環境ok 、但外面就吾好！一試無妨、再試就..........

聽朋友介紹過呢間最好食，今晚就有機會勇闖一直都覺得好恐怖的重慶大廈食飯，行到大廈門口已經有好多差差係咁"對"d 卡片過黎話"新德里"..."新德里"~之後我地就行入去問security 新德里響幾樓，佢就即刻叫一位差差帶我地去搭lift。上到3樓的新德里，入到去仲有位揀，埋位點菜，看到menu 上有幾幅圖，心想這應該是推介，於是就點了以下食物：胡椒餅：呢個免費的，薄薄地，好脆好香胡椒味，仲有少少辣辣地，唔錯瑪沙拉燴雞($60)：呢個原來都係咖哩，不過冇辣味，個汁好普通冇乜特別，可以不試蒜茸薄餅($18)：好香蒜茸味，點咖哩汁好食好多新德里特式炒飯($65)：諗起都反胃，因為未食齋聞已經有陣唔知咩味，好想嘔，試左一兩啖就冇食玫瑰乳酪($27)：呢杯野好Flesh，好香花味，不過我飲唔慣隻味，覺得愈飲愈難飲士多啤梨乳酪($27)：味道很淡，像85%水+15%士多啤梨乳酪總括印度菜唔係咁岩我口味，我諗下次有機會再去都係淨食薄餅同咖哩算喇

We didn't have to wait for a long time before being seated which was great.Once we sat down and ordered the food. The samosas came first and then the rest of the food didn't come until 25 mins later. We were pretty hungry then. Anyway, the samosas were small but the taste was OK. The chicken biryani was pretty good but the rogan josh was just average and not worth the price at all. There were only about 8 tiny pieces of lamb. And they charged it for $60 or $65. Is that a joke? This place just

第一次去重慶大廈食咖哩~在無心水下去了這間~~味道都還算ok~~不過咖哩的份量比較少~餐牌炒飯~~味道不錯~重香料味~~飯是長身那種印度米綠色的是波菜芝士~第一次吃這種東西~~很特別~~不過我覺得芝士味道很淡~可能是特色?紅色的是燴雞~不太辣~汁拿來點烤飯好吃~不過雞實在太少了~而且沒有味道也有點鞋芝士烤餅~即叫即造的~拿來點汁吃很好吃~總括而言也算不錯~但味道又不至於難忘

爭客事件簿週日完成OT後，大家本應各自離開，這時有同事起哄說想去重慶大廈吃印度菜，見下午也沒特別事決定相陪一場，誰知.............素知重慶大廈是印巴式食肆的集中地，卻不知踏入門口大堂之時，竟見到多位印度人向我們一擁而上，他們手持單張，並用不太流利的廣東話向我們推銷他們的餐廳，期間還發生一些不愉快的爭拗事件，最後在沒甚麼頭緒之下，最後我們隨意選了最入的一間「新德里」算了。基於上述的事件，我們的興緻意慾不多不少也打了折扣，不過既然已經坐下，也不便打退堂鼓。兩位同事二話不說，立時叫了兩枝細青島，我每次來這些印度餐廳，還是希望來一杯原味Lassi，白色的奶身而略為起泡，濃郁的酸奶之味，不太甜之下很配對我的口味，據知常喝有助消化作用，是一杯健康而美味的凍飲。其實大家也不算太肚餓，決定點一些輕食算了。不計侍應送上作小吃用的薄脆，來這類印度店子，總要點烤餅 ? 其英文名字也易讀 ---- Nann，期間等候需時，不過但當那原味烤餅端上來時，不得不讚其飄來的小麥香氣，原件之下切成夌形狀，趁出爐不久撕開一小後件，其口感十分鬆軟，沾點咖喱汁已是上等美食。打後再來多一款Garlic Nann，固

又係一班朋友相聚的時候啦~ 今次我地選了食印度菜，真係太耐無食啦~這間是其中一位朋友熱推的，所以就來一試~環境裝修不錯的，用藍光點綴，感覺好柔和這兒都幾大下，兩個單位打通的，所以一點都唔會迫，仲有好多枱添食物方面都唔錯ga酸乳酪 - 確實名字，其實不太清楚，不過味道，奶奶地酸酸地，好開胃牛油烤餅 - 夠香，夠軟，夠熱咖喱羊肉角 - 出面無見過，熱辣辣，又香脆，好味道碎菠菜芝士 - 味道ok, 芝士味不太濃，不過口感一pat pat，拌薄餅食是ok的馬沙拉咖喱羊 - 味道不錯，不太辣炸洋蔥 - 味道一般，炸得通透新德里秘製羊肉 - 味道不錯，不辣的，羊肉一點都唔蘇，個汁好creamy鐵板上的雞 - 已忘記佢的名字啦~ 不過雞肉好嫰，好juicy，味道都幾野味

記得多年前有一段時間非常喜歡吃印度咖喱,因喜愛其香料味道濃郁及比巴基斯坦的辣來得更有層次.更是這裡的常客差不多一星期吃上三至四次.直至某一天突然覺得已經吃夠了!上癮的癥狀也像連根拔起,這些年來也再沒有踏足重慶大廈.這天晚上看電影前先找地方吃飯突然就想起了這裡.隔了這麽多年大厦內變得整潔,電梯也已更換過(還是強烈建議不要行後樓梯)打開店門那熟悉的感覺又回來了,除了檯椅的擺放位置有些不同外大致上是沒甚改變.基本上餐牌已印在心中,友人不吃辣便改一改腦海中己預定的食物.落單時交帶了一聲時間有點趕希望能快點上菜.烤五香雞件----十分鐘不到比小吃的薄脆更快出現!醃制過的雞件配合鐵板的熱力所散發的味道確是非常誘人!雞件肉質雖不算嫩滑但醃得非常入味,有輕輕的小茴香的味道.Vindaloo Mutton----應算是印度咖喱種類中最辣,由幾種不同的辣椒粉混合香料煮成,因加入了醋及蒜頭所以味道也比一般較為濃烈得多這個辣度對近年吃慣麻辣的港人來說當然只屬一般(但對很多外國人來說這已是頭痕級別)羊肉保留了點羶味,可以再煮得更軟身的話效果更佳.Chicken Tikka Masala ----主要味道來自香料

