新宿光来

营业中

休息中

今晚冇之前咁熱，決定食拉麵！發現中環有新嘢+東京有的+唔洗爬好耐山，即刻去！嘩...星期五晚竟然一個客都冇！新得滯定個市真係咁差？！裏面其實都唔細，個裝修幾高級，啲用料幾靚。大部分係坐bar 檯高櫈。啲冷氣好勁。可能得我一個人，好好招呼，雖然我就唔太需要嘅。俾我見到廚房有人食煙喎... 好在就唔係對住個爐食嘅😂 貼住個度門食啫。等咗一輪見廚師冇郁，淨係見佢用細煲煲緊湯。唔知咩事。原來餃子係裏面廚房整出黎。上曬餃子個麵先會到。餃子有4隻。餡唔算多，但個皮係恰到好處嘅薄。上面塊kimchi 估唔到幾好味，同個餃子好夾，結果完全冇點過醋。佢俾咗幾塊煙薰大根我試吓。幾香煙薰味。好味又爽口，唔錯。N年豚骨拉麵(幼麵): 估唔到咁多種配料！南瓜片好似係第一次食拉麵見到，原來都襯喎！個湯底浸味好熟悉，令我諗起出前一丁豬骨濃湯麵個湯底🤣 但佢好在唔油，濃味得黎又唔杰，佢個麵又唔係滑潺潺嗰隻，食得好舒服。豚肉得兩細薄塊，都肥嘅。雞卷我唔欣賞，覺得同個豬骨湯底唔夾。隻雲吞皮薄餡靚，本身係好味嘅，但我覺得都係同個豬骨湯底唔夾。隻蛋香嘅，但出奇地淋，係個蛋白淋。總結：呢個價錢我覺得幾好喎。想食清少少嘅豬骨時可

夜晚嚟到，話雞清湯賣晒，要夜啲先會再有。所以叫一個豚骨湯拉麵、雞白湯拉麵、餃子。先上前菜$98雞白湯拉麵（明明叫左走蔥，但都比左蔥，算）先飲湯，好咸…..😓😓😓食麵，成餅麵痴到好實，好難先分得開。第一次食拉麵係咁，好離奇。服務：奇差。主要係一個女侍應做晒成場樓面，佢本身服務態度同語氣都已經唔係咁好。我地落單無寫枱號，因我地唔係坐bar枱，完全見唔到邊度有枱號，佢就比返張紙我地叫我地自己寫返xx號同xx號。第一，你地本身設計寫得唔清楚（我到最後都見唔到邊度有寫枱號）。第二，個客無寫到 你係咪可以幫返佢寫呢？我都廢事同佢嘈。然後我地目擊住：有兩個韓國客人用英文問女侍應問題，但佢哋想食嘅嘢賣晒，所以佢地再個女侍應問有冇Menu咁，最後終於搞掂。之後個女侍應好大聲咁喺個客用中文話佢哋英文唔好。擺明係蝦人哋唔識聽中文，喺個客面前講人壞話。勁衰！環境：食到最後突然勁多水由天花板滴到個身度😑😑😑即走總結：無下次，伏到爆。

服務員超級友好，地方都很闊落，個雞肉串簡直冇得頂！個麵份量十足，同日本版本差不多，加了那個雲耳水餃，份量十足男仔食一定很飽肚。下午再嘆吓幾杯Sake簡直一流，喺中環嚟講價錢簡直潮超值！佢夜晚會做Omakase在最後尾嘅環節會有拉麵，下一次會試吓！

新餐廳 試一試個雞白湯拉麵 , 湯都算ok嘅 雞肉卷同肥叉就正常 蛋雖然整得好淋 但蛋黃部分賣相一般 少少overcook ,餃子都係一般 麵體就相對特別 粗麵質地係我冇食過嘅 ,小食部分 雞肉棒蘸蛋黃 好正 還可進步 🔥🔥🔥🔥 #拉麵 #新宿光來