新寶馬茶餐廳小廚

营业中

休息中

今日去坪洲行山，去到坪洲食了一點早餐，我們就出發行山了，山路算易行，上到一指山 風景怡人，沿路在見到海中有 有塊大石頭，好像熊貓在游水，看見遠遠處有一條大橋，相信應該係青馬大橋，沿路看見有個泥氹，好多大大條魚，真的好想捉返屋企食，再行到龍母廟，看見有一個小沙攤，好多人在掘蜆，小朋友掘得好開心，我們也有些衝動想去掘蜆，但是肚餓了快去食飯吧，很快就去到新寶馬餐廳，等了一會，入到餐廳店員叫我哋不要除口罩，等食物嚟到先可以除，防疫做得非常好，我們六個人就點了一個鰻魚飯，一個星洲米，一個焗豬扒飯，一個炒飯 兩件西多士，三個迷你菠蘿包雪糕，鰻魚飯整得好好味，值得一讚就是迷你菠蘿包雪糕，好有特色。

這天是星期一我們去到寧靜的小島坪洲， 由中環坐船去坪洲大約八個字時間。 行完五指山之後落返市集去到這間小店， 佢比我一個感覺 安全性很高，先同我們探熱，然後就提醒我們記得要帶口罩直接食品來到的時候才可以除掉口罩。 點了一個黑椒豬扒飯我先生叫左一個西炒飯食落去黑椒超香好味豬扒好淋。 西炒飯係即叫即炒，炒得香味濃郁。 還有西多士遠遠傳來了香味，未食已經令你口水大流了。 價錢亦都相當便宜，大家有機會去嘅不妨一試， 下次一定要試波羅包雪糕好期待。

去開坪洲拜金花娘娘，諗住去醫肚，行過見到就去試下，我地一行四人，三個人坐低左，先有一個唔知係咪老闆娘既人話，呢度只招待會員著我地離開，咁我地唯有尷尬起身離開。。。當時成間餐廳啲人都望住我地，好似以為我地係帶手帶入去食野咁。但門口無寫只招待會員，只一間茶餐廳做到自己咁高級，真係唔敢幫襯，再番睇open rice 大部分評價都係服務差，今日真係慶幸。

新寶馬茶餐廳小廚 #坪洲❗️好有驚喜嘅茶餐廳❗️得閒難得嚟到坪洲，梗係要睇吓坪洲究竟有咩好食啦，食飽先可以開始行山之旅㗎嘛🤣但原來坪洲啲餐廳大部份下晝都會休息，難得見到呢一間裝修較為獨特，下晝都開，而且都爆曬座，於是試一試，點知好有驚喜喎🤩🤩🤩！鹹牛肉菠蘿包🍞$28呢個算係佢哋嘅賣點之一！香脆嘅菠蘿包包住鹹肉蛋，呢個世界級組合一定冇得輸🥳個菠蘿包仲要烘返熱，脆卜卜，但個皮又唔會一咬就散開晒🤤最好嘅係菠蘿包甜甜地配埋鹹牛肉一齊食非常之夾🥰真心值得一試。味道: 4.3/5性價比: 4/5焗芝士咖喱雞扒飯🍛$58見到呢個邪惡得來較為少見嘅焗飯，即刻忍唔住試🙈新鮮焗完出嚟，芝士拉絲就基本啦，仲要超級香濃💥最最最正係佢個雞肉烘到超級滑溜，外皮仲係脆❗️就連啲伴菜嘅洋蔥番茄青椒到烤到微脆‼️咖喱算係高質港式咖喱，辣辣地少許椰汁味，非常惹味🤤廚師亦非常用心，每一粒焗飯都包住咖喱😋😋而唔係好似平時見開啲焗豬飯咁，只係面頭有番茄醬，仲要係炒底，係一個好高質嘅焗飯！味道: 4.5/5性價比: 4.2/5冇諗過求其揀一間茶餐廳食都咁高質！真心好味❤️而且餐廳職員仲非常有禮貌，因為當日好多人等，有時需要客人調一調位遷就

先先講等！係該餐廳指定動作！一般餐廳應有招呼也欠奉（茶水）；牆上播著該餐廳招牌菜式，（星州炒米）粉量正常，除左炒得乾身之外，配料少，味道單一，應有水準欠奉；粟米魚柳，魚柳炸得很乾身，應該返炸再返炸，炸粉漿好厚身，喜歡粉漿厚實朋友，不能錯過！食物其次，服務態度真係令人難忘。先先因食物遲遲未有（已有10分鐘以上），友人問我叫左d咩，我話星洲炒米（純粹朋友對答）；點知，大媽老板娘（懷疑係）竊聽技倆神級一樣，立刻話我地逐碟炒架（當然啦，在場得3枱客），然後話趕時間我都冇辦法，作為食客當然唔會再多言，點知，立即同廚房話個客催，好耐都未有，唔夠2分鐘，又同廚房話，又催啦⋯⋯（呆左佢自問自答幻聽舉動，一直都冇人同佢正面申訴過）之後再話，趕時間唔好入黎泙洲...正常食客冇可能接受到咁態度，態度差先真正係該餐廳招牌菜。一定唔會再有下次