第一次去重慶食,由友人介紹呢間,話試過唔錯.....姑且試下新野 4個人,樣樣都可以試下 咩都唔識,所以由友人發板咖喱羊肉角: 一拮好脆,似係0岩0岩炸好,食落唔覺"蘇",但感覺同普通咖喱角無咩分別 芝士烤餅: 呢個好好味,見到有半溶ge 芝士,有芝士又唔會太濃,就咁食已經好好味 咖喱羊肉烤餅: 普通.....羊肉唔多,亦唔係好香不知名雞.....拿黎送烤餅....Match 新德里炒飯....好重香料,有時會咬到,即時反胃 炸奶球....同想像中差好遠...奶味唔多,不過甜甜地都幾好味另外試飲過甜乳酪, 拉奶茶.....d 味道奇怪到唔識形容.....esp 拉奶茶,落左好重香料...係煮野食會落個d 茴香, 香茅咁...... 真係頂唔順

不經不覺師傅都懶左一個星期了, 係時候做番d野喇! 話說早一陣子大隻佬相約師傅飯局, 當然同枱點少得未來大隻嫂呢, 大隻佬話三個人不如去重慶森林食咖哩, 師傅當然欣然答應啦, 皆因有得食仲要係咖哩添, 開正師傅個胃口; 不過師傅就唔知重慶森林有邊間好介紹, 最後大隻佬就揀左呢間食店, 話呢度食評唔錯!去到重慶森林, 真係九曲十三彎, 可幸能夠響朵, 皆因一響朵即刻有專人帶領去到指定專(車立), 唔使亂咁中! 上到食店大隻佬同未來大隻嫂已經到左, 師傅遲到皆因天雨影響, 真係萬二分抱歉! 師傅坐底後, 大家齊齊商量食咩好, 對師傅而言甚麼都可以, 最緊要夠辣; 最後一敢決定柯打左咖喱羊肉角, 一份咖哩羊要大辣, 一份咖哩雞要中辣, 磨菠菜芝士, 再加兩份烤餅!落完單再啤一啤, 吹吹水, 不經不覺就有得食; 而第一道登場的正是咖喱羊肉角, 咖喱角師傅真係食唔少, 但已羊肉做餡料, 印象中還是第一次, 入口發覺咖喱羊肉角炸得好脆, 入口卜卜聲, 仲唔油添, 而咖哩亦夠香, 不過就唔算辣, 加上師傅就食唔出羊肉嘅酥香, 唔講係羊都冇人知! 食晒份咖哩羊肉角後就等左好耐都未有得食, 大隻佬亦前

友人生日，下午玩樂地點都在尖沙咀，所以出發前在OPENRICE 了解一下有咩好食，結果係我們的財政預算下，這間印度餐廳頗多人推介的！經過大家商議後，就決定了勇闖重慶大廈！為免等位(因為本小姐好怕等!)，所以5點半已經開始打電話去訂位了，打到6點終於通了。嘿嘿．．拿著寫了地址的memo 紙，戰戰兢兢地踏入重慶大廈(因為我們仨都是第一次去！)看見很多不同種族的人，因為大多數都是男人，而且十分高大，加上大家是溝通不來的，心裏的確有點害怕。由於我們仨一面「驚恐」，保安員叔叔十分熱情地幫助我們。哈哈!等待升降機時，發現前後的都是香港人，已經開始不怕了！踏入了餐廳，聽到的都是廣東話，看到的都是香港人，好搞笑！點了幾個印度菜﹕烤餅、炒飯、雞、菜其實我頗喜歡吃印度菜，因為本身不太喜歡吃飯，感覺很乏味，所以很喜歡有醬汁的餸菜，印度菜就能滿足我這個需求了印度菜最特別是它的醬汁，跟餸菜十分配合，酸酸辣辣的，很滿意。特別十分喜愛那盆烤餅，十分好吃，記住趁熱食！最緊要的是一定要點汁食！！頗經濟的一餐！推介p.s 服務生都很熱情的款待我們...熱情得令我們有些怕怕

tried Chicken Tikka, one cheese nan and a beer.the chicken was very dry and poor taste, (unlike the one I ate in a local restaurant in Delhi-India few years ago).Spent $103 for one person as dinner. I consider it was expensive due to poor food quality.Will not go again.....

好友為小妹慶祝生辰, 特意來重慶搵食電梯及門面都好舊, 唔係有上Open Rice及朋友介紹, 我倆一定唔會來, 門面太嚇人 7pm來到, 已滿9成, 三吹四請才落到Order 及 2杯水芝士烤餅新鮮熱辣, 既香又軟, 好好味 炸洋蔥圈唔錯, 炸粉內加有黑胡椒, 辣辣地 新德里特色羊醬汁好好, 羊肉又唔羶 蘑菇印度炒黃飯味道唔錯啦~美食滿意, 可措服務超差~印度薯仔沙律又酸又辣, 辣到好友呱呱叫