影片
其实十年都唔会来一次粉岭，因为朋友提议才来。交通方唔方便见仁见智，主要睇你住边啰讲返餐厅系街市入面有冷气，环境算系咁啦！不过食物方面有少少揾笨，任食鸡煲味道都ok，不过啲鸡好似无得再加（我好少食鸡煲所以唔知鸡肉系未有得再添）之后加水打边炉，食物选择好少，几种我钟意食材都无（鸡子、猪润、响铃）主要食材系丸子菜之类，肉类得肥牛，无猪羊肉海鲜限取一次。饮品无限供应嘅不过唔算得上物超所值，优点系无限时我们6点食到9点几至走，住附近嘅朋友普通食饭ok嘅！
继续阅读
昨晚七点到粉岭街市二楼熟食中心新广发食火锅，一行五人叫了秘制好味鸡煲，点了小辣口味，鸡肉鲜嫩够味。拿了肥牛很对版，不是半肥瘦的，也很好味。而有一碟限量海鲜供应，有生蚝和海虾好新鲜美味，亦有种类繁多丸子、水鱿牛柏叶及蔬菜选择，推介是韮菜饺子和皇帝菜，冰筒内有五种啤酒选择和汽水及茶类饮品种类繁多，我拣了纯滑嘉士伯。最后食到肚满肠肥，十点埋单走人，新广发火锅是一个性价比高的火锅店，适宜一家大细或朋友聚会的好地方。👍
继续阅读
$140一位，其实真心冇乜要求，但求唔好太难食、食得饱就算，但系真系对新广发好失望。今日12月17号天气寒冷，街市劲多人打边炉，当时6:30，好不容易有个位置坐低，就叫咗个鸡煲任食。味道： 第一次食鸡煲，鸡肉劲膻，成个汤底都系好重膻味，好难食。 至于啲丸，唔系好食嘅丸啰，有啲味道怪怪地。食物份量： 食物严重不足，可以睇到下边两张相，丸𠮶边已经有啲冇货。至于蚝同埋虾系要拎张单过去每台一份，我哋两个人，俾咗三只蚝，八只虾。坦白讲，味道算系OK嘅，食落都新鲜！ 但系唔知个份量/人头系点计，有啲人多啲有啲人少啲。现场所见嘅海鲜有青口同埋极少量蚬，拎咗5粒之后，就冇再见过。 问过两次，都系话未有。 所以蟹、鱼仔𠮶啲更加唔使旨意有。大约7:15出去想拎啲菜食，大部份都冇… 或者得返几条，无人得闲refill 。调味料方面，有豉油、炸蒜、湿蒜、辣椒、葱、麻油、醋。 湿蒜同埋葱去到𠮶阵已经冇晒，好多人都反映冇调味料，大约等咗15分钟终于有😅环境： 讲真，喺街市食都预咗环境差，有人食烟。 可能现场真系太多人，拎食物嘅位置人山人海，非常迫同污糟。服务： 都系𠮶句，$140/位唔会预有咩服务。加汤、换Gas都系我地自己嚟，呀叔阿姐都好鬼忙。隔篱枱班呀叔都喺度嘈话冇嘢好食，跟住开始食烟😂所以食到咁上下，我地都系决定嗱嗱临走，我谂以后都唔会嚟呢度食。 宁愿比多少少食其他餐厅。 总括而言，我会比3/10分，原因系佢真系平，但基本嘅要求未达到。 或者你好钟意饮啤酒嘅话，呢度有skol 同蓝冰… 否则，真系唔建议你过嚟中伏。以上全部全真心食评，绝非打手。
继续阅读
🥢粉岭 $140全包无限时麻甩任食卜卜蚬煲鲜甜大桶蚝火锅🥢继上次去咗沙田店非常后悔超热34 度爆汗咁打边炉，想起粉岭街市熟食入面都有间分店，上次去隔离舖头食都见到呢一度有蟹等海鲜提供，街市呢啲饮食档口，一定要早去食，因为夜咗咩海鲜都俾人拎晒，今日同样系6:00 星期日到达，有几抵食先🥢潮爆卜卜蚬煲火锅 $140 /位（全包）🥢火锅最平$128 起就可食到任食火锅，包晒任食火锅饮品自取配料，及一碟是日海鲜，，今次好想食卜卜蚬煲，汤底系好多蒜同芫荽的味道，就同澳门的卜卜蚬煲一样，充满蒜香，如果想再蒜味浓啲可以酱料区自取蒜蓉及炸蒜加入，蚬肉粒粒非常饱满肥美，一粒沙所无非常高质🥢是日海鲜上次经过佢地当天提供花蟹，今日变成了大大只桶蚝及大虾，海鲜由是按人头分配，但份量都够晒多，有六只大蚝，只只都好新鲜饱满甜美，虾是新鲜爽弹的口感🥢火锅配料用上经典的红筲箕装住丸类及肉类，可以随便自由取，肥牛味道正常，平时街市买𠮶啲质素咁上下唔会太韧，丸类类别非常多选择，另外钟意蔬菜全部都有洗干净🥢今日提供现包的韭菜饺子同新鲜鱼仔，饺子系用云吞皮薄薄的几滑，满满的韭菜饺香气，另外鱼仔肉质超甜，不过有d 骨，如果识食鱼先至好攞，攞完一转之后就冇见到佢再提供啦，见到一定要攞左先🥢啤酒汽水啤酒有重本日本麦啤超市买都唔平，另外数过共有7款啤酒，喜力𠮶d 都有，仲有大部分汽水茶饮都有，可以一班人畅饮大声倾计都唔怕，而且无限时贪够麻甩熟食市场就系爽🥢钟意呢个卜卜蚬煲的味道就系澳门食只味，价钱经济好多，而且系任饮任食，不过环境系街市熟食，虽然唔太卫生但比其他熟食市场干净，而且有冷气比较舒服，另外每日提供不同的海鲜，就要睇运气当日提供，而且是先到先得，非常建议5:30至6:00过去人流不多而且会比较多海鲜提供📍 新广发 (粉岭)粉岭和满街9号联和墟街市2楼熟食中心CF7号舖
继续阅读
虾蟹 有d人有 有d人无 7点半左右 咩都无。好似熟客先有虾蟹。我地早黎又话无 人地迟黎又有 去问又话无 呃人店舖。大家帮衬真系要谂清楚 选择又少。吾好学人做任食啦 揾人笨。汤底好似清水甘得个色。真系第一次食任食遇到呢个情况
继续阅读