今日同屋企人去坪洲行下放鬆一下，坪洲雖然不大，但在坪洲碼頭附近有好多餐廳同飯店可以選擇，咁我同屋企人求其搵左一間茶餐廳，諗住上船前食一食野。當入到尼間餐廳時，我同屋企人就搵左一個卡位坐低，舉手想落order 時。有一位女服務員（可能係老闆）就話 「要自己出黎尼邊order 」。咁我都冇所謂就行左過去order左四樣野。唔係等左好耐，野食就黎先。但女服務員個態度完全係無法理解🙄🙄 佢送餐時，好快手pat 我呀媽碟飯 pat 果陣仲飛左啲配菜出黎🌚🌚 仲要冇講唔好意思，好理所當然咁。我覺得正常一位食客或者普通人都接受唔到尼種態度，我唔清楚佢當日嘅心情，但至少當日冇咩客人，成個場得我同屋企人 同 兩位客人。係食物方面，並非特別好食，我叫左炸雞翼同薯條。食果陣，有一隻雞翼係凍 應該炸左一段時間食第二隻，入面仲要係未熟 我就立即同果位女服務員講 ，佢答一句「哦，係咩」之後就冇左件事尼間餐廳無論係食物方面，服務方面 都完全唔係一間餐廳正常有嘅表現。唔怪得知，入面得兩枱客，我相信尼間餐廳個名已經係坪洲臭晒。

室外有兩個位俾人坐黎食野，我去左坪洲3次，有2次都見到人係出面食野。我前日黎想坐出面，坐左陣都冇人俾水俾menu，甘我自己睇完menu入去叫野食，點知個女侍應就話出面吾開放，叫我嗌外賣第二度食! 佢明明見到有人坐出面都吾出聲，佢又冇寫吾開放!浪費我時間。d野吾好食冇試過甘嬲 第一次寫食評就因為佢，多謝晒!!!!!!!!!!!!

這天，與契爺契媽一家到某個島渡假，途經坪洲，去了大街搵食。契爺一馬當先，走入了一間裝潢較為光鮮亮麗的茶記。作為後輩，只能順從長輩之意。茶記以四人枱為主，我們分枱而坐。常餐$38，契爺要了豬扒米、煎雙蛋、鮮油菠蘿包（+$4），配熱咖啡。契媽與小妹，肚子不太餓，要一個常餐就夠了。契媽吃沙嗲牛肉福麵，小妹就獨吃火腿奄列和鮮油菠蘿包（+$4），以及凍檸茶。奄列和菠蘿包水準之作，前者香嫩細滑，後者香脆好吃，出乎意料之佳作！

週日來到坪州，冇乜舖頭開，見新寶馬滿座，裝修別緻，餐牌款式多，所以試試。點了咖喱豬扒撈麵及蕃笳牛肉通，加多杯凍檸茶。等了一陣，兩碟一齊上，一黃一紅，醬汁好多。咖哩微辣，夠惹味；蕃茄醬濃，牛肉多亦夠牛肉味。熱辣辣的送上，絕對即叫即做。有心的小店，難怪一店都是食客。

我order 咗個食湯粉麵套餐。最初叫了魚片麵，話冇魚片；之後叫了個墨魚丸麵，又話冇墨魚丸；又叫了個牛旦麵，又話冇；只有牛丸和貢丸。態度好似欠咗佢。沒有下一次！另外，就沒有套餐，所有飲品另外加錢！

今日去食晏，我地坐正個風口位，冷氣大開，吹正，阿女凍到打冷顫，我地好聲好氣叫佢地較細少少冷氣，店員又話唔較，調位又話又位，叫佢跟下食物快d到等我地可以快點食完快點走，佢又話廚房多單，係咁架喇，叫極都唔郁，淨係企係度，服務態度超差，食物質素又一般，新年期間又話要加價100%，仲要比貴一倍受佢氣，真係食到一肚氣😡😡😡千其唔好再去，重要既事情要講三次，千其唔好再去，千其唔好再去，千其唔好再去，講完。

同朋友去左坪洲行下肚餓想食個tea見到menu有菠蘿包就入左去呢個咸牛肉菠蘿包不論係蛋定咸牛肉都好足料食落去菠蘿皮都算脆個包暖暖地同好鬆軟咸牛肉夠咸而蛋份量夠足夠去中和番個咸味令到成件事好惹味

閒來無事的情況下, 想去東平洲但起不了那麼早的床變成"坪洲"!在打完大風過後來的小島, 某些海岸邊及一部份農田遭受嚴重破壞, 很多地方(郊遊徑)還在等待維修或清理垃圾, 步行大概差不多個多小時已經全島遊畢, 中間的一條大街係主軸, 兩旁商店都只是賣日常用品, 唔似得那些大島般只賣那些針對國內遊客的貴價花膠, 海味之類的,    店內似新裝修的,籃色外牆相當醒目重有戶外位添, 內裡冷氣相當大, 叫咗一個常餐同星米,常餐嘅麵有幾條生菜, 實在感動, 市區大部份已經連條菜都被扣掉了, 而星米碟頭大之餘用的蝦仁居然有蝦味,又是另一感動位, 這是否因為在離島,老闆們沒有外面世界的壓力, 用料都闊綽(大方)一點? 我唔清楚但下次有機會再來, 會試晚飯?!機會大!

支持一下local 店, 第一次入到黎坪洲白撞有驚喜, 3個人叫咗兩個二人晚餐, 因為餐入面個炸子雞好好食,  未食過d 肉咁嫩滑, 平時就算酒樓食都好"鞋", 其他小菜都唔錯但係最值得一提都係隻炸子雞, 真係好驚喜, 另外熱奶茶用隻預熱ge 杯都好細心, 第一次見其實入到黎坪洲都係想遠離城市生活, 平時對住一堆連鎖餐廳, 都好想搵到一 d 有心ge local餐廳, 下次會再黎, 希望keep 住個水準

今日假期入坪洲，行完山揾野食，食物都好食，但服務非常有禮貌，假期一定多人，但侍應仍保持良好態度，其實好過今早入左名為好食的"祺森XX"……唔會再去或吹棒，而這間一定會再去